Vatanga muhabbat 5 - sinf. Vatan tuyg'usi - Идея национальной независимости - Презентации

Информация о документе

Цена	4000UZS
Размер	2.0MB
Покупки	0
Дата загрузки	20 Декабрь 2019
Расширение	pptx
Раздел	Презентации
Предмет	Идея национальной независимости

Vatanga muhabbat 5 - sinf. Vatan tuyg'usi

Купить

Name of presentation Vatanga muhabbat 5-sinf Vatan tuyg’usi fani darsligi asosida 5-mavzu

Inson qalbidagi orzularning eng ulug‘i – ota-onaga, el-yurtga beminnat xizmat qilish, ularning oldidagi farzandlik burchini sidqidildan ado etishdan iborat.

Unga erishish uchun bolalikdan boshlab oldimizga aniq maqsad qo‘yib, zamonaviy bilim va kasb- hunarlarni puxta egallash, jismoniy va ma’naviy jihatdan kuchli bo‘lishimiz lozim.

Shiroq kabi qo‘rqmas va botir o‘g‘lonlar dunyodagi barcha xalqlarda bo‘lgan. Chunki, har qanday xalqning tinch va osuda hayoti, baxt-u saodati uning mard va bahodir farzandlariga bog‘liq.

Markaziy Osiyo mintaqasi xalqlarining Rustami doston, Suhrob, Siyovush, Farhod kabi alp pahlavonlari timsolida ana shunday fazilatlar ulug‘lanadi.Rustami doston

Xalqimizning «Uch-og‘ayni botirlar», «Semurg‘ va Bunyod», «Tohir va Zuhra» kabi ertaklari, «Alpomish», «Go‘ro‘g‘li» singari dostonlarida mardlik va ezgulik kuylanadi.

«Xalqimizning yengilmas bahodiri – Alpomish timsolida biz Vatanimizni yomon ko‘zlardan, balo-qazolardan asrashga qodir, kerak bo‘lsa, bu yo‘lda jonini ham fido qilishga tayyor azamat o‘glonlarimiz – bugungi alpomishlarning ma’naviy qiyofasini ko‘ramiz»

Yuqoridagi fikr va misollar sizlar kabi sog‘lom va barkamol avlodni voyaga yetkazish chuqur tarixiy va ma’- naviy asosga ega ekanini ko‘rsatadi.

Yurtimizda har bir yigit xalqi va Vatani oldidagi muqaddas burchi bo‘lgan harbiy xizmatga kirishar ekan, askar libosini kiyib, tantanali qasamyod qabul qiladi.

Siz Toshkent shahridagi «Vatanga qasamyod» haykalini televizor orqali ko‘rgansiz. Vatan himoyachilari sharafiga barpo etilgan bu obidada ana shu marosim badiiy aks ettirilgan.

O‘zbekiston Qahramoni, atoqli shoirimiz Abdulla Oripovning «Men nechun sevaman O‘zbekistonni?» degan she’ri san’atkorlarimiz ijrosida qo‘shiq qilib aytilishini yaxshi bilasiz. Abdulla Oripov

Qahramonlik, mardlik, fidoyilik bugungi kunda ham eng buyuk fazilatdir. Prezidentimizning quyidagi so‘zlari ayni shu haqiqatni anglashga da’vat etadi: «Ey ulug‘ O‘zbekistonning navqiron avlodi! Sizning bu hayotda orzu- intilishingiz, ko‘zlagan maqsadingiz, qiladigan ishlaringiz ko‘p. Lekin hech qachon unutmangki, sizning eng buyuk, eng muqaddas vazifangiz – yurtimiz istiqlolini, xalqimiz erk-u ozodligini ko‘z qorachig‘idek asrash, uning xavfsizligini himoyalashdir».

Necha ming yillar davomida ajdodlarimiz ko‘z qorachig‘idek asrab kelayotgan aziz Vatanimizni sevib, uning har qarich tuprog‘ini ko‘z qorachig‘idek asrab yashash – bizning eng oliy burchimiz.

Haqiqiy farzand Vatanni butun vujudi bilan sevadi, uni asrash, ravnaq toptirish uchun bor kuch va imkoniyatlarini bag‘ishlaydi.

Savol va topshiriqlar: 1. Vatan haqida qanday she’r yoki maqol bilasiz? 2. Vatan ozodligi uchun kurashgan qahramon insonlar haqida gapiring. 3. Rasmlarda Vatanga muhabbat hissi qanday aks etgan? 4. «Men nechun sevaman O‘zbekistonni?» qo‘shig‘idan bir parcha kuylab bera olasizmi?

Купить

Похожие документы
Tarbiya masalasiga an’anaviy va zamonaviy yondashuvlar
Yangi O‘zbekiston yuksalishining ma’naviy-axloqiy negizlari
Yoshlarning mafkuraviy immunitetini mustahkamlash shart-sharoitlari
Faxriy yorliq
Maktab maslahatchisi