Elektr xavfsizlik choralari 8 - sinf - Физика - Презентации

Информация о документе

Цена	4000UZS
Размер	756.4KB
Покупки	0
Дата загрузки	06 Сентябрь 2022
Расширение	ppt
Раздел	Презентации
Предмет	Физика

Elektr xavfsizlik choralari 8 - sinf

Купить

8-sinf fizika darsligi asosida 38-mavzu:

Tevarak-atrofimizda elektr tarmoqlari juda ko'p, kundalik turmushimizda muntazam elektr jihozlar bilan ish ko'ramiz. Ulardagi nosozliklar , ulardan foydalanishda ehtiyotkorona ish tutmaslik tufayli hayotimizni xavf ostiga qo ' yishimiz mumkin .

Qisqa tutashuv Elektr zanjirdagi simlar ma'lum bir eng katta tok kuchiga mo'ljallangan bo'ladi. Agar zanjirdagi tok kuchi chegaradan oshib ketsa, sim qiziydi va uni o'rab turgan izolatsiya materiali erib ketishi mumkin. Xonadonda quvvatli elektr iste'molchi asboblar, masalan, elektr plita, elektr isitkich, elektr choynak, dazmol bir vaqtda yoqilsa, elektr zanjirdagi tok kuchi keskin ortib ketadi. Natijada zanjirdagi izolatsiyalangan simlar qattiq qiziydi va qisqa tutashuv ro'y berishi mumkin. Qisqa tutashuvda tashqi (iste'molchining) qarshiligi nolga teng bo'ladi.

Manbaning turli qntb (faza)laridan kelayotgan ikki elektr simi ochiq joyining bir-biriga tegib ketishi yoki iste'molchi qarshiligi nolga intilishi natljasida tokning keskin ortib ketishi qisqa tutashuv deb ataladi. Izolatsiyalangan mis va aluimniy simlar uchun yo'l qo'yilishi mumkin bo'lgan eng katta tok kuchi miqdori

Qisqa tutashuv elektr asboblaridan noto ' g ' ri foydalanishda , tokli izolatsiyalangan simlarga tashqi shikast yetkazilganda sodir bo ' ladi . Qis qa tutashuvda simlarning bir - biriga tegib qolgan joyida nihoyatda katta tok oqadi va shu zahoti kuchli chaqnash yuz berib , sim uziladi (101- rasm ). Odam tanasi elektr tokini yaxshi o'tkazadi. 42 V dan yuqori kuchlanishli elektr tarmoq odam organizmi uchun xavfli hisoblanadi.

Elektr asboblar bilan ishlaganda ehtiyotsizliklar tufayli odamni tok urishi mumkin, shu sababli elektr xavfsizlik choralariga qat'iy amal qilish kerak. 1. Ko'chadan o'tgan elektr tarmoqlari simlari izolatsiyalanmagan bo'ladi. Uzilgan elektr tarmog'i simini ushlash mumkin emas. Undan o'zingizni va boshqalarni ehtiyot qiling!

2. Xonadon elektr zanjirining simlari, odatda, devor ichidan o'tgan bo'ladi. Biror zarurat yuzasidan devorga mix qoqilayotgan paytda shu joydan elektr simi o'tmaganligiga ishonch hosil qilish kerak.

3. Xonadondagi rozetkalarda va elektr lampochka patronlarida doimo kuchlanish bo'ladi. Rozetka teshigiga yoki lampochkasiz patron ichiga metall buyumni tiqish man qilinadi. Kichik yoshdagi bolalar bo'lgan uylarda rozetkaga plastmassali maxsus moslama tiqib qo'yish maqsadga muvofiqdir.

4. Umumiy elektr tarmog'ida tok o'chib qolgan paytda, xonadon elektr zan jirining shikastlangan joyini ta'mirlashdan oldin albatta tarmoqdan uzish lozim. 5. Ba'zi hollarda umumiy tarmoqning faqat bitta fazasida kuchlanish bo'l- masligi, ikkinchi fazasida kuchlanish paydo bo'lishi mumkin. Elektr lampochka yonmayotganini ko'rib, simning ochiq joyini ta'mirlash ham mumkin emas. Aks holda, tok odam tanasi orqali yerga o'tadi va uni tok urib, jarohatlaydi.

Xonadon elektr zanjiridagi shikastlangan joyni ta'mirlashda tarmoqda elektr kuchlanishi bo'lishi yoki bo'lmasligidan qat'i nazar hisoblagichdagi ikkala patrondan saqlagichlarni olib qo'yish zarur yoki avtomat vkluchatellari uzilishi zarur! Ba'zi hollarda simning tokli bitta fazasi ushlab turilsa ham, tok urmasligi mumkin. Buning uchun odam yerdan izolatsiyalangan bo'lishi, ya'ni odam oyog'i ostiga tok o'tkazmaydigan material qo'yilishi, tanasining hech bir joyi o'tkazgich material orqali yerga tegib turmasligi kerak.

Elektr toki urganda birinchi yordam Ehtiyotsizlik tufayli tok o'tayotgan simni ushlab olgan va tanasidan tok o'tib turgan odam o'zini o'zi deyarli qutqara olmaydi. Bunga sabab, birinchidan, panja muskullari tok ta'sirida o'z-o'zidan qattiq qisilib, panja tok o'tayotgan simni siqimlab oladi. Ikkinchidan, tanadan tok o'tganda muskullar tortishib, odamnuig o'ziga bo'ysunmaydi. Uchinchidan, tok odamning markaziy asab sistemasini shikastlaydi va odam hushidan ketadi.

Odam tok ta'sirida qancha uzoq vaqt turib qolsa, uning hayotini saqlab qolish shuncha qiyin bo'ladi. Shuning uchun, birinchi navbatda, odamni tok ta'siridan xalos qilish kerak. Jabrlamivchini tok ta'siridan qutqargach, darhol uni chalqanchasiga yot- qizish, nafas olishga xalaqit qilayotgan tugmalarini yechish kerak. Agar nafas olishi to'xtagan bo'lsa, sun'iy nafas oldirish lozim bo'ladi. Shu bilan bir vaqtda tez tibbiy yordamni chaqirish yoki jabrlanuvchini zudlik bilan davolash muassasasiga olib borish choralarini ko'rish zarur,

1. Odam tanasi uchun necha voltdan yuqori kuchlanish xavfli hisoblanadi? 2. Ko'chada elektr tarmog'i simi uzilib yotgan bo'lsa, nima qilish kerak? 3. Xonadonda devorga mix qoqishdan avval nimaga e'tibor berish lozim? 4. Rozetka teshigiga va lampochkasiz patronga nima uchun metall buyum-larni tiqish xavfli? 5. Xonadon elektr zanjiridagi shikastlangan joyni ta'mirlashdan avval nima qilish kerak? 6. Elektr toki urgan odamga qanday birinchi yordam ko'rsatiladi?

Купить