Sozlash ishlarining mazmuni va bosqichlari - Техника и технология - Презентации

Информация о документе

Цена	3000UZS
Размер	662.1KB
Покупки	0
Дата загрузки	28 Апрель 2024
Расширение	pptx
Раздел	Презентации
Предмет	Техника и технология

Sozlash ishlarining mazmuni va bosqichlari

Купить

Sozlash ishlarining mazmuni va bosqichlari Reja: 1. Sozlash ishlarining bosqichlari. 2. Trubalarni tayyorlash va ularni yig’ishga taxt qilish. 3. Trubalarni yig’ib bloklarni tayyorlash.

1. Sozlash ishlarining bosqichlari Avtomatlashtirish tizimlari va elektr uskunalarni sozlash bu - ishga tushirishga tayyorlash , salt va yuklama bilan yurgizib ko‘rish, ishchi rejimlarga rostlash va avtomatlashtirish elementlarini ish rejimlariga rostlashdir.

Ishga tushirish - sozlash texnologik jarayonida avtomatlashtirish tizimi elementlarini rostlash - sozlash ikki bosqichda bajariladi: Birinchi bosqich ishlari: qurilish-montaj ishlari bilan birgalikda bajariladi. Texnologik uskunalar ishlamay turganda o‘rnatish oldi tekshirishlari va qarovlar o‘tkaziladi. Ikkinchi bosqichda texnologik qurilmalar ishga tushirib, keyin avtomatlashtirish tizimi elementlarining ish rejimlari rostlab sozlanadi.

Har bir texnologik jarayon mutaxassis tomonidan bajariladi. Avtomatlashtirish tizimlari sozlash ishlarida nazorat o‘lchov asboblari va avtomatlashtirish vositalari bo‘yicha, ximoya vositalalarini rostlash bo'yicha va avtomatlashtirish elementlari bo'yicha maxsus tayyorgarlik ko'rgan mutaxassilar ish olib boradilar. Ishlar brigadalar tomonidan bajariladi.

Yirik obyektlarda bir necha brigadalar ish olib boradi. Brigadalar ishga tushirish - sozlash boshqarmalariga birlashadi. Ularda ishga tayyorlash sexlari (ITS) tashkil qilinib, statsionar sharoitlarda bajariladigan o‘rnatishga tayyorgarlik ishlari bajariladi. Ularga quyidagilar kiradi: ‾ avtomatlashtirish vositalari, nazorat o‘lchov asboblari (kip) va boshka asboblarni tuzatish va sozlash; ‾ nazorat o‘lchov asboblarining metrologik ta’minoti va xizmat ko‘rsatishi; ‾ past kuchlanishli qurilmalar komplekti shkafi va pultlarini yigish va rostlash;

‾ avtomatlashtirish vositalarini oshirilgan kuchlanishda sinash va rostlash. Ishga tushirish sozlash sexining umumiy ish hajmining 45% atrofida ishlari nazorat o‘lchov asboblari avtomatlashtirish vositalarini sozlash ishlari, 22% - elektr uskunalarni sozlash, 20% atrofida ishlar esa dispetcherlash vositalarining (naladkasi) sozlash ishlari tashkil qiladi.

Yangi qurilmaga obyektda sozlash ishlari quyidagi tartibda bajariladi:  sxemalar bilan tanishish;  o‘rnatish sifatini ko‘rish nosozliklarni topib yo‘qotish;  qurilmalarni sozlash;  texnologik jarayonni butkul sozlash va ishga tushirib ishlatib ko‘rish;  ishga tushirish - ishlatib ko‘rish, sozlash ishlari bo‘yicha hisobot tuzish.

Ekspluatatsiyada bo‘lgan qurilmalarni sozlashda quyidagilar bajariladi:  ekspluatatsiya jurnallari va sinov natijalariga ko‘ra qurilmalar rejimlari haqida ma’lumotlar olinadi;  normal rejimdan chetlanishlar sabablari o‘rganilib ular yo‘qotiladi;  nosozliklar yo‘qotilgach, yana sinovlar o‘tkaziladi, qurilmalarning ish ko‘rsatkichlari texnologik talab darajasiga keltiriladi

Akt bilan yana ishlab chiqarishga topshiriladi. Avtomatlashtirish tizimlari, nazorat o‘lchov asboblari, ximoya va signalizatsiya vositalarining texnik holatini baholovchi ishga tushirish sozlash paytidagi ularning rejim ko‘rsatkichlarini aniqlovchi asosiy hujjat texnik hisobotdir. Hisobot ishlar tugallangan holda 10 kun ichida tayyorlanadi.

Texnik hisobot quyidagi ko‘rinishda bo‘ladi: 1. Titul varaqasi. 2. Annotatsiya. 3. Qurilmalarni nazorat o‘lchov asboblari va avtomatlashtirish vositalarining sinov o‘lchov bayonnomalari. 4. Nazorat o‘lchov asboblari va qurilmalar komplekti ro‘yxati. 5. Kiritilgan o‘zgargir1 lar ruyxati va moxiyati. 6. Xulosa va ilovlar.

Trubalarni tayyorlash va ularni yig’ishga taxt qilish. Past (10 Mpa gacha) bosimli quvuryo’llar ( trubalardan yasalgan o’tkazgichlar). Metall trubalari. Omborda tanlab olingan barcha po’lat trubalar ularga ishlov berish va yi-ishga berishdan oldin ko’zga ko’rinadigan nuqsonlardan (oyiq joylar, darz, yoriq, pitirlar), shuningdek oval shaklda emasligini (ovallik truba diametrining 10% dan oshmasligi lozim) va ezilgan joylarning yo’qligi (ezilgan joyining chuqurligi 0,5 mm dan oshmasligi kerak) aniqlash maqsadida ular sinchiklab tashqi ko’rikdan o’tkaziladi,

Bu nuqsonlar trubalarning mustahkamligini pasaytiradi va xizmat muddatini qisqartiradi. Shuning uchun bunday nuqsonli trubalar o’rnatish uchun yaroqsiz deb hisoblanadi. Yaroqli deb topilgan trubalar to’g’ri chiziqlikka tekshiriladi, so’ngra esa kir va zangdan tashqi va ichki tomondan tozalanadi. Metall trubalarga ishlov berish, rejalash, kesish, egish, trubalarni birlashtirish uchun ularning uchlarini tayyorlash, rezba qirqish (faqat suvgaz o’tkazuvchi po’lat trubalar uchun) kabi ishlarni bajarishdan iborat. Trubalar o’lchash asboblari bilan rejalanadi, mexanizasiyalashtirilgan asboblar bilan trubaqirqish stanoklarida kesiladi.

1-rasm.Elektr jilvirlash mashinasi: 1-jilvirlash doirasi, 2-himoyalash g’ilofi

Trubalni qirqish uchun mexanizasiyalash- tirilgan asbob sifatida E-2102 va E-2103 elektrsilliqlash mashinalari (1-rasm) ishlatiladi. Bular diametri 180 mm yoki 230 mm li silliqlash doirasi 1 bilan jihozlanadi. Doiraning yarim qismi himoyalovchi g’ilof 2 bilan berkitilgan. Mashinalar elektr yuritgichining quvvati mos holda 1,6; 2 kVt bo’lib, kuchlanishi 36 V va chastotasi 200 Gs li elektr tok bilan ta’minlanadi.

Dastaki yuritmali gidravlik trubaegich (2- rasm, a) shartli o’tish diametri 15 dan 50 mm gacha bo’lgan gazsuvo’tkazish trubalarini egishga mo’ljallangan bo’lib, porshenli moy nasosi 3 tirak roliklari 1 bo’lgan traversa 2 va almashtiriladigan uchta (egiladigan turli diametrdagi trubalar uchun) sektor 4 dan iborat. Egiladigan truba diametriga mos sektor tanlanadi va unga truba joylanadi.

2-rasm. Dastaki gidravlik truba eggich (a) va dastaki truba eggich (b, v): 1-tirak rolik, 2- traversa, 3- nasos, 4- qismlar

Trubalarni yig’ib bloklarni tayyorlash. Hozirgi sanoat korxonalarida markazlashtirilgan usulda boshqariladigan texnologik jarayonlarni nazorat qilish va avtomatik rostlash tizimlari umumiy uzunligi 50-60 ming. m ga etadigan bir oqimda 250-300 taga quvur yo’llarni o’z ichiga qamraydi. Quvuryo’llarni o’rnatish muddatlarini qisqartirish, sifatini oshirish va narxini pasaytirish uchun ishlar blok- uzel usulida bajariladi. Bu usul quvuryo’llarni tayyorlash boyicha eng sermehnat og’ir ishlarni montaj tashkilotining tayyorlash o’rnatish ustaxonalari bajarishga imkon beradi.

Shu munosabat bilan ko’rilayotgan ob’ektda bevosita bajariladigan ishlar ancha soddalashadi va tayyor bloklarni yotqizish va ularni yig’ib, quvuryo’l hosil qilishdan iborat bo’ladi. Yondosh bloklarning trubalarini o’zaro ajralmaydigan qilib (kavsharlab, payvandlab) yoki ajraladigan qilib (rezbali birikmada) birlashtirish mumkin. Kavsharlash, payvandlash yoki rezbali birikmalarni o’rnatish uchun trubalarning uchlarida bukmalar bo’ladi. Mis va po’lat choksiz trubalarning uchlari bukgichlar yordamida (3-rasm) bukiladi.

3-rasm. Mis (a) va po’lat (b) trubalar uchun mo’ljallangan bukgichlar

Mis trubalarni biriktirgichlar yordamida ulashga tayyorlashda ularning uchlari yumaloqlab kengaytiriladi. Universal yumaloqlagich (4-rasm, a) korpus va konus-puansondan iborat. Korpusda tashqi diametri 6, 8, 10, 12 va 14 mm li mis trubalar uchun beshta teshik bor. Trubaning uchi jag’lar orasida mos diametrli teshikka kirgizilib, quloqli gaykalar yordamida qisiladi. So’ng puansonli vint buraladi. Puanson trubalar yon yuzasiga tiraladi.

Puansonning konuslik burchagi . Tashqi diametri 8 mm li mis trubalar uchun maxsus yumaloqlagichning jag’lari bilan qisiladi. Yumaloqlagichning dastalarini bir-biriga yaqinlashtirganda uning o’rta qismida joylashgan puanson ilgarilanma harakatlanib, trubaning uchiga kirib, uni yumaloqlab kengaytiradi.

4-rasm. Universal (a) va diametri 8 mm li mis trubalar uchun mo’ljallangan (b) yumaloqlagichlar

Nazorat savollari: 1. Avtomatika tizimlarining sozlash ishlari qanday tashkil qilinadi. 2. Avtomatika tizimlarining sozlash ishlari qanday baholanadi. 3. Sozlash ishlari qanday tashkil qilinadi? 4. Sozlash ishlarida qanday vositalar va asbob - uskunalar ishlatiladi? 5. Sozlash ishlarida qanday materiallar ishlatiladi?

E’TIBORLARINGIZ UCHUN RAHMAT !

Купить