Firma tashkil qilish 9-sinf - Экономика - Презентации

Информация о документе

Цена	4000UZS
Размер	2.5MB
Покупки	0
Дата загрузки	15 Февраль 2022
Расширение	ppt
Раздел	Презентации
Предмет	Экономика

Firma tashkil qilish 9-sinf

Купить

9-sinf Iqtisodiy bilim asoslari darsligi asosida 4-mavzu: FIRMA TASHKIL QILISH

Firma ochish uchun quyidagi ishlarni amalga oshirish lozim bo‘ladi. Eng avvalo, firmaning nizomi va ta’sis shartnomasini tayyorlash zarur.

Firma nizomida firmaning nomi, manzili, firma ochishdan ko‘zlangan maqsad, firmaning qanday faoliyat turlari bilan shug‘ullanishi, firma kimlar — qaysi ta’sischilar tomonidan tashkil qilinayotgani, firmaning tashkiliy shakli, firma faoliyatini yuritish uchun dastlab qancha miqdorda boshlang‘ich mablag‘

— nizom jamg‘armasi safarbar qilinayotgani, firma ta’sischilarining nizom jamg‘armasiga qo‘shgan hissasi, firma molmulklarining tarkibi va uni hosil qilish tartiblari kabi ma’lumotlar o‘z aksini topishi zarur.

Firmaning nizomida ko‘zda tutilgan har bir band tadbirkorlik faoliyati bo‘yicha amaldagi qonunlarga zid bo‘lmasligi lozim. Firma nizomi, odatda, tadbirkorlikning shu firmaga xos yo‘l-yo‘riq va qonun- qoidalari majmuidan iborat bo‘lib, kelajakda firma unga rioya qilgan holda faoliyat yuritishi shart bo‘ladi.

Firma nizomi — firmaning ichki va tashqi faoliyatini tartibga soluvchi, huquqiy kuchga ega bo‘lgan me’yoriy hujjat

Ta’sis shartnomasi firma ta’sischilari ikki yoki undan ortiq shaxsdan iborat bo‘lganda tuziladi. Firmaning ta’sis shartnomasida firmani tashkil qilish, faoliyat yurgizish, firmani boshqarish tamoyili va mexanizmlari, nizom jamg‘armasining tarkibi va unga qo‘shiladigan ulushlar, firma foydasini ta’sischilar o‘rtasida taqsimlash qoidalari, firmaning ichki boshqaruv tuzilmalari, firma maqomini o‘zgartirish va uni tugatish bilan bog‘liq yo‘l-yo‘riqlar va o‘zaro kelishuvlar o‘z aksini topgan bo‘lishi kerak.

Firmaning ta’sis shartnomasi – firma ta’sischilari o‘rtasida o‘zaro faoliyat yuritish bo‘yicha tuziladigan kelishuv hujjati. Firmaning o‘z nomi, muhri belgilari bo‘lib, ular firmani davlat ro‘yxatidan o‘tkaziladi va firmaga iqtisodiy faoliyat qatnashchisi sifatida yuridik shaxs maqomi beriladi

Firma nomi tushirilgan dumaloq va burchakli muhrlari, ish qog‘ozlarini tayyorlatib, to‘la ma’noda o‘z faoliyatini amalga oshirishga kirishadi. Firmaning pul bilan bog‘liq barcha ishlari bank orqali amalga oshiriladi.

Prezident farmoniga muvofiq, tadbirkorlik subyektlariga xizmat ko‘rsatish bo‘yicha “yagona darcha” markazlari 2018- yil 1- yanvardan boshlab Davlat xizmatlari markazlariga aylantirildi.

Firmalarni ro‘yxatdan o‘tkazish bo‘yicha xizmatlar ham mana shu markaz orqali amalga oshiriladigan bo‘ldi. 2017- yil 1- apreldan boshlab Yagona interaktiv davlat xizmatlari portali (my.gov.uz) orqali tadbirkorlik subyektlarini onlayn tarzda ro‘yxatga olish xizmati yo‘lga qo‘yildi.

Ushbu xizmat vositasida tadbirkorlarni ro‘yxatga olish vaqti 30 minut deb belgilandi. Firmaning nomi, tamg‘asi yoki tovar belgisi uning taniqlilik belgilari hisoblanadi. Ularni tanlashda firmaning o‘ziga xos xususiyatlarini hisobga olish lozim. Firmaning tamg‘asi yoki tovar belgisi uning mahsulotlari boshqa firma mahsulo tlaridan ajralib turishi uchun xizmat qiladi. Firmaning tovar belgisi iste’molchilar uchun ham qulaylik yaratadi. Ular peshtaxtalardan, reklama va e’lonlardan u yoki bu firmaning mahsulotlarini tovar belgilariga qarab tezda ajratib olishadi. Shuningdek, firma o‘z nomi, tovar belgisini ham belgilangan tartibda tegishli tashkilotlarda ro‘yxatdan o‘tkazishi lozim.

Chunki boshqa mavjud firmalarning nomini qo‘yish, tovar belgilaridan foydalanish dunyo bo‘yicha taqiqlangan. Firma ochmoqchi bo‘lgan shaxs Davlat statistika qo‘mitasining rasmiy saytiga kirib o‘zi tanlagan firma nomini zaxiralashtirishi mumkin. O‘zbekistonda tadbirkorlik faoliyati bilan shug‘ullanishning huquqiy asoslari O‘zbekiston Respublikasi Konstitutsiyasida o‘z aksini topgan. Xususan, Konstitutsiyamizning 53- moddasida “Davlat iste’molchilarning huquqiy ustunligini hisobga olib, iqtisodiy faoliyat, tadbirkorlik va mehnat qilish erkinligini, barcha mulk shakllarining teng huquqliligini va huquqiy jihatdan bab-baravar muhofaza etilishini kafolatlaydi” deb ta’kidlangan

Mamlakatimizda ishbilarmonlik muhitini yaxshilash, tadbirkorlarga yanada ko‘proq imkoniyatlar yaratish, kichik biznes va xususiy tadbirkorlikni rag‘batlantirish maqsadida mamlaktimizda keng qamrovli islohotlar amalga oshirilmoqda. So‘nggi yillarda bu borada qator qonunlar, Prezidentimizning o‘nlab farmon va qarorlari qabul qilindi. Bular ham tadbirkorlikni rivojlantirish uchun huquqiy asos bo‘lib xizmat qiladi.

Купить