Maqsud Shayxzoda 8 -sinf - Литература - Презентации

Информация о документе

Цена	4000UZS
Размер	929.5KB
Покупки	0
Дата загрузки	25 Сентябрь 2021
Расширение	pptx
Раздел	Презентации
Предмет	Литература

Maqsud Shayxzoda 8 -sinf

Купить

MAQSUD SHAYXZODA (1908 -1967) 8-sinf adabiyot darsligi asosida 11-mavzu:

Maqsud Shayxzoda nomi nafaqat o'zbek kitobxonlari, balki qardosh ozarboyjon o'quvchisi uchun ham ardoqli nomdir. Chunki iste'dodli shoir Ozarboyjon diyorida tug'ilib, ijodkor sifatida O'zbekistonda, o'zbeklar bag'rida ulg'aydi, atoqli qalam sohibi sifatida kamol topdi, o'zbek adabiyotining XX asrdagi ulkan namoyandasiga aylandi.

Ikki xalqning farzandi bo'lmish Maqsud Ma'sum o'g'li Shayxzoda 1908-yilda Ozarboyjonning Agdash (Oqtosh) shahrida shifokor oilasida tug'ildi. Boshlang'ich va o'rta ma'lumotni o'zi tug'ilgan shahrida olgach, Boku Oliy pedagogika insti-tutiga sirtdan o'qishga kiradi. 1925- yildan boshlab Dar- banddagi 1-bosqich Ozarboyjon maktabida, Bo'ynoqdagi ta'lim va tarbiya texnikumida o'qituvchi bo'lib ishlaydi.

1927- yilda aksilinqilobiy tashkilot a'zosi sifati da qamoqqa olinib, 1928- yilning fevralida Toshkentga surgun qilinadi. Maqsud Shayxzoda Toshkentga kelgach, turli gazeta-jurnallarda adabiy xodim, 1935-1938- yillarda O'zbekiston Fanlar komiteti qoshidagi Til va adabiyot institutida ilmiy xodim, 1938- yildan vafotiga qadar

Nizo miy nomidagi Toshkent davlat pedagogika instituti ( hozirgi Nizomiy nomidagi Toshkent davlat pedagogika universiteti )ning o'zbek mumtoz adabiyoti kafedrasida dotsent vazifasida xizmat qildi. Shayxzoda o'zi e'tirof etganidek, hali savodi chiq- masidan she'r mashq qila boshlagan shoir.

Biroq u o'zi-ning dastlabki ijod namunalarini 1929-yildan boshlab e'lon qila boshladi. O'ttizinchi yillarda shoirning « Loyiq soqchi », « 0'n she'r », « Undoshlarim », « Uchinchi kitob », « Jumhuriyat », « 0'n ikki », « Yangi devon », « Saylov qo'shiqlari » nomli she'riy to'plamlari nashr etiladi. Ushbu she'riy majmualar Maqsud Shayxzodani o'zbek adabiyotida o'z ovoziga ega bo'lgan katta iste'dod sifatida elga tanitdi.

Ikkinchi jahon urushi yillarida Shayxzoda barcha o'zbek shoir va yozuvchilari qatori bor ijodiy salohiyatini fashizm ustidan g'alaba qozonishga qaratdi. Bu davr shoir ijodining yuqori darajaga ko'tarilgan, uni chinakam vatanparvar ijodkor ekanini namoyon qilgan davr bo'ldi.

Insoniyatga tahdid solayotgan XX asr balosi — fashizmni yo'q qilish, hayotni, tiriklikni, or-nomusni saqlash, xalqni ruhan yengilmaslikka, matonatga undash shoirning o'sha yillari chop etilgan « Kurash nechun », « Jang va qo'shiq », « Kapitan Gastello », « Ko'ngil deydiki » kabi to'plamlari-ning bosh mavzusi bo'ldi.

Maqsud Shayxzoda « Jaloliddin Manguberdi » dramasini yozdi. Unda o'z yurtining ozodligi va mustaqilligi uchun mo'g'ul bosqinchilariga qarshi kurashgan Xorazm shohining jangovar jasoratini tarixan aniq va haqqoniy tasvirladi.

Qadrli o'quvchi! O'zbekiston tarixi fanidan yaxshi ma'lumki, yurtimizni XIII asrlarda Chingizxon qo'shinlari bosib olmoqchi bo'lganida, xalqimizning asl mard o'g'lonlaridan biri Jaloliddin Manguberdi istilochilarga qarshi qattiq kurashadi. Vatan mustaqilligini saqlash uchun mardonavor turib jang qiladi.

Ushbu drama o'z vaqtida sahnalashtirilgan va jasur vatanparvar Jaloliddin Mangu berdi siymosini sahnada buyuk aktyorimiz Shukur Burhonov gavdalantirgan. Maqsud Shayxzoda urushdan keyingi tinch qurilish yil lari yana qaytadan nohaq qatag'on qilinganiga qaramay, farovon hayot va bunyodkorlik zavqini tarannum etuvchi she'rlardan iborat « 0'n besh yilning daftari », « 01qishla-rim », « Zamon torlari », « Shu'la », « Chorak asr devoni » kabi to'plamlarini nashr ettiradi.

1958- yilda shoir qadi-miy va navqiron, azim poytaxtimiz Toshkent haqida teran falsafiy va ushbu shaharga nisbatan nihoyatda samimiy tuyg'ularga boy « Toshkentnoma » dostonini yozadi.

Shayxzoda adabiyotning liro-epik turida ham muvaffaqiyat bilan qalam tebratgan ijodkor. U « 0'rtoq mulk », « Tuproq va haq », « Chirog' », « 0'rtoq », « Meros », « Ovchi qissasi », « Iskandar Zulqarnayn », «0'n birlar», «Jenya», «Oqsoqol», « Ahmadjonning hikmatlari », « Uchinchi o'g'il », « Nurmat otaning tushi » kabi dostonlarning mual-lifidir. Maqsud Shayxzoda badiiy asarlar yozibgina qolmay, adabiyotshunoslik va adabiy tanqid sohasida samarali ijod qilgan.

Ayniqsa, uning buyuk mutafakkir Alisher Navoiy ijodi va faoliyatini o'rganishga bag'ishlangan jiddiy tad- qiqotlari navoiyshunoslik fanini yangi taraqqiyot bosqi- chiga olib chiqdi, desak yanglishmaymiz. Shuningdek, zabardast olimimiz o'zbek mumtoz va zamonaviy adabi yotning Bobur, Muqimiy, Furqat, Oybek, G'afur G'ulom, Hamid Olimjon, xalq og'zaki ijodining ajoyib vakili Fo- zil shoir, jahon adabiyotining Nizomiy Ganjaviy,

Shota Rustaveli, A.S. Pushkin, N.A. Nekrasov, A.N. Ostrovskiy, T.G. Shevchenko, A.P. Chexov kabi namoyandalariga bag'ishlangan asarlar yaratgan. Shayxzoda mohir tarjimon sifatida Sh. Rustaveli, V. Shekspir, A.S. Pushkin, M.Y. Lermontov, Nizomiy, Fuzuliy, Mirza Fatali Oxundov, Ezop, Esxil, Gyote, Bayron, Mayakovskiy, Nozim Hikmat va boshqa yozuvchilaming asarlarini o'zbek tiliga tarjima qilgan.

Купить

Похожие документы
Fitrat dramaturgiyasi
«Saddi Iskandariy» dostoni
Abdulhamid Cho'lponning «Kecha va kunduz» romanida realizm
Adabiyotshunoslik tarixi va tarixiylik omillari
Abdulla Qahhorning «Sarob» romanida mazmunni ifodalovchi konsepsiyalar