Yevropaliklarning mustamlakalar uchun kurashi. 8- sinf - История - Презентации

Информация о документе

Цена	4000UZS
Размер	2.5MB
Покупки	0
Дата загрузки	08 Октябрь 2019
Расширение	pptx
Раздел	Презентации
Предмет	История

Yevropaliklarning mustamlakalar uchun kurashi. 8- sinf

Купить

Yevropaliklarning mustamlakalar uchun kurashi 8-sinf Jahon tarixi fani darsligi asosida 2-mavzu

Ispaniya mustamlakalari. Buyuk geografik kashfiyotlar ayni paytda Yevropa davlatlarining mustamlakachilik siyosati uchun ham yo'l ochdi. Ispaniya bayrog'i himoyasi ostida yangi ochilgan yerlar Ispaniya qiroli mulki deb e'lon qilindi.

Ispaniya qiroli 1512- yilda mahalliy hindularni qulga aylantirishni taqiqlab qo'yuvchi qonun chiqargan bo'lsa- da, u mahalliy aholini shafqatsiz ekspluatatsiya qilishga xalaqit bermagan.

Mustamlakachilar XVI asr o'rtalaridan boshlab endi Afrikada yashovchi aholini qullarga aylantirib, Amerikaga olib kela boshlaganlar. Tekin ishchi kuchiga ega bo'lgan mustamlakachilar 1510- yildan boshlab konkista siyosatini yurita boshladilar.

Bu jarayon XVII asrning o'rtalarigacha davom etdi. XVI asrning dastlabki 50 yili ichida Ispaniya mustamlakalarida aholi soni keskin kamayib ketdi.

Portugaliya mustamlakalari. Portugaliya dengiz sayyohi Kabral 1500- yili Braziliyani kashf etdi va uni Portugaliya qirolining mulki, deb e'lon qildi.

Mustamlakalar uchun kurash. Tez orada Yevropa davlatlari o'rtasida mustamlakalar uchun kurash boshlandi. Bunga Angliyada manufaktura ishlab chiqarishining tobora rivojlanishi sabab bo'ldi.

Buyuk geografik kashfiyotlar geografik jihatdan qulay hududda joylashgan Angliyani eng muhim dengiz savdo yo'llaridagi davlatga aylantirdi. London esa yirik port shahriga aylandi. Uning aholisi tez orada 200 ming kishiga yetdi.

Angliya - Ispaniya munosabatlarining keskinlashuviga olib keldi . 1588- yilda ikki davlat harbiy-dengiz floti o'rtasida hal qiluvchi jang bo'lib o'tdi. Unda Ispaniyaning «Yengilmas armada» deb nom berilgan harbiy floti tor-mor etildi. Buning ustiga, Ispaniya boshqa davlatlar savdogarlarining ispan mustamlakalari bilan savdo qilishini taqiqlab qo'ydi.

Angliyaning dastlabki mustamlakalari. Qudratli dengiz davlatiga aylangan Angliya endi mustamlakalar bosib olishga kirishdi. Bu davlat mustamlakachilari Shimoliy Amerikani egallay boshladilar.

XVII asr boshlarida bu yerda birinchi mustamlaka - Virginiyaga asos solindi. Angliya hukumati tashqi savdoni chet davlatlar bilan savdo ishlarini olib boruvchi boy savdogarlar tuzgan turli kompaniyalar ixtiyoriga topshirib qo'ydi. Mahalliy hindu aholisi o'rmonlar ichkarisiga surib chiqarildi.

Bunday kompaniyalardan biri 1600 - yilda tuzilgan «Ost-Indiya» kompaniyasi edi. Eng boy bo'lgan bu kompaniyaga Hind va Tinch okeanlari sohilida joylashgan mamlakatlar bilan savdo qilish huquqi berildi.

Boshqa kompaniyalar qatori «Ost-Indiya» kompaniyasi ham davlat xazinasiga juda katta miqdorda daromad keltirardi. «Ost-Indiya» kompaniyasi keyinchalik Boburiy hukmdorlardan Hindistonda boj to'lamay savdo qilish huquqini qo'lga kiritdi.

Bu kompaniya Hindistondan Yevropaga mato, ziravor va boshqa tovarlarni yuborar edi. Mustamlakachilar Hindistonda yanada mustahkamroq o'rnashib olish uchun o'z savdo manzilgohlarini qal'aga aylantira borganlar.

Savol va topshiriqlar 1. Yevropa davlatlarining mustamlakachilik siyosatiga sabab bo'lgan omillarni qayd eting. 2. Ispaniya Markaziy va Janubiy Amerikani qay tariqa mustamlakaga aylantirganligi haqida nimalarni bilib oldingiz? 3. Mustamlakachilar Amerika mahalliy aholisi - hindularga nisbatan qanday siyosatni qo'llaganlar? 4. Dengiz savdo yo'llari uchun Angliya - Ispaniya raqobati qanday natija bilan tugadi? 5. «Ost-Indiya» kompaniyasi haqida nimalarni bilib oldingiz?

Купить