Насос станцияси бинолари турлари. Чуқурлаштирилган насос станцияси бинолари - Мелиорация - Презентации

Информация о документе

Цена	3000UZS
Размер	645.9KB
Покупки	0
Дата загрузки	03 Июнь 2023
Расширение	pptx
Раздел	Презентации
Предмет	Мелиорация

Насос станцияси бинолари турлари. Чуқурлаштирилган насос станцияси бинолари

Купить

Насос станцияси бинолари турлари. Чуқурлаштирилган насос станцияси бинолари

Очиқ сув манбаълари сатҳларининг ўзгариб туриши, насослар сўриш қобилияти(баладлиги)дан катта бўлса, насос станцияси минимал сув сатҳларидан пастга жойлаштирилади. Шунинг учун бу турдаги станциялар чуқурлаштирилган насос станциялар дейилади. Чуқурлаштирилган насос станцияси биноси, ер ости ва ер усти қисмларга бўлинади. Ер ости қисмининг конструкциясига нисбатан, станция биноси камерали ва блокли турларга бўлинади.

1. Камерали насос станциялари биноси. Камерали турдаги насос станциялари «қуруқ камерали» (1 ва 2-расмлар) ва «ҳўл камера ли» (3 ва 4-расмлар) станцияларга бўлинади. Камерали насос станциясининг ер ости қисмига насослар жойлаштирилиши (қуруқ камерали) ёки сув қабул қилиниши (ҳўл камерали) мумкин. Камеранинг асоси яхлит темир- бетон плитадан иборат бўлади.

1-расм. Сув олиш иншооти билан биргаликда қурилган қуруқ камерали чуқурлаштирлган насос станцияси биноси: 1-сув олиш иншооти; 2-сўрувчи қувурлар; 3- марказдан қочма насос; 4-босимли қувурлар; 5-станциянинг ер ости (қуруқ камерали) қисми; 6-станциянинг ер усти қисми ;

2-расм. Сув олиш иншоотидан алоҳида қурилган қуруқ камерали чуқурлаштирилган насос станцияси биноси: 1-сув олиш иншооти; 2-сўрувчи қувурлар; 3-насослар; 4- босимли қувур-лар; 5-станциянинг ер ости (камерали) қисми;6-станциянинг ер усти қисми;

Қуруқ камерали насос станцияси биноси сув олиш иншооти билан биргаликда (1-расм) ёки ундан алоҳида қурилиши мумкин (2-расм). Иккала ҳолатда ҳам сув насосларга сўриш қувурлари орқали узатилади. Қуруқ камерали ёки қуруқ хонали насос станциялари учун ҳоҳлаган турдаги насосни танлаш мумкин. Ҳўл камерали станциялар учун эса, ўқий ёки чуқурликда ишлайдиган марказдан қочма насослардан фойдаланилади.

Ҳўл камерали насос станциялари кўпинча сув олиш иншооти билан биргаликда қурилади. Бундай ҳолатда насос агрегатлари, камера юқорисидаги қуруқ хонага (3-расм) ёки камеранинг ўзига (4-расм) жойлаштирилади.

3-расм. Агрегатлари камера юқорисидаги қуруқ, хонага жойлаштирилган ҳўл камерали насос станцияси биноси. 1-сув олиш иншооти; 2-ҳўл камера; 3-сўриш қувурлари; 4- ўтиш қувури; 5-вертикал жойлашган марказдан қочма насос; 6-босимли қувурлар; 7-вал; 8-насос жойлаштирилган қуруқ хона; 9-электродвигатель; 10- станциянинг ер усти қисми.

4-расм. Агрегатлари ҳўл камеранинг ўзига жойлаштирилган насос станцияси биноси: 1-сув олиш иншооти; 2-ҳўл камера; 3-сўриш қувурлари; 4-ўқий насос; 5-босимли қувурлар; 6-электродвигател; 7-станциянинг ер усти қисми;

2. Блокли насос станциялари бинолари. Чуқурлаштирилган блокли турдаги насос станцияларига кучли, вертикал, марказдан қочма ёки ўқий насослар ўрнатилади. Бу насослар иш ғилдирагига сув бир томонлама, мураккаб шаклда эгилган сўриш қувурлари орқали узатилади. Узатиш қувури яхлит бетон плиталар орасига жойлашган бўлиб, бинонинг ер ости қисмини ташкил қилади. Бу турдаги бино одатда сув олиш иншооти билан биргаликда қурилади. (5-расм).

5-расм. Чуқурлаштирилган блокли насос станцияси биноси: 1-сув олиш иншооти; 2-узатиш қувурлари; 3-насос; 4-босим қувурлари; 5-электродвигател; 6-станциянинг ер усти қисми.

Купить