Sug‘urta bozori va uni davlat tomonidan tartibga solish - Iqtisodiyot - Dars ishlanmalar

Dokument ma'lumotlari

Narxi	10000UZS
Hajmi	1.1MB
Xaridlar	0
Yuklab olingan sana	06 Mart 2025
Kengaytma	pptx
Bo'lim	Dars ishlanmalar
Fan	Iqtisodiyot

Sotuvchi

Nozimov Eldor Anvarovich

Ro'yxatga olish sanasi 06 Mart 2025

2 Sotish

Sug‘urta bozori va uni davlat tomonidan tartibga solish

Sotib olish

S UG‘URTA BOZORI VA UNI
DAVLAT TOMONIDAN
TARTIBGA SOLISH

Reja:
•
Sug‘urta bozori tushunchasi va uning ishtirokchilari.
•
Sug‘urta bozorining turlari va ularga umumiy tavsifnoma.
•
Sug‘urta bozori infratuzilmasining sug‘urta bozori rivojlanishidagi ahamiyati.
•
Sug‘urta faoliyatini davlat tomonidan tartibga solishning ob’ektiv zarurligi va shakllari .
•
Davlat sug‘urta nazorati: uning funksiya va vazifalari

1. Sug‘urta bozori tushunchasi va uning
ishtirokchilari
Sug‘urtalovchilar bozorga o‘zlarini ishlab chiqargan o‘ziga
xos mahsuloti - sug‘urta xizmatini taklif etadilar. Ushbu xizmatlar
yuzlab, minglab sug‘urta kompaniyalari tomonidan sotilishi
mumkin. O‘z-o‘zidan, bu holat sug‘urta bozorida potensial
mijozlarni jalb etish uchun sug‘urta kompaniyalari o‘rtasida
raqobatning kuchayishiga olib keladi va “mahsulot”ning sifatiga
ijobiy ta’sir ko‘rsatadi. Eng asosiysi, potensial sug‘urtalanuvchi
har tomonlama o‘zining talabini qondiradigan “mahsulot”ga ega
bo‘ladi.

Sug‘urta kompaniyasi o‘z mahsulotini bozorda sotar
ekan, zimmasiga katta mas’uliyat olganligini unutmasligi
kerak. Chunki, sug‘urtalovchi ozgina sug‘urta mukofoti
evaziga yirik mikdordagi riskni qabul qilib oladi va sug‘urta
hodisasi ruy berganda zimmasidagi sug‘urta qoplamasini
to‘lashi shart. Shu o‘rinda, biz sug‘urta kompaniyasiga
murojaat qilishni istagan yoki muayyan sug‘urta xizmatiga
ehtiyoj sezgan shaxslarga sug‘urta shartnomasini tuzishdan
oldin sug‘urta kompaniyasining moliyaviy axvoli, balansi
bilan albatta tanishib chiqishlarini maslahat qilamiz

Sug‘urta xizmati bahosining yuqori chegarasi talab
hajmi va bank foizining miqdori bilan aniqlanadi.
Sug‘urta xizmatining ma’lum bir turiga etarli darajada
talab mavjud bo‘lganda, sug‘urta tashkiloti mazkur
xizmat bahosini yuqori darajada saqlab turishi
mumkin. Lekin, vaqt o‘tishi bilan bozorda sug‘urta
xizmati ko‘rsatish turlarining ko‘payishi bilan, o‘z-
o‘zidan tarif stavkalari kamayadi.

Sug‘urta bozori hududiy joylashuviga qarab xalqaro,
mintaqaviy va milliy sug‘urta bozorlariga bo‘linadi. Milliy
sug‘urta bozori biron-bir mamlakat hududidagi sug‘urta
muassasalarini va ularni faoliyatini o‘z tarkibiga oladi.
Jahondagi eng yirik milliy sug‘urta bozori Amerika Qo‘shma
shtatlaridir. Iqtisodiy jihatdan rivojlangan mamlakatlarda
yig‘iladigan sug‘urta tushumlarining 43 foizdan ortig‘i AQSH
hissasiga to‘g‘ri keladi. Bu erda hayotni sug‘urta qiluvchi 2600
dan ortiq va boshqa umumiy turdagi sug‘urta xizmatlarini
ko‘rsatuvchi 3800 ta kompaniya faoliyat ko‘rsatmoqda. Ulardan
ba’zi birlari dunyo sug‘urta bozorida ham oldingi o‘rinlardadir.

Xalqaro sug‘urta bozori sifatida dunyo
miqyosida sug‘urta faoliyatini olib boruvchi
alohida mamlakatlarning ichki bozori
tushuniladi. Jumladan, hozirgi vaqtda Yaponiya
sug‘urta bozorining xalqaro darajada muxim
o‘rni bor va keyingi o‘n yillikda Yaponiya
sug‘urtachilari dunyo bozorida etakchilik qilib
kelishmoqda.

Sug‘urta bozorlari hududiy bo‘linish bilan
bir qatorda sug‘urta turlariga qarab ham xilma-
xil bo‘lishi mumkin. Iqtisodi rivojlangan
mamlakatlar amaliyotida sug‘urta bozori
ikkiga bo‘linadi:
1) Hayotni sug‘urta qilish bilan bog‘liq
sug‘urta xizmatlari bozori;
2) Umumiy sug‘urta xizmatlari bozori

Sug‘urta bozori infratuzilmasining o‘ziga xosligidan
kelib chiqib, shuni qayd etish mumkinki, uning
tarkibiga sug‘urta vositachilari , sug‘urtachilar
uyushmasi , avariya komissari , syurveyer, aktuariy,
sug‘urta auditori, maxsus ixtisoslashgan
maslahatchilar hamda baholovchi firmalar kabi
sub’ektlar kiradi. S h u o‘rinda, London sug‘urta bozori
infratuzilmasi tarkibiga sug‘urta anderrayterlari ham
kiritilganligini qayd etish mumkin.

O‘zbekiston sug‘urta bozorida o‘ziga xos o‘ringa
egadir. Masalan, aktuariy sug‘urta xizmatlari narxini
aniqlashda qatnashuvchi sub’ekt sanaladi. Bunda, u katta
sonlar va ehtimollik qonunlari, shuningdek, statistik
ma’lumotlardan foydalanadi. Rivojlangan mamlakatlarda
sug‘urta tashkilotlari aktuariy faoliyatisiz sug‘urta
xizmatlariga iqtisodiy asoslangan narxlarning belgilanishini
ta’minlay olmaydi. Aktuariy sug‘urta faoliyatini strategik
rejalashtirish, sug‘urta sohalari, klass(tur)lari, shuningdek,
kompaniya bo‘yicha sug‘urta portfeli tarkibi va sifatining
tahlili kabi jarayonlarda ishtirok etadi.

2. Sug‘urta bozorining turlari va ularga
umumiy tavsifnoma
Sug‘urta bozori infratuzilmasida avariya komissari
bilan «yonma-yon» syurveyer va dispasherlar kabi
sub’ektlar ham faoliyat ko‘rsatadi. Syurveyer - bu maxsus
ekspert bo‘lib, u sug‘urta ob’ektlarini sug‘urta tashkiloti
so‘roviga asosan ko‘rikdan o‘tkazuvchi sub’ekt sanaladi.
U sug‘urtalanuvchi tomonidan ob’ektni ko‘rikdan
o‘tkazish uchun jalb etilishi ham mumkin.

Sug‘urta bozori infratuzilmasida sug‘urta vositachilari
professional ishtirokchilar sifatida o‘ziga xos o‘rinni
egallaydi. Ular sug‘urtachi va sug‘urtalanuvchi o‘rtasida
vositachilik faoliyatini amalga oshirish borasida muhim
sub’ektlar hisoblanadi. Sug‘urta vositachilarining
tarkibiga sug‘urta agentlari, sug‘urta va qayta sug‘urta
brokerlari kabi sub’ektlar kiradi. Xususan, sug‘urta agenti
bu sug‘urta tashkilotining nomidan yoki uning topshirig‘iga
binoan sug‘urta shartnomasining tuzilishi va uning ijro
etilishini tashkil etuvchi yuridik yoki jismoniy shaxsdir.

Sug‘urtachilar uyushmasi unga a’zo bo‘lgan
sub’ektlarning manfaatlariga xizmat qilish maqsadida
(masalan, 1985 yildan boshlab faoliyat ko‘rsatayotgan
Britaniya sug‘urtachilar assotsiatsiyasi singari) tashkil
etilishi mumkin bo‘lgan sug‘urta bozori infratuzilmasining
muhim tarkibiy qismi sanaladi. Mazkur
uyushma(assotsiatsiya)ning vazifasi keng ko‘lamli bo‘lib,
u sug‘urta sohasiga oid bilimlarni ommalashtirish, maxsus
bukletlar, statistik ma’lumotlarni nashr etish kabi
yo‘nalishlarda faoliyat ko‘rsatadi.

Sug‘urta bozori infratuzilmasida alohida mustaqil
faoliyat ko‘rsatishi lozim bo‘lgan sug‘urta vositachilari,
auditorlari, sug‘urta ob’ektlarini baholovchi(ekspert)lar
hamda boshqa sub’ektlar, xorijiy amaliyotdagidan farqli
ravishda, mamlakatimizda faoliyat yuritayotgan
sug‘urta tashkilotlarining o‘ziga biriktirilgan. Garchi,
sug‘urta bozori infratuzilmasining rivojlanishi sust
kechayotgan bo‘lsada, sug‘urta tashkilotlarining o‘z
infratuzilmasini rivojlantirishga bo‘lgan harakatlari
ko‘zga tashlanmoqda.

Sug‘urta bozori infratuzilasini shakllantirish va uning
sub’ektlari faoliyatining me’yoriy-xuquqiy bazasini
takomillashtirish O‘zbekistonda sug‘urta bozori taraqqiyotini
yangi rivojlanish bosqichiga olib chiqadi. Xususan,
mamlakatimizda sug‘urtachilar uyushmasini tashkil etish,
aktuariy, syurveyer kabi sub’ektlarning faoliyatini yo‘lga
qo‘yish muhim ahamiyat kasb etmoqda. Ta’kidlash joizki, bu
jarayon sug‘urta bozori infratuzilmasi sub’ektlarining alohida
ixtisoslashuvini hamda ularning faoliyatini o‘zaro
muvofiqlashtirishni taqozo etadi.

Sug’urtalovchilar uyushmasi - sug’urta faoliyatini muvofiqlashtirish,
uyushma a’zolarining manfaatini davlatning qonun chiqaruvchi va ijroiya
organlari oldida himoya etish hamda mahalliy sug’urta kompaniyalari va
xorijiy sug’urta kompaniyalari o’rtasida o’zaro foydali aloqalarni o’rnatish
maqsadida tashkil etiladigan sug’urta kompaniyalarining uyushmasi.
O’zbekistonda sug’urtalovchilar uyushmasi
№ Kompaniya nomlari Huquqiy tashkiliy shakl
1 O'zbekiston sug'urta bozori professional ishtirokchilari
uyushmasi Mas'uliyati cheklangan jamiyat

Xorijiy mamlakatlar tajribasining ko‘rsatishicha, iqtisodiy jihatdan
rivojlangan mamlakatlarning barchasida sug‘urta bozori davlatning
vakolatli idoralari tomonidan tartibga solib boriladi.
Masalan, Buyuk britaniyada sug‘urta ishini Savdo va sanoat
departamenti, Yaponiyada Moliya vazirligining sug‘urta bulimi,
AQSHda esa maxsus sug‘urta komissariatlari nazorat qilib boradi.
Davlat, bunday nazorat ishini olib borar ekan, avvalo, mamlakatning
sug‘urta sohasiga taalluqli qonunlariga hamda boshqa me’yoriy
hujjatlariga asoslanadi. Sug‘urta va qayta sug‘urtalash kompaniyalari,
sug‘urtaga ixtisoslashgan vositachilar davlat sug‘urta nazoratining
ob’ektlari hisoblanadi.

Sug‘urta bilan shug‘ullanuvchi tashkilotlarga
litsenziyalar (ruxsatnomalar) berish sug‘urta nazorati
xizmatining eng asosiy vazifalaridan biridir. Litsenziya
(ruxsatnoma) berish jarayonida sug‘urta nazorati
sug‘urtachining bo‘lajak faoliyatini dastlabki tekshiruvdan
o‘tkazadi. Ya’ni, nizom jamg‘armasi va o‘z mablag‘larining
holati hamda bu mablag‘larning tashkilot zimmasidagi
majburiyatlariga o‘zaro munosabati ko‘rib chiqiladi.
Sug‘urta faoliyatiga litsenziya (ruxsatnoma) berishning
zaruriyati sug‘urtaning o‘z mohiyatidan kelib chiqishini
unutmaslik kerak

Adjaster xizmat ko’rsatish natijalari hisobot tarzida rasmilashtirilib, undan
sug’urtalovchi zararlarni o’rnini qoplash va nizolarni xal qilish chog’ida
foydalanishi mumkin.
Bugungi kunda O’zbekiston sug’urta bozorida quyidagi adjasterlik
tashkilotlar o’z faoliyatini ko’rsatib kelmoqdalar.
№ Kompaniya nomlari Huquqiy tashkiliy shakl
1 ASCON SERVICE Mas'uliyati cheklangan jamiyat
2 Bovar Service Mas'uliyati cheklangan jamiyat
3 LABB Mas'uliyati cheklangan jamiyatAdjasterlik tashkilotlar

Litsenziya sug‘urtalovchiga hayotni sug‘urta qilish
sohasida yoxud umumiy sug‘urta sohasida sug‘urta faoliyatini
amalga oshirish uchun beriladi. Hayotni sug‘urta qilish
sohasida sug‘urta faoliyatini amalga oshirayotgan
sug‘urtalovchi umumiy sug‘urta sohasida sug‘urta faoliyatini
amalga oshirishga haqli emas, umumiy sug‘urta sohasining
O‘zbekiston Respublikasi Vazirlar Mahkamasi belgilaydigan
ayrim turlari (klasslari) bundan mustasnodir. Umumiy sug‘urta
sohasida sug‘urta faoliyatini amalga oshirayotgan
sug‘urtalovchi hayotni sug‘urta qilish sohasida sug‘urta
faoliyatini amalga oshirishga haqli emas

Litsenziyada sug‘urtalovchi amalga oshirishni
nazarda tutayotgan sug‘urta turlari (klasslari)
ko‘rsatiladi.
O‘zbekiston Respublikasi Vazirlar
Mahkamasining “Sug‘urta xizmatlari bozorini yanada
rivojlanlantirish chora-tadbirlari to‘g‘risida” qaroriga
asosan sug‘urta faoliyati klassifikatori tasdiqlangan.
Unda hayotni sug‘urta qilish tarmog‘i 4 ta klassdan,
umumiy sug‘urta tarmog‘i 17 ta klassdan iborat
ekanligi ko‘rsatilgan

3. Sug‘urta bozori infratuzilmasining sug‘urta
bozori rivojlanishidagi ahamiyati
Sug‘urtalovchining litsenziyasi amal qilishining to‘xtatib turilishi
uning yangi sug‘urta shartnomalari tuzishi taqiqlanishiga, shu jumladan
amaldagi sug‘urta shartnomalari uzaytirilishining taqiqlanishiga sabab
bo‘ladi. Bunda sug‘urtalovchi ilgari tuzilgan sug‘urta shartnomalari
bo‘yicha o‘z zimmasiga olgan majburiyatlarini belgilangan tartibda
bajarishga majburdir. Litsenziyaning amal qilishi tugatilgan kundan
e’tiboran besh kun ichida maxsus vakolatli davlat organi sug‘urtalovchini
tugatish to‘g‘risidagi ariza bilan qonun hujjatlarida belgilangan tartibda
sudga murojaat etishi shart.

Sug‘urtalovchi ustav fondining kamida to‘qson foizi
muassislarning pul mablag‘laridan shakllantiriladi.
Sug‘urtalovchining ustav fondini shakllantirish uchun
kreditga, garovga olingan mablag‘lardan va boshqa jalb
qilingan mablag‘lardan foydalanishga yo‘l
qo‘yilmaydi. Sug‘urtalovchining ustav fondi litsenziya
olinadigan paytga qadar sug‘urtalovchining muassislari
tomonidan to‘langan bo‘lishi kerak.

Vazirlar Mahkamasining “Sug‘urtalovchilar va sug‘urta
brokerlarining sug‘urta faoliyatini litsenziyalash to‘g‘risida Nizom
tasdiqlandi. Unga ko‘ra, sug‘urtalovchilar va sug‘urta
brokerlarining sug‘urta faoliyatini litsenziyalash O‘zbekiston
Respublikasi Moliya vazirligi tomonidan amalga oshiriladi.
Belgilangan tartibda ro‘yxatdan o‘tkazilgan yuridik shaxslar
sug‘urtalovchilar va sug‘urta brokerlarining sug‘urta faoliyatini
amalga oshirish uchun litsenziya talabgorlari bo‘lishlari mumkin.
Sug‘urtalovchi va sug‘urta brokerining sug‘urta faoliyatini amalga
oshirish uchun litsenziyaning amal qilish muddati, qoidaga ko‘ra,
cheklanmaydi. Litsenziyaning amal qilishi litsenziya berilgan
kundan boshlanadi

Sug‘urta tashkilotlari litsenziya olishlari uchun
quyidagi talab va shartlarga javob berishlari zarur:
•
O‘zbekiston Respublikasining sug‘urta faoliyati to‘g‘risidagi qonun hujjatlariga rioya
qilish;
•
sug‘urta faoliyatini amalga oshirishda olingan axborotlarning qonun hujjatlari talablariga
muvofiq maxfiyligini ta’minlash;
• litsenziyalovchi organ talabiga ko‘ra sug‘urta faoliyatini amalga oshirishga doir qonun
hujjatlarida belgilangan axborotlarni taqdim etish;
• litsenziya talabgori rahbari oliy ma’lumotga hamda sug‘urta sohasida kamida ikki yillik ish
stajiga ega bo‘lishi kerak;
• litsenziya talabgori (litsenziat) rahbari boshqa sug‘urta tashkilotlarida rahbar lavozimini
egallashga haqli emas.

Litsenziya olish uchun sug‘urta
kompaniyasi litsenziyalovchi
organga quyidagi hujjatlarni
taqdim etadi:

Sug‘urtalovchilar uchun
•
yuridik shaxsning nomi va tashkiliy-huquqiy shakli, uning joylashgan joyi (pochta
manzili), bank muassasasining nomi va bankdagi hisob raqami, yuridik shaxs amalga
oshirishni mo‘ljallayotgan litsenziyalanadigan faoliyat turi hamda ko‘rsatib o‘tilgan
faoliyat turi amalga oshiriladigan muddat ko‘rsatilgan litsenziya berish to‘g‘risida ariza;
• yuridik shaxsning davlat ro‘yxatidan o‘tkazilganligi to‘g‘risidagi guvohnomaning
notarial tasdiqlangan nusxasi;
•
rahbar to‘g‘risidagi ma’lumotlar (oliy ma’lumot to‘g‘risidagi diplom nusxasi va
mehnat daftarchasidan ko‘chirma);

Sug‘urtalovchilar uchun
• litsenziya talabgori tomonidan litsenziya talabgorining arizasi litsenziyalovchi organ
tomonidan ko‘rib chiqilganligi uchun yig‘im to‘langanligini tasdiqlovchi hujjat;
• ustav fondining belgilangan eng kam miqdoridan kam bo‘lmagan ustav kapitali
to‘langanligini tasdiqlovchi hujjatlar (bank ma’lumotnomasi, mol-mulkni qabul qilish-
topshirish dalolatnomalari va boshqa hujjatlar);
•
sug‘urta faoliyatining iqtisodiy asoslanishi, unga sug‘urtalash operatsiyalarini
rivojlantirish prognozini, ehtimol tutilgan qayta sug‘urtalash bitishuvlari rejasini, sug‘urta
zahiralarining hisob-kitob rejasini o‘z ichiga oluvchi litsenziyalanayotgan sug‘urta klassi
bo‘yicha biznes-reja kiradi;

Sug‘urta brokerlari uchun
• yuridik shaxsning nomi va tashkiliy-huquqiy shakli, uning joylashgan joyi
(pochta manzili), bank muassasasining nomi va bankdagi hisob raqami,
yuridik shaxs amalga oshirishni mo‘ljallayotgan litsenziyalanadigan faoliyat
turi (uning bir qismi) hamda ko‘rsatib o‘tilgan faoliyat turi amalga
oshiriladigan muddat ko‘rsatilgan litsenziya berish to‘g‘risida ariza;
•
yuridik shaxsning davlat ro‘yxatidan o‘tkazilganligi to‘g‘risidagi
guvohnomaning notarial tasdiqlangan nusxasi;

Sug‘urta brokerlari uchun
•
litsenziya talabgori tomonidan litsenziya talabgorining
arizasi litsenziyalovchi organ tomonidan ko‘rib chiqilganligi
uchun yig‘im to‘langanligini tasdiqlovchi hujjat;
•
ustav kapitali to‘langanligini tasdiqlovchi hujjatlar (bank
ma’lumotnomasi, mol-mulkni qabul qilish-topshirish
dalolatnomalari va boshqa hujjatlar).

Litsenziya talabgorining arizasi ko‘rib chiqilganligi
uchun O‘zbekiston Respublikasida belgilangan eng
kam oylik ish haqining besh baravari miqdorida
yig‘im undiriladi. Ariza ko‘rib chiqilganligi uchun
yig‘im summasi litsenziyalovchi organning maxsus
hisob raqamiga o‘tkaziladi. Litsenziya talabgori
berilgan arizadan voz kechgan taqdirda to‘langan
yig‘im summasi qaytarilmaydi.

4. Sug‘urta faoliyatini davlat
tomonidan tartibga solishning
ob’ektiv zarurligi va shakllari .

Respublikamiz sug‘urta bozori isloh etilishini birinchi bosqichi (1991-
1996 yillar) sug‘urta bozoriga xususiy sug‘urta kompaniyalarni kirib kelishi
va Davlat sug‘urtasi(Gosstrax)ni transformatsiyasi jarayoni boshlanishi bilan
bog‘liq bo‘lib, shakllanayotgan tadbirkorlikning huquqiy bazasi bilan qo‘llab
quvvatlangan. 1991 yilning o‘zida milliy iqtisodiyotimizni isloh qilinishini
qonuniy rasmiylashtirilishiga asos solgan “O‘zbekiston Respublikasidagi
tadbirkorlik haqida”gi, “O‘zbekiston Respublikasidagi korxonalar
to‘g‘risida”gi kabi o‘sha davrning progressiv qonunlari qabul qilingan.
“O‘zbekiston Respublikasi Fuqarolik kodeksi” (kodeksning 52-bobi sug‘urta
masalalariga bag‘ishlangan) amalga kiritilguniga qadar (mart 1997 yil)
“O‘zbekiston Respublikasidagi korxonalar to‘g‘risida”gi qonun xo‘jalik
yurituvchilar tomonidan Respublikamizning o‘ziga xos iqtisodiy
konstitutsiyasi sifatida qaralgan.

Bozor iqtisodiyotiga o‘tish, erkin raqobatni talab qilishi va
O‘zbekiston Respublikasida sekin astalik bilan Davlat sug‘urta
tashkiloti o‘rnida yangi sug‘urta tashkilotlarini tuzish zaruriyati
tug‘ilganligi sababli, 1993 yil 6 mayda tijorat sug‘urtasi amalga
oshirilishiga, sug‘urta faoliyati davlat nazoratiga va milliy sug‘urta
bozorida chet el sug‘urtalovchilarning faoliyat yuritishlariga
huquqiy asos solgan hamda “O‘zdavsug‘urta”ning yakka
hokimligini bartaraf etilishiga manba bo‘lib hizmat qilgan “Sug‘urta
to‘g‘risida”gi qonun amalga kiritildi. Lekin, 1997 yilga qadar
barcha nodavlat sug‘urta kompaniyalari xissasiga umumiy sug‘urta
mukofotlari tushumining bir foizidan ham kam bo‘lgan ulush to‘g‘ri
kelgan

5 . Davlat sug‘urta
nazorati: uning funksiya
va vazifalari.

Sug’urta bozorining asosiy professional ishtirokchisi-sug’urtalovchi.
Sug’urtalovchilar sug’urtani amalga oshirish bilan bevosita bog’liq
bo’lmagan tadbirkorlik faoliyati bilan shug’ullanishlari mumkin emas.
Quyidagilar bundan mustasnodir:
- maxsus vakolatli davlat organi belgilaydigan tartib va shartlardagi
investitsiya faoliyati;
- sug’urta sohasidagi mutaxassislarning malakasini oshirish bilan
bog’liq faoliyat;
- sug’urta agenti sifatidagi sug’urta vositachiligi;
- binolarni ijaraga berish.

O’z navbatida, sug’urtalovchilar mulkiy shakliga qarab, bir
nechta turda bo’ladi. Sug’urta bozorida qayd etilgan
qatnashchilardan tashqari, o’zaro sug’urtalash jamiyatlari ham
faoliyat ko’psatishlari mumkin. Bu jamiyatlarning
boshqasug’urtalovchilardan farqi shundaki, ular foyda olish uchun
intilmasdan, ko’rilgan zararni o’zaro hamkorlikda qoplashni
nazarda tutadi. Statistik ma’lumotlar bo’yicha, o’zaro sug’urtalash
jamiyatlari xalqaro sug’urta bozorida to’plagan sug’urta mukofoti
hamda aktivlari jihatidan salmoqli o’ringa ega. AQSH va Yaponiya
milliy sug’urta bozorlarida o’zaro sug’urtalash jamiyatlarining soni
jami sug’urta tashkilotlarining 50 foizdan ko’prog’ini tashkil etadi

Bugungi kunda O’zbekiston sug’urta bozorida quyidagi assistans tashkilotlar o’z
faoliyatini ko’rsatib kelmoqdalar.
№ Kompaniya nomlari Huquqiy tashkiliy shakl
1 «Uzbekinvest Assistans» MCHJ
Mas'uliyati cheklangan jamiyat
2 «Global Assist»
Mas'uliyati cheklangan jamiyat
3 «Bovar Servic» MCHJ
Mas'uliyati cheklangan jamiyat
4 « ESADO » MCHJ
Mas'uliyati cheklangan jamiyat
5 «A LS KOM ASSIST» MCHJ
Mas'uliyati cheklangan jamiyatAssistans tashkilotlar

Sug‘urta bozori va uni davlat tomonidan tartibga solish

Sotib olish