Oila –qadriyatlar beshigi dars ishlanma tarbiya fanidan - Педагогика - Образовательные программы

Информация о документе

Цена	10000UZS
Размер	1.3MB
Покупки	0
Дата загрузки	24 Февраль 2025
Расширение	docx
Раздел	Образовательные программы
Предмет	Педагогика

Продавец

G'ayrat Ziyayev

Дата регистрации 14 Февраль 2025

4 Продаж

Oila –qadriyatlar beshigi dars ishlanma tarbiya fanidan

Купить

TARBIYA FANIDAN BIR SOATLIK DARS ISHLANMA
Mavzu: : Oila –qadriyatlar beshigi
Darsning maqsadi:
Ta’limiy: O’quchilarga bugungi mavzuga oid bilim va tushunchalar berish. Yuksak
insoniy fazilatlar mohiyatini anglatish, ularga ongli munosabatda bo’lish
bo’lish, Oila va Vatan haqidagi bilim va tushunchalarni sharhlab,o’quvchida ota-onaga
hurmat ,ona zaminga sadoqat tuyg’usini shakllantirish.
TK2: axborot manbalari (televizor, telefon)dan to‘g‘ri foydalana olish
FK1 suhbatdoshni tinglash, sukut saqlash va o‘z fikrini to‘g‘ri bayon qilish ;
Tarbiyaviy: Odob-inson ko’rki va ma’naviy boyligi ekanligini va mutafakkir
ma’rifatparvarlar asarlaridagi hikmat, rivoyat va o’g’itlarini, milliy sharqona odob-axloq
qoidalari, fazilatlarini, o’zbekona urf-odat va an’analarining millliy xususiyatlarni
farqlash va amalga oshirish usullarini o’rgatish .
TK4: Davlat ramzlariga hurmat va ehtirom ko‘rsatish;
Rivojlantiruvchi: O’quvchilarning mavzuga oid bilim, ko’nikma , malakalarini
rivojlantirish, matn bilan ishlash orqali fikrlash qobiliyatlarini, og’zaki nutqini
o’stirish,tahliliy tafakkur qilishni shakllantirish.
FK1: O‘zbekistonda yashayotgan millatlar va elatlar haqida ma’lumot bera olish
Dars turi: Yangi bilim beruvchi
Dars usuli: Suhbat, tushuntirish, savol-javob, kichik guruhlarda ishlash.
Dars jihozi: O’zbekiston Respublikasi Konstitutsiyasi, darslik,hadislar,hikmatli
so’zlar, taxta, bo’r, mavzuga oid rasmlar, tarqatmalar, texnik vositalar,rag’bat
kartochkalari.
Darsning borishi.
T/R Bo’limlar Vaqti
1 Tashkiliy qism 3 daqiqa
2 O’tgan mavzuni mustahkamlash 5 daqiqa
3 Yangi mavzu bayoni 15 daqiqa
4 Yangi mavzuni mustahkamlash 10 daqiqa

5 O’quvchilarni rag’batlantirish. Darsni yakunlash. 10 daqiqa
6 Uyga vazifa 2 daqiqa
Jami 45daqiqa
I . Tashkiliy qism : Salomlashish , navbatchi axboroti , sinf va o ’ quvchilarning darsga
tayyorgarligi tekshiriladi , o ’ quvchilar ehtiyojlari va darsga tayyorgarligi aniqlanadi .
Sinf o’quvchilari 3ta guruhga bo’linadi.
1-guruh “Bilimdonlar”
2-guruh “Topqirlar”
3-guruh “Epchillar”
II. O’tilgan mavzuni mustahkamlash. O’tilgan mavzu yuzasidan suhbat, savol-javob
o’tkaziladi.
Savollar:
1.Yolg’on axborotlar deganda nimani tushunasiz?
2.Internet nashrlarida qanday yolg’on ma’lumotlarga duch kelgansiz?
3.Mediasavodxonlik nima?
4.Axborotlarni ishonchli yoki ishonchsiz ekanligini aniqlash uchun nimalarni bilishimiz
kerak?
5.Insoniyat tarixida bosma nashrlardagi eng birinchi yolg’on qayerda chiqqan ?
6.Internetdagi soxtaliklarni qanday aniqlash mumkin?
Savollarga guruh a’zolari tezlik bilan javob berishlari kerak bo’ladi.Javob bergan
o’quvchilar guruhlariga rag’bat kartochkalarini olib berishadi
Guruhning bo’sh o’zlashtiruvchi o’quvchilariga o’tilgan mavzuga oid savol va
topshiriqlar yozilgan kartochkalar tarqatiladi. O’quvchilar topshiriqlarni bajarib,
o’tilgan mazuni qismlarga bo’lib gapirishadi, xulosa chiqarishadi, o’qituvchi tomonidan
umumlashtiriladi
Berilgan uyga vazifa tekshiriladi.Darslikdagi QR-kodlari orqali keltirilgan videolar
o’quvchilar tomonidan tahlil qilinadi.Eng ma’noli fikr bildirgan guruh a’zolari rag’bat
kartochkalari bilan taqdirlanadi.
III. Yangi mavzu bayoni.

Bugun quyidagilarni o’rganasiz:
1.Oila va oilaviy qadriyatlar nima?
2. Oila ahil va mustahkam bo‘lishi uchun qanday qadriyatlar muhim ahamiyatga ega?
3. Jamiyatda oila va oilaviy qadriyatlar qanday rol o‘ynaydi?
4. “Oila” va “oilaviy qadriyatlar” so‘zlarini qanday tushunasiz?
5. Oila a’zolari o‘rtasidagi yaxshi munosabatlarni qadriyat deb atash mumkinmi?
O’zbekiston Respublikasi Konstitutsiyasining XIV bobi ,63-66 –moddalari oilaga
bag’ishlanadi.Oila – jamiyatning asosiy bo’g’inidir hamda jamiyat va davlat
muhofazasida bo’lish huquqiga ega.
“Bilimdonlar” guruhiga 64-modda;
“Topqirlar” guruhiga 65-modda;
“Epchillar” guruhiga 66- modda sharhlash uchun beriladi.O’quvchilar tushunganlaricha
,hayotga bog’lab sharhlab berishadi.O’qituvchi ularning javoblarini to’ldiradi.
Guruh a’zolaridan rasm chizishga qiziqadigan o’quvchilarga oq varaqlar tarqatiladi
va oila rasmi chizish topshiriladi.Dars oxirida baholanadi.

O’qituvchi mavzuni slaydlar orqali tushuntiradi.O’quvchilar yodida qolishi uchun
rasmli prezentatsiyalardan foydalaniladi.
Oila nafaqat birga yashaydigan qarindosh lar, balki qiziqishlari, his-tuyg‘ulari,
maqsadlari, hayotga bo‘lgan munosabati bir- biriga yaqin bo‘lgan odamlardir.
Aynan oilada inson hayoti davo mida qiyinchiliklarni yengish gayor dam bera digan
“immunitet” hosil bo‘ladi.
Inson dunyoga kelar ekan, avvalo, u hayotini atrofi dagi olam bilan tani
shishdan boshlaydi. Uning shaxs sifatida shakl lanishi ham aynan oila dan boshlanadi va
shu oila uni hayotga tarbiyalaydi. Har bir oila ning yozilmagan o‘z qonunlari bor. Mana
shu qonunlarga amal qilgan holda yashash esa qadriyatlarning shakl lanishiga sabab
bo‘ladi.
Oilaviy qadriyatlar – bu oilaning barcha a’zolari tomonidan qadr lanadigan, ular
uchun muhim bo‘lgan, hur mat qilinadigan an’ana va urf-odatlar.Qadriyat – bu
insoniyatning hayoti davomida turli sinovlardan o‘tib kelayotgan urf-odat, an’analar

umumlashmasi sanaladi.Yoshi ulug‘larning hurmatini joyiga qo‘yish, ota-ona va
ustozlarga hurmat ko‘rsatish, yoshlar qalbida oilaga, el-yurtga nisbatan sadoqat
tuyg‘ularini shakllantirish milliy qadriyatlarimizning o‘zagini tashkil etadi.
Ahil oilaning paydo bo’lishi
O‘tgan zamonda yuz kishidan iborat bir oila bo‘lib, ular o‘rtasida ahillik, o‘zaro
kelishuv tushunchasi yo‘q ekan. Ular ahillikda yashashni o‘rga tishini so‘rab,
donishmandga murojaat qilishibdi.
Donishmand ularni diqqat bilan tinglab, shunday debdi: “O‘zingiz ahil yashashni
xohlamaguningizga qadar, hech kim sizga baxtli yashashni o‘rgatolmaydi. O‘zingiz
baxtli bo‘lish uchun nima lozimligini tushunishingiz kerak”.
Donishmandning gaplaridan so‘ng oila a’zolarining hammasi bir yerga yig‘ilishibdi va
bir-biriga do‘stona, samimiy munosabatda bo‘lish kerakligini hamda bu fazilatlarga
doimo rioya qilish lozimligini anglab yetishibdi
O’qituvchi darsda o’quvchilardan oila haqidagi maqollar,hadislar,hikmatli
so’zlarni qaysi guruh ko’p bilishlarini sinash uchun guruh sardorlarini doskaga
chiqishini taklif qiladi.Sardorlar berilgan topshiriq bo’yicha bellashadilar.Ko’p
maqol,hadis,hikmatli so’zlar aytgan sardor g’olib bo’ladi.
Ma’naviyat xazinasidan
O’qituvchi o’quvchilarga darslikdan tashqari Shayx Muhammad Sodiq
Muhammad Yusufning oila haqidagi kitoblaridan ham foydalanadi.Oilada ota-
onalar va farzandlarning huquqlari va burchlari haqida ma’lumotlar

beradi.Oilada beriladigan tarbiya inson farzandi uchun eng muhim omil ekanligi
haqida fikr yuritiladi.

Savol: Farzand uchun ota-ona kim?
Javob: Ibrat namunasi, hayotning baxtli va sinovli davrlarida samimiy maslahatgo‘y.
Hamisha g‘animat bo‘lgan tabarruk zot. Mehrli va e’tiborli, g‘amxo‘r va mehribon,
mustahkam qo‘rg‘on va ishonchli himoya.
Savol: Opa kim?
Javob: Singil va uka uchun mehr va sadoqat, iffat va hayo namunasi; xushxulq,
mehnatsevar hamda ota-onasining ishonchli suyanchig‘i.
Savol: Singil kim?
Javob: Opa va akasiga xolis yordamchi, sirlarining ishonchli qo‘riqchisi, baxt, orzu va
armonlarining doimiy hamrohi.
Savol: Aka kim?
Javob: Birodari va singlisining ishongan tog‘i, ibrat va jasurlik namunasi, ularning
sirdoshi. Uka va singil uchun orzulariga qanot, ezgu intilishlariga omad tilovchi yaqin
insonlardan biri...
Savol: Uka kim?
Javob: Aka va opa sirlarining mustahkam posboni, orzu-umidlarining tolmas
davomchisi, har qanday vaziyatdan qat’i nazar, ishonchli do‘st, sulola davomchisi.
Savol: Opa-singil, aka-ukalar bir-birlariga kimlar?
Javob: Bir-birlariga cheksiz mehr qo‘ygan, kamchiliklarini berkitgan, muayyan bir
sulolaning davomchilari hisoblanadi. Ular bir-birlarini tamasiz yaxshi ko‘ruvchi, o‘zlari

mansub bo‘lgan sulola ma’naviy olamini boyituvchi, shuningdek, go‘zal odob-
axloqning sobit targ‘ibotchilari hamdir.
“Tarbiyali va odobli inson har qanday holatda ham gunoh va beodobliknio’ziga ep
ko’rmaydi.Iymon va axloqi qayerda ,qachon va qanday holatda bo’lsa ham ,uni faqat
yaxshilikka chorlaydi”. (Shayx Muhammad Sodiq Muhammad Yusuf)
IV. Yangi mavzuni mustahkamlash. O’tilgan mavzu mustahkamlanadi.
Guruhlarga ijodiy ish.
Qog’ozga kaftingizni qo’yib ,chizib oling .Kaftning markaziga o’zingiz va oila
a’zolaringizning rasmini chizishga harakat qiling.Barmoqlarga oilangizning mustahkam
va ahil bo’lishi uchun qanday xislatlarni yozishni xohlaysiz?Quyidagi so’zlar bankidan
ham foydalanishingiz mumkin.
So’zlar banki: mehribonlik,sadoqat,g’amxo’rlik,ishonch,rostgo’ylik,sabr,o’zaro
yordam,sevgi,hurmat ,tushunish,kechirimlilik,minnatdorlik,hamjihatlik.
1.Nega aynan shu xislatlarni tanladingiz?
2.Agar siz yana bir xislatni qo’sha olganingizda ,qay birini tanlagan bo’lardingiz?Nima
uchun?
3. Vaqtdan unumli foydalanish uchun nimalarga amal qilish zarur ekan?
4. Siz vaqtdan unumli foydalanayapsizmi?
V. O’quvchilarni rag’batlantirish. Darsni yakunlash.
O’quvchilar darsdagi va guruhdagi ishtirokiga ko’ra baholanadi. Rag’bat
kartochkalari sanaladi.Guruhlar ham umumiy rag’batlantirilib boriladi.G’olib guruh
a’zolarining barchasi va eng faol ishtirok etgan o’quvchilar baholari
jurnalga,kundaliklariga qo’yiladi.
VI. Uyga vazifa .

1. Bugungi mavzuni o’qib kelish, qayta hikoyalashga tayyorlanish, xulosa chiqarish.
2.“Bizning oilaviy qadriyatlarimiz” mavzusida poster (devoriy gazeta ,plakat)
tayyorlang.
Unda quyidagi ma’lumotlarni aks ettiring:
a) posterning nomini yozing;
b) posterga mos rasm tanlang;
d) posterning ma’nosini ochib beradigan so‘zlar va iboralardan foydalanib, taqdimot
tayyorlang.
Foydalanilgan adabiyotlar:
1.O’zbekiston Respublikasi Konstitutsiyasi.
2.Hadislar,maqollar,hikmatli so’zlar.
3.”Ijtimoiy odoblar” Shayx Muhammad Sodiq Muhammad Yusuf.
4.”Baxtiyor oila” Shayx Muhammad Sodiq Muhammad Yusuf.
5.6-sinf Tarbiya darsligi.
6.Internet ma’lumotlari.

Oila –qadriyatlar beshigi dars ishlanma tarbiya fanidan

Купить