Dokument ma'lumotlari

Narxi 12000UZS
Hajmi 222.5KB
Xaridlar 7
Yuklab olingan sana 14 Fevral 2024
Kengaytma docx
Bo'lim Kurs ishlari
Fan Pedagogika

Sotuvchi

Kenjayev Kenja

Ro'yxatga olish sanasi 27 Yanvar 2024

822 Sotish

Boshlang’ich sinfda “qiziqarli matematika”to’garagi mashg’ulotlarini tashkil etish metodlari

Sotib olish
Mavzu:Boshlang’ich sinfda “qiziqarli matematika”to’garagi mashg’ulotlarini tashkil etish metodlari Reja Kirish 1.Asosiy qism. Boshlang’ich sinfda qiziqarli matematika to’garagini tashkil etish bo’yicha tavsiya 1.1 Qiyinroq misol va masalalar yechish 2. Boshlang’ich sinfda ajib hisob to’garagini tashkil etish bo’yicha tavsiya 2.1 Bolalarga yordam bering 2.2. Matematik musobaqa Xulosa Foydalanilgan adabiyotlar 1 Kirish Albbatta, ta’lim - tarbiya - ong mahsuli, lekin ayni vaqtda ong darajasi va uning rivojini ham belgilaydigan, ya’ni xalq ma’naviyatini shakllantiradigan va boyitadigan eng muhim omildir. Binobarin, ta’lim - tarbiya tizimini va shu asosda ongni o’zgartirmasdan turib, ma’naviyatni rivojlantirib bo’lmaydi. Shu bois bu sohada yuzaki, rasmiy yondashuvlarga, puxta o’ylanmagan ishlarga mutloqo yo’l qo’yib bo’lmaydi. Maktab ta’lim - tarbiya masalasi davlat va jamiyat nazoratida bo’lishi asosiy qonunimizda belgilab qo’yilgan. Shu bilan birga, bu keng jamoatchilik, butun xalqimizning ishtiroki va qo’llab - quvvatlashishini talab qiladigan umummilliy masaladir. Yosh avlodni hozirgi zamon fani bilan qurollantirish orqali ularning aqliy jihatdan maksimal darajada rivojlanishlariga erishish umumta’lim - tayanch maktablar oldida turgan eng muhim vazifalardan biridir. Bu vazifani hal etishda sinfdan tashqari ishlarning o’rni benihoya katta. Matematikadan o’tkaziladigan sinfdan tashqari ishlarning mazmuni dars mashg’ulotlarida egallangan bilimlarni kengaytirish va chuqurlashtirishda qaratilgan bo’lishi kerak. Shundagina sinfdan tashqari mashg’ulotlar dars mashg’ulotlarining mantiqiy davomi bo’lib xizmat qila oladi. Sinfdan tashqari mashg’ulotlar deganda ko’pincha yuqori sinflar nazarda tutiladi. Lekin ilg’or tajribalarning tasdiqlashicha, boshlang’ich sinflarda ham sinfdan tashqari turli - tuman formalarda mashg’ulotlar olib borishning potensial imkoniyatlari mavjud. Bu imkoniyatlardan foydalanish o’qitishda boshlang’ich va yuqori sinflar uzviyligini ta’minlaydi. Boshlang’ich sinflarda sinfdan tashqari ishlarni olib borishda o’quvchilarning nutq madaniyatini va matematik tafakkurini shakllantirishga kompleks holda yondashish talab qilinadi. 2 1.Asosiy qisim. Boshlang’ich sinfda qiziqarli matematika to’garagini tashkil etish bo’yicha tavsiya Men termiz tumanidagi 9-maktabda pedagogik amaliyotni o’tadim. Pedagogik amaliyot davrida boshlang’ich sinfda matematikadan o’tkaziladigan to’garaklarni kuzatdim. Bitiruv malakaviy ishimda —Qiziqarli matematika”, “Ajib hisob”, “Sonlar olami” to’garaklarini tashkil etish bo’yicha tavsiyalarni keltiraman. “Qiziqarli matematika” to’garagi mashg’ulot ishlanmalari To’garakning maqsad va vazifalari Matematika to’garagi ishi, uni to'g'ri tashkil qilganda va uni o’tkazish metodikastdan to'g'ri foydalanganda, o’quvchilarda matematikaga qiziqish uyg'otish va bu qiziqishni rivojlantirish, ularning bilish aktivlari va matematik qobiliyatlarini rivojiantirishga imkon beradi. Mustaqil ishlash ko’nikmalarini singdiradi, o’z kuchlariga ishonchni, qiyinchiliklarini mustaqil bartaraf qilish qobiliyatini tarbiyalaydi. Bolalar to’garak ish jarayonida o’zlarining matematika jihatidan o’sganliklarini, yangi bilimlar va malakalar olganliklarini anglab yetishlari katta ahamtyatiga ega. Shu boisdan o’tkaziladigan mustaqil ishlar natijalarini o’quvchilarning umumiy va individual muvaffaqiyatlarini ta'kidlagan holda to’la batafsil tahlil qilish kerak. To’garakning ba'zi mashg'ulotlariga o’quvchilarning ota-onalarini ham taklif qilish mumkin. Matematik savollar va masalalalarning turli-tumanligiga qaramay kichik yoshdagi o’quvchilar bilan o’tkaziladigan to’garak mashg'ulotlari mazmuni quyidagi asosiy talablarga javob berishi kerak: 1. Rejalashtiruvchi material dastur materiali bilan bog’lanishga ega. Bunda hisoblash amallari qaralayotgan sinf dasturi talablaridan ortib ketmaydi, hisoblashlar, masalalar yechish, geometrik figuralarni yasashlarga amaliyot bilan nazariya orasidagi bog'lanishi ta'minlanishi kerak. 2. o’rganilayotgan masalalar istiqbol maqsadlarga ega bo’lishi, ya'ni o’quvchilarni kelajakda o’rganilishi nazarda tutilgan matematik masalalarni, masalan: to’plam, funksional bog'lanish, algebraik simvolika, tenglamalar, grafiklar, ular yordamida arifmetik masalalarni yechish va xokazolarni o’rganishda 3 tayyorlanish maqsadlariga ega bo’lishi mumkin. 3. O’rganiladigan masalalarning mazmuni qaralayotgan yoshdagi bolalarning kuchlari yetadigan, ularda matematikaga muhabbat va uni o’rganishga qiziqish uyg'otadigan asosiy ta'lim va tarbiyaviy masalalarni hal qilish imkonini beradigan bo’lishi kerak. 1.1 Qiyinroq misol va masalalar yechish , o’quvchilar tafakkurini, konkretdan abstraktga o’tish, zarur umumlashtirishlarini qila olish qobiliyatlarini rivojlantirish va xokazolar to’garak ishi mazmuniga kiradi. Qiziqarlilik harakteridagi mashqlar, arifmetik fokuslar, «ajoyib» kvadratlar, topishmoqlar, qiziqarli o’yinlar, she'rlar va xokazolar katta o’rin oladi, Shu bilan birga materialni qiziqarli bo’lishi yagona maqsad emas, qaraladigan matematik qoidalar, qonuniyatlar va boshqalarni chuqurroq tushuntirishga imkon beradi. To’garak mashg'ulotlarida o’qituvchilar suhbatlariga, to’garak a'zolarining chiqishlariga katta o’rin ajratiladi, ba'zi nazariy material o’qituvchilar suhbatlarida bayon qilinadi, qiziqarli matematik masalalar beriladi. Matematika to’garagida bir guruh bolalarning ishtirok qilish va ularning qiladigan ishlari faqat to’garak qatnashchilargina emas, balki sinfdoshlarning hammasi uchun ham katta ahamiyatga egadir. Raqamlar nimaga asoslangan? Ulug' hind allomalari jahon madaniyatini yuksaltirishga salmoqli hissa qo’shishgan. Ularning boshqa ishlarini qo’ya turib, birgina kashfiyoti-keyinchalik boshqa xalqlar uchun "o’zlariniki" bo’lib ketgan raqamlarnl ixtiro etishgani uchun ham har qancha minnatdor bo’lsa arziydi. Zamonlar o’tishi bilan bu raqamlarning shakli bir muncha o’zgarib silliqlashgan. Ammo olimlar ularni ixtiro etgan buyuk kishilar qanday mezonga amal qilishlarini aniqlashdi: raqamlar qiymati doim ular shaklidagi burchaklar soniga muvofiq kelar ekan. Masalan, 1 da bitta, 2 da ikkita, 3 da uchta vahokazo burchaklar mavjud bo’lib, ularning ilk ko’rinishi quyidagicha bo’lgan: 4 1 dan 9 gacha bo’lgan raqamlami shunday juftlarga ajratingki, ularning yig’indisi juft yetishmagan raqamnikidan ikki karra ortiq bo’lsin. Burchaksiz raqam-0 dan boshlab barcha raqamlarni shunday juftlab chiqing- ki, natijada ulardagi burchaklarning yig’indisi barchasida barobar bo’lsin. Sonlar ensiklopediyasi 1. Bizning shior: 1 kishi hamma uchun, hamma 1 kishi uchun. 2. Har qanday sonni 2 ga ko’paytirish uni o’zini-o’ziga qo’shish bilan teng demakdir. 3. "3" baho mukofot emas, sadaqa. (Maktab maqoli) 4. Kompas 4 tomonni ko'rsatadi (ular qaysi tomonlar?) 5. Respublikamizda har yili yetishtirilayotgan paxtani yer yuziga yashayotgan 2 milliard aholiga taqsimlagudek bo’lsa, keksa-yu go’dak barchaga bir kilogrammdan (Bir sidra kiyim boshga yetadigan) to'g'ri kelardi. 6. Yer shari 6 qit’adan iborat (Biz qaysi qifada yashaymiz?) 7. 7 O’lchab bir kes! (Maqol mag'zini chaqa olasizmi?) 8. Topishmoqni toping: Bu binoning 8 ta eshigi bor, Har eshik ortida 8 tadan xonasi. Kirib xonalarin aylansangiz - Ranglari mos, bir oqqa bir qorasi 9. 9 bo'g'inli she'r namunasi: Vo-diy-lar-ni ya-yov kez-gan-da Bir a-jib his bor e-di man-da (Hamid Olimjon) 10. Istagan sonni 10 ga ko’paytirish uchun uning oxiriga bitta 0 yozish kifoya 11. Futbol jamoasidagi 11 o’yinchining hammasi ham 11 metrli jarimadan ehtiyot bo’lishi shart. Bilasizmi? 1. Tuyaqush yer yuzasidagi eng katta qush, uning og'irligi 90 kg gacha yetadi. 2. Yer yuzasidagi turli xil xasharotlar turi 800 mingdan ortiq. 3. Eng novcha odamning bo’yi 2 m 83 sm, eng past bo’yli kishi esa 42 sm 5 bo’lgan. 4. Xozircha eng og'ir odamning vazni 404 kg, eng yengil odamning vazni esa 9,5 kg ekanligi aniqlandi. 5. Bitta asalari 1 kg asal yig'ishi uchun 300000 metr masofani uchib o’tishi, 9 million gulga qo’nishi kerak bo’lar ekan. 6. Filolog olimlarning ko’rsatishicha, yer yuzidagi xalqlar 2796 ga yaqin tilda gaplashadilar (bunga bir necha til ichidagi turli xil shevalar kirmaydi). 7. Millard minut to’qqiz asrdan ko’pdir. Agar eramiz boshidan xisoblashadigan bo’lsak, 1902 yilda milliardinchi minut o’tganining guvohi bo’lamiz. 8. Milliard marta nafas olish uchun 95 yildan ortiqroq yashash kerak. 9.70 yoshgacha kirgan kishi umrining taxminan 23 yili uxlashga, 18 yili esa gapirishga, 6 yili yeyishga, 1,5 yili yuvinishga ketish aniqlandi. Og'zaki viktorinalarda taqdim qilingan xazil masalalaridan foydalanish: 2 va 3 orasiga qanday belgi qo’yilsa 2 dan katta 3 dan kichik son xosil bo’ladi? Tipratikanning siri Yumshoqvoy ismli tipratikan o’rmondan 2, 1,4, 5, 6, 8, 9 sonlarining bo’linish sirlarini o’rganib keldi va do’stiga aytib berdi: Oxiri 0 yoki juft raqam bilan tugaydigan barcha sonlar 2 ga; Raqamlar yig'indisi 3 ga bolinadigan sonlar 3 ga; Oxirgi ikki raqami 4 ga bo’linadigan sonlar 4 ga; Oxirgi raqami 0 yoki 5 bo’lgan sonlar 5 ga; 3 ga bo’lihadigan juft sonlar 6 ga; Oxirgi ikki raqami 8 ga bo’linadigan sonlarning ulardan oldingi raqami juft bo’lganlari va keyingi ikki raqam 4 ga bo’linib, 8 ga bo’linmaydigan sonlarning 6 shunday oldingi raqami toq bo’lganlari 8 ga; Raqamlari yiglndisi 9 ga bo’linadigan sonlar esa 9 ga bo’linar ekan. Siz shunday qoidalarning nechtasini bilasiz va amalda qanday qo’llay olasiz? 1234567890 sonini o’qing va yuqoridagi qoidalar bo’yicha aniqlang-chi, u qaysi raqamlarga bo’linar ekan? 9876543210 chi? Arifmetik jumboq 1. 5 ta 3 raqamdan foydalanib 37 sonni yozing. 37=33+3+3:3, 2. 5 ta 9 raqamli bilan va arifmetik amai ishoralari yordamida 10 sonini yozing. 10=99:9-9:9. 3. 100 sonini 5 ta 5, 5 ta 3 va 5 ta 1 va amal ishoralari yordamida yozing. 100=5*6*5-5-5; 100=111-11; 100=33*3+3:3. 4. Raqamlar yig'indisi 3 dan oshmaydigan va 3 xil raqamdan iborat son yozing, 0+1+2=3. 5. Qanday to’rtta ketma-ket sonning yigindisi 78 ga teng? 18+19+20+21=78. 6. Qanday to’rtta sonning yig’indisi va ko’paytmasi 8 ga teng? 1+1 +2+4=1 7 *1 *2*4. Yulduzchalar o’rniga kerakli sonlarni qo’ying. To'g'ri tenglikni xosil qiling: *****_****=!_ 10000 - 9999=1 ***+***=1980; 990+990=1980 2. 5*6*7*8 yulduzchalarni amal ishoralari bilan shunday almashtiringki, natijada qiymati 39 ga teng ifoda xosil bolsin (5+6*7-8=39). Gugurt cho’plar bilan ishlash 1. 3 ta va 4 ta gugurt cho’pini shunday joylashtirinki, natijada 4 va 7 sonlari xosil bo’lsin. (IV va VII) 2. 5 ta gugurt cho’pidan 2 ta uchburchak yasang. 3. 9 ta gugurt cho’pidan 2 xonali uy shaklini yasang. 4. 5 ta cho’pdan sindirmasdan 15 sonini qanday yasash mumkin? (XIV). 5. Quyidagi noto ' g ' ri tenglikdan 1 ta gugurt cho ’ pini o ’ rnini shunday o ’ zgartiringki , natijada to ' g ' ri tenglik xosil bolsin ? VI-IV=IX a) VI+IV=X; b) V-lX=IX. 2. Boshlang ’ ich sinfda ajib hisob to ’ garagini tashkil etish bo ’ yicha tavsiya “ AJIB HISOB ” To ’ garagi mashg ’ ulot ishlanmalari Mashg’ulot, «Nol»ning ma’nosi nima? 8 Arifmetika, matematika, nol, natural, million, milliard, billion, trillion terminlarining lug aviy ma’nolari Arifmetika — grekcha «arithmos» so’zidan olingan bo’lib, son san'ati, degan ma'noni bildiradi. 2. «Nol» atamasi lotincha «nullus» so’zidan kelib chiqqan va o’zbekcha hech qanday, bo’sh, degan ma’nolarni bildiradi. 3. «Natural» atamasi lotincha «naturalic» so’zidan olingan bo’lib, o’zbek tilida haqiqiy yoki tabiiy, degan ma’noni bildiradi. 4. «Matematika» atamasi grekcha «mathema» so’zidan olingan va o’zbekcha fan, bilim ma’nosini bildiradi. Buni Pifagor kiritgan . 5 «Million» atamasi fransuzcha «million» so’zidan olingan bo’lib, o’zbek tilida ming marta ming, degan ma’noni bildi «Milliard» atamasi fransuz tilidagi “milluard” so’zidan kelib chiqqan va o’zbekcha ming million, degan ma'noni bildiradi. 1. «Billion» atamasi XV asrda kiritilgan. 2. «Trillion» atamasi XV asrda kiritilgan. [12] 9 6. Berilgan XXII, XXXIV. DXV, MMI, MCXLVI rim raqamlarini arab raqamlari ko’rinishda yozing. 7. Bir xil shakldagi 9 ta xalqadan bittasi yengilroq. Pallali tarozda taroz toshlaridan foydalanmasdan ikki marta tortishda yengil xalqani topish mumkinmi? 8. To’rtta butun musbat sonlarning yig’indisi va ko’paytmasi 8ga teng. Shu2.1 Mashg’ulot . Bolalarga yordam bering! 1. 20 ta yong’oqni besh nafar bolaga toq donadan bo’lib bersa bo’ladimi? 2. Uchta 5 raqami yordamida 2, 5 sonlarini hosil qiling. 3. 123456789 raqamlarini tartibini o’zgartirmasdan qo’shish va ayrish amallarini shunday joylashtirinki natijada 100 hosil bo’lsin. Zarur holatda ikki yoki uch xonali son sifatida foydalanish mumkin 4. Bo’linma bo’linuvchidan 17 marta kichik. Bo’luvchini toping. 10 Mashg’ulot. She’riyatga qalaysiz? She’iy masala O’sib turar to’rtta qayin, Har bitta qayinda Bor to’rttadan katta shoh, Har bitta katta shoxda 11 Bor to’rttadan kichik shoh, Har bitta kichik shoxda Bordir to’rttadan olma. Hammasi qancha olma? Tanishing: Buyuk matematik Al-Xorazmiy Al-Xorazmiy hayoti va ijodi Abu Abdulloh Muhammad ibn Muso al-Xorazmiy taxminan 783-yilda Xorazmda tug’ilgan. Al-Xorazmiy «Al- jabr va al- muqobala haqida qisqa kitob» asari bilan algebra faniga asos soldi. Shu asar tufayli olim nomining lotincha shaklidan «algoritm» termini paydo bolgan. Al-Xorazmiy Bag’doddagi «Bayt ul-hikma» (Donishmandlar uyi)da rasadxona, kutubxona va barcha ilmiy tekshirish ishlariga rahbarlik qildi. Al-Xorazmiyning 10 ta asari bizgacha yetib kelgan. «Hind hisobi haqida» (Fi hisab al-hind).Bu asarni XII asrda Ispaniya olimi Batlik Adelard arab tilidan lotin tiliga tarjima qildi. Risolada natural sonlarni «hind raqamlari» hisoblangan 0,1,2,3,4,5,6,7,8,9 lar yordamida yozish, sonlarni qo’shish va ayrish, ikkiga bo’lish va ikkiga ko’paytirish qoidalari, ko’paytirish amali va uni 9 raqami yordamida tekshirish, bolish, kasrlar hisobi, kasrlami ko’paytirish, musbat sonlardan kvadrat ildiz chiqarish kabi masalalar ilk bor tadqiq qilingan. Al-Xorazmiy matematika, fizika, geometriya, algebra, astronomiya, geografiya fanlari rivoji uchun poydevor bo’lib xizmat qilgan juda ko’plab asarlar yozgan, Bu asarlar turli tillarga tarjima qilingan va hozir ham dunyoning yetakchi universitetlarida o’qitiladi. Al-Xorazmiyning bizgacha yetib kelgan 10 ta risolasidan quydagi 3 ta katta kashfiyot haqida aytish mumkin: 1. «Hind hisobi haqida»gi risolasida o’nlik pozitsion sanoq tizimining oltmishlikdan ustun ekanligini ko’rsatgan va bu asar lotin tiliga tarjima qilingan, o’nli pozitsion sanoq tizimi butun dunyoga tarqalgan. 12 2. «Al-jabr va al-muqobala haqida qisqa kitob»ida aljabmi astronomiyaning yordamchi qismidan mustaqil fan darajasiga ko’tardi, 6 ta chiziqli va kvadrat tenglamalarni tasniflagan. 3. Al-Xorazmiy o’z shogirdlari bilan orasidagi masofasi 35 km. bo’lgan. Tadmor va ar-Rakka shaharlaridan ertuvchi Yer sharining 10 li meridiani uzunligini hisobladi va u 6,72 km.ga teng ekanligini topgan. Al-Xorazmiy 85 0-yiIda Bag’dodda vafot etgan. Mashg’ulot. "Ikkinchi oyoqdan uch” Arifmetika ishoralari Evropa madaniyati xalqlarining hammasida bir xil, ular ma'lum darajada internatsionallashgan ishoralar deb o’ylash odat qolgan. Bu fikr barcha ishoralar uchun emas, balki ularning ko’pchiligi uchun to’g’ridir. + va - ishoralari, x va : ishoralarni nemislar ham, inglizlar ham, fransuzlar ham bir xil ma'noda qolianadilar. Biroq nuqtani ko’paytirish ishorasi sifatida hamma xalqlar bir xilda ishlatadi, deb bo’lmaydi. Sonlarni sinflarga ajratishda ham bir xillik yo’q. Ba'zi mamlakatlarda sinflarga nuqtalar qo’yib (15.000.000), boshqa mamlakatlarda vergullar qo’yib sinflarga (15,000,000) ajratiladi. Bizda esa eng maqbul shakl rasm bo’lib kelgan -sinflar orasiga hech qanday ishora qo’yilmaydi; faqat bir oz ochiq joy qoldiriladi(15000000). Bir tildan ikkinchi tilga o’tganda, bir soning o’ziga nom berish usuli qanday o’zgarishini kuzatish ancha maroqlidir. Masalan, 18 sonini olaylik. Biz uni «o'n sakkiz» deb ataymiz, ya'ni avval o’nlikni, so’ngra birlikni talaffuz etamiz. Fransuzlar ham xuddi shu tartibda 10-8, ya'ni (dix-huit) deb talaffuz qilishadi. Biroq ruslar -«vosemnadtsat» deb, ya'ni avval birlikni. So’ngra o’nlikni talaffuz etadilar. Nemislar ham 18 sonini xudi shu tartibda: achtzehn, ya'ni 8-10 deb aytadilar. Bitta sonning o’ziga, ya'ni 18ga nom berish usullari turli xalqlarda xilma-xil ekanliginiquyidagi jadvalda kuraylik: 13 0’zbekcha-10 • 8; Frantsuzcha - 10 • 8; armancha- 10+8; ruscha-8 • 10; nemischa-8 • 10; grekcha-8+10; lotincha - 2 kam 20; valliytscha-3+5 • 10; aynoscha- 10 ustiga 10-2; koryatscha- 10 ustiga 3+5. Grelandiya qabilalarining birida 18 sonining nomi juda ajoyib: «ikkinchi oyoqdan 3». Bu qanchalik odatdan tashqari nom bolmasin, u qo'1 va oyoq barmoqlariga asoslangan sanash usuli, deb tushuntirish tabiiydir. 1- Mashg’ulot. Soat sifrblati va isbot talab qiluvchi haqiqatlar 1. Bo’lish amalini bajarmasdan 9432 sonining 36 ga bolinishini isbotlang. 2. Shunday sonni topingki 2 bolganda qoldiqda 1, 3 ga bo’lganda qoldiqda 2,4 ga bo’lganda qoldiqda 3, 5ga bolganda qoldiqda 4 qolsin. 3. 4. Ketma-ket kelgan ikkita toq sonning yig’indisi 4 karrali ekanligini isbotlang. 5. Ko’paytirish amalini bajarmasdan 564*232=131848 notog’ri ekanligini aniqlang. 6. Uchta shaxmatchi turnirda 6 partiya o’ynashdi. Har bir shaxmatchi nechta partiya o’ynagan? 7. a) Soat sifrblatini ikkita to’g’ri chiziq yordamida uchbo’lakka ajratingki, natijada har bir bo’lakdagi sonlarning yig’indisi o’zaro teng bo’lsin. b) Shu sifrblatni 6 bo’lakka shunday ajratingki, har bir bo’lakdagi ikkita sonning yig’indisi o’zaro teng bo’lsin. 14 8. Matematik rebus Izlanayotgan son uchta turli raqam A, B, C dan iborat. Uni shartli ravishda ABC deb yozamiz va C-birliklar, B-o’nliklar, A-yuzliklar raqami ekanligini esimizda tutamizAgar: ekani ma'lum bolsa, shu sonni topish kerak. 2- Mashg’ulot. Gramm nima degani? Gramm, sekund, minut, millimetr, santimetr, detsimetr, metr, kilometr terminlarining lug’aviy ma'nolari 1. «Gramm» atamasi fransuz tilidagi «gramme» so’zidan olingan va o’zbek tilida «og'irlikning mayda o’lchovi» demakdir. 2. «Sekund» atamasi lotincha «secunda» so’zidan olingan bo’lib, ikkinchi bo’linish, degan ma'noni beradi. 3. Minut — lotincha «minuta» so’zidan olingan bo’lib, o’zbek tilida kichik, juda kichik, birinchi bo’lish, ma’nolarini anglatadi. 4. «Millimetr» atamasi grekcha «millemetreo» so’zidan olingan bo’lib, o’zbekcha metrning mingdan bir ulushi, degan ma'noni bildiradi. 5. «Santimetr» atamasi fransuzcha «cent» va «metreo» so’zlaridan olingan bo’lib, 6. o’zbek tilida metrning yuzdan bir ulushi, ma'nosini anglatadi. 7. «Detsimetr» lotincha «decem» va grekcha «metreo» so’zlaridan kelib chiqqan bo’lib, metrning o’ndan bir ulushini bildiradi. 8. «Metr» atamasi grekcha «metreo» so’zidan olingan bo’lib, o’zbekcha o’lchayman, degan ma'noni bildiradi. 9. «Kilometr» atamasi lotincha «chilio» va «metrio» so’zlaridan olingan bo’lib, ming metr, degan ma'noni bildiradi. 15 2.2.Matematik musobaqa Yuqorida aytib o’tilgan sinfdan tashqari ishlarda (10 minutlik, viktorina, ertalik va h.k.), asosan, butun sinf o’quvchilari ishtirok etsa, matematik musobaqalarda (konkurs, olimpiada) ko’pchilik ishtirok etib, g’oliblar musobaqasi bilan yakunlaydi, ya’ni bu musoba bir necha (ko’pincha 3 yoki 4) davom etadi. 1 turda istagan hamma o’quvchilar qatnashishi mumkin. Unda muvaffaqiyatli qatnashgan o’quvchilar II - turda qatnashadilar. II - turdan muvaffaqiyatli o’tgan o’quvchilar III - turda qatnashush huquqiga ega bo’ladilar va h.k. I turni sinfdagi barcha o’quvchilar ishtirokidagi og’zaki qiziqarli savollar orqali viktorina shaklida o’tkazish mumkin. Shunda g’olib chiqqan o’quvchilar bilan II - tur musobaqalar o’tkaziladi. Shundan keyin parallel sinflar o’quvchilari III - turda kuch sinashadi. Natijada sinf yoki maktab bo’yicha eng kuchli o’quvchilar aniqlanadi. Ular munosib taqdirlanadi. 16 Q Z K (Quvnoqlar va zukkolar klubi) Bu hildagi kechalar o’quvchilarga zo’r qiziqish uyg’otadi. Shu bilan birga ularga “Sog’lom aql” va fahm - farosat, president chaqiriqlariga labbay deb javob berib, “Sog’lom avlod”ga mos farzandlar bo’lib etishish, shuningdek mantiqiy mulohazalrga asoslangan holda istagancha fantaziya qilish imkonini beradi. Bunda kechaning matematik mazmuni faqat matematikaga doir masallar bilan chegaralanib qolmasdan, asosan o’yin tarzida, rebus, krassvord, viktorina, qiziqarli savol - javob, topshiriqlar, mulohazalarda ustalik bilan niqoblangan xatolarni toppish shaklda beriladi. QZK larni bir sinf o’quvchilarini ikkiga bo’lib yoki parallel sinflar o’rtasida kamanda tuzib o’tkazish mumkin. Bunda puxta o’ylangan reja hamda dastur tuziladi. Komondalar alohida - alohida mashq qiladilar. Matematika o’qituvchilari ishtirokida jyuri saylanadi. Jamoalar va faol qatnashgan o’quvchilar uchun mukofatlar avvaldan tayyorlab qo’yilishi lozim. Mukofat uchun ko’proq qiziqarli matematikaga doir kitolar olinishi, kelgusida matematikadan tashqari ishlarni o’tkazishda o’quvchilarni aktaivligini oshirish imkonini beradi. Matematik ro’znoma Matematik ro’znoma o’quvchilarda katta qiziqish uyg’otadi. Matematik ro’znoma odatda matematika to’garagi organi hisoblanadi, shu sababli ro’znoma to’garak a’zolarining kuchi bilan o’qituvchining bevosita raxbarligida tayyorlanadi. Boshlang’ich sinflarda Kamolat ijtimoiy yoshlar xarakati a’zolarini hamda etakchi jalb etish mumkin. O’qituvchi ro’znomani tayyorlashda mumkin qadar o’quvchilarning shaxsiy tashabbuskorligini oshirishga erishish kerak. Devoriy ro’znomalar quyidagi bo’limlardan tashkil topishi mumkin: -Matematika tarixidan bir shingil; - Sinf o’quvchilarining matematik xayoti; 17 - O’quvchilarga o’qish uchun tavsiya qilinadigan adabiyotlar; - Masalalar (qiziqarli, mantiqiy, konkurs); - matematik o’yinlar; -Yumor; - O ’ tgan nomerdagi konkurs masalalarining yechimi va javobini redkollegiyaga topshirgan o ’ quvchilar haqida qisqa , lekin maroqli hikoyalar berilishi kerak . Biror matematik haqida hikoya qilindigan bo ’ lsa , uning rasmi va rasmning tagida bu olim haqidagi , uning ishlari to ’ g ’ risidagi ma ’ lumot yoki olim hayotidagi qiziq voqealar to ’ g ’ risidagi kichikroq hi koya beriladi . Olim aytgan fikrlarni yoki u haqidagi boshqa olimlar aytgan so ’ zlarni ko ’ chirib yozish ham foydali . Ro ’ znomada berilgan masalalarning shartlari qisqa , tez esda qoladigan bo ’ lishi maqsadga muvofiqdir . Matematikadan ekskursiyalar o ’ tkazish Matematikadan sinfdan tashqari o ’ tkaziladigan mashg ’ ulotlardan biri ekskursiyadir . Puxta o ’ ylab , oldindan rejalashtirilgan ekskursiya natijasida o ’ quvchilar atrof - muhitni idrok qiladilar . Tabiatvoqeligini va mehnat jarayonlarini ko ’ radilar . Kuzatishlar natijasidagi o ’ zlaridagi bilimlarini hayot bilan bog ’ lashga intiladilar . Ularda turli narsa , voqea va jarayonlarga qiziquvchanlik odati tarkib topadi . Ekskursiyalarni tashkil etish va o ’ tkazish asosan , darsdan tashqari vaqtda amalgam oshirilsa ham uning tayyorgarlik va yakunlash bosqichi dars mashg ’ lotlari bilan uyg ’ unlashib ketadi . Ekskursiyani samarali o ’ tishi o ’ qituvchining puxta tayyorgarligiga bog ’ liq . U oldindan ekskursiyaga boriladigan ob ’ ekt bilan tanishgan bo ’ lishi va hatto , uchrashish mo ’ ljallangan odamlar bilan suhbatlashgan bo ’ lishi lozim . Shunda tashkiliy jihatdan ovogarchilik ham 18 bo ’ lmaydi . Ekskursiyaga tayyorgarlikning asosiy komponentlaridan biri uning maqsadini belgilash va reja tuzishdan iborat . Rejada ekskuisiyaning boshidan oxirigacha bajariladigan hamma ishlar o ’ z ifodasini topishi kerak : nimalar ko ’ riladi , nimalar yozib olinadi , nimalarning rasm ( sxemasi ) chizib olinadi . Nihoyat , ekskursiyaning muvoffaqiyati yana o ’ quvchilar bilan bo ’ ladigan tayyorgarlik suhbatiga ham bog ’ liq . Bu suhbatda o ’ quvchilarning ekskursiya maqsadi bilan tanishtiriladi va birgalikda ekskursiya rejasi tuzib olinadi . Albatta ekskursiyadan keyingi mashg ’ ulotlarda ekskursiyaga yakun yasaladi . 19 XULOSA Yosh avlodni hozirgi zamon fani bilan qurollantirish orqali ularning aqliy jihatdan maksimal darajada rivojlanishlariga erishish umumta ’ lim - tayanch maktablar oldida turgan eng muhim vazifalardan biri ekan , bu vazifani hal etishda boshlang ’ ich sinflarda matematikadan sinfdan tashqari ishlarning ahamiyati kattadir . Boshlang ’ ich sinflarda matematikadan o ’ tkaziladigan sinfdan tashqari ishlarning mazmuni dars mashg ’ ulotlarida egallangan bilimlarni kengaytirish va chuqurlashtirishda qaratilgan ekan . Boshlang’ich sinflarda matematikadan sinfdan tashqari mashg’ulotlar dars mashg’ulotlarining mantiqiy davomi hisoblanar ekan. Boshlang’ich sinflarda matematikadan sinfdan tashqari ishlarni olib borishda o’quvchilarning nutq madaniyatini va matematik tafakkurini shakllantirishga zamonaviy holda yondashish kerak deb hisoblaymiz. - boshlang’ich sinflarda matematikadan sinfdan tashqari ishlarni turlarini o’rgandik; - boshlang’ich sinfda matematikadan qiziqarli matematika, ajib hisob, sonlar olami to’garagini tashkil etish bo’yicha tavsiyalar ishlab chiqib, amaliyotga tadbiq etdik va yaxshi natijalarga erishdik. Xulosa qilib aytganda, umumta’lim maktablarining boshlang’ich sinflarida matematikadan to’garaklarni muntazam ravishda olib boorish zarur deb hisoblaymiz va bitiruv malakaviy ishida ishlab chiqilgan metodik tavsiyalardan bo’lajak boshlang’ich sinf o’qituvchilari foydalanishlari mumkin. 20 Foydalanilgan adabiyotlar: 1. Sh.M.Mirziyoevning Oliy Majlisga Murojaatnomasi. - Toshkent: O‘zbekiston, NMIU, 2018. 2. Sh.M.Mirziyoevning. Konstitutsiya — erkin va farovon hayotimiz, mamlakatimizni yanada taraqqiy ettirishning mustahkam poydevoridir. – Toshkent: O‘zbekiston NMIU, 2018. 3. Sh.M.Mirziyoevning. Oliy Majlisga Murojaatnomasi. - Toshkent: O‘zbekiston, NMIU, 2018 4. O’zbekiston Respublikasining “Ta’lim to’g’risidagi qonun” // Barkamol avlod - O’zbekiston taraqqiyotining poydevori.- Toshkent.: Sharq, 1997, 20-29 bet. 5. O’zbekiston Respublikasining “Kadrlar tayyorlash milliy dasturi to’g’risida” gi qonun // Barkamol avlod- O’zbekiston taraqqiyotining poydevori.- Toshkent.: Sharq, 1997, 31-61 bet. 6. Barkamol avlod orzusi- Toshkent.: 1999, 205- b. 7. Abdullayeva B.S., N.A.Xamedova M. Xusanovalarning “Boshlang’ich sinf matematika darslarida pedagogik texnologiyalardan foydalanish metodikasi” (Toshkent 2010, 135 bet ) uslubiy qo’llanma 8. http://fayllar.org/ 9. http://arxiv.uz/ 10. http://ziyonet.uz/ru 11. http://referat.arxiv.uz/ 12. http://aim.uz/ 21 Annotatsiya: Ushbu malaka ishida : Yosh avlodni hozirgi zamon fani bilan qurollantirish orqali ularning aqliy jihatdan maksimal darajada rivojlanishlariga erishish umumta’lim - tayanch maktablar oldida turgan eng muhim vazifalardan biridir. Bu vazifani hal etishda sinfdan tashqari ishlarning o’rni benihoya katta. Matematikadan o’tkaziladigan sinfdan tashqari ishlarning mazmuni dars mashg’ulotlarida egallangan bilimlarni kengaytirish va chuqurlashtirishda qaratilgan bo’lishi kerak. Shundagina sinfdan tashqari mashg’ulotlar dars mashg’ulotlarining mantiqiy davomi bo’lib xizmat qila oladi. Tayanch so’zlar : Sonlar ensiklopediyasi, Matematik musobaqa, Matematikadan ekskursiyalar o’tkazish. 22

Boshlang’ich sinfda “qiziqarli matematika”to’garagi mashg’ulotlarini tashkil etish metodlari

Sotib olish