Rostlagichlar, asboblar va ikkilamchi o‘zgartgichlarni ta’mirlashdan oldin stendda sinov o‘tkazish - Техника и технология - Презентации

Информация о документе

Цена	3000UZS
Размер	875.3KB
Покупки	0
Дата загрузки	28 Апрель 2024
Расширение	pptx
Раздел	Презентации
Предмет	Техника и технология

Rostlagichlar, asboblar va ikkilamchi o‘zgartgichlarni ta’mirlashdan oldin stendda sinov o‘tkazish

Купить

Мavzu: Rostlagichlar, asboblar va ikkilamchi o‘zgartgichlarni ta’mirlashdan oldin stendda sinov o‘tkazish Reja: 1. Sath o’lchagichlarning birlamchi qurilmalari montaji. 2. Sath o’lchash ikkilamchi asboblar montaji.

1. Sath o’lchagichlarning birlamchi qurilmalari montaji Qalqovichli sath o’lchagichlar da qalqovichlar, arqonlar va tortqilarning o’rnatilishiga alohida e’tibor beriladi. Tortqilarni shunday o’rnatish keraki, bunda qalqovich va arqon yoki tortqi ishqalanmasdan harakatlanadigan bo’lsin. Qalqovichning harakat yo’li o’lchanadigan eng baland sathdan biroz ortiq bo’lishi lozim.

1-rasm . Qalqovichli sath o’lchagich o’rnatish: 1-sath o’lchagich, 2- posangi, 3-tinchlantirish kamerasi, 4-qalqovich, 5-kronshteyn, 6-blok.

Sath o’lchagich 1 (1-rasm) devorga rasmda ko’rsatgandek o’rnatilgan yoki metall konsturksiyaga payvandlangan kronshteyn 5 ga mahkamlanadi. Qalqovich 4 diametri 400 mm li trubadan yasalgan tinchlantirish kamerasi 3 ga joylanadi. Arqonning ishqalanmasligi uchun blok 6 qalqovich ustida juda aniq tik va vertikal o’rnatiladi. Qalqovich 4, blok 6 li arqon va sath o’lchagich 1 ning o’lchash qismidan tashkil topgan harakatchan tizimi muvozanatlash uchun qalqovich bilan blok o’rtasida posangi 2 o’rnatiladi.

2-rasm. Ochiq sig’imlarda sathni o’lchash uchun pezometrik satho’lchagichlarni o’rnatish: 1-sig’im, 2-pezometrik naycha, 3-impuls yo’li, 4-ta’minlash yo’li, 5-manometr, 6-reduktor, 7-filtr, 8-difmanometr, p-ta’minlovchi gaz yoki havoning bosimi.

Pezometrik sath o’lchagichlar. Pezometrik o’lchash trubkasi 2 (2-rasm) vertikal yoki idish – sig’im 1 tomonga qiyalantirib yon tomonga o’rnatiladi. Bunda trubkaning pastki ochiq uchi o’lchanadigan eng past sathdan pastroqqa tushirilishi lozim. Pezometrik trubkaning ichki diametri kamida 14 mm bo’lishi kerak. Diametri 6 mm li naychadan yasalgan ta’minlash yo’li 4 ga keladigan havo (yoki gaz) oldindan tozalanishi lozim. Bu maqsad uchun filtr 7, uzatiladigan havo (yoki gaz) miqdorini rostlash uchun esa reduktor 6 o’rnatiladi. Diametri 6 mm li naychadan tayyorlangan impuls yo’li 3 bevosita pezometrik trubka oldida ulanadi. Tizimdan havoning tashqariga sizib chiqmasligi va asbobning xatosiz ko’rsatishi uchun asbobni o’rnatish bilan bog’liq bo’lgan barcha ishlar puxta bajarilishi lozim.

3-rasm. Sath elektron indikatorini (a) va o’zgartirgichi flansga o’rnatish (b): 1-o’zgartirgich, 2-o’lchash qurilmasi, 3-koaksial ulash kabeli, 4-milliampermetr.

Sath elektron indikatorlarining ko’rsatish aniqligini oshirish va barqarorlashtirish uchun ularning o’zgartirgichlarini o’rnatishda elektr o’tkazmaydigan materialdan tayyorlangan rezervuarlarda yoki rezervuarning elektr o’tkazadigan devorlaridan 1 mm dan ko’proq masofada sterjensimon o’zgartirgichning o’qidan ko’pi bilan 200 mm oraliqda unga parallel qilib metall elektrodlar (sterjenlar, trubalar, polosalar, po’lat arqonlar va h.k.) o’rnatish tavsiya etiladi.

Elektrodlar va o’zgartirgichning korpusi yerga ulanadi. O’zgartirgich uning detallarini ishdan chiqaruvchi muhitda, shuningdek, qovushqoq, parda hosil qiluvchi va o’zgartirgichning elektrodida qattiq cho’kindi hosil qiluvchi kristallanuvchi muhitlarda ishlashga mo’ljallanmagan.

2. Sath o’lchash ikkilamchi asboblar montaji UDU qalqovichli sath o’lchagich. Asbobni vertikal rezervuarga o’rnatish uchun kirayotgan suyuqlik oqimi qalqovichga mumkin qadar kam ta’sir etadigan joy tanlanadi. Agar suyuqlik rezervuarga kuchli pulsasiyalanib kiradigan bo’lsa, qalqovich himoyalanadi. Himoyalovchi to’siqning balandligi rezervuarning balandligiga bog’liq.

4-rasm. UDU turidagi sath o’lchagichni rezervuarga o’rnatish: 1,4 – kronshteynlar, 2-ko’rsatuvchi asbob, 3-himoyalovchi trubalar, 5,6- roliklar. 7-qisqa truba. 8-tasma, 9-qalqovich, 10-burchaklik.

Sath o’lchagichni o’rnatish ko’rsatuvchi asbob 2 ni kronshteyn 1 ga o’rnatishdan so’ngra uni suyuqlik sathi o’lchanadigan sig’imga birlashtiruvchi himoyalash trubalari 3 ni o’tkazishdan boshlanadi. Himoyalash trubalari sifatida ruxlangan suv-gaz trubalaridan (GOST 3262-75) foydalaniladi. Trubalarning uzunligi rezervuarning balandligi va turiga qarab tanlanadi. Uchiga qalqovich 9 osilgan perforatsiyalangan tasma 8 himoyalash trubalari 3 ichidan o’tkaziladi. Tasma himoyalash trubalari ichida erkin harakatlanishi lozim. Buning uchun burchak roliklari 5 va gidrotamba roligi 6 o’rnatiladi. Rezervuar ichida qalqovichning gorizontal harakatlanmasligi uchun ikkita vertikal yo’naltiruvchi ingichka sim tarang tortiladi.

Yo’naltiruvchi simlar burchaklik 10 ga mahkamlanadi. Burchaklik taranglash qurilmalariga nisbatan tartib bo'yicha o’rnatilib, keyin rezervuarning tubiga payvandlanadi. Yo’naltiruvchi simlar rezervuarning ustki tuynugining qopqog’iga mahkamlangan ikkita taranglash qurilmalari bilan taranglanadi. Taranglash qurilmalari va burchaklik yo’naltiruvchi simlar o’rtasidagi oraliq 420 mm bo’ladigan qilib o’rnatiladi. Himoyalash trubalari va ko’rsatuvchi asbob tartib bo'yicha aniq o’rnatiladi. Trubalar o’zaro va ko’rsatuvchi asbobning korpusiga surik surkalgan kanop qoyib birlashtiriladi.

Gidrotamba roliklar 6 dan va tirsak hosil qiluvchi himoyalash trubalaridan yig’iladi. Gidrotamba ko’rsatuvchi asbobning mexanizmini rezervuardagi suyuklikning bug’laridan saqlash uchun xizmat qiladi. Bu maqsadda gidrotamba yig’ilgandan keyin muzlamaydigan suyuqlik – etilen, glikol yoki dizel yonilg’isi bilan 200-300 mm gacha to’latiladi. Ko’rsatuvchi asbobning korpusiga perforatsiyalangan tasma kiradigan ikkita – vertikal va gorizontal bo’g’izlar bor. Asbobni o’rnatish sharoitlariga qarab bo’g’izlarning biridan foydalaniladi, boshqasi esa tiqin bilan berkitib qo'yiladi. Asbob korpusining orqa devorida M8 rezbali ikkita teshik bor. Asbobni konstruksiyalarga mahkamlashda shu teshiklardan foydalaniladi.

Sath o’lchagich-difmanometr. Yuqorida ko’rsatib o’tilgani dek, texnologik apparatlarda va rezervuarlarda suyuqlik sathini o’zgaruvchan bosimlar farqi usulida difmanometr va tenglashtirish idishlari yordamida o’lchanadi. Bunda o’lchash sharoitlari va xususiyatiga qarab, bayon etilgan usul bo'yicha suyuqlik sathini o’lchashning turli sxemalari qo’llaniladi. 5-rasmda ochiq rezervuarlarda suyuqlik sathini o’lchashda tenglashtirish idishini o’rnatishning ikki yo’li ko’rsatilgan.

5-rasm. Ochiq (a) va yopiq (b) rezervuarlardagi suyuqlik sathini o’lchashda tenglashtirish idishlarini o’rnatish: I-difmanometrning nol ko’rsatkichi sathning eng yuqori chegarasini ko’rsatadi, II-difmano- metrning nol ko’rsatkichi sathning eng quyi chegarasini ko’rsatadi; 1- difmanometr, 2,3-havo bilan tozalash va berkitish ventillari, 4-rezervuar, 5- shtuser, 6-tenglashtirish idishi, 7,8-sathning quyi va yuqori chegaralari.

1. Tenglashtirish idishi 6 (5-rasm,a,1) shunday o’rnatilganki, undagi suyuqlik sathi o’lchanadigan suyuqlik sathining yuqori chegarasi qiymatiga teng. Bu holda difmanometr 1 ning nol ko’rsatkichi rezervuar 4 dagi suyuqlik sathining yuqori chegarasini ko’rsatadi. Bu sxema bo'yicha rezervuardagi suyuqlikning quyi sathiga mos nuqtadan bosim olish qurilmasi difmanometrdagi sezgir elementning manfiy bo’shlig’iga ulangan. Difmanometrning musbat bo’shlig'i tenglashtirish idishiga ulangan. Idishdagi suyuqlik sathini nazorat qilish uchun idishning yon tomonida shtuser 5 bor. Sxemaning bir maromda ishlashini ta’minlash uchun ikkala impuls trubalariga havo yuborish 2 va berkitish 3 ventillari o’rnatilgan.

2. Tenglashtirish idishi shunday o’rnatilganki (5-rasm, a II), uning ichidagi suyuqlikning quyi chegara sathiga teng. Bu holda difmanometrning nol ko’rsatkichi quyi chegara sathiga mos keladi. Bu sxema bo'yicha rezervuardagi suyuqlikning quyi chegara sathiga mos nuqtadan bosimni olish qurilmasi difmanometrdagi sezgir elementning musbat bo’shlig’iga ulangan. Difmanometrning manfiy bo’shlig’i tenglashtirish idishiga ulangan.

Yopiq rezervuarlardagi sathni o’lchashda ham tenglashtirish idishlarini rezervuarning o’ziga nisbatan ikki xil o’rnatish mumkin. 1. Tenglashtirish idishi (5-rasm, b, I) difmanometrning nol ko’rsatkichi yuqori chegara sathiga mos keladigan qilib o’rnatiladi. Shunda difmanometr 1 ning manfiy bo’shlig’i berkitish ventili 3 orqali rezervuar 4 ning pastki qismiga ulangan, o’lchanadigan suyuqlikning quyi chegara sathiga mos nuqtadan bosim olish qurilmasi difmanometrdagi sezgir elementning manfiy bo’shlig’iga ulangan. Difmanometrdagi sezgir elementning musbat bo’shlig’i tenglashtirish idishi orqali rezervuarga o’lchanadigan suyuqlikning yuqorigi chegara sathiga mos nuqtada birlashtirilgan. Tenglashtirish idishi rezervuarga yon shtuseri vositasida birlashtirilgan. Bunda shtuser bilan berkitish ve

2. Tenglashtirish idishi (5-rasm, b.II) undagi suyuqlik sathi o’lchanadigan suyuqlikning qo’sh chegara sathiga mos qilib o’rnatiladi. Bunda difmanometr nolni ko’rsatadi. Bunday sxemalar vakumli yoki ortiqcha bosimli, atrof muhit harorati o’zgarganda kondensat ajralmaydigan yoriq rezervuarlardagi suyuqlikning sathini o’lchash uchun qo’llaniladi. Tavsiflangan ikkala holda yopiq rezervuarlardagi suyuqlikning sathini o’lchashda tenglashtirish idishlarining yuqoridagi teshiklari tiqin bilan zich berkitiladi. Difmanometrlar-sath o’lchagichlarni o’rnatish va ularni impuls trubalari bilan bog’lash difmanometr-sarf o’lchagichlarni o’rnatish va bog’lash usuliga o’xshaydi.

Nazorat savollari: 1. Sath o’lchagichlarning birlamchi qurilmalari montaji. 2. Sath o’lchash ikkilamchi asboblar montaji. 3. Qalqovichli sath o’lchagichlarning qalqovichlarini, arqonlarini va tortqilarini o’rnatishda qanday talablar qo'yiladi va bunday sath o’lchagichlarning harakatchan tizimi (qismlari) qanday muvozanatlanadi? 4. Sath elektron indikatorining o’zgartirgichini qovushqoq, parda hosil qiluvchi va kristallanuvchi muhitlarda o’rnatish nima uchun mumkin emas?

E’TIBORLARINGIZ UCHUN RAHMAT !

Купить