19-20-mavzu Ko'pyoqliklarning yoyilmalari 8-sinf - Черчение - Презентации

Информация о документе

Цена	4000UZS
Размер	1,019.2KB
Покупки	0
Дата загрузки	28 Сентябрь 2022
Расширение	ppt
Раздел	Презентации
Предмет	Черчение

19-20-mavzu Ko'pyoqliklarning yoyilmalari 8-sinf

Купить

8-sinf chizmachilik darsligi asosida 19-20-mavzu:

Televizor, tort kabilarni tashishda foydalaniladigan qutilar turli yupqa ma terial, qalin qog'oz (karton), tunuka kabilardan konstruksiyalanadi. Qutilarni yasashdan oldin tekislikdagi yoyilmalari chizib olinadi va ular buklash, qirqish, yelimlash, payvandlash usullarida bajariladi. Quyida ko'pyoqliklarning sirtlarini tekislikka yoyishni va ularning modellarini konstruksiyalashni o'rganamiz.

Ma'lumki, kub sirti oltita o'zaro teng kvadratlardan tashkil topgan. Uning sirtini tekislikka yoyish uchun 18.3-chizma, b dagi tomoni a kvadratning bir qatorga to'rttasini chizib olamiz va bittasining ustida hamda ostida yana a ga teng kvadratlarni qo'shib chizamiz (19.1-chizma, a).

Endi uning modelini konstruksiyalashdan oldin ikki nuqtali shtrix- punktir chiziqlarda chizilgan, buklanadigan qirralar o'rni o'tmas tig' bilan ohista qirqilib ketmaydigan tarzda ezib chiqamiz. Shunda bu qirralar oson va silliq buklanadi. Qirqilgan joylami birlashtirish oson bo'lishi uchun ularga ingichka tasma kabi joylar qo'shib chiziladi. Bu tasmalar yordamida kub yoqlari ichki tomoniga yelimda yopishti-rib chiqiladi (19.1-chizma, b). Parallelepiped va prizmalarning yon sirtlari kub kabi yoyiladi va modellari konstruksiyalanadi. 19.2-chizma, a, b da ularning yoyilmalari berildi. Modellarini konstruksiyalash o'quvchilarga havola qilinadi.

Texnikada barcha aylanma harakatlar aylanish silindri yordamida bajariladi. Aylanish sirtlari, silindr, konus, shar (sfera) to'g'ri va egri chiziqning qo'zg'almas o'qi atrofida aylanishidan hosil bo'lishi 20.1-chizmada tasvirlangan. To'g'ri chiziqlar silindr va konus yasovchilari deyiladi, sferadagi egri (aylana yoki yarimaylana) chiziq meridianlarni hosil qiladi. Silindr . Texnikada xilma - xil ko ' rinishda uchraydigan silindr texnik detallarning asosini tashkil qiladi . Har qanday aylanma harakat silindr orqali amalga oshiriladi.

Silindr 20.2-chizma, a dagidek proyeksiyalar tekisliklari tizimiga joylashtirilgan bo'lsa, uning H dagi proyeksiyasi aylana, V va W dagi proyeksiyalari bir xil to'g'ri to'rtburchak ko'rinishida tasvirlanadi. Silindr 20.3-chizma, a dagidek joylashgan bo'lsa, uning V dagi proyeksiyasi aylana, H va W dagi proyeksiyalari to'g'ri to'rtburchak ko'rinishida chiziladi. Agar silindmi W ga perpendikular joylashtirilsa, uning W dagi proyeksiyasi aylana, H va V dagi proyeksiyalari to'g'ri to'rtburchak ko'rinishida tasvirlanadi. Silindr hamma holatda ham faqat ikkita - d diametr va h balandlikka ega bo'ladi.

Konus. Konus ham silindr kabi texnik detallarda juda ko'p tatbiq etiladi. Konusning uchi kesilgan bo'lsa, kesik konus (20.6-chizma) deyiladi. Konus 20.4-chizma, a dagidek proyeksiyalar tekisliklari tizimida joylashgan bo'lsa, H tekisligida aylana, V va W tekisliklarida uchburchak ko'rinishida chiziladi. Konus ham ikkita o'lchamga - d diametr va h balandlikka ega. Shar (sfera). U texnikada yumalash podshipniklarida qo'llaniladi. Sfera yum-yumaloq sirt bo'lgani uchun hamma tekisliklarda o'ziga teng aylana ko'rini shida proyeksiyalanadi (20.5-chizma, a). Shaming bitta o'lchami bo'ladi, lekin o'lcham soni oldiga «sfera» so'zi yoziladi. Masalan, 20.5-chizma, b dagidek «Sfera 04O». Shar sirt maydoni eng kam bo'lgan geometrik (sferik) figura

Chizmachilikda qabul qilingan shartli belgilarni qo'llab, silindr va konuslarni bitta proyeksiyada tasvirlasa ham bo'ladi (20.7- chizma). Piramida. Misr ehromlari shaklan asosi to'g'ri burchakli (kvadrat) piramidalarda bunyod etilgan. Piramida har xil: uchburchakli, to'rtburchakli, besh-burchakli, oltiburchakli asosga ega bo'lgan muntazam ko'pyoqliklarga kiradi. Asosi kvadrat piramida 20.8-chizmadagidek proyeksiyalar tizimiga joylashtirilsa, H tekisligiga kvadrat, boshqa tekisliklarga uchburchak ko'rinishida proyeksiyalanadi.

20.7-chizma. 20.8-chizma.

H dagi kvadratning burchaklari orqali o'tgan diagonallari piramida uchi bilan tutashgan qirralarining gorizontal proyeksiyalari hisoblanadi. Piramidaning yoqlari o'zaro kesishganda hosil bo'lgan joylari (chiziqlar) qirralari, qirralari orasidagi tekis joylar (uchburchak va asosining shakliga qarab ko'pburchak) yoqlar, qirralari o'zaro kesishgan joy (nuqta) uchlari deyiladi.

Купить