Vatan tuyg‘usi 5 - sinf. Vatan tuyg'usi - Идея национальной независимости - Презентации

Информация о документе

Цена	4000UZS
Размер	2.8MB
Покупки	0
Дата загрузки	20 Декабрь 2019
Расширение	pptx
Раздел	Презентации
Предмет	Идея национальной независимости

Vatan tuyg‘usi 5 - sinf. Vatan tuyg'usi

Купить

Name of presentationVatan tuyg‘usi 5-sinf Vatan tuyg’usi fani darsligi asosida 3-mavzu

Vatanning nomi aytilishi bilan uning bag‘rida o‘tgan yillarimiz, ota-onamiz, qadrdon uyimiz esimizga tushadi, qalbimiz shirin his tuyg‘ularga to‘ladi.

Yurtimizning betakror tabiatini tomosha qilganda, uning boyliklaridan bahramand bo‘lganda, olis ellarda vatandoshlarimiz bilan ko‘rishganda, ularning sport, madaniyat, san’at va boshqa sohalarda erishgan yutuqlarini eshitganda, beixtiyor quvonamiz.

Vatan tuyg‘usi insonga ona allasi, bobolar o‘giti, otaning ibrati, oila, maktab tarbiyasi, ta’lim, ona tabiat bilan muloqot jarayonida singadi.

Vatan tuyg‘usi og‘ir damlarda bizga kuch-quvvat beradi, xalqimizni, yurtimizni dunyoga tanitishga, ajdodlarimizning buyuk an’analariga sodiq bo‘lishga da’vat etadi.

Ota-bobolarimiz uzoq o‘lkalarga ketayotganlarida yurt tuprog‘idan bir siqim olib, ro‘molchaga tugib qo‘yganlar. Olis yurtlarda Vatan sog‘inchi yuraklarini o‘rtaganida ana shu tuproqni hidlab, ko‘zlariga to‘tiyo qilib, qadrdon diyorimiz mehrini, nafasini tuyganlar.

Ulug‘ insonlar qalbidagi Vatanga intilish tuyg‘usi shunchalik kuchli bo‘ladiki, ular nafaqat tirikligida, balki bu dunyodan ko‘z yumganidan keyin ham ona yurt tuprog‘iga yaqinroq bo‘lishni orzu qiladilar.

Uzoq Hindiston o‘lkasida podsholik qilgan Zahiriddin Muhammad Bobur bobomiz vafotidan so‘ng o‘z jismini ushbu yurtga emas, balki Vataniga yaqinroq bo‘lgan joy – Afg‘onistonning hozirgi poytaxti bo‘lmish Kobul shahriga qo‘yishlarini vasiyat qilgan.Zahiriddin Muhammad Bobur

Vatanimiz mustaqillikka erishganidan so‘ng Bobur tug‘ilgan yurt – Andijon shahrida buyuk ajdodimizning ramziy qabri barpo etilib, uning atrofida ulkan bog‘ yaratildi.

Hozirgina tilga olganimiz Bobur bobomizning vorislari – boburiylar sulolasining aksariyat namoyandalari ota- bobolarining yurti – O‘zbekiston zaminida yashamagan bo‘lsalar- da, vatan tuyg‘usi ularni bu tabarruk tuproqqa chorlab turgan. Andijon. Zahiriddin Muhammad Bobur haykali

Ota-bobolarimiz vorisiylik an’analarini saqlash uchun o‘zlarining nasl-nasab tarixi – shajarasini yozib borganlar.

Ulug‘ allomalarimiz Vatan tuyg‘usi har ishda, har qadamda madadkor bo‘lsin deb, o‘z ismi shariflariga tug‘ilgan joylarining nomini qo‘shib yozganlar.25 0306 1502100210 0A 04

Buxoriy, Zamaxshariy, Samarqandiy, Shoshiy, Toshkandiy, Farg‘oniy, Marg‘inoniy, Xorazmiy, Termiziy, Nasafiy singari nomlar shu tarzda paydo bo‘lgan. Ahmad al Farg‘oniy

El-yurt ozod, mamlakat mustaqil bo‘lsa, inson uning ravnaqi yo‘lida bor kuch-qudratini safarbar etadi, Vatan bilan bog‘liq hislari g‘urur-iftixor tuyg‘usiga aylanadi.

Savol va topshiriqlar: 1. Siz mobil telefoningizdan foydalanganingizda uni kim kashf etgani haqida o‘ylab ko‘rganmisiz? 2. Siz chet elga sayohatga chiqsangiz, o‘zingiz bilan nimalarni olgan bo‘lardingiz? 3. Vatan tuyg‘usi haqida she’r yoki qo‘shiq bilasizmi? 4. Rasmlarga qarab vatanparvarlik haqida gapirib bering.

Купить

Похожие документы
Tarbiya masalasiga an’anaviy va zamonaviy yondashuvlar
Yangi O‘zbekiston yuksalishining ma’naviy-axloqiy negizlari
Yoshlarning mafkuraviy immunitetini mustahkamlash shart-sharoitlari
Faxriy yorliq
Maktab maslahatchisi