Ферментлар 3 - Биология - Презентации

Информация о документе

Цена	3000UZS
Размер	3.7MB
Покупки	0
Дата загрузки	19 Апрель 2023
Расширение	ppt
Раздел	Презентации
Предмет	Биология

Ферментлар 3

Купить

РЕЖА: 1. ФЕРМЕНТЛАР ТЎҒРИСИДА УМУМИЙ ТУШУН - ЧАЛАР ВА УЛАРНИ ЎРГАНИШ ТАРИХИ 2. ФЕРМЕНТЛАРНИНГ БИОЛОГИК АҲАМИЯТИ ВА ТУЗИЛИШИ 3. ФЕРМЕНТЛАРНИНГ АКТИВ МАРКАЗИ, КОФЕРМЕНТЛАР ВА УЛАРНИНГ ТУЗИЛИШИ 4. ОРГАНИК БИРИКМАЛАР ВА ФЕРМЕНТЛАРНИНГ МЕТАЛЛ ИОНЛИ КОФАКТОРЛАРИ. ФЕРМЕНТЛАРНИНГ АКТИВАТОРЛАРИ ВА ИНГИБИТОРЛАРИ 2

ОРГАНИЗМЛАРДА ФАҚАТ МОДДАЛАРНИНГ ПАРЧАЛАНИШ РЕАКЦИЯСИ ЭМАС, БАЛКИ МУРАККАБ МОДДАЛАР ҲОСИЛ БЎЛИШИ ҲАМ АМАЛГА ОШАДИ. ЧУНКИ ТИРИК ОРГАНИЗМЛАР ТАРКИБИДА ХИМИЯВИЙ РЕАКЦИЯЛАРНИ ТЕЗЛАТАДИГАН МАХСУС КАТАЛИЗАТОРЛАР БЎЛАДИ. ОҚСИЛ ТАБИАТИГА ЭГА БЎЛГАН КАТАЛИЗАТОРЛАР ФЕРМЕНТЛАР ЁКИ ЭНЗИМЛАР ДЕБ АТАЛАДИ. 3

ФЕРМЕНТЛАР БАЪЗИ ХУСУСИЯТЛАРИГА КЎРА БОШҚА КАТАЛИЗАТОРЛАРДАН КЕСКИН ФАРҚ ҚИЛАДИ. БИРИНЧИДАН, УЛАР НИҲОЯТДА САМАРАЛИ ТАЪСИР ЭТИШ ХУСУСИЯТИГА ЭГА. ОПТИМАЛ ШАРОИТДА АНОРГАНИК КАТАЛИЗАТОРЛАРГА НИСБАТАН ЖУДА КАТТА ТЕЗЛИК БИЛАН ТАЪСИР ЭТАДИ. ИККИНЧИДАН, ФЕРМЕНТЛАР МАХСУС ТАЪСИР ҚИЛИШ ХУСУСИЯТИГА ЭГА. УЧИНЧИДАН, ҲУЖАЙРАДАГИ БИОХИМИЯВИЙ ПРОЦЕССЛАР ФЕРМЕНТЛАР ЁРДАМИДА ҚАТЪИЙ РАВИШДА БОШҚАРИЛИБ ТУРИЛАДИ. ТЎРТИНЧИДАН, ФЕРМЕНТЛАР ТИРИК ОРГАНИЗМЛАРДА КЕЧАДИГАН ОКСИДЛАНИШ- ҚАЙТАРИЛИШ, ГИДРОЛИЗЛАШ, ИЗОМЕ-РИЗАЦИЯ, ТУРЛИ ГУРУҲЛАРНИНГ КЎЧИШИ ВА ШУНГА ЎХШАШ БИР ҚАТОР РЕАКЦИЯЛАРНИ КАТАЛИЗЛАЙДИ. 4

1814 ЙИЛДА ПЕТЕРБУРГ УНИВЕРСИТЕТИ ПРОФЕССОРИ К.С.КИРХГОФ УНАЁТГАН АРПА ДОНИДАН АЖРАТИБ ОЛИНГАН ШИРА КРАХМАЛНИ ШАКАРГАЧА ПАРЧАЛАШ ХУСУСИЯТИГА ЭГА ЭКАНЛИГИНИ АНИҚЛАДИ ВА БУ КАШФИЁТИ БИЛАН ФЕРМЕНТЛАР ҲАҚИДАГИ ФАНГА АСОС СОЛДИ. ФРАНЦУЗ ОЛИМЛАРИ А.ПАЙЕН ВА Х.ПЕРСО КРАХМАЛНИ ШАКАРГА АЙЛАНТИРУВЧИ МОДДАНИ СПИРТ ЁРДАМИДА ЧЎКМАГА ТУШИРИБ, УНИ КУКУН ҲОЛДА АЖРАТИБ ОЛДИЛАР ВА УНИ ДИАСТАЗА (DIASTASA – БЎЛУВЧИ, АЖРАТУВЧИ) ДЕБ АТАДИЛАР. 5

Э.БУХНЕР 1897 ЙИЛДА АЧИТҚИ ЗАМБУРУҒЛАРИНИ ҚУМ БИЛАН ЭЗИБ, 500 АТМОСФЕРА БОСИМ ОСТИДА СИҚИШ ЙЎЛИ БИЛАН ҲУЖАЙРА ЭРИТМАСИНИ ОЛИШГА МУВАФФАҚ БЎЛДИ. БУ ЭРИТМАЛАР ТАРКИБИДА ТИРИК ҲУЖАЙРАЛАР БЎЛМАСА ҲАМ, УЛАР ШАКАРЛАРНИ АЧИТИШ ХУСУСИЯТИГА ЭГА ЭДИ. ШУНДАЙ ҚИЛИБ, АЧИТҚИ ЗАМБУРУҒЛАРИ ЭМАС, БАЛКИ ТАРКИБИДА ФЕРМЕНТ ТУТГАНЛИГИ УЧУН ШАКАРНИ СПИРТГАЧА АЧИТИШ ХУСУСИЯТИГА ЭГА ЭКАНЛИГИ АНИҚЛАНДИ. Э.БУХНЕРНИНГ ИШЛАРИ ФЕРМЕНТЛАРНИ АЖРАТИБ ОЛИШДА ВА ТОЗАЛАШДА ЯНГИ ДАВРНИ БОШЛАБ БЕРДИ. 6

ОКСИДЛАНИШ-ҚАЙТАРИЛИШ ЖАРАЁНЛАРИДА ИШТИРОК ЭТАДИГАН ФЕРМЕНТЛАРНИ ЎРГАНИШ БОРАСИДАГИ ТАДҚИҚОТЛАРГА АСОСЛАНИБ, ХХ АСРНИНГ БОШЛАРИДА А.Н.БАХ ВА В.И.ПАЛЛАДИН ОКСИДЛАНИШ ЖАРАЁНЛАРИНИНГ НАЗАРИЙ АСОСЛАРИНИ ЯРАТДИЛАР. ШУНИНГДЕК, М.МИХАЭЛИС ВА М.И.МЕНТЕНЛАР 1913 ЙИЛДА ФЕРМЕНТАТИВ РЕАКЦИЯЛАР КИНЕТИКАСИНИ ИШЛАБ ЧИҚДИЛАР. 7

ЎТГАН АСРНИНГ БОШЛАРИДА НЕМИС ОЛИМИ Р.ВИЛЬШТЕТТЕР ФЕРМЕНТЛАРНИ ТОЗАЛАШ ВА УЛАРНИНГ ХИМИЯВИЙ ХОССАЛАРИНИ АНИҚЛАШ БЎЙИЧА КАТТА ИШЛАР ҚИЛГАН. У СОФ ҲОЛДА АЖРАТИБ ОЛГАН ФЕРМЕНТЛАРИНИНГ ФАОЛЛИГИ СОФ БЎЛМАГАН ФЕРМЕНТЛАР ФАОЛЛИГИГА НИСБАТАН МИНГЛАБ МАРТА ЮҚОРИ ЭДИ. У ФЕРМЕНТЛАРНИ ҲАДДАН ТАШҚАРИ ТОЗАЛАШ НАТИЖАСИДА УЛАР ТАРКИБИДА ҲАЛИ МАЪЛУМ БЎЛМАГАН ҚАНДАЙДИР МОДДАЛАР (КОФЕРМЕНТЛАР)НИНГ ЙЎҚОЛИШИ ТУФАЙЛИ УЛАРНИНГ ФАОЛЛИГИ ПАСАЙИБ КЕТИШИНИ КУЗАТГАН ВА ШУ САБАБЛИ УЛАРНИ БАТАМОМ ТОЗАЛАБ БЎЛМАЙДИ, ДЕГАН НОТЎҒРИ ХУЛОСАГА КЕЛГАН. 8

1926 ЙИЛДА Б.С.САМНЕР БИРИНЧИ БЎЛИБ ЎСИМЛИКЛАРДАН КРИСТАЛЛ ҲОЛДАГИ ФЕРМЕНТ – УРЕАЗАНИ ОЛИШГА МУВАФФАҚ БЎЛДИ. КЕЙИНЧАЛИК Д.Х.НОРТРОП ҲАЙВОНЛАР ОРГАНИЗМИДАН ҲАМ ШУНДАЙ ФЕРМЕНТНИ ОЛДИ. ЮҚОРИДА ҚАЙД ЭТИЛГАН ВА БОШҚА ШУ КАБИ ИШЛАР ТУФАЙЛИ ФЕРМЕНТЛАР ОҚСИЛ ТАБИАТГА ЭГА ЭКАНЛИГИ УЗИЛ- КЕСИЛ ҲАЛ БЎЛДИ. 9

ФЕРМЕНТЛАР ОҚСИЛЛАРГА МАНСУБ БЎЛИБ, ЮҚОРИ МОЛЕКУЛЯР КОЛЛОИД БИРИКМАЛАРДИР. ШУНИНГ УЧУН ОҚСИЛЛАРНИНГ ЯРИМ ЎТКАЗУВЧИ МЕМБРАНАЛАРДАН ЎТА ОЛМАСЛИГИ, ДЕНАТУРАЦИЯГА УЧРАШИ ВА ЭРУВЧАНЛИГИДАГИ ЎЗИГА ХОС ХУСУСИЯТЛАРИ, КОЛЛОИД ЭРИТМАЛАР ҲОСИЛ ҚИЛИШИ ФЕРМЕНТЛАРГА ҲАМ ХОСДИР. ФЕРМЕНТЛАР ҲАМ ОҚСИЛЛАР КАБИ АМФОТЕР ЭЛЕКТРОЛИТЛАР БЎЛИБ, РН ҚИЙМАТИНИНГ ЎЗГАРИШИ НАТИЖАСИДА УЛАРНИНГ КОЛЛОИД ЗАРРАЧАЛАРИ ЭЛЕКТР ЗАРЯДИГА ЭГА БЎЛАДИ. 10

ҲОЗИРГИ ПАЙТДА 100 ДАН ОРТИҚ ФЕРМЕНТ КРИСТАЛЛ ҲОЛДА АЖРАТИБ ОЛИНГАН ВА УЛАРНИНГ БАРЧАСИ ОҚСИЛЛАРДАН ИБОРАТЛИГИ ИСБОТЛАНГАН. КРИСТАЛЛ ҲОЛДАГИ ФЕРМЕНТЛАР НИҲОЯТДА ЮҚОРИ ФЕРМЕНТАТИВ ФАОЛЛИККА ЭГА БЎЛИБ, УЛАР ФАОЛЛИГИНИНГ ПАСАЙИШИ ПРЕПАРАТЛАРДАГИ ОҚСИЛ МИҚДОРИНИНГ КАМА-ЙИШИ БИЛАН БОҒЛИҚ. ОДДИЙ ОҚСИЛЛАРДАН, ЯЪНИ ФАҚАТ АМИНОКИСЛОТАЛАРДАН ТАШКИЛ ТОПГАН ФЕРМЕНТЛАР БИР КОМПОНЕНТЛИ ФЕРМЕНТЛАР ДЕЙИЛАДИ. 11

ФЕРМЕНТЛАР МУРАККАБ ОҚСИЛЛАРДАН ТАШКИЛ ТОПГАН БЎЛСА, ЯЪНИ УЛАРНИНГ ТАРКИБИДА АМИНОКИСЛО-ТАЛАРДАН ТАШҚАРИ БОШҚА БИРИКМАЛАР ҲАМ УЧРАСА, УЛАР ИККИ КОМПОНЕНТЛИ ФЕРМЕНТЛАР ДЕБ АТАЛАДИ. ИККИ КОМПОНЕНТЛИ ФЕРМЕНТЛАРНИНГ ОҚСИЛ ҚИСМИ АПОФЕРМЕНТ , ОҚСИЛ БЎЛМАГАН ҚИСМИ КОФЕРМЕНТ ДЕЙИЛАДИ. ОДАТДА, КОФЕРМЕНТ ОҚСИЛ ҚИСМДАН ОСОН АЖРАЛАДИ. ОҚСИЛ ҚИСМДАН АЖРАТИБ БЎЛМАЙДИГАН КОФЕРМЕНТ ПРОТЕТИК ГУРУҲ ДЕБ АТАЛАДИ. КОФЕРМЕНТЛАРГА ТУРЛИ МЕТАЛЛ ИОНЛАРИ, НУКЛЕОТИДЛАР, ВИТАМИНЛАР, ГЕМИН ГУРУҲИ ВА БОШҚА БИРИКМАЛАР КИРАДИ. 12

ИККИ КОМПОНЕНТЛИ ФЕРМЕНТЛАРНИНГ ОҚСИЛ ҚИСМИ ҲАМ, ОҚСИЛ БЎЛМАГАН ҚИСМИ ҲАМ АЙРИМ ҲОЛДА ОЛИНГАНДА ФЕРМЕНТАТИВ ФАОЛЛИККА ЭГА БЎЛМАЙДИ. УЛАР ФАҚАТ БИРГАЛИКДА, ЯЪНИ КОМПЛЕКС ҲОЛДА ФАОЛЛИККА ЭГА БЎЛАДИ. ҲАР БИР ФЕРМЕНТ МАЪЛУМ АМИНОКИСЛОТАЛИ ТАРКИБИ, АМИНО-КИСЛОТАЛАРНИНГ КЕТМА-КЕТ ЖОЙЛАШИШИ ВА МАЪЛУМ ФАЗОВИЙ ТУЗИЛИШИ БИЛАН БОШҚА ФЕРМЕНТЛАРДАН АЖРАЛИБ ТУРАДИ. 13

ФЕРМЕНТАТИВ РЕАКЦИЯЛАРДА ИШТИРОК ЭТАДИГАН СУБСТРАТ МОЛЕКУЛАЛАРИ УЛАРНИ КАТАЛИЗЛОВЧИ ФЕРМЕНТ МОЛЕКУЛАЛАРИГА НИСБАТАН БИРМУНЧА КИЧИК БЎЛГАНЛИГИ САБАБЛИ ФЕРМЕНТ БИЛАН СУБСТРАТНИНГ ЎЗАРО ТАЪСИРИДА ФЕРМЕНТ МОЛЕКУЛА-ЛАРИНИНГ ҲАММА ҚИСМИ ЭМАС, БАЛКИ АКТИВ МАРКАЗ ДЕБ АТАЛУВЧИ ҚИСМИГИНА ИШТИРОК ЭТАДИ. ДЕМАК, АКТИВ МАРКАЗ БУ ФЕРМЕНТ МОЛЕКУЛАЛАРИНИНГ СУБСТРАТНИ БИРИКТИ-РУВЧИ ҚИСМИДАН ИБОРАТ ЭКАН. 14

ФЕРМЕНТЛАРНИНГ КАТАЛИТИК ФАОЛЛИГИ ВА МАХСУСЛИГИ ҲАМ АНА ШУ МАРКАЗГА БОҒЛИҚ БЎЛАДИ. БИНОБАРИН, АКТИВ МАРКАЗ МАЪЛУМ ДАРАЖАДА МУРАККАБ ТУЗИЛГАН ТУЗИЛМАДАН ИБОРАТ БЎЛИБ, СУБСТРАТ МОЛЕКУЛАСИ ЁКИ ҲЕЧ БЎЛМАГАНДА УНИНГ РЕАКЦИЯЛАРИДА БЕВОСИТА ИШТИРОК ЭТУВЧИ ҚИСМИ БИЛАН ЎЗАРО ТАЪСИР ЭТИШ ВА ЯҚИНЛАШИШ УЧУН МОСЛАШГАН БЎЛИШИ КЕРАК. 15

БИР КОМПОНЕНТЛИ ФЕРМЕНТЛАРНИНГ АКТИВ МАРКАЗИ УЛАРНИНГ МОЛЕКУЛАСИНИ ТАШКИЛ ҚИЛУВЧИ ПОЛИПЕПТИД ЗАНЖИРЛАРНИНГ ТУРЛИ ҚИСМЛАРИДА ЖОЙЛАШГАН АМИНОКИСЛОТАЛАР ҚОЛДИҒИДАН ИБОРАТ БЎЛАДИ. ИККИ КОМПОНЕНТЛИ ФЕРМЕНТЛАРНИНГ АКТИВ МАРКАЗИ ЭСА КОФЕРМЕНТ ЁКИ ПРОТЕТИК ГУРУҲ ҲАМДА УЛАРГА ТУТАШ АМИНОКИСЛОТАЛАР ҚОЛДИҒИДАН ТАШКИЛ ТОПГАН БЎЛАДИ. ДЕМАК, БИР КОМПОНЕНТЛИ ВА ИККИ КОМПОНЕНТЛИ ФЕРМЕНТЛАРНИНГ АКТИВ МАРКАЗИНИ ҲОСИЛ ҚИЛИШДА, АЛБАТТА, ПОЛИПЕПТИД ЗАНЖИР- ЛАРДАГИ МАЪЛУМ АМИНОКИСЛОТАЛАР ҚОЛДИҒИ ИШТИРОК ЭТАР ЭКАН. 16

ФЕРМЕНТНИНГ АКТИВ МАРКАЗИ ПОЛИПЕПТИД ЗАНЖИРНИНГ БУРИЛИШИ ВА МАЪЛУМ ФАЗОВИЙ ШАКЛДА ЖОЙЛАШИШИ, ЯЪНИ УЧЛАМЧИ ТУЗИЛИШ ҲОСИЛ БЎЛИШИ ТУФАЙЛИ ВУЖУДГА КЕЛАДИ. БУНДА ПОЛИПЕПТИД ЗАНЖИРНИНГ ТУРЛИ ТОМОНЛАРИДА ЖОЙЛАШГАН АМИНОКИСЛОТАЛАР ҚОЛДИҒИ БИР-БИРИГА ЯҚИН КЕЛИБ, АКТИВ МАРКАЗНИ ТАШКИЛ ҚИЛИШДА ИШТИРОК ЭТАДИ. БИНОБАРИН, БИРОН ТАЪСИР НАТИЖАСИДА УЧЛАМЧИ ТУЗИЛМАНИНГ ЎЗГАРИШИ АКТИВ МАРКАЗНИ ДЕФОРМАЦИЯГА УЧРАТАДИ ВА НАТИЖАДА ФЕРМЕНТНИНГ КАТАЛИТИК ФАОЛЛИГИНИ ПАСАЙТИРАДИ. 17

ФЕРМЕНТЛАРНИНГ АКТИВ МАРКАЗИ УЛАР МОЛЕКУЛАСИНИНГ ЖУДА КАМ ҚИСМИНИ ТАШКИЛ ЭТАДИ. ФЕРМЕНТДАГИ АКТИВ МАРКАЗНИНГ СОНИ ФЕРМЕНТ МОЛЕКУ-ЛАЛАРИНИНГ ЙИРИК-МАЙДАЛИГИГА ҚАРАБ ҲАР ХИЛ БЎЛИШИ МУМКИН. ОДАТДА, БИР АКТИВ МАРКАЗГА МОЛЕКУЛЯР МАССАНИНГ 30000-80000 ГА ТЕНГ БЎЛГАН БИРЛИГИ ТЎҒРИ КЕЛАДИ. 18

КЎП ФЕРМЕНТЛАР ИШТИРОК ЭТАЁТГАН МЕТАБОЛИК ЖАРАЁНЛАР МАҲСУЛИ ҲИСОБЛАНАГАН КИЧИК МОЛЕКУЛАЛИ БИРИКМАЛАР ТАЪСИРИДА ШУ ФЕРМЕНТЛАР ФАОЛЛИГИНИНГ ОРТИШИ ЁКИ КАМАЙИШИ МУМКИНЛИГИ АНИҚЛАНГАН. БУНДА ЮҚОРИДА АЙТИЛГАН КИЧИК МОЛЕКУЛАЛИ БИРИКМАЛАР ФЕРМЕНТНИНГ АКТИВ МАРКАЗИ БИЛАН БИРИКМАЙ, БАЛКИ “АЛЛОСТЕРИК МАРКАЗ” ДЕБ АТАЛАДИГАН БОШҚА ЖОЙИ БИЛАН БИРИКАДИ. НАТИЖАДА АКТИВ МАРКАЗНИНГ КОНФИГУРАЦИЯСИ ЎЗГАРИБ, ФЕРМЕНТ ФАОЛЛИГИНИНГ ОРТИШИ ЁКИ КАМАЙИШИ КУЗАТИЛАДИ. АКТИВ ҲАМДА АЛЛОСТЕРИК МАРКАЗЛАР ФЕРМЕНТ МОЛЕКУЛАЛАРИНИНГ ТУРЛИ ҚИСМЛАРИДА ЖОЙЛАШГАН БЎЛАДИ. 19

ФЕРМЕНТЛАРНИНГ ФАОЛЛИГИГА ҲАРОРАТ ВА РНДАН ТАШҚАРИ, РЕАКЦИОН МУҲИТДА ИШТИРОК ЭТАЁТГАН БИР ҚАТОР ХИМИЯВИЙ МОДДАЛАР ҲАМ ТАЪСИР ЭТАДИ. РЕАКЦИОН МУҲИТДА БАЪЗИ БИР ИОНЛАРНИНГ ИШТИРОК ЭТИШИ ФЕРМЕНТ- СУБСТРАТ КОМПЛЕКСИ ҲОСИЛ БЎЛИШИНИ ТЕЗЛАШТИРАДИ. БУНИНГ НАТИЖАСИДА ФЕРМЕНТАТИВ РЕАКЦИЯНИНГ ФАОЛЛИГИ ОРТАДИ. БУНДАЙ МОДДАЛАР АКТИВАТОРЛАР ДЕБ АТАЛАДИ. ШУ БИЛАН БИРГА ФЕРМЕНТАТИВ РЕАКЦИЯЛАРНИ КАТАЛИЗЛОВЧИ МОДДАЛАР РЕАКЦИЯДА БЕВОСИТА ИШТИРОК ЭТМАЙДИ. 20

АКТИВАТОРЛИК ВАЗИФАСИНИ КЎПИНЧА КАТИОНЛАР БАЖАРАДИ. МАХСУС АКТИВАТОРЛАРГА NA + , K + , RB + , CS + , MG ++ , CA ++ , ZN ++ КАБИ МЕТАЛЛ ИОНЛАРИ КИРАДИ. БАЪЗИ ФЕРМЕНТЛАР ФАОЛЛИГИГА БИТТА КАТИОН ТАЪСИР ЭТСА, БОШҚАЛАРИ ФАОЛЛИГИГА ИККИТА ВА УНДАН ОРТИҚ КАТИОН ТАЪСИР КЎРСАТАДИ. 21

БИР ХИЛ ФЕРМЕНТЛАР ФАОЛЛИГИНИ ОШИРУВЧИ МОДДАЛАР БОШҚА ФЕРМЕНТЛАР ФАОЛЛИГИГА МУТЛАҚО ТАЪСИР ЭТМАСЛИГИ ҲАМ МУМКИН. КЎПЧИЛИК КАТИОНЛАР БИР-БИРИГА ЎХШАШ ТАЪСИР ҚИЛАДИ. БИР ҚАТОР ФЕРМЕНТЛАРНИНГ ФАОЛЛИГИНИ ОШИРУВЧИ MG ++ КАТИОНИНИ КЎП ҲОЛЛАРДА MN ++ БИЛАН АЛМАШТИРИШ МУМКИН. БУ ҲОДИСА ИОНЛАРНИНГ ХИМИЯВИЙ ЎХШАШЛИГИ БИЛАН БОҒЛИҚ ЭМАС, АЛБАТТА. МАСАЛАН, NA + КАТИОНИ ХИМИВИЙ ЖИҲАТДАН К + ГА ЯҚИН БЎЛИШИГА ҚАРАМАЙ, УНИНГ ЎРНИНИ БОСА ОЛМАЙДИ. БУ КАТИОНЛАРНИНГ ТАЪСИР ЭТИШ МЕХАНИЗМИ ҲАР ХИЛ БЎЛИШИ МУМКИН. 22

КЎП ҲОЛЛАРДА КАТИОНЛАР ФЕРМЕНТНИНГ ПРОСТЕТИК ГУРУҲИ ТАРКИБИГА КИРАДИ. УНДАН ТАШҚАРИ, МЕТАЛЛ АТОМЛАРИ СУБСТРАТ БИЛАН ФЕРМЕНТНИ БИР-БИРИГА ТУТАШТИРУВЧИ КЎПРИК ВАЗИФАСИНИ БАЖАРИШИ МУМКИН, БУНДА МЕТАЛЛ АТОМИ СУБСТРАТНИ АКТИВ МАРКАЗ ЁНИДА ТУТИБ ТУРАДИ. ШУ БИЛАН БИРГА, МЕТАЛЛ АТОМЛАРИ ФЕРМЕНТ-СУБСТРАТ КОМПЛЕКСИ ҲОСИЛ БЎЛИШИНИ ЁКИ ФЕРМЕНТЛАРНИНГ ТЎРТЛАМЧИ ТУЗИЛМАСИ ҲОСИЛ БЎЛИШИНИ ОСОНЛАШТИРИШ ЙЎЛИ БИЛАН ҲАМ ЎЗ ТАЪСИРИНИ КЎРСАТИШИ МУМКИН. 23

АНИОНЛАР ҲАМ БИР ҚАТОР ФЕРМЕНТЛАР ФАОЛЛИГИГА ТАЪСИР ЭТИШИ АНИҚЛАНГАН. МАСАЛАН, АМИЛАЗА ФЕРМЕНТИНИНГ ФАОЛЛИГИ ХЛОР АНИОНИ ТАЪСИРИДА АНЧА ОРТАДИ. ФУМАЗА ФЕРМЕНТИНИНГ ФАОЛЛИГИ ИККИ-УЧ ВАЛЕНТЛИ АНИОНЛАР ТАЪСИРИДА ОРТИШИ АНИҚЛАНГАН. 24

ФЕРМЕНТАТИВ РЕАКЦИЯЛАРНИНГ ФАОЛЛИГИНИ ПАСАЙТИРУВЧИ МОДДАЛАР ИНГИБИТОРЛАР ДЕЙИЛАДИ. ФЕРМЕНТАТИВ РЕАКЦИЯЛАРНИНГ ФАОЛЛИГИНИ ПАСАЙТИРИШ КОНКУРЕНТ (РАҚОБАТЛИ) ВА НОКОНКУРЕНТ (РАҚОБАТСИЗ) ЙЎЛ БИЛАН АМАЛГА ОШИРИЛАДИ. ФЕРМЕНТАТИВ ФАОЛЛИГИНИ РАҚОБАТЛИ ПАСАЙТИРИШДА РЕАКЦИЯ СУРЪАТИНИ ПАСАЙТИРУВЧИ МОДДА (ИНГИБИТОР) СУБСТРАТ РАҚИБИ ҲИСОБЛАНАДИ ВА У ФЕРМЕНТ СУБСТРАТНИ БИРИКТИРИБ ОЛАДИГАН ЖОЙГА, ЯЪНИ ФЕРМЕНТНИНГ АКТИВ МАРКАЗИГА БИРИКИБ ОЛАДИ. 25

ИНГИБИТОР ТУЗИЛИШИ ЖИҲАТДАН ФАҚАТ СУБСТРАТГА ЎХШАШ БЎЛГАНДАГИНА РАҚОБАТЛИ ПАСАЙТИРИШ АМАЛГА ОШИРИЛАДИ. ДЕМАК, ИНГИБИТОР ФАҚАТ ФЕРМЕНТНИНГ АКТИВ МАРКАЗИ УЧУН СУБСТРАТ БИЛАН РАҚОБАТЛАШАДИ. ФЕРМЕНТ ФАОЛЛИГИНИ РАҚОБАТЛИ ПАСАЙТИРИШ ҚАЙТАР ХАРАКТЕРДА БЎЛИБ, СУБСТРАТНИНГ МИҚДОРИ КЎП БЎЛГАНДА ФЕРМЕНТ- ИНГИБИТОР КОМПЛЕКСИДАН ИНГИБИТОРНИ СИҚИБ ЧИҚАРИШИ МУМКИН. 26

ФЕРМЕНТЛАРГА ХОС ХУСУСИЯТЛАРДАН ЯНА БИРИ ҲАР БИР ФЕРМЕНТ МУҲИТ РН НИНГ МАЪЛУМ ҚИЙМАТИДА МАКСИМАЛ ФАОЛЛИККА ЭГА БЎЛИШИДИР. ОДАТДА, БУ ҚИЙМАТ РН ОПТИМУМИ ДЕБ АТАЛАДИ. КЎП ФЕРМЕНТЛАР НЕЙТРАЛ ШАРОИТДА МАКСИМАЛ ФАОЛ БЎЛАДИ. БАЪЗИ ФЕРМЕНТЛАР КУЧСИЗ КИСЛОТАЛИ ЁКИ КУЧСИЗ ИШҚОРИЙ ШАРОИТДА ЯХШИ ТАЪСИР КЎРСАТАДИ. ЎТА ИШҚОРИЙ ЁКИ ЎТА КИСЛОТАЛИ ШАРОИТДА ТАЪСИР ЭТАДИГАН ФЕРМЕНТЛАР КАМ УЧРАЙДИ. 27

МУҲИТ РН НИНГ ФЕРМЕНТАТИВ РЕАКЦИЯЛАРИ ТЕЗЛИГИГА КЎРСАТАДИГАН ТАЪСИРИ ФЕРМЕНТ МОЛЕКУЛАЛАРИ ТАРКИБИДА ИОНЛАШИШ ХУСУСИЯТИГА ЭГА БЎЛГАН ЖУДА КЎП ФУНКЦИОНАЛ ГУРУҲЛАР МАВЖУДЛИГИГА БОҒЛИҚ. БУЛАРГА КАРБОКСИЛ, ГИДРОКСИЛ, СУЛЬФОГИДРИЛ ВА БОШҚА ГУРУҲЛАР КИРАДИ. МУҲИТ РН НИНГ ЎЗГАРИШИ НАТИЖАСИДА ГУРУҲЛАРНИНГ ИОНЛАНИШ ДАРАЖАСИ ВА ШУ БИЛАН БИРГА ФЕРМЕНТ МОЛЕКУЛАЛАРИНИНГ ЗАРЯДИ ҲАМ ЎЗГАРАДИ. 28

ФЕРМЕНТЛАРНИНГ БИР-БИРИДАН ФАРҚ ҚИЛАДИГАН ЎЗИГА ХОС ХУСУСИЯТЛАРИДАН БИРИ УЛАР КАТАЛИЗ ҚИЛАДИГАН ХИМИЯВИЙ РЕАКЦИЯЛАРДИР. ШУ САБАБЛИ ФЕРМЕНТЛАР КЛАССИФИКАЦИЯСИНИ ИШЛАБ ЧИҚИШДА БУ ХУСУСИЯТ АСОС ҚИЛИБ ОЛИНГАН. ФЕРМЕНТЛАР КЛАССИФИКАЦИЯСИ БИЛАН УЗВИЙ БОҒЛИҚ БЎЛГАН НОМЕРАЦИЯ СИСТЕМАСИ ҲАМ ИШЛАБ ЧИҚИЛГАН. БУ НОМЕРАЦИЯГА КЎРА, ҲАР БИР ФЕРМЕНТ 4 ТА СОНДАН ИБОРАТ БЎЛГАН ШИФРГА ЭГА. 29

БИРИНЧИ СОН ФЕРМЕНТЛАР АСОСИЙ СИНФЛАРДАН ҚАЙСИ БИРИГА ТААЛЛУҚЛИ ЭКАНЛИГИНИ БИЛДИРАДИ. КЛАССИФИКАЦИЯГА МУВОФИҚ ФЕРМЕНТЛАРНИНГ ҲАММАСИ ҚУЙИДАГИ 6 ТА АСОСИЙ СИНФГА БЎЛИНАДИ: 1. ОКСИДОРЕДУКТАЗАЛАР; 2. ТРАНСФЕРАЗАЛАР; 3. ГИДРОЛАЗАЛАР; 4. ЛИАЗАЛАР; 5. ИЗОМЕРАЗАЛАР; 6. ЛИГАЗАЛАР (СИНТЕТАЗАЛАР). 30

ШРИФТДАГИ ИККИНЧИ СОН АНА ШУ КИЧИК СИНФЛАРНИ ИФОДАЛАЙДИ. ҲАР БИР КИЧИК СИНФ ЎЗ НАВБАТИДА ЯНАДА КИЧИКРОҚ СИНФЛАРГА БЎЛИНАДИ. ШРИФТДАГИ УЧИНЧИ СОН АНА ШУ КИЧИК СИНФЛАРНИНГ СИНФЧАЛАРИНИ БИЛДИРАДИ. ШРИФТДАГИ ТЎРТИНЧИ СОН СИНФЧАЛАРДАГИ ФЕРМЕНТЛАРНИНГ ТАРТИБ НОМЕРИНИ ИФОДАЛАЙДИ. ШУНДАЙ ҚИЛИБ, ШИФР ФЕРМЕНТНИНГ РЎЙХАТДАГИ АНИҚ ЎРНИНИ ИФОДАЛАЙДИ. 31

ОКСИДОРЕДУКТАЗАЛАР ОРГАНИЗМЛАРДА БОРАДИГАН ҲАР ХИЛ ОКСИДЛАНИШ-ҚАЙТАРИЛИШ РЕАКЦИЯ-ЛАРИНИ КАТАЛИЗЛОВЧИ ФЕРМЕНТЛАРДИР. ТРАНСФЕРАЗАЛАР НИНГ КЎПИ ФАҚАТ КОФЕРМЕНТ ИШТИРОКИДА КАТАЛИТИК ФАОЛЛИГИНИ КЎРСАТАДИ. ГИДРОЛАЗАЛАР МУРАККАБ ОРГАНИК БИРИКМА- ЛАРНИНГ СУВ ЁРДАМИДА ПАРЧАЛАНИШ РЕАКЦИЯЛАРИНИ КАТАЛИЗЛАЙДИ. ЛИАЗАЛАР СУБСТРАТДАН СУВ ИШТИРОКИСИЗ МАЪ- ЛУМ ГУРУҲЛАРНИНГ АЖРАЛИШИНИ КАТАЛИЗЛОВЧИ ФЕРМЕНТЛАР СИНФИНИ ТАШКИЛ ҚИЛАДИ. 32

ИЗОМЕРАЗАЛАР СИНФИГА КИРАДИГАН ФЕРМЕНТЛАР ҲАР ХИЛ ОРГАНИК БИРИКМА-ЛАРНИНГ ИЗОМЕРЛАНИШ РЕАКЦИЯЛАРИНИ КАТАЛИЗЛАЙДИ. АДЕНОЗИНТРИФОСФАТ ЁКИ ШУНГА ЎХШАШ НУКЛЕОЗИДТРИФОСФАТЛАР ЭНЕРГИЯСИ ҲИСОБИГА ОДДИЙ МОЛЕКУЛАЛАРДАН МУРАКАБ БИРИКМАЛАР ҲОСИЛ БЎЛИШИ РЕАКЦИЯ-ЛАРИНИ КАТАЛИЗЛОВЧИ ФЕРМЕНТЛАР ЛИГАЗАЛАР (СИНТЕТАЗАЛАР) ДЕБ АТАЛАДИ. 33

ЭЪТИБОРИНГИЗ УЧУН РАҲМАТ! 34

Купить

Похожие документы
Fermentlar va kofermentlar funksiyasi
Viroidlar va uning ahamiyati
Faxriy yorliq
Faxriy yorliq
Bojxona qo'mitasiga ishga kirish uchun savol javoblar toplami