Молия йили мобайнида харажатлар сметасига ўзгартириш киритиш тартиби - Экономика - Презентации

Информация о документе

Цена	3000UZS
Размер	117.3KB
Покупки	0
Дата загрузки	23 Сентябрь 2019
Расширение	pptx
Раздел	Презентации
Предмет	Экономика

Молия йили мобайнида харажатлар сметасига ўзгартириш киритиш тартиби

Купить

“ Молия йили мобайнида харажатлар сметасига ўзгартириш киритиш тартиби”

Р Е Ж А : 1. Бюджет ташкилотларининг тасдиқланган сметаларига молия йили мобайнида тақдимномаларга асосан ўзгартириш киритиш тартиби 2. Бюджет ташкилотларининг тасдиқланган сметаларга молия йили мобайнида хоким фармойишларига асосан ўзгартириш киритиш тартиби 3. Ўтган давр учун ҳисобга олинган маблағлар

1. Бюджет ташкилотларининг тасдиқланган сметаларга молия йили мобайнида тақдимномаларга асосан ўзгартиришлар киритиш тартиби Ўзбекистон Республикаси “Бюджет тизими тўғрисида”ги Қонунининг 34-моддасига мувофиқ, Қорақалпоғистон Республикаси Жоқарғи Кенгеси ва жойларда тегишли ваколатдаги ҳукумат органлари, Қорақалпоғистон Республикаси Вазирлар Кенгаши, тегишли ҳокимлар бюджет бажарилиши жараёнида, бюджет ажратмаларини умумий ҳажми сақлаб қолганида Қорақалпоғистон Республикаси тасдиқланган бюджетига, маҳаллий бюджетларига, шунингдек бюджет даромадлар ва харажатлар йиллик ва чораклик ҳажмларига керакли ўзгартиришларни киритишлари мумкин.

Қорақалпоғистон Республикаси Вазирлар Кенгаши ва тегишли ҳокимлар тегишли молия органлари тақдими билан, Ўзбекистон Республикаси Молия вазирлиги билан келишилган ҳолда, тегишли Қорақалпоғистон Республикаси бюджетидан ва маҳаллий бюджетлардан молиялаштириладиган бюджет маблағларини олувчилари учун молиявий йил мобайнида тасдиқланган бюджет ажратмалари ҳажмидан 10 фоизгача ўзгартиришларни киритишлари мумкин.

Бюджет маблағларини олувчилари учун тасдиқланган бюджет ажратмаларни ҳажмидан 10 фоиздан кўпроқ ўзгартиришлар Қорақалпоғистон Республикаси Жоқарғи Кенгеси ва жойларда тегишли ҳукуматнинг вакиллик органлари томонидан тегишли молия органлари тақдими билан ўтказилади.

• Бюджет маблағларини олувчиси учун мўлжалланган бюджет ажратмаларни умумий ҳажми сақлаб қолгани ва бюджет ажратмалар бошқа моддалар бўйича тенг миқдорга камайтирилиши билан бюджет маблағларини олувчиси сўрови бўйича ушбу олувчи учун молия йилига мўлжалланган бюджет ажратмалари алоҳида моддалар бўйича (капитал қўйилмалар моддаларидан ташқари) дастлабки ҳажмидан 15 фоизгача кўпайтирилиши мумкин.

Маҳаллий бюджетларнинг параметрларининг ҳамма ўзгартиришлари Ўзбекистон Республикаси Молия вазирлиги билан келишилган ҳолда амалга оширилади.

Чоракнинг кўпайган харажатларини қоплаш манбаси йўқлигида ўзгартиришлар Ўзбекистон Республикаси Молия вазирлиги билан келишилади ва чоракнинг кўпайган харажатларни қоплаш манбаси аниқланганидан кейин киритилади.

Ўзбекистон Республикаси “Бюджет тизими тўғрисида”ги Қонунининг 35-моддасига мувофиқ солиқ ва бюджет тўлов интизомини мустаҳкамлаш бўйича чора-тадбирларни ўтказиш натижасида Қорақалпоғистон Республикаси ва маҳаллий бюджетларига қўшимча тушган даромадлар айланма касса нақд маблағларининг миқдори тасдиқланган миқдоридан кам бўлмаган шарти билан тасдиқланган бюджетидан ташқари харажатларга йўналиши мумкин. Ушбу масала бўйича қарорлар Қорақалпоғистон Республикаси Вазирлар Кенгаши ва жойлардаги давлат ҳукумат органлари томонидан қабул қилинади

Қўшимча харажатларни қоплашга йўлланилиши мумкин бўлган бюджетнинг қўшимча манбалари: • 1) даромадлар режасини ортиқ бажарилиши ёки тугаган йилда харажатлар бўйича тежаш натижасида бюджет йили бошига пайдо бўлган бюджет маблағларини эркин қолдиқлари; • 2) бюджет ижроси жараёнида жорий йилнинг харажатлар режасини ортиқ бажарилиши; • 3) даврий ҳисоботни таҳлил қилиш асосида ва моддий бойликларнинг нормативдан ташқаридаги захираларни ташкил қилишни молиялаштиришда ҳисобга олиши ва кредиторлик қарзларни кредиторлик қарзлардан устуворлиги муносабати билан бюджет харажатлари бўйича аниқланган тежаш натижасида эркин бўлган маблағлар.

• Бюджет ижроси жараёнида қўшимча олинган даромадларни ҳисобот даврига умуман ва йилга тегишли ҳудудининг бюджетининг даромад қисми ортиқ бажарилиши таъминланган ҳолларида Қорақалпоғистон Республикаси Вазирлар Кенгаши, тегишли ҳокимлар қўшимча харажатларни молиялаштиришга юборилиши мумкин.

• Умуман бюджет бўйича даромадлар манбалари бўйича аниқланган мақсадлар бажарилмаган ҳолда алоҳида даромадлар манбалари бўйича аниқланган чорак режаларини йил давомида ортиқ бажарилиши ҳисобига қўшимча харажатлар тўғрисида Қорақалпоғистон Республикаси Вазирлар Кенгаши, ҳокимлар қарор қабул қилишлари ман этилади.

2. Бюджет ташкилотларининг тасдиқланган сметаларга молия йили мобайнида хоким фармойишларига асосан ўзгартиришлар киритиш тартиби • Сметаларга фақат Олий Мажлис қарорлари, Президент фармонлари, Ўзбекистон Республикаси Ҳукумат қарорлари ва фармойишлари, шу билан бирга белгиланган харажатлар, шунингдек Қорақалпоғистон Республикаси Вазирлар Кенгаши ва тегишли ҳокимиятлар томонидан, уларга берилган ҳуқуқлар доирасида назарда тутилган харажатлар киритилади.

• Ташкилотларнинг тасдиқланган йил ёки чоракларга белгиланган смета маблағлари миқдорига йил давомида киритиладиган ўзгартиришлар бўйича юқори ташкилотлар уларни ёзма равишда хабардор қилишлари керак. • Бу ўзгартиришлар ташкилотлар томонидан тасдиқланган сметаларга тузатишлар киритмай, бюджет харажати китобларида ҳисобга олиб борилади.

Хоким фармойишлари қабул қилинадиган ички манбалар: 1. Йил бошига қолган эркин қолдиқ маблағлари; 2. Даромадларни режадан ортиқ бажарилган қисми; 3. Хокимликларнинг заҳира жамғармалари; 4. Ўтган давр учун ҳисобга олинган маблағлар.

• Юқорида келтирилган ички манбаларга асосан йўналтирилган маблағлар доирасида қабул қилинган фармойишларга асосан молия органлари бюджет ташкилотларга 17- шаклда билдиришнома ёзадилар, бюджет ташкилотлари бюджетдан қуйи маблағ олувчиларга (агар шунақа ҳолатлар мавжуд бўлса) 18 –шаклда билдиришнома ёзадилар.

3. Ўтган давр учун ҳисобга олинган маблағлар • Тармоқни кенгайтириш иложиси бўлмаганлиги учун ўз мақсадни йўналтирилганлиги йўқотган маблағ билан таъминлаш суммаларини қисқартириш, бюджет ташкилотларининг харажат сметаларини бажарганликлари тўғрисидаги ҳисоботлари олингандан сўнг 15 кун мобайнида молия органи томонидан аниқланади

• Товар-моддий бойликларнинг нормативдан ортиқ захиралари ва янги йилда бюджет ҳисобидан маблағ билан таъминлаш ҳисобга олинган, йил бошидаги дебитор қарзларнинг кредитор қарзлардан ошиб кетган суммалари, моддий бойлик захираларининг нормаларидан келиб чиққан ҳолда, бюджет ажратмаларини тақсимловчилари томонидан тақдим қилинган ҳисоботлар асосида аниқланади, булар қуйидагилардир:

• а)Озиқ-овқат маҳсулотлари (мавсумий тайёрлашдан ташқари)— 15 кун • б)Мавсумда тайёрланадиган озиқ-овқат маҳсулотлари— 150 кун • в)Дори-дармонлар, реактивлар, бойловчи материаллар ва аптека жиҳозлари— 60 кун • г)Барча бюджет ташкилотлари учун ёқилғи (даволовчи ва болалар муассасаридан ташқари)— 75 кун

• д)Даволаш ва болалар муассасалари учун ёқилғи— 90 кун • е)Хўжалик ва канцелярия материаллари— 45 кун • ж)Ўқув, илмий ва бошқа махсус мақсадлар учун материаллар— 120 кун • з)Ем ва хашак— 120 кун • и)Қурилиш-таъмирлаш материаллари— 45 кун

• Захиралар нормаси моддий бойликларнинг алоҳида гуруҳлари бўйича, йиллик харажатлар суммасига кунлар нисбатида белгиланади. Ушбу нормалар бир неча йил давомида доимий тарзда амалда бўладиган қилиб белгиланади ва захиралар нормасини пул кўринишига ўтказиш ҳар йили ўтган йилдаги ҳақиқий харажатлар тўғрисидаги маълумотга асосан, бюджет ажратмаларини бош тақсимловчилари билан биргаликда молия органи томонидан амалга оширилади.

• Фаолият тўрига қараб овқат тайёрлаш бўйича харажатларга эга бўлган бюджет ташкилотлари учун ёқилғи- мойлаш материалларининг норматив запасларининг пул кўринишида акс эттирилиши ҳамда ёқилғи-мойлаш материалларидан ташқари бошқа бойликлар бўйича барча бюджет ташкилотларига қуйидагича ҳисобланади:

• - йиллик ҳисоботнинг 6-сонли шаклида кўрсатилган ташкилотни эҳтиёжлари учун сарфланган материаллар ва озиқ- овқат маҳсулотларининг ҳар бир гуруҳи бўйича сумма, даволаш муассасалари бўйича 360га (ўтган йилда очилган ва йил бўйича тўлиқ ишламаган ташкилотлар бўйича ҳақиқатда юзага келган ишлаган кунларга) бўлиниб, олинган натижа захираларни кунлар бўйича тасдиқланган нормасига кўпайтирилади.

Назорат саволлари: • Айланма касса маблағи тушунчаси • Йил бошига қолган эркин қолдиқ тушунчаси. • Харажатлар сметасини тузиш ва тасдиқлаш тартиби. • Тасдиқланган харажатлар сметаси ва штатлар жадвалини молия органида рўйхатдан ўтказиш тартиби. • Молия йили мобайнида ўзгартиришлар киритиш тартиби. • Ўтган давр учун ҳисобга олинган маблағлар.

Фойдаланилган ва тавсия этилаётган адабиётлар рўйхати : • Ўзбекистон Республикасининг 2000 йил 14 декабрда қабул қилинган 158-II «Бюджет тизими тўғрисида» ги Қонуни; • Ўзбекистон Республикаси Вазирлар Маҳкамасининг 1999 йил 3 сентябрдаги 414- сонли Қарори; • Ўзбекистон Республикаси Президентининг 2011 йил 30 декабрдаги ПҚ-1675 сонли Қарори; • Ўзбекистон Республикаси Адлия Вазирлигидан 2010 йил 19 ноябрда рўйхатга олинган 2157- сонли Низом; • Ўзбекистон Республикаси Адлия Вазирлигидан 2001 йил 12 апрелда рўйхатга олинган 1025- сонли Йўриқнома; • Ўзбекистон Республикаси Молия вазирлигининг 2012 йил 3 январдаги 1 – сонли буйруғи.

Глоссарий. • Айланма касса маблағи меъёри – молия йилида реаспублика бюджети, Қорақалпоғистон Республикаси бюджети ва маҳаллий бюджетлар ҳисобварақаларида туриши мумкин бўлган пул маблағларининг қонун хужжатлари билан белгиланадиган энг кам миқдори;

• Йил бошига қолган эркин қолдиқ – Республика бюджети, Қорақалпоғистон Республикаси бюджети, вилоятлар ва Тошкент шаҳар бюджетлари ҳисобварақаларида молия йили бошига мавжуд бўлган маблағ қолдиқларини янги молия йилидаги тегишли бюджет учун тасдиқланган айланма касса маблағлари миқдоридан ортган қисми;

• Маҳаллий бюджет - Давлат бюджетининг тегишли вилоят, туман, шаҳар пул маблағлари жамғармасини ташкил этувчи бир қисми бўлиб, унда даромадлар манбалари ва улардан тушумлар миқдори, шунингдек молия йили мобайнида аниқ мақсадлар учун ажратиладиган маблағлар сарфи йўналишлари ва миқдори назарда тутилади;

• Бюджетдан маблағ ажратиш - қонун ҳужжатларида назарда тутилган тартибда Давлат бюджетидан бюджет ташкилотларига ҳамда бошқа бюджет маблағлари олувчиларга ажратиладиган пул маблағлари;

ЭЪТИБОРИНГИЗ УЧУН РАХМАТ!

Купить