Teri shikastlanganda birinchi yordam. 8 - sinf - Человек и его здоровье - Презентации

Информация о документе

Цена	4000UZS
Размер	1.2MB
Покупки	0
Дата загрузки	07 Октябрь 2019
Расширение	pptx
Раздел	Презентации
Предмет	Человек и его здоровье

Teri shikastlanganda birinchi yordam. 8 - sinf

Купить

33- §. Teri shikastlanganda birinchi yordam 8-sinf “Odam va uning salomatligi” darsligi asosida. 2014

• Terining timdalanishi, qirilishi, tilinishi. Bunda jarohat toza sovuq suv bilan yuviladi; so‘ngra atrofiga yod eritmasi yoki yashil dori surtib, sterillangan bint bilan bog‘lab qo‘yiladi. Agar jarohat kattaroq bo‘lsa, yuqoridagi birinchi yordam berilgandan so‘ng jarroh yoki travmatolog shifokorga murojaat qilinishi kerak.

• Terining turli sohalaridan qon ketganda birinchi yordam. Ilgari aytilganidek, tana terisining bosh, peshana, chakka, yuz, gavda sohalari jarohatlanganda qon ketishini to‘xtatish uchun qon oqayotgan tomirni topib, uni barmoq bilan qattiq bosib turiladi (10—15 minut); bosib turgan barmoq ustidan sovuq suvga ho‘llangan sochiq yoki ro‘mol qo‘yiladi; qon oqishi to‘xtagandan keyin, jarohat yuqorida ko‘rsatilgan tartibda tozalanadi va bog‘lab qo‘yiladi.

• Agar qon ketishi 10—15 minut davomida to‘xtamasa, tez yordam chaqiriladi yoki tomirni barmoq bilan bosgan holda jarohatlangan odam jarroh yoki travmatologga yuboriladi.

• Teri kuyganda birinchi yordam. Terining kuygan joyiga tezlik bilan toza sovuq suv quyiladi. Qo‘l yoki oyoq terisi kuygan bo‘lsa, oqar suv tagida tutib turiladi (2—3 minut); agar teri faqat qizargan bo‘lsa , shu joyga odekolon surtiladi (bog‘lash shart emas). Terining kuygan joyida pufakchalar paydo bo‘lsa, sovuq suv bilan yuvilgandan keyin yorilmagan pufakchalar atrofiga spirt yoki odeko lon surtilgach, sterillangan bint yoxud dazmollangan oddiy bint (ro‘mol) bilan bo‘shgina bog‘lanadi va tezlikda travmatolog shifokorga yuboriladi.

• Issiq va oftob urganda birinchi yordam. Odam issiq, dim xonada bo‘lganida, issiq hammomda uzoq vaqt yuvinganda, yozning issiq kunlari ochiq havoda uzoq vaqt ish bajarganda issiq urishi mumkin. Buning belgilari: odamning tanasi qiziydi, terisi qizaradi, ko‘p terlaydi, umumiy quvvatsizlik, bosh aylanishi, ko‘ngil aynishi, yurak o‘ynashi, nafas qisishi kabi noxush holatlar yuz beradi. Yosh bolalarda tana harorati ko‘tarilib, hushidan ketadi yoki tirishib qoladi. Odam quyosh nuri ta’sirida uzoq vaqt bo‘lsa, oftob urishi mumkin. Bunday hodisa sodir bo‘lganida bemor salqin joyga o‘tkaziladi. Xonaning derazalarini ochib, havosi yangilanadi; bemorning boshini past, oyoqlarini biroz baland qilib yotqiziladi; sochiqni sovuq suvda ho‘llab, bemorning boshiga qo‘yiladi. Sovuq suvda ho‘llangan sochiq

• Bemorning umumiy holatiga qarab, uning ustidan sovuqroq suv (dush) quyish mumkin; ko‘proq sovuq choy, mineral suv ichiriladi; agar bemorning ahvoli og‘ir bo‘lsa, tez tibbiy yordam chaqiriladi. • Sovqotganda va sovuq urganda birinchi yordam. Odam uzoq vaqt davomida sovuqda bo‘lishi natijasida u sovqotishi yoki uni sovuq urishi mumkin. Terini sovuq urganda shu joy yumshoq jun ro‘mol yoki boshqa issiq, yumshoq mato bilan isitiladi.

Savol va topshiriqlar • Teri jarohatlanganda qanday birinchi yordam beriladi? • Tananing turli sohalaridan qon ketganda qanday to‘xtatiladi? • Teri kuyganda qanday yordam beriladi? • Issiq va oftob urganda qanday birinchi yordam beriladi? • Sovqotganda va sovuq urganda yordam ko‘rsatish tartibini ayting.

Купить