Tabiatni muhofaza qilish printsiplari.

MUNDARIJA:

KIRISH.

I.BOB.TABIATNI MUHOFAZA QILISHNING TASHKILIY 

VA  HUQUQIY ASOSLARI.

1.1. Tabiatni muhofaza qilishda huquqiy bazaning yaratilishi.

1.2. Tabiatni muhofaza qilishning tashkiliy asoslari.

II BOB. MUXIT TUSHUNCHASI

2.1. Tirik organizmlar hayotining tashqi muhit bilan bog`liqligi

2.2 O`simlik va hayvonlarning tashqi muhit bilan aloqasi.

III.XULOSA

IV.FOYDALANILGAN ADABIYOTLAR.

Kirish

Tabiatni  muhofaza qilish,barchamiz  uchun  aziz  bo’lgan  yer,suv,havo,yer  osti  hamda  yer  usti  boyliklarini avaylab  –asrash,ularga  nisbatan mehr-muhabbatli  bo’lish,tabiiy  zahiralardan oqilona  foydalanish  bizga  ota-bobomizdan  meros  bo’lib  qolgan muhim  qadriyat  va  hayotiy  haqiqatdir. Tabiatni  muhofaza qilishning  ta’limiy  va tarbiyaviy  xususiyatlarini  shakllantirish,o’sib  kelayotgan yoshlarni  haqiqiy  vatanparvar,fidoiy  qilib tarbiyalash barchamizni muqaddas burchimizdir. Respublikamizda   ―Ta`lim to`g`risida‖gi  qonun   va  ―Kadrlar  tayyorlash  Milliy dasturi‖ kabi tarixiy hujjatlarning qabul qilinishi ta`lim tizimini tubdan isloh  qilishni,   mavjud ta`lim  tizimi   asosida yangicha,  ilg`or  ta`lim texnologiyalarini yaratishni taminlab berib, umumiy ta’lim, kasb -hunar kollejlari,  akademik  litseylar va  oliy   ta’lim muassasalarida  sifatli  ta’lim olish,   uzluksiz  malaka oshirib borish huquqini va keng imkoniyatlarni nazarda tutadi. Ta`lim  dargohlarida  ta’lim  oluvchilar bilimini  yanada  oshirish, ularni  erkin  fikrlovchi, izlanuvchan,  barkamol  shaxs sifatida  tarbiyalash  uchun,rivojlanib  borayotgan fan va texnikaning ilg`or yutuqlaridan foydalanish, tadqiqot natijalarini umumta’lim fanlarini o`qitishda qo`llash g`oyat katta ahamiyat kasb etadi Atrof  muhit  tozaligini saqlash,  kelib  chiqishi mumkin  bo`lgan  ekologik muammolarni oldini olish, tirik tabiatda ekologik muvozanatni barqaror ushlash  maqsadida  ta`lim muassasalarida   mustahkam   ekologik ong  va  madaniyat shakllanishi  uchun   bajariladigan   ishlar  zamirida  tabiatni  muhofaza qilish muammolari eng asosiy o`rinda turadi.

I.BOB.TABIATNI MUHOFAZA QILISHNING TASHKILIY VA HUQUQIY ASOSLARI.

1.1. Tabiatni muhofaza qilishda huquqiy bazaning yaratilishi.

  Yer sayyorasi insoniyatning umumiy yashash joyi, yagona uyi hisoblanadi, unda ekologik halokatni bartaraf qilish mavjud 200 dan ortiq davlatlar, qariyib 6 mlrd.ga yaqin insonlarning umumiy vazifasidir. Tabiatni muhofaza qilish, tabiiy resurslardan oqilona foydalanish halqaro kelishuv asosida umumjahon miqyosida amalga oshirilgandagina o'z samarasini berishi mumkin. Davlatlararo hamkorliklar sayyoramizda biosferaning yagonaligidan va insonlarning ta'siri hech qanday davlat chegaralari bilan cheklanmasligidan kelib chiqadi. Insoniyatni tashvishga solayotgan ko'plab mintaqaviy va umumsayyoraviy ekologik muammolar faqatgina davlatlararo hamkorlik yo'li bilangina hal qilinishi mumkin. Yu.Odum aytganidek "Ekologik muammolarni bartaraf etish, atrof muhitni barqaror va xavfsiz holda ushlab turish faqatgina dunyo hamjamiyatining birgalikdagi harakati va ushbu harakatlarni huquqiy jihatdan tartibga solishgina insoniyatni ekologik inqirozdan olib chiqishi mumkin".

Shu bois, atrof muhitni muhofaza qilish tadbirlari qonuniy aktlar (farmonlar, ko'rsatmalar, qarorlar), ilmiy tavsiyalar, ishlanmalar, tabiatni muhofaza qilish ta'limi asosida, nazoratlar va boshqaruv organlar faoliyati natijasida amalga oshiriladi. Tabiatni muhofaza qilish, tabiiy resurslardan oqilona foydalanish, ushbu faoliyatning tashkil qilinishi va amalga oshirilishi ko'p jihatdan qonuniy ta'minlanishga bog'liqdir.

Atrof muhitni muhofaza qilishning tashkiliy va huquqiy asoslari O'zbekiston Respublikasining konstitusiyasida o'z aksini topgan. Konstitusiyaning 50,54,55 va 100-moddalarida fuqarolarning ushbu sohasidagi huquq va majburiyatlari, atrof muhitga munosabat va boshqaruv tizimi bo'g'inlarining faoliyati belgilangan. Jumladan 50-moddada “Fuqarolar atrof tabiiy muhitga ehtiyotkorona munosabatda bo'lishga majburdirlar” deyiladi. 100-moddada atrof muhitni muhofaza qilish mahalliy hokimiyat organlari vazifasiga kirishi ta'kidlangan. O'zbekistonda tabiiy sharoitlarni saqlash, tabiiy resurslardan oqilona foydalanishning huquqiy, iqtisodiy va tashkiliy asoslarini 1992 yil 9 dekabrda qabul qilingan “Tabiatni muhofaza qilish to'g'risida”gi qonun belgilab beradi. Qonunga muvofiq O'zbekistonda tabiatni muhofaza qilishga taaluqli huquqiy munosabatlarni tartibga solish Oliy majlisning mutlaq vakolati doirasiga kiradi. Bularga tabiatni muhofaza qilish sahasidagi davlat siyosatini belgilash; davlat ekologiya dasturlarini tasdiqlash; ushbu sohadagi respublika qonun hujjatlarini ishlab chiqish va qabul qilish; tabiatni muhofaza qilishga taalluqli qonunlar ijrosini muvofiqlashtirib borish va boshqalar kiradi. Ushbu qonunda mamlakatda tabiiy muhitni saqlashning huquqiy, iqtisodiy va tashkiliy asoslari belgilangan, tabiat bilan inson o'rtasidagi munosabatlarning me'yorda rivojlanishi maqsadida tabiiy boyliklardan oqilona foydalanish, fuqarolarni qulay tabiiy muhitga bo'lgan huquqini kafolatlash zarurligi o'qtirilgan.