Информация о документе

Цена 40000UZS
Размер 58.1KB
Покупки 0
Дата загрузки 31 Октябрь 2026
Расширение docx
Раздел Курсовые работы
Предмет Психология

Продавец

DocX Seller

Дата регистрации 31 Октябрь 2026

0 Продаж

Yoshlar orasida sog‘lom turmush tarzini targ‘ib qilish mexanizmlarini ishlab chiqish

Купить
KURS ISHI MAVZU: Yoshlar orasida sog ‘ lom turmush tarzini targ ‘ ib qilish mexanizmlarini ishlab chiqish Fan: YOSHLAR BILAN ISHLASH PSIXOTEXNOLOGIYASI Ta’lim yo‘nalishi: 60310900 – Psixologiya (Yoshlar psixologiyasi) Toshkent-202 5 MUNDARIJA KIRIS H . ........................................................................................................... ...... ... 3 I BOB. SOG'LOM TURMUSH TARZI ……………………………………... ......7 1.1 . Sog‘lom turmush tarzida jismoniy faollikning o‘rni .......................................... .. 7 1.2. Ruhiy salomatlik va stressni boshqarish usullari.......................................... .....10 II BOB. YOSHLAR ORASIDA SOG'LOM TURMUSH TARZINING HOLATI... .............................................................................................................. 13 2.1. O ' zbekiston yoshlarining sog'lom turmush tarzi bo'yicha hozirgi hol …… … .. ..13 2.2. Sog'lom turmush tarzini targ'ib qilishda hayotiy axborotning roli...... ...... . ... .....16 XULOSA ................................................................................................................20 ADABIYOTLAR RO‘YXATI ..............................................................................22 2 Kirish Mavzuning dolzarbligi: Bugungi globallashuv davrida yoshlar orasida sog‘lom turmush tarzini shakllantirish masalasi jahon hamjamiyatining e’tibor markazida turibdi. Sog‘lom turmush tarzi nafaqat har bir insonning jismoniy va ruhiy salomatligini saqlashga, balki jamiyatning umumiy rivojlanishiga ham bevosita ta’sir ko‘rsatadi. Ayniqsa, yoshlar orasida bu masala dolzarb bo‘lib, sog‘lom avlodni tarbiyalash va ular orasida salbiy odatlardan saqlanishni ta’minlash jamiyatning barqaror rivojlanishida muhim omil hisoblanadi. Hozirgi vaqtda texnologiyalar rivojlanib, yoshlarning kundalik faoliyati jismoniy harakatlardan ko‘ra ko‘proq o‘tirish bilan bog‘liq bo‘lgan faoliyatlarga ko‘chgan. Bu esa ortiqcha vazn, yurak-qon tomir kasalliklari va boshqa ko‘plab muammolarning yuzaga kelishiga sabab bo‘lishi mumkin. Shu bilan birga, noto‘g‘ri ovqatlanish, stress va zararli odatlarning (chekish, alkogol iste’moli va boshqalar) keng tarqalishi yosh avlodning salomatligiga jiddiy xavf tug‘diradi. Mazkur muammo dolzarbligi shundaki, sog‘lom turmush tarzini targ‘ib qilish orqali yoshlarning jismoniy va ruhiy holatini yaxshilash, ularga sog‘lom hayot qadriyatlarini singdirish mumkin. Bundan tashqari, bunday tashabbuslar yoshlarni ijtimoiy faollikka undaydi, ularga mas’uliyat hissi va o‘z kelajagiga nisbatan ehtiyotkor munosabatni shakllantiradi. Natijada, sog‘lom turmush tarzi nafaqat individual darajada, balki jamiyatda ham sog‘lom muhit yaratishga xizmat qiladi. Shu sababli, sog‘lom turmush tarzini targ‘ib qilish mexanizmlarini ishlab chiqish, bu boradagi innovatsion yondashuvlarni qo‘llash va ularni amaliyotga joriy etish bugungi kunning eng dolzarb vazifalaridan biridir. Bu mavzu nafaqat yoshlar, balki butun jamiyat salomatligi va rivojlanishi uchun katta ahamiyatga ega. Mavzuning o‘rganilganlik darajasi: Yoshlar orasida sog‘lom turmush 3 tarzini targ‘ib qilish mavzusi so‘nggi yillarda ko‘plab ilmiy izlanishlar va tadqiqotlarning diqqat markazida bo‘lib kelmoqda. Ushbu masala xalqaro va milliy miqyosda sog‘liqni saqlash, ta’lim, sotsiologiya, psixologiya va sport kabi turli yo‘nalishlar doirasida keng o‘rganilmoqda. Jahon miqyosida Jahon sog‘liqni saqlash tashkiloti (JSST) bu borada yetakchi o‘rin egallaydi. JSST sog‘lom turmush tarzining muhim tarkibiy qismlari, jumladan, to‘g‘ri ovqatlanish, jismoniy faollik, zararli odatlardan voz kechish va ruhiy salomatlikni mustahkamlash bo‘yicha bir qator tavsiyalar ishlab chiqqan. Shuningdek, Yevropa va Amerika davlatlarida yoshlar salomatligini yaxshilashga qaratilgan ko‘plab ijtimoiy dasturlar amalga oshirilmoqda. Masalan, AQShda "Healthy People 2030" dasturi, Yevropada esa "Health 2020" strategiyasi orqali sog‘lom turmush tarzini ommalashtirish ustida ishlanmoqda. Milliy miqyosda, O‘zbekistonda ham yoshlar orasida sog‘lom turmush tarzini targ‘ib qilish bo‘yicha muhim ishlar olib borilmoqda. Davlat siyosatining asosiy yo‘nalishlaridan biri sifatida "Yoshlar — kelajagimiz" davlat dasturi va Prezidentning yoshlar salomatligini mustahkamlashga qaratilgan farmonlari diqqatga sazovordir. Shu bilan birga, O‘zbekistonda sport va sog‘lomlashtirish markazlari tarmog‘ini kengaytirish, ommaviy sport tadbirlarini tashkil etish va sog‘lom ovqatlanishni targ‘ib qilish bo‘yicha ko‘plab loyihalar amalga oshirilmoqda. Kurs ishi maqsadi: Mazkur kurs ishining asosiy maqsadi – yoshlar orasida sog‘lom turmush tarzini targ‘ib qilishning samarali mexanizmlarini ishlab chiqish va ularning amaliy qo‘llanilishini tahlil qilishdan iborat. Shu bilan birga, sog‘lom turmush tarzining yoshlar salomatligiga, ijtimoiy faolligiga va jamiyatdagi o‘rniga bo‘lgan ijobiy ta’sirini aniqlash hamda bu yo‘nalishda innovatsion yondashuvlarni ishlab chiqish ushbu ishning asosiy vazifalaridan biridir. Ushbu maqsadga erishish uchun quyidagilar amalga oshiriladi: 1. Sog‘lom turmush tarzini shakllantirishga doir mavjud ilmiy va amaliy 4 tajribalarni o‘rganish va tahlil qilish. 2. Yoshlar orasida sog‘lom turmush tarzi bilan bog‘liq hozirgi holatni baholash va muammolarni aniqlash. 3. Sog‘lom turmush tarzini targ‘ib qilishning samarali vositalarini (sport tadbirlari, o‘quv dasturlari, media kampaniyalar va boshqalar) aniqlash va ularni takomillashtirish bo‘yicha tavsiyalar ishlab chiqish. 4. Mahalliy sharoitlarga mos ravishda sog‘lom turmush tarzini ommalashtirishga qaratilgan mexanizmlarni taklif qilish. Kurs ishi vazifalari: 1. Sog‘lom turmush tarzi tushunchasining mazmun-mohiyatini va uning asosiy tarkibiy qismlarini aniqlash. 2. Sog‘lom turmush tarzini targ‘ib qilishning xalqaro va milliy tajribalarini tahlil qilish. 3. Yoshlar orasida sog‘lom turmush tarzini shakllantirishga to‘sqinlik qilayotgan omillarni aniqlash. 4. Media platformalari va raqamli texnologiyalar yordamida sog‘lom turmush tarzini targ‘ib qilish strategiyalarini ishlab chiqish. 5. Yoshlar orasida sog‘lom turmush tarzini ommalashtirish uchun samarali targ‘ibot usullari va loyihalarni taklif etish. 6. Sog‘lom turmush tarzini shakllantirishga qaratilgan samarali dasturlar va tadbirlarni tashkil etish bo‘yicha tavsiyalar ishlab chiqish. Kurs ishining predmeti: Kurs ishining predmeti ijtimoiy muhit va shaxslar, sog`lom turmush tarzi asosiy predmeti hisoblanadi. Kurs ishining nazariy va amaliy ahamiyati: Kurs ishining nazariy ahamiyati ushbu kurs ishi sog‘lom turmush tarzi tushunchasining nazariy asoslarini chuqurroq o‘rganish va uning yoshlar salomatligiga ta’sirini tahlil qilishga hissa qo‘shadi. 5 - Yoshlar orasida sog‘lom turmush tarzini shakllantirishga doir xalqaro va milliy tajribalar hamda zamonaviy yondashuvlarning tahlili orqali mavzuga oid ilmiy bilimlar bazasini boyitadi. - Kurs ishida ishlab chiqilgan g‘oyalar va xulosalar kelgusida ushbu sohada olib boriladigan ilmiy tadqiqotlar uchun nazariy asos sifatida xizmat qilishi mumkin. Amaliy ahamiyati: - Tadqiqot natijalari yoshlar orasida sog‘lom turmush tarzini targ‘ib qilish bo‘yicha samarali mexanizmlar va usullarni ishlab chiqishga yordam beradi. - Ishda taklif qilingan tavsiyalar ta’lim muassasalari, sport tashkilotlari, sog‘liqni saqlash tizimi va jamoat birlashmalari faoliyatida qo‘llanilishi mumkin. - Kurs ishida ishlab chiqilgan targ‘ibot vositalari va strategiyalari yoshlarning salomatligini yaxshilash, zararli odatlarning oldini olish va jismoniy faollikni oshirishga yo‘naltirilgan dasturlarni ishlab chiqishda foydalanilishi mumkin. - Tadqiqot natijalari mahalliy sharoitlarga mos keluvchi, yoshlar salomatligini mustahkamlashga qaratilgan turli loyiha va dasturlarni yaratishda amaliy ahamiyatga ega. Kurs ishining tuzilishi va hajmi : Kurs ishi kirish qismi, 2ta bob va xulosa, foydalanilgan adabiyotlardan tashkil topgan. 6 I BOB. SOG'LOM TURMUSH TARZI 1.1. Sog‘lom turmush tarzida jismoniy faollikning o‘rni Salomatlik – inson kamolotining muhim tarkibiy qismlaridan biri bo‘lib, shaxsning hech kim dahl qila olmaydigan huquqi, o‘z-o‘zini rivojlantirish, shaxsiy va jamiyat hayotida faol ishtirok etishi garovidir. Ma’lumki, jamiyatimizda inson salomatligi, jismoniy barkamolligi, sog‘lom turmush tarzi madaniyatiga egaligi o‘ta muhim ijtimoiy qadriyat hisoblanadi. Millat salomatligini ta’minlash, xalq genofondini bekamu-ko‘st saqlash sog‘lom turmush tarzi tufayligina yetarlicha ijobiy tarzda hal etiladi. Bu esa, jamiyatning barcha ijtimoiy institutlari; oila, o‘quv-tarbiya maskanlari, mahalla hamda mustaqil ta’lim oldiga jamiyatimiz fuqarolariga sog‘lom turmush tarzi mazmuni va mohiyatini anglatish, yoshlarni sergak va bilimdon, barkamol shaxs qilib tarbiyalash masalasini ko‘ndalang qilib qo‘yadi. Sog‘lom turmush tarzi - bu faol mehnat, ijod og‘ushida yashash, kuchli jismoniy va ruhiy yuklamalarni, o‘ta xavfli va zararli ta’sir ko‘rsatuvchi omillarni yengil ko‘tara oladigan har tomonlama taraqqiy etgan shaxsning shakllanish jarayonidir. Talabalar o‘rtasidagi o‘tkazilgan so‘rovnomada natijalaridan kelib chiqib, oliy o‘quv yurti talabalari bo‘sh vaqtini to‘g‘ri taqsimlash, kun tartibi, dam olishga va mehnat tartibiga rioya etishi sog‘lom turmush tarzi ko‘nikmalarining shakllanishida muhim ahamiyatga egadir. Shuning uchun sog‘lom turmush tarzini shakllantirish bo‘yicha ilmiy-uslubiy tavsiyalarni ishlab chiqish maqsadga muvofiqdir. Salomatlik – inson kamolotining muhim tarkibiy qismlaridan biri bo‘lib, 7 shaxsning hech kim dahl qila olmaydigan huquqi, o‘z-o‘zini rivojlantirish, shaxsiy va jamiyat hayotida faol ishtirok etish garovidir. Mamlakatimizda yuqumli bo‘lmagan kasalliklar hamda ularning xavf omillarining oldini olish, davolash va nazorat qilish, aholining barvaqt o‘lim hamda kasallanishini kamaytirish bo‘yicha izchil chora- tadbirlar amalga oshirilmoqda. Turmush tarzi tarixiy taraqqiyot jarayonida shakllangan insonlar hatti harakatining, faoliyatining majmuiy ko‘rinishidir. 1 Aniq tarixiy taraqqiyot jarayoniga asoslangan urf odatlar vaqt mobaynida takrorlanib turadi. Ular o‘z navbatida, ehtiyoj bo‘lib qolgan harakatlarni odatlarni turmush xarakterini yuzaga keltiradi. Sog‘lom turmush tarzi - o‘z ichiga insonning hayotga intilishlarini, sog‘ligini mustahkamlash va uning buzilishini oldini olishga qaratilgan hatti - harakatlarining yig‘indisini qamrab oladi. Demak, sog‘lom turmush tarzi - bu odamlarni o‘z salomatliklarini saqlash va yaxshilashga qaratilgan faoliyatidir. Sog‘liqni saqlash tizimidagi islohatlarga qaramasdan, tibbiyot xodimlari va pedagoglarning asosiy vazifalaridan biri bo‘lib sog‘lom turmush tarziga rioya etmaslik oqibatida yuzaga keladigan kasallanishni oldini olish bo‘lib hisoblandi. Sog‘lom turmush tarzining o‘quv ko‘nikmalarini shakllantirish va oliy o‘quv yurti sharoitida kasbiy tayyorgarlik bosqichlarida talaba yoshlarni sog‘liqni saqlash hulqi ko‘nikmalari hamda tassavvurlar tizimini o‘rganish. Sog‘lom turmush tarzi inson salomatligini mustahkamlash, hayot sifatini oshirish va uzoq umr ko‘rishni ta’minlaydigan turmush tarzi tamoyillarini o‘z ichiga oladi. Ushbu tamoyillarning ajralmas qismi sifatida jismoniy faollik katta ahamiyatga ega. Jismoniy faollik organizmning tabiiy ehtiyoji bo‘lib, sog‘liqni saqlash va mustahkamlashning asosiy omillaridan biri sanaladi. Sog‘lom turmush tarzida jismoniy faollikning o‘rni, avvalo, organizmni jismoniy va ruhiy barqarorlikka tayyorlashdan iborat. Doimiy mashqlar qon aylanish tizimini yaxshilaydi, yurak mushaklarini mustahkamlaydi va organizmga 1 Guloyim Sattarovna Avezova, Zarnigor Beshimova, Gulshod Sattarovna Avezova. Means and problems of forming a healthy lifestyle among the population. //The americcan journal of medical sciences and pharmaceutical research, (2021) 3(05), 73- 77 8 zarur kislorodning yetkazib berilishini ta’minlaydi. Natijada, yurak-qon tomir tizimining funksional holati yaxshilanadi, bu esa uzoq umr ko‘rish va yurak kasalliklarining oldini olishga yordam beradi. Jismoniy faollik ortiqcha vazn va semizlikning oldini olishda asosiy vositalardan biri hisoblanadi. Mashqlar davomida energiya sarfi oshadi va yog‘ qatlamlari kamayadi. Shuningdek, metabolizm jarayonlarining faollashuvi orqali organizmda toksinlar va zararli moddalar chiqariladi. Bu esa immunitetni oshirishga yordam beradi va kasalliklarga chidamlilikni ta’minlaydi. Sog‘lom turmush tarzida jismoniy faollik faqat jismoniy holatni yaxshilash bilan cheklanib qolmay, balki ruhiy salomatlikni ham qo‘llab-quvvatlaydi. Jismoniy mashqlar davomida organizmda endorfinlar ishlab chiqariladi, bu esa kayfiyatni ko‘taradi, stress va depressiyadan qutulishga yordam beradi. Shuningdek, muntazam jismoniy mashg‘ulotlar insonda o‘ziga bo‘lgan ishonchni oshirib, ijtimoiy munosabatlarda faollikni ta’minlaydi. Bundan tashqari, jismoniy faollik ijtimoiy turmush tarzining ajralmas qismiga aylanishi mumkin. Sport mashg‘ulotlari, jamoaviy o‘yinlar va ommaviy sog‘lomlashtirish tadbirlari odamlarni birlashtirib, sog‘lom ijtimoiy muhitni shakllantiradi. Bu esa sog‘lom turmush tarzini nafaqat individual, balki jamoaviy darajada rivojlantirishga imkon beradi. Xulosa qilib aytganda, sog‘lom turmush tarzini shakllantirishda jismoniy faollikning ahamiyati beqiyosdir. U nafaqat jismoniy va ruhiy salomatlikni mustahkamlashga, balki hayot sifatini oshirishga ham xizmat qiladi. Shu sababli, jismoniy faollikni kunlik odatlarimizga kiritish orqali sog‘lom va mazmunli hayot sari muhim qadam qo‘yishimiz zarur. 9 1.2. Ruhiy salomatlik va stressni boshqarish usullari Sog‘lom turmush tarzi nafaqat jismoniy salomatlikni, balki ruhiy barqarorlik va hissiy farovonlikni ham o‘z ichiga oladi. Insonning ruhiy salomatligi uning hayot sifati, ish faoliyati va jamiyatdagi o‘rniga bevosita ta’sir ko‘rsatadi. Stress esa zamonaviy hayotning ajralmas qismiga aylangan bo‘lib, u nazorat qilinmasa, ruhiy va jismoniy salomatlikka salbiy ta’sir ko‘rsatishi mumkin. Shu sababli, sog‘lom turmush tarzining muhim elementi sifatida stressni boshqarish va ruhiy salomatlikni mustahkamlash katta ahamiyatga ega. Ruhiy salomatlik insonning ichki barqarorligi, stresslarga chidamliligi va hayotdan zavqlanish qobiliyatiga asoslanadi. Agar inson ruhiy barqaror bo‘lsa, u o‘z hissiyotlarini nazorat qila oladi, muammolarga ijobiy yondashadi va o‘z maqsadlariga erishishda qat’iy bo‘ladi. Sog‘lom turmush tarzida ruhiy salomatlikning ahamiyati quyidagilarda namoyon bo‘ladi: - Emotsional barqarorlik jismoniy sog‘liqni saqlashda muhim rol o‘ynaydi. - Ruhiy salomatlik jamiyatdagi faoliyat va ijtimoiy munosabatlarni yaxshilaydi. - Stressdan holi bo‘lgan insonning mehnat unumdorligi oshadi, ijodkorligi rivojlanadi va maqsadlariga erishish osonlashadi. Stressni boshqarish sog‘lom turmush tarzining asosiy jihatlaridan biri hisoblanadi. Stressga qarshi kurashish va uni boshqarish qobiliyati insonning sog‘lom va mazmunli hayot kechirishida muhim omil hisoblanadi. Buning uchun bir nechta usullar mavjud: Jismoniy mashqlar stress gormonlari darajasini pasaytiradi va endorfin ishlab chiqarishni rag‘batlantiradi. Kundalik yurishlar, yoga yoki sport mashg‘ulotlari 10 stressni yengishda samarali vositalardir. Meditatsiya va chuqur nafas olish texnikalari insonni tinchlantirib, hozirgi lahzaga e’tibor qaratishga yordam beradi. Bu usullar stressni kamaytirish va ruhiy barqarorlikni tiklashga xizmat qiladi. Vitamin va minerallarga boy sog‘lom ovqatlanish kayfiyatni yaxshilaydi va organizmning stressga chidamliligini oshiradi. Masalan, magniy va omega-3 yog‘ kislotalari ruhiy holatga ijobiy ta’sir ko‘rsatadi. Salbiy fikrlarni nazorat qilish va ijobiy nuqtai nazarni rivojlantirish stressni yengishda yordam beradi. Yaqinlar va do‘stlar bilan muloqot qilish esa hissiy qo‘llab-quvvatlashni ta’minlaydi. Ish va dam olish vaqtlarini to‘g‘ri rejalashtirish stress darajasini kamaytiradi. Haddan tashqari ish bilan bandlikning oldini olish muhimdir. Ruhiy salomatlik va stressni boshqarish sog‘lom turmush tarzining ajralmas qismi bo‘lib, insonning ichki va tashqi salomatligini birdek mustahkamlashda muhim rol o‘ynaydi. Bu usullarni hayotimizga tatbiq etish orqali nafaqat stressning oldini olish, balki salomatlikni yaxshilash va hayotdan zavqlanish imkoniyatini ham oshirishimiz mumkin. Sog‘lom turmush tarzi ruhiy va jismoniy salomatlikning uyg‘unligi bilan chin ma’noda samarali bo‘ladi. 2 Sog‘lom turmush tarzini shakllantirish o quvchi-yoshlarda turli xilʻ kasalliklarning kelib chiqishi va avj olishiga sabab bo‘ladigan xavfli omillarni chetlab o‘tish va yengishga qaratilgan ijtimoiy va shaxsiy faolligi, amaliy harakat shakli, usuli va turlari majmuasidan iborat bir qator chora-tadbirlar tizimidan iborat bo‘lib, uning tub maqsadi aholining o‘rtacha umr ko‘rish muddatini uzaytirishga, o‘quvchilarning mamlakat ishlab chiqarish jarayonida faol va samarali ishtirokini, yagona ezgu maqsad - yurtimizning gullab-yashnashi, xalq farovonligi, uning milliy daromadini o‘stirishga hissa qo‘shishini ta’minlashga 2 Маматқулов Б . “ Жамоат саломатлиги ва соғлиқни сақлашни бошқариш ” “Ilm Ziyo” нашриёт уйи , 2013 й . 7- боб 82- 100. 8 боб 101- 116. 11 qaratilgandir. Sog‘lom turmush tarzini shakllantirish deganda avvalo kasallikning birlamchi profilaktikasini tushunishimiz kerak. Salomatlik bu inson hayotida, ayniqsa, yoshlik chog‘larida eng muhim ahamiyatga ega.Insonning salomatligi uning kasbiy qobiliyatiga, ijodiy o sishiga katta ta’sir ko rsatadi. Salomatlik inson omiliningʻ ʻ tabiiy asoslariga ta’sir etishini qayd etish muhim ahamiyat kasb etadi.Sog‘lom inson, salomatligi yomon insonga nisbatan og‘irroq ishni bajarish va moddiy foyda keltirish imkoniyatiga ega hisoblanadi. Jamiyatning zamonaviy tarbiya konsepsiyasi inson shaxsini, ya’ni yetuk qo‘yilgan maqsadga erkin va o‘z kuchi bilan erisha oladigan yoshlarni shakllantirishga asoslangandir. Bu bir tomondan, shaxsning har tomonlama rivojlanishini, ikkinchi tomondan, uning butun rivojlanishi jarayonida ham ruhiy, ham jismoniy, ham ma’naviy sog‘lom o‘sishini ta’minlashni o‘z ichiga oladi. Inson hayoti va sog‘ligi eng katta ijtimoiy boylikdir. Bu esa oila, va inson tarbiyasi bilan shug‘ullanuvchi tashkilotlar oldiga sog‘lom turmush tarzini shakllantirish masalasini qo‘yadi. Millat sog‘ligi tabiiy ravishda, sog‘lom turmush tarzi orqali ham hal etiladi.Inson hayoti tarzi tabiati bilan uyg‘unlikda kechadi. Insonlar tomonidan sodir etilgan salbiy xatti-harakatlar natijasida tabiat muvozanati ham buzilishi mumkin. Buning oqibatida ushbu xatti - harakatlar inson salomatligiga salbiy ta’sir ko‘rsatadi. Darhaqiqat, tabiat, shuningdek, atrof-muhit musaffoligiga erishish kishilar o‘rtasida keng yoyiladigan va inson salomatligiga jiddiy xavf soladigan kasalliklarning oldini olishga xizmat qiladi.Yuqumli kasalliklarning kelib chiqishida asosiy manba bo‘luvchi omillar bu issiq va sovuq havo, ochlik, ruhiy istirob, buzilgan taomni iste’mol qilish, tozalik va atrof-muhit ozodaligiga rioya qilmaslik, turli zararli kemiruvchi va hashoratlarning ko‘payishi kabilar havoning ifloslanishiga misol bo‘ladi. Sog‘lom turmush tarzini targ‘ib qilish turli xil yo‘nalishlarda olib borilishi 12 kerak. Bu, bir tomondan, yoshlarga sog‘lom turmushga oid ma’lum bir tibbiy bilimlarni berishga, ularga sog‘lom turmush tarzini rivojlantirishga qanday ta’sir etish tasavvurlarning uyg‘onishiga qaratilgan bo‘lsa, ikkinchi tomondan, ta’lim - tarbiyada qoidalariga amal qilish, o‘zini va yon atrofidagilarni sog‘lig‘ini saqlashni kundalik odatga aylantirish ko‘nikmalarini shakllantirishga bog‘liqdir. II BOB. YOSHLAR ORASIDA SOG'LOM TURMUSH TARZINING HOLATI 2.1. O'zbekiston yoshlarining sog'lom turmush tarzi bo'yicha hozirgi hol Bugungi kunda o quvchi-yoshlarda sog‘lom turmush tarzini shakllantirishʻ deganda har bir o‘quvchining kundalik hayotda salomatlik uchun foydali bo‘lgan odatlarga o‘rgatish, zararli odatlardan tiyilishiga erishish, foydali va xavfsiz turmush kechirish uchun zarur bilimlar bilan ta’minlash, oxir-oqibatda o‘quvchilarning o‘zlashtirgan bunday bilimlarini uning kundalik odatiga aylantirishga erishishni tushunmoq kerak. Har bir o‘quvchi tomonidan sog‘lom turmush tarzining turli xil elementlarini shoshilmasdan, bosqichma-bosqich o‘zi kundalik hayotiga kirita borishi, ularning sonini kun sayin oshirib borishi, turli- tuman va ko‘p sonli sog‘lom yashash odatlaridan o‘zi uchun eng qulay, salomatligiga mos shakllarini tanlay bilishi sog‘lom turmush tarzini shakllantirishning asosini tashkil qiladi. Sog‘lom turmush tarzini shakllantirish keng qamrovli tushuncha bo‘lganligi sababli so‘z faqat jismoniy salomatlikni mustahkamlash va kasalliklarning oldini olish bilan chegaralanib qolmasdan, ayni paytda o‘quvchining shaxsiy sifatlarini oshirishga, o‘z salomatligi uchun qayg‘urishiga, irodali bo‘lishga salomatligini oliy qadriyat sifatida qadrlay bilish hissini uyg‘otishga ham qaratilishi lozim. Olimlar sog‘lom turmush tarzi sohasida o‘tkazgan tadqiqotlarni umumlashtirib, o‘quvchi-yoshlarning salomatligi va sog‘lom turmush tarzini shakllantirishning 13 tibbiy jihatlarini shaxsiy gigiyena, jamoa salomatligini muhofaza qilish, tashqi muhitni muhofaza qilish kabi uchta tizimga ajratadilar. Salomatlik o‘quvchi-yoshlar tomonidan egallangan bosh ijtimoiy boylikdir. Bu esa davlat tashkilotlari tomonidan, o‘quvchi yoshlar salomatligini yaratib, dolzarb muammolardan biri sifatida sog‘lom turmush tarzini shakllantirishga olib keladi. O quvchilar hayotda o z o rinlarini endi topayotgan va rivojlanayotgan bir paytdaʻ ʻ ʻ sog‘lom turmush tarzini shakllantirish muhim ahamiyatga ega hisoblanadi. Chunki, yoshlik davrida orttirgan malaka va ko‘nikmalar butun umrga asos bo lib xizmat ʻ qiladi. Sog lom turmush tarzini shakllantirishning milliy kontseptsiyasi namunaviy ʼ modeli respublika aholisi o rtasida sog lom turmush tarzini shakllantirish ʼ ʼ jarayonini ma lum bir tartibda va ilmiy asosda olib borishni imkon yaratadi, uning ʼ samaradorligini oshiradi. 3 Shu bilan birga sog lom turmush tarzini namunaviy ʼ modeli - odamlar o rtasida sog lom munosabatlarni hamda namunaviy hulqni ʼ ʼ shakllantirish jarayonini tartibga solib boradi va tezlashtiradi. Insonlar jamiyatda o zlarining yashash tarzlarini, gigienik xulqlarini, shuningdek tibbiy faolliklarini ʼ namunaviy etap bilan qiyoslab ko rish hamda unga o zgartirishlar kiritib borish ʼ ʼ imkoniyatiga ega bo ladi. ʼ O’quvchi yoshlar o’rtasida sog lom turmush tarzini shakllantirishda ʼ motivatsiya omilining o rni xaqida gap yuritmoqchi bo lsak, avvalo motivatsiya ʼ ʼ atamasi o z mazmuniga ko ra shaxsni ma lum bir faoliyatini bajarishga kirishishi ʼ ʼ ʼ uchun harakatga keltirish, uning muhimligini asoslash va anglatishdan iboratdir. Jumladan sog lom turmush tarzini shakllantirish muammosida motivatsiya omili ʼ odamlarga ularning nima uchun sog lom turmush tarzida yashash lozimligi, ne ʼ sababdan nosog lom turmush tarzini tanlash yuzasidan kerakligini anglatishga ʼ qaratilgan. 3 Будук-оол Л. К. Социально-гигиенические факторы образа жизни студентов: научное издание / Гигиена и Санитария. - М., 2015. - Том 94 N5УБЖ015. - C. 95-97. 14 O zbekiston Respublikasining ijtimoiy va iqtisodiy taraqqiyoti keskinlik bilanʼ o sib, rivojlanib borayotgan hozirgi davrda o’quvchi yoshlar o’rtasida sog lom ʼ ʼ turmush tarzining ijtimoiy - gigienik mezonlarini aniq belgilab olish juda katta ahamiyatga ega. Mamlakatimizda sog lom turmush tarzi - inson salomatligining qonunyatlari ʼ majmui emas, balki inson salomatligini mustaxkamlashga bo lgan qarashlar ʼ tizimidan tashkil topgan. O’quvchi yoshlar o’rtasida sog lom turmush tarzini ʼ mafkurasi, R.U.Аrziqulovning fikricha, turmush tarzining falsafasini, davlatning sog lom turmush tarzini shakllanishi bo yicha yuritayotgan siyosatin, sog lom ʼ ʼ ʼ turmush tarzining huquqiy, ahloqiy asoslarini, sog lom turmush tarzining ʼ pedagogikasi, psixologiyasi, sotsiologik madaniyati, etikasi va hechinasligi o zida ʼ mujjasamlashtirgan bo lishi lozim ʼ Har bir yosh avlod o z tana a zolarining zahiraviy imkoniyatlarini oshirish ʼ ʼ uchun, ularni muntazam ravishda chiniqtirib borishi lozim. Salomatlik zahiralarini shakillantirish uchun sog lom turmush tarzining quyidagi mezonlariga amal qilish ʼ tavsiya qilinadi:  muntazam ravishda jismoniy tarbiya va jismoniy mehnat bilan shug ullanish. ʼ  me yoriy aqliy va jismoniy yuklama bilan ishlash, kuchli aqliy mehnatdan ʼ so ng faol dam olish. ʼ  zararli odatlardan yuz o girishi ʼ  organizmni chiniqtirish;  toza havoda kamida 2-3 soat yurish;  kun tartibiga qat iyyan amal qilish, bir kunda kamida 8 soat uxlash; ʼ  ehtiyoj tug ilganda turmush tarzini va ishini o zgartirish ʼ ʼ  turmush, o qish va ishdan qanoatlanib yashash. ʼ O’quvchi yoshlar o’rtasida sog lom turmush tarzi muammosi - odamzod oldida ʼ turgan eng muhim muammo - shaxsni har tomonlama rivojlantirish, mehnat turmush va dam olish sohasida, ilmiy jihatdan asoslangan, ijtimoiy - gigienik 15 jihatdan faolligini kuchayishiga yordam beradigan, ijtimoiy-gigienik tarafdan samarali bo lgan turmush tarzini shakllantirish muammosidir.ʼ “O’quvchi yoshlar o’rtasida sog lom turmush tarzini - bu kundalik turmushni ʼ biologik va ijtimoiy qonunlar asosida bunyod etib, salomatlikni asrash va mustahkamlashga qaratilgan turmush tarzidir” deb ta riflanadi. ʼ O’quvchi yoshlar o’rtasida sog lom turmush tarzi o z hayotida ro y beradigan ʼ ʼ ʼ aniq voqea-hodisa hamda turli o zgarishlar ta sirida shakllanadi. Jamiyatning ʼ ʼ rivojlanishi, axborot oqimining yuqorilab borish, tezkor hayot tarziga talabning ortishi natijasida o zaro aloqa va munosabatning birmuncha qiyin tus olayotganligi ʼ o quvchi yoshlar ruhiyatiga salbiy ta sir ko rsatmoqda. ʼ ʼ ʼ Oqibatda ularda o z taqdiri, oilasi yaqinlari uchun zarur bo lgan turmush ʼ ʼ tarziga ega bo lish, aqliy va ruhiy erkinlikka intilishga asoslangan xatti-harakatlar ʼ majmuini tanlashga nisbatan ma suliyatlar ortmoqda. ʼ 2.2. Sog'lom turmush tarzini targ'ib qilishda hayotiy axborotning roli Sog‘lom turmush tarzini shakllantirish va uni jamiyatda keng targ‘ib qilish zamonaviy davrning eng dolzarb masalalaridan biri hisoblanadi. Bunda hayotiy axborotning, ya’ni odamlar o‘z sog‘lig‘ini saqlash va yaxshilash uchun foydalanishi mumkin bo‘lgan ishonchli va amaliy ma’lumotlarning roli beqiyosdir. Ma’lumotga ega bo‘lish, ayniqsa, yoshlar orasida sog‘lom turmush tarzini shakllantirishning muhim vositasidir. Sog‘lom turmush tarzi haqida ma’lumot beruvchi axborot sog‘liqni saqlash, zararli odatlardan voz kechish, jismoniy faollikni oshirish va to‘g‘ri ovqatlanish bo‘yicha ko‘rsatmalarni o‘z ichiga oladi. Bunday axborot nafaqat sog‘liqni saqlash tizimi vakillari tomonidan, balki ommaviy axborot vositalari, ijtimoiy tarmoqlar va o‘qituvchilar tomonidan ham keng ommaga yetkazilishi lozim. - Xabardorlikni oshirish: Odamlar qanchalik ko‘p bilimga ega bo‘lsa, ular shunchalik ongli ravishda sog‘lom hayot tarzi tamoyillariga amal qilishadi. 16 Masalan, zararli odatlarning salbiy oqibatlari haqida ma’lumot yoshlarni chekish va alkogol iste’molidan uzoqlashtiradi. - To‘g‘ri qarorlar qabul qilish: Hayotiy axborot orqali inson o‘z sog‘lig‘i uchun javobgarlikni chuqur his qilib, to‘g‘ri qarorlar qabul qiladi. Bu esa kasalliklarning oldini olishda muhim ahamiyat kasb etadi. 1. Ommaviy axborot vositalari: Televizion dasturlar, radio eshittirishlar, gazeta va jurnallardagi maqolalar sog‘lom turmush tarzini targ‘ib qilishning samarali vositalaridir. 2. Ijtimoiy tarmoqlar va internet platformalari: Bugungi kunda ko‘plab yoshlar internetdan foydalanadi. Sog‘liqni saqlash bilan bog‘liq ma’lumotlarni infografikalar, videolar yoki bloglar orqali tarqatish yanada qiziqarli va samarali bo‘ladi. 3. Ta’lim tizimi: Maktab va oliy ta’lim muassasalarida sog‘lom turmush tarzi bo‘yicha maxsus darslar yoki seminarlar tashkil etish o‘quvchilar va talabalar uchun amaliy ahamiyatga ega. 4. Tadbir va treninglar: Mahallalarda, korxonalarda va jamoat joylarida sog‘lom turmush tarziga bag‘ishlangan treninglar va sport musobaqalarini o‘tkazish odamlarni faol hayotga undaydi. Hayotiy axborotning jamiyatga ta’siri qanchalik keng bo‘lsa, sog‘lom turmush tarzi odatlariga amal qiluvchi odamlar soni ham shunchalik ortadi. Masalan, yoshlar orasida zararli odatlar haqida ochiq muloqot va targ‘ibot ishlari ularni ongli tanlov qilishga undaydi. To‘g‘ri ovqatlanish va jismoniy faollik bo‘yicha maslahatlar esa sog‘liqni mustahkamlash uchun yo‘l-yo‘riq bo‘lib xizmat qiladi. Sog‘lom turmush tarzini targ‘ib qilishda hayotiy axborotning o‘rni beqiyosdir. Ishonchli va amaliy ma’lumotlarni keng ommaga yetkazish orqali jamiyatda sog‘lom avlodni shakllantirish mumkin. Axborotning ommalashuvi, ayniqsa, yoshlar orasida sog‘lom turmush tarzining mustahkamlanishiga, zararli odatlardan 17 voz kechishga va jismoniy salomatlikni yaxshilashga olib keladi. Shuning uchun hayotiy axborotni har bir insonga yetkazish bugungi kunda dolzarb vazifalardan biridir. O‘zbekiston yoshlarining sog‘lom turmush tarzi bo‘yicha amalga oshirilayotgan ishlar O‘zbekiston yoshlarining sog‘lom turmush tarzini shakllantirish va uni keng tarqatish bo‘yicha amalga oshirilayotgan ishlar davlat siyosatining ustuvor yo‘nalishlaridan biriga aylanmoqda. Yoshlarning sog‘lom va baquvvat bo‘lib ulg‘ayishi jamiyatning barqaror rivojlanishi uchun juda muhim ahamiyatga ega. Bu borada turli dasturlar, tashabbuslar va chora-tadbirlar amalga oshirilmoqda. Aytaylik, sportni rivojlantirish, sog‘lom ovqatlanishni targ‘ib qilish va zararli odatlarning oldini olish kabi yo‘nalishlarda keng ko‘lamli ishlar olib borilmoqda. O‘zbekiston hukumati yoshlarning sog‘lom turmush tarzini shakllantirish uchun bir qator davlat dasturlarini ishlab chiqdi va amalga oshirmoqda. “Yoshlar daftari” kabi loyihalar orqali yoshlar o‘rtasida sog‘liqni saqlash, jismoniy faollik va ijtimoiy faollikni oshirishga qaratilgan dasturlarni amalga oshirishda o‘z hissasini qo‘shmoqda. Shu bilan birga, 2017-yilda qabul qilingan “Yoshlar siyosati to‘g‘risida”gi qonun ham yoshlar salomatligini saqlashga, ular orasida sog‘lom turmush tarzini targ‘ib qilishga yo‘naltirilgan muhim hujjatdir. Ushbu qonunda yoshlarni jismoniy faollikka, sportga jalb qilish, zararli odatlardan saqlanish va ruhiy salomatlikni ta’minlash borasidagi vazifalar aniq belgilangan. 4 O‘zbekiston yoshlarining sog‘lom turmush tarzini shakllantirishdagi muhim omil sportni rivojlantirishdir. Ayni paytda shahar va qishloq joylarida sport inshootlarini qurish va modernizatsiya qilishga katta e’tibor qaratilmoqda. Sport maydonlari, gimnastika zallari va boshqa sport infratuzilmasi yangilanmoqda, yoshlar uchun sport faoliyatlarini rivojlantirish bo‘yicha maxsus dasturlar ishlab chiqilmoqda. 4 Sog lom turmush tarzini shakllantirishning pedagogik asoslari, https://tdpu.uz/articles/2ʼ 18 2019-yilda O‘zbekiston Respublikasi Prezidenti tomonidan tasdiqlangan “Sportni rivojlantirish va yoshlar o‘rtasida sportni ommalashtirish” dasturi doirasida, yoshlarni sportga jalb qilish, jismoniy faollikni oshirish va sport musobaqalarini o‘tkazish uchun ko‘plab tadbirlar o‘tkazildi. Mamlakatda sport turlari bo‘yicha “Yoshlar o‘yinlari”, “Mahalla sport festivallari” kabi tadbirlar ham o‘tkaziladi. Yoshlar orasida chekish, alkogol ichimliklar va boshqa zararli odatlarning oldini olish bo‘yicha turli xil targ‘ibot ishlari ham davom ettirilmoqda. Davlat va xususiy sektorda o‘tkaziladigan seminarlar, treninglar, maslahatlarga yoshlar jalb qilinadi. O‘quv yurtlarida, jamoat joylarida bu borada targ‘ibot ishlari olib boriladi. Shuningdek, zararli odatlar haqida ogohlikni oshirish va ijtimoiy muhitni sog‘lomlashtirishga qaratilgan ko‘plab ijtimoiy reklama kampaniyalari amalga oshirilmoqda. Shahar va qishloqlarda zararsiz va foydali o‘yinlar, sport faoliyatlari va madaniy tadbirlar o‘tkazilmoqda. Bu yoshlar orasida chekish va alkogolni iste’mol qilishga qarshi katta qarshilikni keltirib chiqaradi. Sog‘lom turmush tarzini targ‘ib qilishda, albatta, sog‘lom ovqatlanish masalasi ham ajralmas o‘rin tutadi. Hozirgi kunda O‘zbekistonning ta’lim muassasalarida va ijtimoiy joylarida yoshlarni sog‘lom ovqatlanish tamoyillari haqida targ‘ibot ishlarini kuchaytirishga alohida e’tibor qaratilmoqda. Maktablar va oliy ta’lim muassasalarida sog‘lom ovqatlanish bo‘yicha seminarlar va o‘quv kurslari o‘tkazilmoqda. Mahallalarda va sport markazlarida yoshlarga sog‘lom oziq-ovqat va to‘g‘ri ovqatlanish haqida ma’lumotlar berilmoqda. Sog‘lom ovqatlanish bo‘yicha maxsus dasturlar, reklama kampaniyalari va sog‘lom turmush tarzini targ‘ib qilishga qaratilgan boshqa chora- tadbirlar amalga oshirilmoqda. Yoshlar orasida stress va ruhiy muammolarni hal qilishga qaratilgan chora- tadbirlar ham tizimli ravishda olib borilmoqda. O‘zbekiston Respublikasida psixologik yordam xizmatlari, ruhiy salomatlikni saqlash va yoshlarning psixologik farovonligini ta’minlash bo‘yicha bir qator yondashuvlar mavjud. Yirik 19 shaharlar va qishloqlarda psixologik maslahat markazlari faoliyat ko‘rsatmoqda, bu yoshlar uchun stressni boshqarish, o‘zini rivojlantirish va ruhiy barqarorlikni ta’minlashda muhim yordam beradi. O‘zbekiston yoshlarining sog‘lom turmush tarzini shakllantirish bo‘yicha olib borilayotgan ishlar ijobiy natijalarga olib kelmoqda. Sportni rivojlantirish, zararli odatlarning oldini olish, sog‘lom ovqatlanish va ruhiy salomatlikni qo‘llab- quvvatlash kabi chora-tadbirlar orqali yoshlarning sog‘lig‘ini saqlashga erishilmoqda. Xulosa Bugungi kunda yoshlar orasida sog‘lom turmush tarzini targ‘ib qilish nafaqat individual sog‘liqni mustahkamlash, balki jamiyatning umumiy rivojlanishini ta’minlash uchun ham muhim ahamiyatga ega. Yoshlar hayotida sog‘lom turmush tarzi tamoyillarining shakllanishi ularning ruhiy va jismoniy salomatligini yaxshilash, zararli odatlardan uzoqlashish, jamiyatda faollikni oshirish va kelajakda baquvvat, barkamol avlodni tarbiyalashga xizmat qiladi. Yoshlar orasida sog‘lom turmush tarzini targ‘ib qilish mexanizmlarini ishlab chiqishning dolzarbligi bugungi globallashuv sharoitida, zararli odatlar va passiv hayot tarzi ko‘payib borayotgan bir paytda yanada ortib bormoqda. Yosh avlodga sog‘lom turmush tarzi g‘oyalarini yetkazish uchun innovatsion va ta’sirchan usullar zarur. 1. Ta’lim va xabardorlikni oshirish: Maktab va oliy o‘quv yurtlarida sog‘lom turmush tarzi bo‘yicha maxsus darslar, treninglar va tadbirlarni tashkil etish orqali yoshlarning bilim va ko‘nikmalarini oshirish lozim. Yoshlarni zararli odatlardan uzoqroq turishga undovchi targ‘ibot kampaniyalari va ko‘rgazmali vositalar bu borada muhim rol o‘ynaydi. 2. Sportni rivojlantirish va ommalashtirish: Har bir yoshni jismoniy faollikka jalb qilish uchun sport infratuzilmasini rivojlantirish, mahallalarda bepul sport tadbirlarini tashkil etish va ommaviy musobaqalarni o‘tkazish samarali yo‘l hisoblanadi. 20 3. Ijtimoiy tarmoqlar va raqamli texnologiyalardan foydalanish: Yoshlarning ijtimoiy tarmoqlarga bo‘lgan qiziqishini inobatga olib, sog‘lom turmush tarzi haqida kontentlar, videolar va ilovalar orqali ma’lumot yetkazish dolzarb mexanizmlardan biridir. 4. Psixologik yordam va ruhiy salomatlikni qo‘llab-quvvatlash: Stress va ruhiy muammolarni bartaraf etish bo‘yicha xizmatlarni kengaytirish, yoshlar uchun psixologik maslahat markazlarini tashkil etish va bu borada mutaxassislarni jalb qilish ham katta ahamiyatga ega. 5. Sog‘lom ovqatlanishni targ‘ib qilish: Yoshlar orasida to‘g‘ri ovqatlanish madaniyatini shakllantirish uchun maxsus dasturlar ishlab chiqish, sog‘lom oziq- ovqatni targ‘ib qiluvchi reklama kampaniyalarini yo‘lga qo‘yish va ta’lim muassasalarida sog‘lom ovqatlanish bo‘yicha seminarlarni yo‘lga qo‘yish muhimdir. Yoshlar sog‘lom turmush tarzi haqida qanchalik ko‘p ma’lumotga ega bo‘lsa, ular o‘z hayotida sog‘lom odatlarni shakllantirishga shunchalik tayyor bo‘ladi. Bu esa nafaqat ularning shaxsiy salomatligini yaxshilaydi, balki butun jamiyatga ijobiy ta’sir ko‘rsatadi. Sog‘lom yoshlar iqtisodiy va ijtimoiy jihatdan rivojlangan, barqaror jamiyatni qurishning poydevoridir. Yoshlar orasida sog‘lom turmush tarzini targ‘ib qilish uchun mexanizmlarni ishlab chiqish bugungi kunning dolzarb masalalaridan biridir. Bu yo‘nalishda davlat va jamiyatning sa’y-harakatlari birlashtirilishi kerak. Innovatsion yondashuvlar, ijtimoiy hamkorlik va zamonaviy texnologiyalardan foydalanish orqali sog‘lom turmush tarzi targ‘ibotini yanada samarali qilish mumkin. Shunday mexanizmlarning amaliyotga joriy etilishi yoshlarning jismoniy va ruhiy salomatligini yaxshilash, ularni faollikka va ijtimoiy mas’uliyatga chorlash bilan birga, sog‘lom va kuchli jamiyatni shakllantirishda muhim omil bo‘lib xizmat qiladi. Sog‘lom yoshlar — bu millatning kuchi va kelajak garovidir. 21 Foydalanilgan adabiyotlar 1. Guloyim Sattarovna Avezova, Zarnigor Beshimova, Gulshod Sattarovna Avezova. Means and problems of forming a healthy lifestyle among the population. //The americcan journal of medical sciences and pharmaceutical research, (2021) 3(05), 73- 77 2. Авезова Г.С. Алкоголга қарамлик ва унинг профилактикасига тизимли ёндашув // Тиббиётда янги кун - Илмий рефератив, маънавий –маърифий журнал. – 2020, 4 (32)- 69-72 б. 3. Маматқулов Б.М., Нодиров Т. Соғлом турмуш тарзи ва оила саломатлиги. Ўқув қўлланма. Қарши, 2018. 4. Маматқулов Б. “Жамоат саломатлиги ва соғлиқни сақлашни бошқариш” “Ilm Ziyo” нашриёт уйи, 2013й. 7-боб 82- 100. 8 боб 101- 116. 5. Белова Ю. Ю. К вопросу о профилактике употребления алкоголя студенческой молодежью : научное издание // Проблемы социальной гигиены, здравоохранения и истории медицины. - М., 2014. - N 5. - C . 46-48. 6. Будук-оол Л. К. Социально-гигиенические факторы образа жизни студентов : научное издание / Гигиена и Санитария. - М., 2015. - Том 94 N 5УБЖ015. - C . 95-97. 7. Ермакова Н. А., Мельниченко П. И. и др. Образ жизни и здоровье студентов : научное издание // Гигиена и санитария. - М., 2016. - Том 95 N 6Г5016. - C . 558- 563. 22 8. Vorobyeva , M . Maktabgacha yoshdagi bolalarda sog ' lom turmush tarzini tarbiyalash / M . Vorobyeva // Maktabgacha ta ' lim . - 1998 - No 7 - S . 5 - 9 9. Vygotskiy , L . S . Yig ' ilgan asarlar . - V .4 / L . S . Vygotskiy . - M .: Pedagogika , 1984 - 213 10. Galperin, P.Ya. Rivojlanish psixologiyasining dolzarb muammolari / P.Ya.Galperin, A.V.Zaporozhets. - M. : Ta'lim, 1978 - 240 b. 11. Sog lom turmush tarzini shakllantirishning pedagogik asoslari,ʼ https://tdpu.uz/articles/2 23

MUNDARIJA

KIRISH

I BOB. SOG'LOM TURMUSH TARZI

1.1. Sog‘lom turmush tarzida jismoniy faollikning o‘rni

1.2. Ruhiy salomatlik va stressni boshqarish usullari

II BOB. YOSHLAR ORASIDA SOG'LOM TURMUSH TARZINING HOLATI

2.1. O'zbekiston yoshlarining sog'lom turmush tarzi bo'yicha hozirgi hol

2.2. Sog'lom turmush tarzini targ'ib qilishda hayotiy axborotning roli

XULOSA

ADABIYOTLAR RO‘YXATI

Купить