Kirish Roʻyxatdan oʻtish

Docx

  • Referatlar
  • Diplom ishlar
  • Boshqa
    • Slaydlar
    • Referatlar
    • Kurs ishlari
    • Diplom ishlar
    • Dissertatsiyalar
    • Dars ishlanmalar
    • Infografika
    • Kitoblar
    • Testlar

Dokument ma'lumotlari

Narxi 4000UZS
Hajmi 1.3MB
Xaridlar 0
Yuklab olingan sana 20 May 2022
Kengaytma ppt
Bo'lim Slaydlar
Fan Tasviriy san'at

Sotuvchi

Bohodir Jalolov

«Adabiy asar qahramoni» mavzusida portret – illustratsiya ishlash 5 - sinf

Sotib olish
5-sinf tasviriy san’at darsligi asosida 31-mavzu: « Adabiy asar qahramoni » mavzusida portret – illustratsiya ishlash Mavzular bo‘yicha kompozitsiyalar tuzishda adabiy asarlarga illustratsiyalar ishlash jarayonida bolalar ertak, hikoya, masal, doston qahramonlarining obrazlarini o‘z rasmlarida ifodalashga harakat qiladilar. Bu ishlar bevosita kitob bezagi bilan bog‘liq holda olib boriladi. Ularning ayrimlari miniatura rangtasviri uslubida bajarilishi ham mumkin. Rassomlar tomonidan kitoblarga ishlangan illustratsiya va bezaklar kitob mazmunini aniqroq hamda tezroq tushunib olishga yordam beradi. Qadimgi vaqtlarda kitobni bezashga alohida e’tibor qaratilgan. Miniaturachilardan, ayniqsa, Kamoliddin Behzod, Sulton Muhammad, Qosim Ali, Mahmud Muzahhib, Muhammad Murod Samarqandiylar bu borada katta shuhrat qozonganlar. XX asrning ikkinchi yarmida O‘zbekistonda kitoblarni badiiy bezashda I. Ikromov, V. Kedrin, M. Reyx, A. Osheyko, Q. Basharov, I. Kiriakidi, T. Muhamedov va boshqa rassomlar san’atning milliy badiiy an’analarini davom ettirib, katta yutuqlarni qo‘lga kiritdilar. San’atning grafika turida muvaffaqiyatli ishlangan asarlardan biri – Qutlug‘ Basharovning « O‘zbek milliy o‘yinlari » deb nomlanadi. O‘z vaqtida Iskandar Ikromov tomonidan A.Navoiyning « Lirika » nomli to‘rt tomlik to‘plamiga ishlagan rasmlari rassom ijodining gullagan davrida yaratilgan ishlaridan hisoblanadi. Illustratsiya kitob mazmuni bilan bog‘liq bo‘lib, uni tushunarli bo‘lishiga xizmat qiladigan rasmdir. Illyustrativ rasm ishlash darslari adabiyot darslari bilan o‘zaro aloqada amalga oshiriladi. Illustratsiya ishlashga kirishishdan avval rassom asarni yaxshilab o‘rganib chiqishi, asardagi voqea sodir bo‘layotgan davrga doir materiallarni to‘plashi, o‘sha davr odamlarining madaniyati va turmushini, mamlakat tabiatini bilib olishi kerak bo‘ladi. G‘afur G‘ulomning «Shum bola» asaridagi shum bola obrazi adabiy asar qahramoni sifatida olinib, unga illustratsiyalar ishlangan. Rasmlarda ko‘rib turganingizdek, bu illustratsiyalar bevosita kitob bezagi mazmuni bilan bog‘liq holda olib borilgan. Asardagi qiziqarli voqea, hodisalar tanlab olinib, ularga mos eskizlar chizilgan. Ushbu rasmlarda shum bolaning onasidan yashirincha xumdan yog‘ va hovlisidagi tovuqlarning tuxumidan olib ko‘chaga chiqib ketayotgan vaqtida onasi uni ko‘rib qolib, koyiyotgani tasvirlangan. Keyingi holatlarda shum bolaning o‘z qilmishidan qo‘rqib turgani, begonalarning uyiga kirib qolib, tandirning ichida yashirinib o‘tirgani va o‘zining qilgan shumligidan sevinayotgani, qolaversa, domlaning shum bolaga nasihat qilayotgan holatiga eskiz ishlangan. Asar qahramoni obrazining tashqi ko‘rinishlari, xatti-harakatlarida kambag‘al, qashshoq, mehmondo‘st, sodda ekanligini ko‘rishimiz mumkin. Shundan so‘ng turli variantlarda ishlangan ushbu dostonlarga asoslangan kompozitsiyalarni yordam tariqasida « Alpomish », « Go‘ro‘g‘li », « Avazxon », « J.Manguberdi » kabilarning alohida tasvirlangan illustratsiyalari berilishi mumkin. Asarga ishlangan illustratsiya kompozitsiyasini tuzishda turli xil illustratsiya rasmlaridan foydalanib, qalamda eskizi bajariladi. Qalamda bajarilgan eskizni birma-bir kuzatib, xatolari tuzatiladi.
Sotib olish
  • O'xshash dokumentlar

  • Tasviriy san‘at va chizmachilik o‘qituvchisi. Attestatsiyasi uchun test savollari to‘plami (2025–2026)
  • Faxriy yorliq
  • Maktab maslahatchisi savollari javoblari bilan
  • Argos
  • Chingiz Ahmarov asaridan nusxa ko’chirish

Xaridni tasdiqlang

Ha Yo'q

© Copyright 2019-2026.

  • Balansdan chiqarish bo'yicha ko'rsatmalar
  • Biz bilan aloqa
  • Saytdan foydalanish yuriqnomasi
  • Fayl yuklash yuriqnomasi
  • Русский