O‘zbekistonning tarixiy-me’moriy yodgorliklari. 5 - sinf - История - Презентации

Информация о документе

Цена	4000UZS
Размер	3.6MB
Покупки	0
Дата загрузки	08 Октябрь 2019
Расширение	pptx
Раздел	Презентации
Предмет	История

O‘zbekistonning tarixiy-me’moriy yodgorliklari. 5 - sinf

Купить

O‘zbekistonning tarixiy- me’moriy yodgorliklari 5-sinf Tarix fani darsligi asosida 38-39-mavzu

Ismoil Somoniy maqbarasi. Buxoro shahrining madaniyat va istirohat bog‘i hududida Ismoil Somoniy maqbarasi qad ko‘tarib turibdi. U IX asrda Movarounnahrning mashhur hukmdori Ismoil Somoniy tomonidan bunyod etilgan. Ismoil Somoniy maqbarasi.

Minorayi Kalon. Minorayi Kalon (Katta minora) Buxoro shahrida bunyod etilgan eng go‘zal me’moriy yodgorliklardan biri. Uni Movarounnahr hukmdori Arslonxon 1127-yilda qurdirdi. Minorayi Kalon

Balandligi 50 metr bo‘lgan minora pishgan g‘ishtdan terilgan bo‘lib, yuqori qismiga atrofni kuzatish maqsadida 16 ta darcha ochilgan. Minora tepasiga uning ichiga qurilgan 104 ta aylanma zina orqali chiqilgan.

Registon majmuasi. Registon deyilganda Sharq mamlakatlarida, shu jumladan, O‘zbekistonda ham shaharning markaziy maydoni tushunilgan.

Keyinchalik Registon maydonida Ulug‘bek, Sherdor va Tillakori madrasalaridan iborat me’moriy majmua bunyod etildi. Sherdor madrasasi Tillakori madrasasi

Ulug‘bek madrasasi XV asrda qurildi. U ikki qavatli bo‘lib, atrofi hujra va darsxonalar bilan o‘ralgan. Ulug‘bek madrasasi

Tillakori (tilla bilan ishlangan) madrasasi dastlab Yalangto‘shbiy kichik madrasasi deb nomlandi. Madrasa binosidan o‘rin olgan masjidning bezagiga ko‘p miqdorda oltin sarflangani uchun madrasa Tillakori nomini oldi.

Bugungi kunda Registon maydonida mashhur «Sharq taronalari» xalqaro musiqiy festivallari o‘tkazilib kelinmoqda.

Oqsaroy. Oqsaroy obidasi hozirgi Qashqadaryo viloyatining Shahrisabz shahrida joylashgan. Uni buyuk bobomiz Amir Temur o‘z onasining sharafiga qurdirgan. Obida naqshlariga berilgan ranglar oy yorug‘ida jilolanib, oqarib turganligi uchun Oqsaroy deb atalgan.

Hozirda Oqsaroy me’moriy majmuasi restavratsiya qilinib (qayta tiklanib) markaziy maydonda Amir Temur haykali o‘rnatildi.

Ichan qal’a. Jahonning durdona yodgorliklaridan biri bo‘lgan Ichan qal’a Xiva shahrining ichki qismidir. U o‘tmishda ajdodlarimiz mohirlik bilan bunyod etgan 54 ta noyob tarixiy-me’moriy obidalar majmuasiga kiradi. Ichan qal’a majmuasi.

Shuning uchun ham 1961-yildayoq Ichan qal’a majmuasi muzeyga aylantirildi. Bu muzey- qo‘riqxonaning maydoni 26 gektarni tashkil etadi. 1990-yilda esa xalqaro YUNESKO tashkilotining qarori bilan Ichan qal’a «Jahon madaniyati merosi» ro‘yxatiga kiritildi.

Minora – pastdan yuqoriga qarab kichrayib boradigan tarzda qurilgan baland inshoot. Minoralar, asosan, masjid va madrasalar yonida qurilgan.

Savol va topshiriqlar: 1. Ismoil Somoniy maqbarasi va Minorayi Kalon haqida so‘zlab bering. 2. Oqsaroy haqida nimalarni bilib oldingiz? 3. Ichan qal’aning muzey-qo‘riqxonaga aylantirilganligi va Jahon merosi ro‘yxatiga kiritilganligi nimani anglatadi?

Купить