Oxirgi ishlov berish va bezash 5-sinf - Техника и технология - Презентации

Информация о документе

Цена	4000UZS
Размер	790.0KB
Покупки	0
Дата загрузки	19 Апрель 2023
Расширение	ppt
Раздел	Презентации
Предмет	Техника и технология

Oxirgi ishlov berish va bezash 5-sinf

Купить

5-sinf texnologiya darsligi asosida 43-mavzu: Oxirgi ishlov berish va bezash

Oxirgi ishlov berish deb, kiyimning yakuniy jarayoniga aytiladi. Bunda ortiqcha iplardan tozalash, dazmollash, chokning sifati va detallarning simmetrik joylashuvi tekshiriladi. Bezak ishlari yakuniy jarayondan oldin yoki tikuv jarayoni davomida bajariladi. Termoapplikatsiya orqali bezash jarayoni namlab-isitish vositasi orqali amalga oshiriladi.

Tikuvchilik bo‘ri bilan applikatsiyani joylashtiradigan joy aniqlanadi. Applikatsiyaning yelimli tarafini kiyim detali ustiga qo‘yib, vaqtinchalik qaviqqator bilan mahkamlanadi. 7–10 soniya bug‘lab dazmolda ushlab turiladi. So‘ngra matoning teskari tomonidan ham 2–3 soniya dazmolda ushlab turiladi. Vaqtinchalik qaviqqator olib tashlanadi. Bo‘r chiziqlari tozalanadi.

Oxirgi ishlov berish jarayonida dazmollash ishlari olib boriladi. Kiyimning barcha baxyaqatorlari tartib bo‘yicha dazmollanadi. Kiyim oldin teskari tomonidan, so‘ngra o‘ng tomonidan dazmollanadi. Kiyim burchaklari to‘g‘rilanadi.

Bir xil simmetrik holatga keltiriladi. Namlab-isitish jarayonidan so‘ng paxta tolali gazlamalar 10–15 daqiqaga, zig‘ir tolali gazlamalar 20–25 daqiqaga tekislab ilib qo‘yiladi va quritiladi.

Buyumni sifatli chiqqanligi uning est е tik ko‘rsatmasi orqali hamda t е xnologik ishlov b е rilishi orqali aniqlanadi. Kiyim estetik jihatdan model eskiziga mos, bezak ishlari tartibli amalga oshirilgan bo‘lishi kerak.

Kiyimning choklari bir tekis, chiroyli va sifatli bajarilgan bo‘lishi, o‘lchovi gavdaga mos kelishi, simmetrik taxlaganda detallari aniq va bir xil bo‘lishi talab qilinadi.

Buyumning sifatli chiqishi nafaqat k е tma- k е tlik jarayonini to‘g‘ri bajarishga, balki oxirgi ishlov b е rish jarayoniga ham bog‘liq ekanligini bilib oldingiz.

Yodda tuting! Oxirgi ishlov b е rish jarayonida dazmol bilan ishlaganda t е xnika xavfsizligi qoidalariga rioya qiling! Namlab-isitish jarayonini oldin buyumning mayda d е tallaridan, k е yin yirik d е tallariga ishlov b е rishdan boshlang.

14-amaliy mashg‘ulot Oxirgi ishlov berish jarayonini amalga oshirish tartibi Jihozlar: fartuk, ro‘mol, qaychi, chizg‘ich, burchakli chizg‘ich, dazmollash stoli, dazmol, termoapplikatsiya.

Ishning borishi 1. Kiyimni ortiqcha iplar va bo‘r chizig‘idan tozalash. 2. Dazmollash. 3. Termoapplikatsiyani yopishtirish. 4. Tayyor kiyimning sifatini tekshirish. 5. Tayyor kiyimni taxlash.

Qiziqarli ma’lumot Applikatsiya – lotincha so‘z bo‘lib “ yopishtirish ” degan ma’noni bildiradi. Gazlama, qog‘oz va boshqa materiallarga rang-barang gazlama, qog‘oz bo‘laklarini yopishtirish bilan bezash demakdir. Applikatsiya kashtado‘zlikning maxsus turi va o‘ziga xos texnologiyaga ega. Asosiy matoga rangdor mato parchasini, charm va boshqalarni qadab, atrofi choklanadi.

Applikatsiyada ko‘pincha izma choklardan foydalaniladi. Kashtaning bu turi O‘zbekistonda yaxshi rivojlanmagan. Hozirda bolalar paltolari, ko‘ylaklari, bosh kiyimlariga har xil qush, meva, gul va hayvonlar tasviri applikatsiya usulida choklanadi. Ayrim hollarda ayollar kiyimlari ham shu usulda bezatilyapti.

Купить