GOOGLE DRIVE imkoniyatlari haqida video darslik tayyorlash - Informatika va AT - Kurs ishlari

Dokument ma'lumotlari

Narxi	20000UZS
Hajmi	3.2MB
Xaridlar	0
Yuklab olingan sana	24 Dekabr 2025
Kengaytma	docx
Bo'lim	Kurs ishlari
Fan	Informatika va AT

Sotuvchi

Diyorbek Husanov

Ro'yxatga olish sanasi 24 Dekabr 2025

0 Sotish

GOOGLE DRIVE imkoniyatlari haqida video darslik tayyorlash

Sotib olish

MUNDARIJA
KIRISH .................................................................................................................................................. 2
............................................................................................................................................................. 3
............................................................................................................................................................. 3
............................................................................................................................................................. 3
I.BOB. BULUTLI TEXNOLOGIYALAR VA GOOGLE DRIVE TUSHUNCHASI ................................................ 4
1.1 Bulutli texnologiya haqida ma’lumot. .................................................................................................... 4
1.2 Google Drive bulutli xizmati haqida ma’lumot. ...................................................................................... 6
II.BOB. GOOGLE DRIVE IMKONIYATLARI HAQIDA VIDEO DARSLIK TAYYORLASH ....................................... 12
2.1. Tibbiyot ta’limida Google Drive’dan foydalanish ................................................................................ 12
2.2. Google Drive dasturida ishlash haqida video darslik tayyorlash. ................................................ 13
XULOSA .................................................................................................................................................. 20
GLOSSARIY ................................................................................................................................................. 21
TEST SAVOLLARI ......................................................................................................................................... 22
FOYDALANILGAN ADABIYOTLAR RO‘YXATI ............................................................................................ 25

KIRISH
Raqamli asrda bulutli texnologiyalar axborot texnologiyalari
infratuzilmasining ajralmas qismiga aylandi. Hozirgi kunda real vaqt rejimida
hamkorlik qilish, malumotlarni xavfsiz saqlash va istalgan qurilmadan fayllarga
kirish zarurati ortib bormoqda. Shu bois bulutli platformalar zamonaviy hisoblash
tizimlarining muhim vositasiga aylangan.
K ‘ plab bulutli saqlash xizmatlari orasida Google Drive eng ommabop va
innovatsion platformalardan biri hisoblanadi. 2012-yilda Google tomonidan ishlab
chiqilgan ushbu xizmat foydalanuvchilarga nafaqat fayllarni saqlash imkoniyatini,
balki Google Docs, Sheets va Slides kabi onlayn ofis dasturlari orqali hujjatlar
yaratish, tahrirlash va ulashish imkoniyatini ham beradi.
Bundan tashqari Google Drive bir nechta foydalanuvchilarga real vaqt
rejimida hamkorlikda ishlash imkonini beradi, bu esa jamoaviy ish, ta’lim va
tashkilot faoliyatida inqilobiy o‘zgarishlarga olib keldi.
Mazkur mavzuning dolzarbligi: bulutli hamkorlik vositalarining
informatika sohasi va boshqa texnik fanlardagi ahamiyatining ortib borayotganida.
Kurs ishining maqsadi : foydalanuvchilarga Google Drive bulutli saqlash
tizimi imkonyatlarini rganish, undan samara foydalanish ko’nikmalarini
shakllantirish.
Kurs ishining vazifalari: Google Drive tizimi haqida nazariy ma’lumotlarni
o‘rganish. Bulutli texnologiyalarning afzalliklarini tahlil qilish. Google Drive’dan
foydalanib hujjatlarni yaratish, saqlash va ulashish jarayonlarini amaliy o‘rganish.
Google Drive bo‘yicha o‘quvchi va foydalanuvchilar uchun video darslik
ssenariysini ishlab chiqish. Video darslikni yozib olish, tahrirlash va taqdim etish
bosqichlarini amalga oshirish.
Та dqiqot predmeti : Google Drive imkoniyatlari vedio darslik orqali
o‘ rganish metodikasi va amaliy qo’llanilishi.

Kurs ishini metodologik asoslari: Kurs ishining metodologik asosini
axborot texnologiyalari, masofaviy ta’lim va raqamli savodxonlikka oid ilmiy
manbalar, internet resurslari hamda Google kompaniyasining rasmiy hujjatlari
tashkil etadi.
Shuningdek, video darslik yaratishda pedagogik texnologiyalar, interfaol
ta’lim usullari, vizual o‘qitish va amaliy ko‘nikma shakllantirish tamoyillariga
asoslanilgan.
Dasturlash, loyiha ishlab chiqish va hujjatlashtirish jarayonlari raqamli
ekotizimlarga tobora ko‘proq tayanayotgan bir paytda, Google Drive kabi
xizmatlarning tuzilishi, funksiyalari va imkoniyatlarini bilish muhim ahamiyatga
ega.
Shuningdek, bulutli platformalarning xavfsizlik va maxfiylik masalalari ham
zamonaviy hisoblash tizimlarida dolzarb muammo bo‘lib qolmoqda. Shu sababli
ushbu kurs ishining maqsadi — Google Drive’ni bulutga asoslangan hamkorlik
vositasi sifatida tahlil qilish, uning tuzilishi, asosiy funksiyalari va ta’lim
jarayonidagi o‘rnini o‘rganishdir .

I.BOB. BULUTLI TEXNOLOGIYALAR VA GOOGLE DRIVE
TUSHUNCHASI
1.1 Bulutli texnologiya haqida ma’lumot.
Bulutli texnologiyalar — bu hisoblash resurslarini (serverlar, saqlash joylari,
tarmoqlar, dasturlar) internet orqali taqdim etish modeli dir. Ya’ni
foydalanuvchilar o‘zlarining shaxsiy kompyuterlarida jismoniy server yoki
uskunalarni saqlamasdan, ulardan tarmoq orqali foydalanish imkoniga ega bo‘ladi.
NIST (National Institute of Standards and Technology) ta’rifiga ko‘ra,
bulutli hisoblash — “foydalanuvchilarga tarmoq orqali moslashuvchan, tezkor va
talab asosida konfiguratsiyalanadigan hisoblash resurslariga kirish imkonini
beruvchi model”dir.
1-rasm Gooogle drive dasturi
Bulutli texnologiyalarning asosiy xususiyatlari quyidagilardan iborat:
 Talab asosida xizmat ko‘rsatish: foydalanuvchi inson aralashuvisiz zarur
resursni oladi.

 Keng tarmoqli kirish: xizmatlar internet orqali istalgan qurilmada mavjud.
 Resurslarni umumiy foydalanish: bir nechta foydalanuvchi bir xil tizimdan
foydalanishi mumkin.
 Moslashuvchanlik: resurslar tez kengaytiriladi yoki qisqartiriladi.
 Hisobga asoslangan xizmat: foydalanilgan resurslar hajmiga qarab to‘lov
amalga oshiriladi.
 Bulutli xizmatlar 3 asosiy modelga bo‘linadi:
 IaaS (Infratuzilma xizmat sifatida) — foydalanuvchiga virtual server va
tarmoq resurslarini taqdim etadi.
 PaaS (Platforma xizmat sifatida) — dasturlar yaratish uchun platforma
taqdim etadi.
 SaaS (Dastur xizmat sifatida) — tayyor dasturiy ilovalarni internet orqali
ishlatish imkonini beradi.
 Google Drive aynan SaaS turiga kiradi, chunki u foydalanuvchilarga hech
qanday o‘rnatishsiz, bevosita brauzer orqali hujjatlarni yaratish, boshqarish va
ulashish imkonini beradi.
2-rasm Bulutli xizmat

1.2 Google Drive bulutli xizmati haqida ma’lumot.
Google Drive 2012-yilda ishga tushirilgan bo‘lib, u avvalgi Google Docs va
Gmail tizimlaridagi fayl saqlash imkoniyatlarini birlashtirgan holda, yangi
integratsiyalashgan platformani yaratdi.
Dastlab foydalanuvchilarga 5 GB bepul joy berilgan bo‘lsa, hozirda bu
hajm 15 GB gacha kengaytirildi (Gmail, Photos va Drive uchun umumiy).
Kengroq saqlash joyi kerak bo‘lgan foydalanuvchilar uchun Google One obunalari
mavjud.
Google Drive’ning rivojlanishidagi muhim bosqich — uning Google
Workspace (avvalgi G Suite) bilan to‘liq integratsiyasi bo‘ldi. Bu esa
foydalanuvchilarga Docs, Sheets, Slides va boshqa ilovalar o‘rtasida uzluksiz
ishlash imkonini yaratdi.
3-rasm Google drive va Bulutli xizmat logosi
Bulutli vositalarning afzalliklari va cheklovlari. Afzalliklari:
 Qulaylik va kirish imkoniyati: fayllarga istalgan qurilmadan kirish mumkin.

 Hamkorlik: bir nechta foydalanuvchi bir vaqtning o‘zida hujjatni tahrirlay
oladi.
 Avtomatik zaxira: malumotlar yo‘qolish xavfi kamayadi.
 Versiya nazorati: fayllarning eski nusxalari saqlanadi.
 Integratsiya: Gmail, Meet va Calendar bilan uyg‘un ishlaydi.
 Cheklovlari:
 Internetga bog‘liqlik: internet bo‘lmasa, xizmatning aksariyat funksiyalari
ishlamaydi.
 Xavfsizlik xavflari: ma’lumotlar onlayn saqlanadi, bu esa ma’lum xavf
tug‘diradi.
 Saqlash hajmi cheklangan: bepul foydalanuvchilar uchun joy cheklangan.
 Maxfiylik masalalari: foydalanuvchi ma’lumotlari Google siyosatiga bog‘liq.
4-rasm Google drive umumiy tuzilishi

Google Drive’ning funksional imkoniyatlari : Fayllarni saqlash va
sinxronizatsiya qilish. Google Drive’ning asosiy funksiyalaridan biri — fayllarni
bulutda saqlash va barcha qurilmalarda sinxronizatsiya qilish dir. Har bir
foydalanuvchi o‘ziga tegishli ma’lum miqdordagi joyga ega bo‘lib, u yerda
hujjatlar, rasmlar, videolar, audio fayllar, arxivlar va boshqa turdagi fayllarni
joylashtirishi mumkin.
Drive tizimi avtomatik sinxronizatsiya ni qo‘llab-quvvatlaydi. Oldin
“ Backup and Sync ” deb atalgan dastur, hozirda “ Drive for Desktop ” shaklida
ishlab chiqilgan bo‘lib, u foydalanuvchi kompyuteridagi fayllarni avtomatik tarzda
bulutga yuklaydi. Shunday qilib, bir qurilmada o‘zgartirilgan fayl barcha
qurilmalarda yangilanadi.
Google Drive real vaqt rejimida sinxronizatsiya va konfliktlarni
aniqlash tizimiga ega. Agar bir nechta foydalanuvchi bitta faylni bir vaqtning
o‘zida tahrirlasa, tizim o‘zgarishlarni birlashtiradi yoki farqlarni belgilab beradi.
Bu holat ilmiy loyihalar yoki dasturiy ta’minot ishlab chiqish jamoalari uchun
juda qulay .
Bundan tashqari, Google Drive’da oflayn rejim ham mavjud.
Foydalanuvchi internet bo‘lmasa ham, hujjatlarni ko‘rish va tahrirlash imkoniga
ega. Qurilma qayta internetga ulanayotganda, o‘zgarishlar avtomatik tarzda
sinxronlashtiriladi.
Hamkorlik va hujjat almashish imkoniyatlari . Google Drive hujjat almashish va
real vaqt rejimidagi hamkorlik sohasida inqilob yasadi. Google Docs, Sheets va
Slides yordamida bir nechta foydalanuvchilar bir fayl ustida bir vaqtning o‘zida
ishlashi, bir-birining o‘zgarishlarini darhol ko‘rishi mumkin. Har bir foydalanuvchi
o‘ziga xos rang bilan belgilanadi va har qanday o‘zgartirishlar hujjat tarixida
avtomatik tarzda saqlanadi.
Google Drive’da hujjat ulashilganda kirish darajalari quyidagicha
belgilanadi:

 Ko‘ruvchi (Viewer): foydalanuvchi hujjatni faqat o‘qiy oladi.
 Izoh qoldiruvchi (Commenter): foydalanuvchi hujjat matnini o‘zgartirmasdan
izoh qoldiradi.
 Tahrirchi (Editor): foydalanuvchi hujjatni o‘zgartirishi va tahrir qilishi
mumkin.
Fayllarni to‘g‘ridan-to‘g‘ri havola , elektron pochta orqali taklifnoma
yoki Google Workspace hisoblari orqali ulashish mumkin. Shuningdek,
foydalanuvchi hujjatni faqat muayyan shaxslarga , butun tashkilotga , yoki ochiq
veb-sayt orqali hammaga ko‘rinadigan qilib sozlashi mumkin.
5-rasm Google drive da ma’lumotlarni ulashish
Google Drive’dagi izoh va taklif tizimi juda qudratli hisoblanadi. Jamoa
a’zolari hujjatning asl matniga zarar bermasdan, fikr bildirishi, o‘zgartirishlar taklif
etishi va ularni kuzatib borishi mumkin. Bu xususiyat ilmiy loyihalar, jamoaviy
topshiriqlar va dasturiy hujjatlashtirish jarayonlari uchun ayniqsa foydali.

Yana bir muhim afzallik — bu Google Meet va Chat bilan integratsiya .
Masalan, uchrashuv paytida ishtirokchilar bir hujjatni bir vaqtning o‘zida
muhokama qilish va tahrirlashlari mumkin. Bu esa real vaqt rejimida samarali
hamkorlikni ta’minlaydi.
Boshqa Google ilovalari bilan integratsiya . Google Drive — bu Google
Workspace deb nomlanuvchi kengroq ekotizimning bir qismidir. U Gmail,
Calendar, Meet va Keep kabi xizmatlarni o‘z ichiga oladi. Ushbu xizmatlarning
o‘zaro integratsiyasi foydalanuvchilarga qulaylik yaratadi va unumdorlikni
oshiradi.
Masalan:
 Gmail orqali olingan fayllarni bir tugma bilan Drive ga saqlash mumkin.
 Google Calendar dagi tadbirlarga Drive fayllarini biriktirish mumkin, shunda
barcha ishtirokchilar kerakli hujjatlarga kirish imkoniga ega bo‘ladi.
 Google Meet orqali videomuloqot paytida Drive hujjatlarini ulashish
mumkin.
 Google Keep tezkor eslatmalar yaratish va ularni Drive hujjatlari bilan bog‘lash
imkonini beradi.
Informatika sohasida bu integratsiya loyihalarni boshqarishni
yengillashtiradi. Dasturchilar va talabalar Drive orqali manba kodlarini (zip yoki
matn fayl ko‘rinishida) almashishlari, hujjatlashtirish ustida ishlashlari va
ishlarini Google Sheets yoki Trello kabi vazifa boshqaruv vositalariga bog‘lashlari
mumkin.
Bundan tashqari, Google Drive API (Application Programming
Interface) dasturchilarga Drive funksiyalarini o‘z ilovalariga qo‘shish imkonini
beradi. Masalan, veb-platforma foydalanuvchilarga o‘z Google Drive hisobidan
to‘g‘ridan-to‘g‘ri fayl yuklash yoki olish imkoniyatini berishi mumkin. Bu Google

Drive’ni bulutli dasturiy ta’minot ishlab chiqish uchun kuchli vosita ga
aylantiradi.

II.BOB. GOOGLE DRIVE IMKONIYATLARI HAQIDA VIDEO
DARSLIK TAYYORLASH
2.1. Tibbiyot ta’limida Google Drive’dan foydalanish
Zamonaviy ta’limda, ayniqsa tibbiyot yo‘nalishida, Google Drive
o‘qituvchilar va talabalar uchun ajralmas vositaga aylandi. U ma’ruzalar
materiallarini saqlash, topshiriqlarni topshirish va guruh loyihalarida
hamkorlik qilish platformasi sifatida xizmat qiladi. O‘qituvchilar slaydlar, kod
namunalar, ilmiy maqolalar kabi resurslarni yuklab, talabalar uchun istalgan vaqtda
ochiq holda taqdim etishlari mumkin.
o Talabalar Google Drive’dan quyidagi maqsadlarda foydalanadilar:
o Google Docs orqali hisobotlar yozish,
o Google Sheets yordamida ma’lumotlarni tahlil qilish,
o Google Slides da taqdimotlar tayyorlash,
o Manba kodlarini saqlash va ulashish.
Google Drive malum darajada versiya nazorati (version control)
funksiyasini ham taqdim etadi. Bu talabalar xatolik yuz berganda avvalgi fayl
versiyalariga qaytish imkonini beradi. Garchi u Git tizimlari kabi murakkab
bo‘lmasa-da, topshiriqlar yoki jamoaviy loyihalar jarayonini kuzatish uchun
foydalidir.
Masofaviy talimda Google Drive Google Classroom bilan mukammal
integratsiyalashgan. Bu esa topshiriqlarni avtomatik tarzda tarqatish va topshirish
imkonini beradi. O‘qituvchi esa hujjat ichida to‘g‘ridan-to‘g‘ri ko‘rish, izoh
qoldirish va baholash imkoniga ega bo‘ladi. Shu tariqa, bulutli vositalar ta’lim
jarayonida samaradorlik va aloqa sifatini sezilarli darajada oshiradi.
Google Drive’da xavfsizlik, maxfiylik va ma’lumotlarni boshqarish . Bulutli
platformalarda xavfsizlik eng muhim jihatlardan biridir. Google Drive

foydalanuvchilarning ma’lumotlarini himoya qilish uchun bir nechta ishonchli
usullardan foydalanadi.
1. Shifrlash (Encryption): Foydalanuvchi va Google serverlari o‘rtasidagi barcha
ma’lumotlar SSL/TLS protokoli orqali himoyalanadi, saqlanayotgan
ma’lumotlar esa AES-256 bitli shifrlash bilan kodlanadi. Bu ma’lumotlar
ruxsatsiz shaxslarga o‘qilmasligini ta’minlaydi.
2. Ikki bosqichli autentifikatsiya (2FA): Foydalanuvchilar parolga qo‘shimcha
himoya qatlamini qo‘shishlari mumkin. Ya’ni, parol qo‘lga kiritilgan taqdirda
ham, ikkinchi bosqichsiz hisobga kirish imkoni bo‘lmaydi.
3. Kirish nazorati (Access Control): Foydalanuvchi faylga kim kirishi, kim
tahrir qilishi yoki izoh qoldirishi mumkinligini aniq belgilaydi. Istalgan paytda
bu ruxsatlar o‘zgartirilishi yoki bekor qilinishi mumkin.
4. Zaxira va tiklash (Data Recovery): Google infratuzilmasi ma’lumotlarni bir
nechta serverlarda avtomatik nusxalab saqlaydi. Bu texnik nosozlik yoki uskuna
ishdan chiqsa ham ma’lumot yo‘qolishining oldini oladi.
Shu bilan birga, foydalanuvchilar maxfiylik masalalariga ham e’tibor
berishlari lozim. Google foydalanuvchi tajribasini yaxshilash va tavsiyalar berish
maqsadida ba’zan ma’lumotlarni avtomatik tahlil qilishi mumkin. Shu sababli,
maxfiy ma’lumotlar yoki ilmiy tadqiqotlar bilan ishlovchi shaxslar tashkilot
siyosati va maxfiylik talablariga rioya qilishlari zarur.
2.2. Google Drive dasturida ishlash haqida video darslik tayyorlash.
Bulutli saqlash va hamkorlik tizimlari kelajakda sun’iy intellekt (AI) va
mashina o‘rganish (ML) texnologiyalari bilan yanada rivojlanadi. Google
allaqachon “ Smart Compose ”, “ Help Me Write ” va hujjatlarni qisqacha
mazmunlash kabi AI asosidagi funksiyalarni joriy qilgan.

Yaqin yillarda Google Drive quyidagi yo‘nalishlarda rivojlanishi
kutilmoqda:
 AI asosida fayllarni avtomatik tartiblash va teglash ;
 Xavfsizlikni kuchaytirish: biometrik kirish va yanada ilg‘or shifrlash usullari;
 Dasturlash vositalari bilan chuqur integratsiya;
 Real vaqt rejimidagi kod yozish va tahrirlash imkoniyatlari.
Informatika sohasi mutaxassislari uchun bu yangiliklar tezroq ish jarayoni,
xavfsiz hamkorlik va kengroq qulaylik ni anglatadi. Bulutli hamkorlik nafaqat
ta’limda, balki dasturiy injiniring, ilmiy tadqiqot va kasbiy rivojlanish da ham
asosiy infratuzilma elementi bo‘lib qoladi.
6-rasm Google drive bazasi
Kelinglar shu google drive dasturi bilan qanday ishlash bosqichlari bilan bafurcha
tanishib chiqamiz.

7-rasm
Google drive dasturida ishlash uchun birinchi navbatda google email ochib
ro`yxatdan o`tib olamiz. Men ro`yxatdan o`tganligim uchun davom ettirib
ketaman.Bu dasturni qulaylik tomonlari kompyuterda hamda telefonda ayniqsa
android telefonlarda bemalol foydalansa bo`lishi.Men oldin ham ma`lumotlar
joylab va kerakli bazalarimni saqlab qoyish uchun foydalanib kelaman hozir yana
qayta narsa yuklab ko`satib o`taman.
Bizda quydagicha oyna ochiladi va bu yerda ko`rishingiz mumkin oldin
yuklagan malumotlarim ko`rinib turibdi. Yangi ma’lumot yuklashim uchun chap
tomondagi plus(+) ya’ni yaratish tugmasini ustiga bosaman.

8-rasm
Ko`rib turganingizdek oyna paydo bo`ladi bu yerda yuklashimiz mumkin
(fayl shaklidagi ma’lumotlar, vedio va audio materiallar, doc, excel, pptx, va
shunga o`xshagan ma’lumotlar. Agarda men (zagruzka fayl) ustiga bosadigan
bo`lsam:

9-rasm
Quydagi tayyor fayllar ketma ketligi chiqadi va oz`imga kerali bo`lgan faylni
tanlab olaman so`ngra ochish (open) tugmasini bosaman.
10-rasm
Mana ko`rib turibsizki men tanlab olgan fayl yuklandi.

11-rasm
Agar ustiga bir marta sichqonchani chap tugmasini bossak nima joylaganimiz
ko`rinadi agar ikki marta bossak uni ichiga to`liq kirib olamiz.
12-rasm
Agar google document punkitiga bossak biz korishimiz mumkin word office
ochiladi va usha yerda online biz yangi ma`lumot yaratishimiz va automatic
saqlash imkoni paydo bo`ladi.

13-rasm
Bu google drive yaxshi imkoniyatlari juda ko`p ba’zilari misol uchun biz uni
ichiga saqlab qo`ygan ma`lumotlarimiz qachonki o’chirib yubormagunimizcha
saqlanib turadi.Men hohlagan joyimda turib hohlagan qurilmamda akkaountimni
ochib ushbu ma’lumotlardan bemalol foydalana olaman hozirda shuni kuzatimki
buni ichiha vedio materil joylab uzoq masofadagi odamga jo`natishmoqda ba’zi
messingerla kamroq MB materiallarni jo`natadi faqat perimum versiyasidan
tashqari agar sanayman desam buni yaxshi tomonlari ko`p tepada kirish qismida
ham aytib o`tganaman.O`ziga yarasha kamchiligi ham bor agarda google
akountimni yangi qurilmada ochmoqchi bo`lsam va login parolim yodimdan
chiqqan bo`lsa uni qayta ochishim bir muncha mushkil.Ba’zi huhudlarda internet
yaxshi ishlamasligi yokida uzilishlar bo`lishi mumkin shu tomonlarini hisobga
olmasak qolgan jihatlari yaxshi.

XULOSA
Google Drive zamonaviy bulut texnologiyalarining eng muvaffaqiyatli
namunasidir. U foydalanuvchilarga ma’lumotlarni saqlash, ulashish va
hamkorlikda tahrirlash imkonini beruvchi qulay, xavfsiz va ishonchli platforma
sifatida xizmat qiladi. Ushbu tadqiqot davomida Google Drive’ning asosiy
afzalliklari — kirish qulayligi, xavfsizlik choralari, moslashuvchanligi va
hamkorlik imkoniyatlari — tahlil qilindi.
Platforma foydalanuvchilarga SSL/TLS va AES-256-bit shifrlash orqali
yuqori darajadagi ma’lumot himoyasini ta’minlaydi, ikki bosqichli
autentifikatsiya (2FA) yordamida esa shaxsiy ma’lumotlarni himoya qilish
darajasi yanada oshiriladi. Bundan tashqari, foydalanuvchi darajasida kirish
huquqlarini boshqarish imkoniyati ma’lumot maxfiyligini saqlashga yordam
beradi.
Kelajakda Google Drive’ning rivojlanishi sun’iy intellekt (AI) va
mashinali o‘rganish (ML) texnologiyalari bilan chambarchas bog‘liq bo‘ladi.
Avtomatik fayl tasnifi, aqlli yordamchi funksiyalar va biometrik xavfsizlik
tizimlari bu platformani yanada samarali qiladi.
Shunday qilib, Google Drive nafaqat oddiy saqlash vositasi, balki ta’lim,
dasturlash, ilmiy tadqiqot va biznes sohalarida muhim ahamiyat kasb etuvchi
raqamli hamkorlik platformasi sifatida e’tirof etiladi. Uning imkoniyatlarini
chuqur o‘rganish — zamonaviy axborot texnologiyalari sohasida muvaffaqiyatli
faoliyat yuritish uchun zaruriy omillardan biridir.

GLOSSARIY
Google Drive – fayllarni bulutda saqlash, ulashish va boshqarish uchun
mo‘ljallangan Google xizmati.
Bulutli xotira (Cloud Storage) – ma’lumotlarni internet orqali masofaviy
serverlarda saqlash texnologiyasi.
Yuklash (Upload) – qurilmadan faylni Google Drive’ga joylash.
Yuklab olish (Download) – Drive’dan faylni kompyuter yoki telefon xotirasiga
ko‘chirish.
Sharing (Ulashish) – fayl yoki papkaga boshqa foydalanuvchilarga ruxsat berish.
Ruxsat darajalari – faylga faqat ko‘rish, tahrirlash yoki izoh qoldirish huquqi.
Google Docs – matnli hujjatlar yaratish va tahrirlash xizmati.
Google Sheets – elektron jadvallar bilan ishlash uchun mo‘ljallangan xizmat.
Google Slides – taqdimotlar yaratish uchun xizmat.
Avtomatik saqlash – hujjatdagi o‘zgarishlarning avtomatik ravishda saqlanishi.
Versiyalar tarixi – hujjatning avvalgi holatlarini ko‘rish va tiklash imkoniyati.
Offline rejim – internet bo‘lmagan paytda ham fayllar bilan ishlash imkoniyati.
Qidiruv – Drive ichida tezkor fayl topish imkoniyati.
Trash (Savatcha) – vaqtincha o‘chirilgan fayllar saqlanadigan bo‘lim.
15 GB bepul xotira – Google tomonidan foydalanuvchiga bepul beriladigan
bulutli joy hajmi.

TEST SAVOLLARI
1. Google Drive nima uchun xizmat qiladi?
A) Matn terish uchun
B) Fayllarni bulutda saqlash uchun
C) Dastur o‘rnatish uchun
D) Viruslarni tekshirish uchun
2. Google Drive qaysi kompaniyaga tegishli?
A) Microsoft
B) Apple
C) Google
D) Samsung
3. Google Drive foydalanuvchilarga bepul necha GB xotira beradi?
A) 5 GB
B) 10 GB
C) 15 GB
D) 20 GB
4. Faylni boshqa foydalanuvchiga berish qanday ataladi?
A) Yuklash
B) O‘chirish
C) Ulashish
D) Saqlash
5. Matnli hujjatlar qaysi xizmatda yaratiladi?
A) Google Sheets
B) Google Docs
C) Google Slides
D) Gmail

6. Elektron jadval qaysi xizmatda yaratiladi?
A) Google Docs
B) Google Drive
C) Google Sheets
D) Google Forms
7. Taqdimotlar qaysi xizmatda tayyorlanadi?
A) Google Slides
B) Google Docs
C) Google Maps
D) Gmail
8. O‘chirilgan fayllar qaysi bo‘limga tushadi?
A) My Drive
B) Shared
C) Trash
D) Starred
9. Avtomatik saqlash nimani anglatadi?
A) Faylni qo‘lda saqlash
B) O‘zgarishlar avtomatik saqlanishi
C) Faylni o‘chirish
D) Faylni ko‘chirish
10. Hujjatning oldingi holatini tiklash qanday ataladi?
A) Offline rejim
B) Qidiruv
C) Versiyalar tarixi
D) Yuklab olish
11. Internet bo‘lmagan holda ishlash qanday deyiladi?
A) Online rejim

B) Offline rejim
C) Sharing
D) Sync
12. Google Drive’da faylni topish uchun nima ishlatiladi?
A) Trash
B) Qidiruv
C) Sharing
D) Folder
13. “Upload” so‘zining ma’nosi nima?
A) O‘chirish
B) Tartiblash
C) Yuklash
D) Yuklab olish
14. “Download” so‘zining ma’nosi nima?
A) Yuklash
B) Yuklab olish
C) Tahrirlash
D) Saqlash
15. Google Drive’da foydalanuvchiga qanday ruxsatlar berilishi mumkin?
A) Faqat ko‘rish
B) Tahrirlash
C) Izoh qoldirish
D) Barchasi
№ 1 2 3 4 5 6 7 8 9 10 11 12 13 14 15
B C C C B C A C B C B B C B D

FOYDALANILGAN ADABIYOTLAR RO‘YXATI
1. Mirzayev, S. U. (2020). Google xizmatlaridan ta’limda foydalanish (Google
Drive, Docs, Classroom ) . Toshkent: Metodik qo‘llanma.
2. O‘zbekiston Respublikasi Oliy ta’lim vazirligi . (2023). Raqamli ta’lim va
bulutli texnologiyalar bo‘yicha uslubiy qo‘llanma . Toshkent.
3. Karimov, A. A. (2020 ). Bulutli texnologiyalar va ularning axborot tizimlaridagi
o‘rni . Toshkent: O‘zbekiston Milliy Universiteti nashriyoti.
4. Google. (2024). About Google Drive . Retrieved from
https://www.google.com/drive/
5. Saini, A., & Sharma, R. (2021). Cloud-Based Storage Solutions: A
Comparative Analysis . International Journal of Computer Applications ,
183(32).
6. Google Workspace Help Center. (2024). Drive Security and Privacy Overview .
7. Rittinghouse, J. W., & Ransome, J. F. (2017). Cloud Computing:
Implementation, Management, and Security . CRC Press.
8. Kumar, S. (2023). The Role of Google Drive in Collaborative Learning
Environments . Journal of Educational Technology Studies .
9. Google Developers. (2024). Google Drive API Overview . Retrieved from
10. https://developers.google.com/drive

GOOGLE DRIVE IMKONYATLARI HAQIDA VIDEO DARSLIK TAYYORLASH

Sotib olish