O’zbekiston-Janubiy Koreya Respublikasi iqtisodiy munosibatlari - Экономика - Презентации

Информация о документе

Цена	3000UZS
Размер	423.3KB
Покупки	0
Дата загрузки	23 Сентябрь 2019
Расширение	pptx
Раздел	Презентации
Предмет	Экономика

O’zbekiston-Janubiy Koreya Respublikasi iqtisodiy munosibatlari

Купить

O’zbekiston-Janubiy Koreya Respublikasi iqtisodiy munosabatlari

• Mamlakatlarimiz o’rtasidagi ikki tomonlama aloqalarning rivojlanishiga Koreya Respublikasi O’zbekistonning mustaqilligini e'tirof etgan 1991 yil 30 dekabrda asos solindi. Diplomatik munosabatlar esa 1992 yil 29 yanvarda o’rnatildi. Shu paytdan boshlab O’zbekiston Respublikasi va Koreya Respublikasi o’rtasida qizg’in siyosiy muloqotlar olib borilmoqda. O’tgan davr ichida o’nta oliy darajadagi uchrashuv amalga oshirilgani ham bunga dalil bo’la oladi.

Koreya Respublikasiga davlat tashrifi • O’zbekiston Respublikasi Prezidenti Islom Karimovning Koreya Respublikasiga 2006 yil mart oyida amalga oshirgan davlat tashrifi chog’ida davlatlarimiz o’rtasidagi ko’p tomonlama munosabatlarni kengaytirish va chuqurlashtirishga xizmat qilgan hamda uni yangi sifat bosqichiga olib chiqqanini ifodalagan “Koreya Respublikasi va O’zbekiston Respublikasi o’rtasidagi strategik sheriklik to’g’risidagi qo’shma deklaratsiya” imzolangan edi.

• Koreya Respublikasi Prezidenti Li Myon Bakning 2009 yil may oyida O’zbekistonga amalga oshirgan davlat tashrifi amialiy vaziyatda, do’stlik va o’zaro ishonch ruhida o’tdi. Tashrif chog’ida keng ko’lamga ega bo’lgan ikki tomonlama, mintaqaviy va xalqaro masalalar yuzasidan muzokalalar olib borildi va uning yakuniga ko’ra mamlakatlarimiz o’rtasidagi ko’p tomonlama hamkorlikni yanada rivojlantirish to’g’risidagi kelishuvlarga erishildi.

• O’zbekiston Respublikasi Prezidenti Islom Karimovning Koreya Respublikasiga 2010 yil fevral oyida amalga oshirgan davlat tashrifi tomonlarning strategik hamkorlikni, oldingi uchrashuvlar chog’ida erishilgan kelishuv va shartnomalar ijrosining ta'minlanishini yanada rivojlantirish tarafdori ekanligini tasdiqladi. Davlatlarimiz o’rtasidagi turli sohalar bo’yicha olib borilayotgan ikki tomonlama hamkorlik 200 dan ziyod hujjat asosida tartibga solib kelinadi.

• O’zbekiston va Janubiy Koreya bir-birining mintaqaviy va xalqaro ahamiyatga ega bo’lgan turli masalalarga yondashuvini qo’llab- quvvatlab keladi. Xususan, O’zbekiston Koreya Respublikasining rivojlangan va rivojlanayotgan davlatlar o’rtasidagi muloqotda vositachilik rolini mustahkamlagan hamda uning xalqaro maydondagi nufuzi va ta'sirining oshishiga xizmat qilgan tadbir - 2010 yil noyabrda Seulda bo’lib o’tgan “katta yigirmalik” sammitining muvaffaqiyatli o’tganini olqishlaydi.

O’zbekiston va Janubiy Koreyaning savdo-iqtisodiy aloqalari • O’zbekiston va Janubiy Koreyaning savdo- iqtisodiy, sarmoyaviy va moliyaviy-texnikaviy hamkorligi ikkitomonlama munosabatlarni mustahkamlashda muhim omil sanaladi va ulkan istqbollarga egadir. Tomonlar tog’-kon sanoati, neft va gaz, neft va kimyo, qurilish, avtomobilsozlik, to’qimachilik, qishloq xo’jaligi tarmoqlarida, shuningdek, yuqori texnologiyalar sohasida sarmoyaviy hamkorlikni yanada kengaytirishdan manfaatdordirlar.

1992 yilda imzolangan Savdo bitimiga ko’ra, mamlakatlarimiz o’rtasida mumkin qadar qulaylik berish rejimi o’rnatilgan. Koreya Respublikasi O’zbekistonning tashqi savdo bo’yicha sheriklari orasida yetakchi o’rinlardan birini egallaydi. • 2010 yilda ikki tomonlama tovar aylanmasi hajmi 2009 yildagiga nisbatan 31,5 foizga o’sib, 1 milliard 614 million 700 ming AQSh dollarini tashkil etdi. O’zbekistondan Janubiy Koreyaga transport, sayyohlik va kommunikatsiya xizmatlari, paxta tolasi, oziq-ovqat mahsulotlari, mashina va asbob-uskunalar eksport qilinadi. Koreya Respublikasidan esa kimyoviy mahsulotlar va plastmassa, qora metallar, transport, konsultativ va kommunikatsiya xizmatlari, oziq-ovqat, neft mahsulotlari, mashina va asbob-uskunalar import sifatida olinadi.

Купить