Qadimgi Yunoniston afsonalari. 6- sinf - История - Презентации

Информация о документе

Цена	4000UZS
Размер	3.3MB
Покупки	0
Дата загрузки	08 Октябрь 2019
Расширение	pptx
Раздел	Презентации
Предмет	История

Qadimgi Yunoniston afsonalari. 6- sinf

Купить

6-sinf Tarix fani darsligi asosida 33- 34 mavzu Qadimgi Yunoniston afsonalari

Yunon afsonalari – xudolar va bahodirlar haqidagi rivoyatlarning qahramonlari bo‘lgan turli xil titanlar (xudolardan tug‘ilgan qudratli pahlavonlar), yovuz mahluqotlar, sirenalar (yarim qush, yarim ayollar), kentavrlar (yarim otlar, yarim odamlar), sikloplar – peshanasida bitta ko’zi bo’lgan mavjudotlardir.

Afsonalar (yunon tilida mif ») mamlakat tarixidagi qadimgi davr haqida ko‘p narsalarni bilishga imkon beradi.

Yunon afsonalari rang-barang va qiziqarlidir. Olam va xudolarning kelib chiqishi haqidagi afsona ham maroqli.

Yunonlarning rivoyatlari Gerakl, Axilles, Tesey va Ayaks singari bahodir qahramonlar jasorati haqida hikoya qiladi. Ularning barchasi matonat, kuch-qudrat va aql- zakovat kabi fazilatlarga ega bo’lgan.

Qadimgi yunonlar ham ularning hayoti va tevarak olam ko’zga ko’rinmas sirli kuchlarga tobe ekanligiga ishonganlar.

Bu ko‘rinmas kuchlarni yunonlar xudolar deb atadilar. Xudolar ularning Yer yuzi va marhumlar saltanatidagi hayotida hukmron edi.

Qadimgi yunonlarning uch xudosi Olamga hukmronlik qilar edi: Zevs osmonda, Poseydon dengizda, Aid marhumlar saltanatida oliy xudo deb hisoblangan. Zevs Poseydon Aid

Qolgan xudolar esa dehqonchilik va hunarmandchilik, san’at va she’riyat, muhabbat va go’zallik homiylari va boshqa hisoblangan.

Urush va g‘alaba, adliya, uyqu va tonggi shafaq xudolari shuningdek, ikkinchi darajali Satirlar va nimfalar degan xudolar ham mavjud bo‘lgan. Uyqu va tonggi shafaq xudolari Satirlar va nimfalar

Qadimgi yunonlarning xudolari Zevs - Oliy xudo va qolgan barcha xudolarning rahnamosi Poseydon - Zevsning inisi, dengiz hukmdori Afina - Zevsning qizi, jangari ayol, donishmandlik ilohasi Apollon - Zevsning o‘g‘li, yorug‘lik, musiqa va she’riyat xudosi Gelios - Quyosh xudosi Demetra - Dehqonchilik va hosildorlik ilohasi Geya - Yer ilohasi Femida - Adliya ilohasi Gefest - Temirchilar va hunarmandlar xudosi Afrodita - Muhabbat va go’zallik ilohasi Ares - Urush xudosi Dionis - Sharob xudosi Germes - Savdo xudosi

Yunonlarning e’tiqodicha, xudolar Makedoniya va Fessaliya chegarasidagi Yunoniston viloyatlaridan biri Elidada Olimp tog‘ida yashagan.

Qadimgi yunonlarning xudolari va ilohalari ham odamlarga ancha o‘xshaydi.

Yunonlarning xudolari xohish-irodasiga qarshi borganlarni shafqatsiz jazolaydi. Shuning uchun xudolardan qo‘rqishar, ular sharafiga ko’plab ibodatxonalar barpo etib, qurbonliklar qilganlar.

Savol va topshiriqlar 1. Qadimgi Yunoniston tarixini o‘rganishda afsonalar qanday ahamiyatga ega? 2. Yunonlar xudolar to‘g‘risidagi afsonalarda, Qadimgi Yunoniston asotirlarida tabiatning har xil hodisalarini qay tarzda tushuntirishgan? 3. Qadimgi yunon afsonalarining asosiy qahramonlarini sanab bering. 4. Sizningcha, nima sababdan yunonlar xudolarni qizg’anchiq va shafqatsiz, kunni bazmi jamshid va ermakbozlikda o’tkazadi, bir-biri bilan tortishadi, deb hisoblashgan?

Купить