Dokument ma'lumotlari

Narxi 19900UZS
Hajmi 31.3KB
Xaridlar 0
Yuklab olingan sana 09 Dekabr 2024
Kengaytma docx
Bo'lim Kurs ishlari
Fan Tasviriy san'at

Sotuvchi

Bahrom

Ro'yxatga olish sanasi 05 Dekabr 2024

228 Sotish

Umumta’lim maktablarida chizmachilik fanini chuqurlashtirib o’rganish

Sotib olish
O’ZBEKISTON RESPUBLIKASI OLIY O’RTA MAXSUS TA’LIM VAZIRLIGI AJINIYOZ NOMIDAGI NUKUS DAVLAT PEDAGOGIKA INSTITUTI “TA’SVIRIY SAN’AT VA TEXNOLOGIK TA’LIM ” FAKULTETI “TASVIRIY SAN’AT VA MUHANDISLIK GRAFIKASI” KAFEDRASI Tasviriy san’at va muhandislik grafikasi ta’lim yo’nalishi Tajimuratova Gulxanning chizmachilik fanidan “UMUMTA’LIM MAKTABLARIDA CHIZMACHILIK FANINI CHUQURLASHTIRIB O’RGANISH” mavzusida KURS ISHI Qabul qildi: Tasviriy san’at va muhandislik grafikasi o’qituvchisi: Bekmuratov T “ ” 2025 yil NUKUS-2025 UMUMTA’LIM MAKTABLARIDA CHIZMACHILIK FANINI CHUQURLASHTIRIB O’RGANISH MUNDARIJA I BOB. KIRISH. Chizmachilik fanining chuqur o’rgatilishi maqsadi va dolzarbligi....... II BOB. ASOSIY QISM 2.1.Fakultativ mashg’ulotlar va ularni o’tkazish metodikasi................ 2.2 Chizmachilik sinfdan tashqari ishlar............................................. 2.3.Chizmachilikdan sinfdan tashqari ishlarning shakl va metodlari 2.4. Chizmachilik to’garagi................................................................ III BOB. Xulosa ................................................................................ IV BOB. Foydalanilgan adabiyotlar .............................................. KIRISH Hozirgi kunda Respublikamizdagi umumta'lim maktablarining ko'pchiligida chizmachilik fanini o'rganish asosan fan dasturida ko'rsatilgan materiallarni o'rganish bilan chegaralanib qolmoqda. Chizmachilikni o'quvchilarga chuqur o'rgatishning eng maqbul yo'li, bu chizmachilik chuqur o'rganiladigan maxsus sinflarning tashkil qilinishi hisoblanadi. Bunday maxsus sinflardagi o'qishlar o'quvchilarni biror tor mutaxassislik yo'nalishiga tayyorlashni ko'zlamaydi. Bunda ta'lim qobiliyatli va grafika fanlariga qiziqish bildirgan o'quvchilarni grafik tasvirlar nazariyasi bilan chuqurroq tanishtirish, ularning chizma bajarish va o'qish malakalarini rivojlantirishga yo'naltiriladi. Bunday tayyorgarlik keyinchalik o'quvchilarning kasb tanlashlarida ham yordam berishi mumkin. Chizmachilik chuqur o'rganiladigan sinflarda ta'limni ikki bosqichda tashkil qilish mumkin. Birinchi bosqichda kursning asosiy mazmuni chuqurlashtirib o'rganiladi va uning amaliy qo'llanilish sohalariga ko'proq e'tibor qaratiladi. Ikkinchi bosqichda o'quv materialida o'rganiladigan nazariy yo'nalishlarni birmuncha kengaytirish, amaliy qo'llash sohalari bilan keng tanishish, murakkab grafik topshiriqlar bajarish va olingan bilimlarni amaliyotda mustaqil qo'llash bilan bog'liq bo'lgan ijodiy xarakterdagi topshiriqlarni bajarish ko'zda tutiladi. Bunday sinf (maktab)lardagi tarbiyaviy ishlar shaxsni har tomonlama rivojlantirish va kasbga yo'naltirishni hisobga olib tashkil qilinishi zarur. Tarbiyaviy ishlar tarkibiga to'garak mashg'ulotlari, olimpiadalar, tanlovlar, fan va texnika namoyondalari, madaniyat xodimlari, ishlab chiqarish ilg'orlari bilan uchrashuvlarni o'tkazishlar ham kirishi kerak. Bunday sinflardagi chizmachilik kursida proeksion, mashinasozlik, arxitektura-qurilish va texnik rasm bo'limlarini chuqurlashtirib o'rganish maqsadga muvofiq. «Proeksion chizmachilik» bo'limi geometrik yasashlar va «Chizma geometriya elementlari»da o'rganiladigan qator mavzular: proyeksiyalash usullari, geometrik elementlarning proyeksiyalari, sirtlarning tekislik va to'g'ri chiziq bilan kesishishlari, sirtlarning o'zaro kesishishlarini o'rganishni hamda texnik detal chizmalarini bajarishni o'z ichiga oladi. «Mashinasozlik chizmachiligi» bo'limi konstruktorlik hujjatlarini o'rganish, detal va yig ish birligining chizmalarini bajarish, aksonometrik proyeksiyalarni o'rganish, eskiz va texnik rasmlarni bajarish, sxemalarni o'qish, texnologiya va konstruksiyalash hamda kompyuter grafikasi elementlarini ko'rib chiqishni nazarda tutadi. «Arxitektura-qurilish chizmachiligi» bo'limida o'rganiladigan materiallarga arxitektura va o'zbek milliy amaliy san'ati buyumlarida uchraydigan geometrik yasashlarni bajarish, arxitekturaqurilish chizmalarini bajarish, arxitekturaviy kompozitsiya chizmalarini bajarish, arxitektura grafikasi va soyalar nazariyasi elementlarini o'rganish, amaliy va grafik ishlarni bajarishlarni kiritish mumkin. «Texnik rasm» bo'limida qalamda ishlash texnikasi, aksonometrik proyeksiya va perspektiva nazariyalarini chuqurlashtirib o'rganish, turli buyumlar shakllarini hisobga olgan holda texnik rasmlarini bajarish, buyumlarning shakliga ko'ra hajmini tasvirda ko'rsatish, obyekt texnik rasmini konstruksiyalash elementlari bilan bajarish hamda kinematic sxemalar rasmlarini yasashlarni o'rganish mumkin. Chizmachilik chuqur o'rganiladigan sinflardagi ta'lim jarayoni va mazmuni bo'yicha keltirilgan yuqoridagi metodik tavsiyalar maslahat xarakterida bo'lib, fan o'qituvchisi unga mahalliy sharoitlar va xususiyatlarni hisobga olib qo'shimcha va o'zgarishlar kiritishi ham mumkin. Keltirilgan har bir bo'limning mavzularini o'rganishning o'ziga xos tashkiliy- metodik talablarini shu fanlarning dasturlaridan olib mahalliy sharoitga moslashtirish mumkin. Fakultativ mashg'ulotlar va ularni o'tkazish metodikasi. 2.1. Fakultativ mashg’ulotlar va ularni o’tkazish metodikasi Fakultativ mashg'ulotlar o'quvtarbiya jarayonining bir shakli bo'lib, ular maktabda umumta'lim bilimlarini chuqurlashtirishga, o'quvchilarning politexnik tayyorgarliklarini oshirishga xizmat qiladi. Maktablarda o'rganiladigan chizmachilik kursi o'quvchilarda grafik faoliyatning eng zarur minimum bilim, ko'nikma va malakalarni shakllantirishga mo'ljallangan. Chizmachilik o'rganishga qiziquvchi o'quvchilarning grafik bilim, ko'nikma va malakalarini yanada chuqurlashtirish uchun maktablarda fakultativ mashg'ulotlarni tashkil qilish rejalashtirilgan. Chizmachilikdan fakultativ mashg'ulotlar sifatida quyidagi bo'limlarni o'rganish mumkin: 1) chizma geometriya elementlari; 2) mashinasozlik chizmachiligi; 3) qurilish va topografik chizmachilik. Fakultativ kurs yuqoridagi bo'limlarining har biri 70 soatga (haftasiga 2 soatdan) mo'ljallangan. Mashg'ulotlarni o'quvchilarning faolligini oshiradigan turli xil metodlardan foydalanib tashkil qilish zarur. Fakultativ mashg'ulotlar uchun guruhlarga qatnash istagini bildirgan o'quvchilar ixtiyoriy ravishda tanlanib olinadi. «Chizma geometriya elementlari» fakultativ kursini o'qitish metodikasi. Umumta'lim maktablarining chizmachilik fani dasturida to'g'ri burchakli proyeksiyalar va aksonometrik proyeksiyalar to'g'risida eng asosiy boshlang ich ma'lumotlargina keltirilgan. Ushbu fakultativ kurs ularni kengaytirib, chuqur o'rganishga mo'ljallangan. Fakultativ kursda qo'shimcha pozitsion va metrik masalalarni yechish orqali o'quvchilarni chizmani qayta tuzish usullaridan foydalanib, geometrik jismlar bilan bog'liq tasvirlarni bajarishga o'rgatiladi. Maktabda chizma geometriya elementlarini o'rganish o'quvchilarning fazoviy tasavvurlari, kuzatuvchanligi va mantiqiy fikrlashlarining o'sishiga yordamlashadi, bundan tashqari katta tarbiyaviy ahamiyatga ham ega. Chizma geometriya elementlari fakultativ kursida «Kirish», «Metrik masalalar» va «Pozitsion masalalar» bo'limlari o'rganiladi. «Mashinasozlik chizmachiligi» fakultativ kursini o'qitish metodikasi. Bu fakultativ kurs yordamida o'quvchilarga ko'pchilik ishlab chiqarish kasblari uchun zarur bo'lgan qo'shimcha texnik va grafik bilimlarni o'rgatish ko'zda tutilgan. «Mashinasozlik chizmachiligi» fakultativ kursi o'quvchilarning politexnik bilimlari va ilmiy dunyo qarashlarini kengaytiradi. Bu kursda yangi mavzular yetarlicha ko'p bo'lsa ham, ularning ayrimlari o'quvchilarga malum darajada avvaldan tanish. Shuning uchun ham o'qituvchi dastur materialini hamisha yangi materiallar bilan to'ldirib borishga harakat qilishi kerak. Fakultativ kurslarni o'rganishda kasb-hunar kollejlarining o'quv qo'llanmalari va topshiriqlar to'plamlaridan foydalanish mumkin. «Qurilish va topografik chizmachilik» fakultativ kursini o'qitish metodikasi . Bu kurs arxitektor, quruvchi va topograf kasblariga qiziquvchi hamda chizmachilikning ushbu bo'limlarini chuqur o'rganishga harakat qiladigan o'quvchilarga mo'ljallangan. Mashg'ulotlarda qurilish chizmalarining mashinasozlik chizmalaridan farqlari o'rganilib. o'quvchilarning qurilish chizmalari bo'yicha bilimlari umumlashtiriladi. 2.2 Chizmachilik sinfdan tashqari ishlar O'qituvchining maktabdagi ishi faqat dars o'tish bilan chegaralanib qolmasligi kerak. O'quv jarayonining asosiy shakli bo'lgan eng mukammal dars ham, sinfdan tashqari ishlar bilan to'ldirilishi kerak. O'qituvchi agar dars bilan chegaralanib qolsa, fan bo'yicha o'quvchilar bilishi zarur bo'lgan hamma materiallarni o'rgatishga ulgurmaydi. Ayniqsa, chizmachilikning ba'zi mavzulariga o'quv dasturida juda kam vaqt ajratilgani vaqt tanqisligini yanada keskinlashtiriladi. Sinfdan tashqari mashg'ulotlar o'quvchi shaxsining va imkoniyatlarining to'laroq ochilishiga imkoniyat yaratadi. Chizmachilik bo'yicha sinfdan va maktabdan tashqari ishlarning hamma shakllari ixtiyoriylik prinsiplari asosida tashkil qilinishi kerak. Sinfdan tashqari tadbirlar paytida o'quvchilarda mehnat ko'nikmalari va nazariy bilimlarining shakllantirishga harakat qilish kerak. Bunda o'quvchilarning yosh xususiyatlari va bilim saviyalarini e'tiborga olgan holda mashg'ulot mavzusi va mazmuni tanlaniladi. Chizmachilikdan sinfdan tashqari ishlarning shakl va metodlari Buning asosiy shakllari sifatida o'quvchilar bilimlarini chuqurlashtirilishga mo'ljallangan to'garak va fakultativ mashg'ulotlar, olimpiadalar, chizmachilikdan qiziqarli o'yin va tanlovlar, dasturning ayrim mavzulariga bag'ishlangan ekskursiyalar, devoriy gazeta va byulletenlar chiqarish, korxona va konstruktorlik byurolari xodimlarini taklif qilib ma'ruza va suhbatlar o'tkazish, chizmachilik yoki boshqa fanlardan ham ko'rgazmali qurollar tayyorlash kabilarni ko'rsatish mumkin. Agar yuqorida aytilgan sinfdan tashqari ishlar qisman bo'lsa-da amalga oshirilsa, ishonch bilan aytish mumkinki, o'qituvchi faoliyati o'quvchilar jamoasining shakllanishi, ularning fanga bo'lgan qiziqishlarini ortishi va natijada o’quvchilar grafik tayyorgarligi sifati yaxshilanishiga olib keladi. Ayrim o'qituvchilar chizmachilikdan sinfdan tashqari ish deb faqat past o'zlashtiruvchi o'quvchilar bilan ishlashni tushunadilar. Bu xato tushunchadir. O'quv dasturidagi asosiy mavzular mazmunini sinfdan tashqari ishlarga o'tkazish mumkin emas. Chunki, bu holda dars ahamiyati pasayib, ayrim o'quvchilarning darsga mas'uliyatsiz yondashuvi rag'batlantirilganga o'xshab qoladi. Shuning uchun fanga qiziqishi bo'lmagan va darsda faol qatnashmaydigan o'quvchilarni to'garak ishiga jalb qilish ham maqsadga muvofiq emas. Bunday ofquvchilarga faqat zarur hollarda dars paytida individual yordam ko'rsatish zarur, Individual mashg'ulotlar o'qituvchi uchun ham foydali bo'lib, u o'quvchining o'zlashtirmaslik sabablarini aniqlashga yordamlashadi. Chizmachilik to'garagi. Mashg'ulotlar mavzusi, qatnashchilarni tanlab olish va to'garak faoliyatini har tomonlama o'ylab rejalashtirishi kerak. Bunda to'garakda qanday masalalar yechilishi va qancha o'quvchi qatnashishi imkoniyati borligi aniqlanadi. Umumta'lim maktablarida chizmachilikdan bitta to'garak tashkil qilib, unga quyi va yuqori sinf o'quvchilarini birgalikda jalb qilish kerak. Guruhlarda to'garak mashg'ulotlarini haftasiga bir marta ikki soatdan ortiq bo'lmagan vaqt mobaynida o'tkazish kerak. Chizmachilik to garagining yillik ish rejasining namunaviy shakli quyidagicha bo'lishi mumkin. Mavzu Ajratilgan soatlar 1-mashg'ulot O'quvchilarni yoshi va qobiliyatiga qarab guruhlarga ajratish. Mashg'ulotlar rejasi va mavzusi bilan tanishtirish. 2-mashg'ulot «O'zbekistonda chizmachilikning rivojlanish tarixi» mavzusida suhbat (misollar). 3-8 - mashg'ulotlar. 8-sinfo'quvchilari uchun Proeksion chizma asoslari bilan chuqur tanishish. Geometrik jismlar proyeksiyalari tahlili. «Kesimlar va qirqimlar» mavzularini texnik detal chizmalarini tuzish misolida chuqur o'rganish. 9-sinf o'quvchilari uchun Texnik detal ish chizmasini shartlilik va soddalashtirishdan toydalanib bajarish. Yasashga doir proeksion masalalarni yechishda foydalaniladigan chizma geometriya metodlarini o'rganish. 2 2 2 2 2 2 Mashg'ulotlarning xilma-xil bo'lishi o'quvchilar qiziqishini orttiradi. Sxema, plan, grafik, texnik rasm, shrift kabilarni bajarish bo'yicha o'quvchilarning amaliy ko'nikmalarini rivojlantirishga alohida e'tibor qilish kerak. To'garak mashg'ulotlarida haddan tashqari qiyin topshiriqlarni berish, o'quvchilarni fanga bo'lgan qiziqishlarini pasaytiradi. Psixolog N.D.Dobrinin bu haqda «juda oson narsa, qiziqarli emas, haddan ortiq qiyin ham … qiziqarli emas, lekin qiyin bo'la turib, bajarish mumkin bo'lgani qiyinchilikni yengish imkoniyati borligi sababli zavqlidir» deb yozgan. Chizmachilik bo'yicha qiziqarli misol va topshiriqlar V.A.Rassoxinning «Занимательные задачи по проекционному черчению », I.Volkovning « Занимательное черчение », A.Pugachevning «200 головоломок по черчению », I.Rahmonovning «Chizmachilikdan didaktik o'yinlar» kitoblarida berilgan. To'garak mashg'ulotlarida darslar uchun topshiriq namunalarini tuzish, ko'rgazmali qurollar tayyorlash, maktab xonalari va maydoni interyerini jihozlash, turli stendlar tayyorlashni ham bajarish mumkin. Modellashtirish va konstruksiyalashtirish bo'yicha topshiriqlar ham o'quvchilar uchun qiziqarli hisoblanadi. Tematik kechalar. Maktabda doimiy faoliyat ko'rsatadigan chizmachilik to garagi bo'lsa, sinfdan tashqari hamma ishlarni jonli va qiziqarli qilib o'tkazish mumkin. Bu kechalarda uning tashkilotchilari to'garak faollaridan tashqari boshqa o'quvchilar ham ishtirok qilishlari mumkin. Masalan, to'garak qatnashchilarining kuchi bilan o'quv yili davomida bir nechta tematik kechalar tayyorlab o'tkazish mumkin. Bu kechalarda fanga qiziquvchi boshqa o'quvchilarni ko'plab jalb qilish bilan ommaviylikni ta'minlash mumkin. Tematik kechalarda «O'zbekistonda grafikaning rivojlanish tarixi», «Grafikaning turmushda va mehnat faoliyatida ishlatish sohalari» kabi mavzular o'quvchilar uchun qiziqarli bo'ladi. Kechaga bag'ishlab chizmachilik to'garagi faoliyati bo'yicha stend chiqarish mumkin. Ayniqsa kechalarga kashfiyotchi yoki ratsionalizator ishchilar, injener-texnik xodimlar taklif qilinsa yanada yaxshi bo'ladi. Ekskursiya (sayohat)lar. O'quvchilarni politexnik tayyorlashda chizmachilik bo yicha sayohatlarning ahamiyati katta. Sayohat vaqtida o'quvchi nazariya va amaliyot o'rtasida bog'lanishlarni amalda ko'radi. Bunday sayohatlarni chizmachilikning ma'lum bo'limlari yoki mavzularini o'rganishdan keyin doimiy ravishda o'tkazib borish kerak. Bundan tashqari obzor (umumlashtiruvchi) sayohatni uyushtirish ham mumkin. Sayohatlar tashkilotchisi sifatida chizmachilik to'garagi a'zolari qatnashishi ham mumkin. Buning uchun ular avval o'qituvchi rahbarligida sayohat rejalashtirilgan joy bilan tanishib, o'rganadilar va sayohat rejasini tuzadilar. Sayohatlarni oliy o'quv yurtlari, loyihalash institutlari va texnik byurolarda o'tkazish maqsadga muvofiq. Olimpiada. O'quvchilarni chizmachilikdan fan olimpiadalariga jalb qilish o'zining samarali ekanligini amalda ko'rsatgan. Olimpiadaga qatnashish o'quvchilar o'rtasida musobaqa kayfiyatini uyg'otib, ularni fanga bo'lgan qiziqishini oshiradi. Olimpiada masalalari maktab turi uchun fan o'qituvchisi tomonidan o'quvchilaming bilim darajasi va qiziqishlarini hisobga olgan holda tuziladi. Bunda oldingi yillarda tuman va viloyat turlari masalalaridan ham foydalanish tavsiva qilinadi. Masalalarni tuzishda bitta topshiriq konstruksiyalash yoki loyihalash xarakterida bo'lib unga ko'proq ball ajratilishi va g'olib o'quvchining shu topshiriqni bajarishiga alohida e tibor qilish tavsiya etiladi. Masalalarning ko'pchiligi o'quvchilar yechishi (bajarishi) mumkin darajada bo'lishi maqsadga muvofiq. Buning bilan olimpiada qatnashchilarning hammasi ma'lum ballar to'plashi mumkin bo'ladi. Aks holda o'quvchilarda o'z kuchiga ishonchsizlik hissi paydo bo'lib, fanga bo'lgan qiziqishlari pasayishi mumkin. Qiziqarli o'yinlar. Har xil to'garak mashg'ulotlari bilan bir qatorda chizmachilikdan qiziqarli o'yinlarni o'tkazib borish ham o'quvchilarda fanga qiziqishlarini orttiradi. Qiziqarli o'yinlarni tashkil qilishda I.Rahmonovning «Chizmachilikdan didaktik o'vinlar» kitobidan foydalanish mumkin. Undagi turli xil o'yinlar o'quvchilar uchun qiziqarli tuzilgan. Sinfdan tashqari mashg'ulotlar paytida o'quvchilar har xil rebuslar, topshiriqlardan iborat stend tayyorlashlari ham mumkin. Xulosa Chizmachilik aniq texnik fan hisoblanib , insonlarda o’z vaqtida ish bajarish, ya'ni aniqlik, talabchanlik, hamisha tozalikka rioya qilish hissini tarbiyalaydi. Har qanday chizma aniq chizishni talab qiladi. Standart talablariga rioya qilib chizilgan chizma o'ziga xos san’at hisoblanib , kishilarda estetik zavq uyg‘otadi. Insonlar chizmalar yordamida bir-birlarining texnik flkrlarini anglashga harakat qiladilar, ularni birovga tushuntirmoqchi bo‘Iib, chizmalar chizishadi, Demak, har ikkala vaziyatda ham chizma insonlar orasida texnik fikrlarni anglashga vositachi rolini o‘ynar ekan. Hozirgi ishlab chiqarishda chizmalar bilan ishlashning asosiy uchta yo‘na!ishini ta’kidlab o‘tish mumkin: tayyor   chizmalar asosida  detal ,  huyutn  va boshqalami  yasash . Bunday sharoitda chizmalarni aniq va to‘g‘ri o‘qish talab qilinadi; tayyorlartgan detal, buyum va boshqalami astiga qarab eskizlarini chizish. Bunda ilgari tayyorlangan chizmalar asosida yasalgan detal , buyum va boshqalami tuzatish yoki birovning texnik fikriga o'zgartirishlar kiritishga to'g‘ri keiadi; hali yaratilmagan detal, buyum va boshqalar chizmasini chizish. Bunda inson o‘zining fazoviy tasawur qilish qobiliyatini ishga solish bilan mutloq yangi ko'rinishdagi mashinalarni yaratishga yoki bor narsalarga o'zgartirish kiritishga intiladi. Insonning bu harakati yuqori malakali konstruktor bo’lishni talab etadi.Sanoatda har bir ishlab chiqariladigan detal, buyum va boshqalar chizmalar vositasida nazorat qilinadi. Detalning zagotovka holatidan tayyor mahsulot bo’lgunga qadar davrida „chizma-detal yonma-yon bo‘ladi. ADABIYOTLAR RO`YXATI 1. Bogolyubov S.K. Voinov A.V. Texnikaviy chizmachilik kursi- T., «O`qituvchi».1976. 2. Rozov S. V. Sbornik zadaniy po chercheniyu. M. ―Ma sh in ostroe nie‖ 1978. 3. Qirg‘izboev.Y, Sobitov.E, Hakimov.l,Rahmonov.I.Mashinasozlik chizmachiligi kursi. - T., «O`qituvchi».1981. 4. Yodgorov J.Y, Narzullayev A.X. Mashinasozlik chizmachiligi. T., 2009. 5. Qobiljonov K.M. va boshqalar. Chizmachilik va chizma geometriya asoslari. Toshkent, 1983. 6. Qirg`izboev.YU, Inog`omova.Z.L, Rixsiboev.T, Texnik chizmachilik kursi. - T., «O`qituvchi».1987. 7. Vorotnikov I.A. Zanimatelnoe cherchenie-M., «Prosveshenie». 1990. 8. Yodgorov J., Odilov P., Narzullaev S. Chizma geometriya. Toshkent, ―O`qituv chi,‖ 1991 9. Rahmonov I. chizmalarni chizish va o`qish . T., «O`qituvchi».1992. 10.Rahmonov I.T. Chizmachilikdan didaktik o‗yinlar – T., «O‗qituvchi». 1992. 11.Isayeva M. Chizmachilikdan topshiriqlar» T. «O‗qituvchi». 1992. 12.Yodgorov J. va boshqalar «Chizmachilik» T. «O‗qituvchi». 1992. 13.Raxmonov I. Chizmalarni chizish va o‗qish. - T., ―O ‗qit uvchi .‖ 1992. 14.Odilov P va boshqalar. Chizmachilik., - T., TDPU. 2000. 15. Umronxo`jayev A. «Chizmachilik» - T., «O`qituvchi». 2006. 16. Ro‘ziyev E.I., Ashirboyev A. Muhandislik grafikasini o‘qitish metodikasi. – T., 2010. Elektron ta’lim resurslari 1. www.tdpu.uz 2. www.pedagog.uz 3. www.Ziyonet.uz 4. www.edu.uz 5. tdpu-INTERNET.Ped

Umumta’lim maktablarida chizmachilik fanini chuqurlashtirib o’rganish

I BOB. KIRISH.

Chizmachilik fanining chuqur o’rgatilishi maqsadi va dolzarbligi.......

II BOB. ASOSIY QISM

2.1.Fakultativ mashg’ulotlar va ularni o’tkazish metodikasi................

2.2 Chizmachilik sinfdan tashqari ishlar.............................................

2.3.Chizmachilikdan sinfdan tashqari ishlarning shakl va metodlari

2.4. Chizmachilik to’garagi................................................................

III BOB. Xulosa................................................................................

IV BOB. Foydalanilgan adabiyotlar..............................................

Sotib olish