Bugungi dunyoning mafkuraviy manzarasi - Педагогика - Рефераты

Информация о документе

Цена	2000UZS
Размер	26.8KB
Покупки	0
Дата загрузки	07 Ноябрь 2026
Расширение	docx
Раздел	Рефераты
Предмет	Педагогика

Bugungi dunyoning mafkuraviy manzarasi

Купить

Bugungi dunyoning mafkuraviy manzarasi.
Reja.
1. Bugungi dunyoning mafkuraviy manzarasi.
2. G‘oyaviy-mafkuraviy jarayonlarning yo‘nalishlari va xususiyatlari. .
3. Geosiyosat tushunchasi. Geopolitik maqsadlar va mafkuraviy siyosat

Dunyoning mafkuraviy manzarasi. “Dunyo” arabchadan o‘zbek tiliga
kirib kelgan so‘z bo‘lib “ jahon, olam” degan ma’nolarni anglatadi . Umuman
olganda dunyo so‘zi eng ko‘p ma’nolarni anglatuvchi so‘zlar jumlasiga kiradi.
SHunga ko‘ra bu so‘z: 1) butun borliq; koinot, olam; 2) ijtimoiy hayot yoki
turmushda yuz bergan (mavjud bo‘lgan) holatga nisbatan, unga qarama-qarshi
bo‘lgan boshqa bir holat; 3) er yuzi va undagi barcha odamlar, insoniyat; 4)
kishining ma’naviy, ruhiy olami, hayoti; 5) ma’lum bir ijtimoiy tuzumga, o‘ziga
xos madaniy va ijtimoiy-tarixiy xususiyatlarga ega bo‘lgan omillar bilan
birlashgan kishilik jamiyati va u mavjud bo‘lgan davr, degan ma’nolarni
ifodalaydi 1
.
“Manzara” so‘zi ham arabchadan o‘zbek tiliga kirib kelgan bo‘lib, “ko‘rinish,
panorama; kuzatish maskani” degan ma’noni bildirsada, dunyodagi narsa, voqea,
jarayonlarning “ko‘zga tashlanib turadigan yoki tasavvur etiladigan ko‘rinish,
tasvir” ini 2
ifodalash uchun ishlatiladi.
Ushbu tushunchalarning ma’no-mazmunidan kelib chiqqan holda “dunyoning
mafkuraviy manzarasi” degan tushunchaga quyidagicha falsafiy ta’rif berish
mumkin.
Dunyoning mafkuraviy manzarasi deb jamiyat taraqqiyoti qonunlari, uning
rivojlanish tendensiyalarini muayyan ijtimoiy guruh, etnik birliklar, siyosiy
kuchlarning o‘ziga xos manfaatlaridan kelib chiqib talqin qilish va unga asoslangan
holda insoniyat istiqbolini belgilashga qaratilgan mafkuraviy tizimlar majmuining
makon va zamonda yaqqol ko‘zga ko‘rinib turadigan joylashuv tartibiga aytiladi 3
.
Dunyoning mafkuraviy manzarasini aniqroq tasavvur etish uchun uning
mohiyatini bilish zarur. Ma’lumki, biron bir ijtimoiy qatlam, jamiyat va davlatning
manfaatlarini ifodalayotgan mafkuralar har xil mafkuraviy vositalarni ishga solish
orqali o‘zlarining ta’sir doiralarini kengaytirishga, shu orqali qandaydir moddiy va
1 Қаранг: Ўзбек тилининг изоҳли луғати. Ж.1. А–Д. –Т.: “Ўзбекистон миллий энциклопедияси” Давлат
илмий нашриёти, 2006. –Б.662–664.
2 Қаранг: Ўзбек тилининг изоҳли луғати. Ж.2. Е-М. –Т.: “Ўзбекистон миллий энциклопедияси” Давлат илмий
нашриёти, 2006. –Б.537.
3 Қаранг: А.Очилдиевнинг “Глобаллашув ва мафкуравий жараёнлар” (–Т.: “Муҳаррир нашриёти”, 2009. –Б.53.)
номли китобида келтирилган таъриф асос қилиб олинди ва тўлдирилди.

ma’naviy naf ko‘rishga harakat qiladi. Kishilik jamiyati ijtimoiy hayotida yuz
berayotgan o‘zgarishlar, har bir davr ta’qozo qilayotgan talablar asosida muayyan
maqsadni ko‘zlab harakat qilayotgan ijtimoiy guruh, qatlam, jamiyat, davlat
maqomini olgan mafkuralar muntazam ravishda o‘zlarining mafkuraviy kurash olib
borish vositalarini miqdoriy va sifatiy jihatdan takomillashtirib boradilar. Ularni ishga
solish esa mafkura maydonlarida sodir bo‘layotgan g‘oyaviy-mafkuraviy
jarayonlarning yo‘nalishlariga bog‘liq holda amalga oshiriladi.
Dunyoning mafkuraviy manzarasida sodir bo‘layotgan g‘oyaviy-
mafkuraviy jarayonlarning yo‘nalishlari va xususiyatlari. Bugungi kunda
dunyoning mafkuraviy manzarasi doirasida sodir bo‘layotgan g‘oyaviy –
mafkuraviy jarayonlarni ikkita bir-biriga qarama-qarshi bo‘lgan yo‘nalishga
ajratish mumkin.
Progressiv yo‘nalishdagi mafkuraviy jarayonlar. Bularga: tinchlik,
barqarorlik va taraqqiyot; millatlararo totuvlik va dinlararo bag‘rikenglik; inson
erkinligi va shaxs kamoloti; umuminsoniy qadriyatlar ustuvorligi kabilarni
yaratishga qaratilgan mafkuraviy jarayonlarni kiritish mumkin.
Reaksion yo‘nalishdagi mafkuraviy jarayonlar. Bularga: urush, qurollanish,
terrorizm va ekstremizm; irqchilik, millatchilik, diniy aqidaparastlik; totalitarizm,
mustabidlik; egoizm, mahalliychilik kabi razilona xatti-haraktlardan iborat
bo‘lgan mafkuraviy jarayonlarni kiritish mumkin.
Bugungi kunda ana shu progressiv va reaksion g‘oyaviy-mafkuraviy
jarayonlarning o‘zaro kurashi nisbatidan kelib chiqqan holda birinchi
Prezidentimiz I.A.Karimov: “Ta’bir joiz bo‘lsa, aytish mumkinki, bugungi
zamonda mafkura poligonlari yadro poligonlaridan ham ko‘proq kuchga ega” 4
, –
degan edi.
Bugungi kunda progressiv yo‘nalishda faoliyat olib borayotgan mafkuralar
insoniyatni har xil samoviy va zamin ofatlaridan, urush va boshqa majoralardan
xalos etib, tinch-totuv, o‘zaro hamjihatlikda yashash, hududlar bo‘linmasligi,
chegaralar daxlsizligini ta’minlash, moddiy va ma’naviy boyliklardan o‘zaro foydali
4 Каримов И.А. Юксак маънавият – енгилмас куч. –Т.: Маънавият, 2008. –Б.113.

hamkorlik asosida foydalanishga harakat qilayotgan bunyodkor g‘oyalar sifatida ish
yuritmoqda. Bunga, o‘zbek xalqining milliy mafkurasi yaqqol misol bo‘ladi.
Reaksion yo‘nalishda faoliyat olib borayotgan mafkuralar urush, qurollanishni
targ‘ibot-tashviqot qilish, shuningdek, odamlarni esa har xil g‘oyaviy o‘yinlarni
o‘ylab topish asosida mafkuraviy yo‘l bilan ichidan bo‘lib tashlash evaziga ularning
tabiiy boyliklarini egallab olish, o‘zlarini esa g‘oyaviy qaramlikka giriftor qilish sari
tinmay harakat qilayotgan vayronkor g‘oyalar sifatida ish yuritayotganligi ko‘zga
tashlanib turibdi. Bunga buyuk davlatchilik shovinizmi, islom dinining qonun-
qoidalari asosida arab xalifaligi davlatini tashkil etish, panamerkanizm,
panslavyanizm, panturkizm kabi g‘oyalar bayrog‘i ostida faoliyat olib borayotgan
mafkuraviy markazlarni kiritish mumkin.
Bugungi kunda dunyoning mafkuraviy manzarasidan joy olgan ana shu ikki
yo‘nalishdagi mafkuraviy jarayonlarning mazmunidan shu narsa ayon
bo‘lmoqdaki, jahon maydonlarini mafkuraviy jihatdan bo‘lib olishga urinishlar avj
olmoqda.
Geosiyosat tushunchasi, uning mohiyat-mazmuni. Globallashuv sharoitida
davlatlarning siyosatida tub o‘zgarishlar sodir bo‘lmoqda. Bular, birinchidan,
jahonda kechayotgan integrallashuv jarayonida ishtirok etish; ikkinchidan, o‘zining
tabiiy boyliklari, geografik joylashuvi, mintaqaviy jihatdan qulay joyda ekanligiga
qarab ish yuritishga harakat qilayotganliklarida ko‘rinib turibdi. Bu esa yangicha
geosiyosat yuritilayotganidan darak bermoqda. Xo‘sh, geosiyosat nima? geopolitika
(yun. geo – er, politika – davlatni boshqarish san’ati) deb biron bir mamlakatning
tashqi siyosatda geografik o‘rni, hududiy joylashishi, kommunikatsion
imkoniyatlarini hisobga olib yuritiladigan faoliyatidir.
Tarixda geopolitika jamiyat taraqqiyotida geografik sharoitlarning o‘rnini
yuqori darajada mutlaqlashtiruvchi qarash tarzida namoyon bo‘ldi. “Hayotiy
makonning torlik qilayotgani”, “tabiiy sarhadlarni kengaytirish zarurati” singari
da’volar geopolitikani bosqinchilikni asoslovchi siyosiy konsepsiya, deb
baholanishiga olib keldi.

Geopolitika atamasini fanga shvetsiyalik siyosatshunos olim Rudolf CHellen
(1864–1922) kiritgan. Bu atama I jahon urushi arafasida keng qo‘llanila boshladi.
O‘sha davrda yashagan nemis olimi Fridrix Ratsel (1844–1904) davlatlar muayyan
joy va hududda mavjud bo‘ladi, bu esa, o‘z navbatida ularni zarur hududlarni
egallashga majbur qiladi, deb hisoblagan. Bunday qarash reaksion bo‘lib, dunyoni
qayta bo‘lib olish uchun kurashga otlangan Kayzer Germaniyasining urushga
shaylanayotgan siyosatchilari uchun nihoyatda maqbul bo‘lgan.
XX asr boshlaridan geopolitika mustaqil fan va siyosat sohasi, deya talqin etila
boshlandi, 1923–1927 yillarda chop etilgan “Geopolitika” jurnali geografik
omilning davlatlar, xalqlarning mavjud bo‘lishiga ta’sirini mutlaqlashtirish yo‘lidan
bordi. Bunday qarash Germaniya, so‘ngra Italiya hamda YAponiya davlatlari
siyosatining asosiy doktrinasiga aylandi. O‘zga hududlarga nisbatan bosqinchilik
siyosatining ustuvor qo‘yilishi o‘sha paytdagi mustamlakachilik siyosatini oqlashga,
milliy ozodlik harakatlarini bostirishga qaratilgan edi.
II jahon urushidan keyin ba’zi yirik davlatlar dunyodagi qator mamlakatlarni o‘z
manfaatlari doirasiga kiritib, ularda mustahkam o‘rnashish va shu asosda o‘zlarining
ta’sir doiralarini kengaytirishga intildilar. Natijada dunyo siyosiy xaritasida qarama-
qarshi ikki qutb yuzaga keldi. XX asrning 60-yillariga kelib geopolitika ikki qarama-
qarshi sistema, ko‘proq AQSH va sobiq Ittifoq orasidagi kurashni asoslashga
yo‘naltirildi. Sovuq urush siyosati geosiyosiy yo‘llar va usullarga ham o‘z ta’sirini
o‘tkazdi.
SSSR tarix sahnasidan ketishi bilan davlatlar tomonidan olib boriladigan
geosiyosatning ham mazmuni va yo‘nalishlari o‘zgardi. Endilikda davlatlar
geosiyosatni sovuq qurollar bilan emas, balki mafkuraviy qurollarni ishga solish
orqali o‘zlarining muayyan maqsadlarini amalga oshirishga kirishdilar. Natijada,
yangi geostrategik maqsadlar paydo bo‘ldi. Ular esa manfaatlar silsilasidan kelib
chiqqan holda yangicha mafkuraviy siyosat yurgizish orqali amalga oshirila boshladi.
SHunday qilib, globallashuv sharoitida davlatlarning geostrategik maqsad va
manfaatlari tobora kengaya boshladi.

Geostrategik maqsadlar. G eostrategik maqsadlar deb biron bir davlatning
hududiy-jug‘rofiy omillarni hisobga olgan holda amalga oshiriladigan istiqbolli
intilishlar, munosabatlar tizimiga aytiladi.
Masalan, O‘zbekiston o‘zining qulay jug‘rofiy joylashuvidan mamlakat
iqtisodiyoti, ijtimoiy-siyosiy, madaniy, ilmiy-texnikaviy salohiyatini yanada
rivojlantirish yo‘lida foydalanishga harakat qilmoqda.
Bu sohada, birinchidan, O‘zbekistonda yirik gaz, ko‘mir, neft konlari topilgani
va ishga tushirilayotgani mamlakat ehtiyojlarini qondiribgina qolmasdan, balki
uning eksport imkoniyatlarini ham oshiradi.
Ikkinchidan, O‘zbekiston dunyodagi juda katta oltin, kumush va boshqa
qimmatbaho ma’dan zaxiralariga ega bo‘lgan davlatlar jumlasiga kiradi. Hozirgi
vaqtda mamlakatimizda qator qimmatbaho ma’dan konlari qidirib topilgan. Bu esa,
chet el investitsiyasi va texnologiyasini ishlab chiqarishga faol jalb qilishni talab
etadi.
Uchinchidan, mamlakatimiz rangli metallar – mis, qo‘rg‘oshin, ruh, volfram
rudalariga boy bo‘lgan geostrategik makondir. Ayni paytda reniy, molibden,
kadmiy, selen, indiy va oltingugurtning katta zaxiralari bo‘lgan konlar ham
mavjud.
To‘rtinchidan, mamlakatimizda marmar, granit konlari mavjud. Ularning
zaxiralari, taxminan, sakson besh million kubometr deb hisoblanadi. Hozirda
G‘ozg‘on, Nurota, Zarband konlarida marmar bloklarni ishlab chiqarish borasida
chet el zamonaviy texnologiyasi asosida sheriklar bilan birgalikda ish olib
borilmoqda.
Beshinchidan, mamlakatimiz fosforitlarga, kadmiy va osh tuzi konlariga boy
hudud hisoblanadi.
Bularning barchasi yurtimiz taraqqiyot istiqbolini belgilab beruvchi geostrategik
maqsadlarni belgilash va hayotga tatbiq etishda ulkan ahamiyat kasb etadi.
Geostrategik manfaatlar . Geostrategik manfaatlar – muayyan mamlakat yoki
mintaqaning jug‘rofik joylashuvi bilan belgilanadigan ehtiyoj va intilishlar in’ikosi.
U istiqbolni anglash bilan bog‘liq holda ro‘yobga chiqadi.

O‘zbekiston Amudaryo bilan Sirdaryo oralig‘ida joylashgan bo‘lib, u jug‘rofiy
jihatdan juda qulay geostrategik mavqega egadir. Qadimdan SHarq bilan G‘arbni
bog‘lagan Buyuk ipak yo‘li aynan O‘zbekiston hududidan o‘tgani savdo-sotiq,
madaniy-ma’rifiy aloqalarni keng rivojlantirishga sabab bo‘lgan. 1991 yilda
Markaziy Osiyo mamlakatlari mustaqillikka erishganidan keyin bu boradagi
qadimiy aloqalar qaytadan jonlandi.
O‘zbekiston Markaziy Osiyoda kuchlar muvozanatini ta’minlash, mintaqada
hamkorlikni mustahkamlash sohasida muhim o‘rin tutishi uchun hamma katta
imkoniyatlarga ega. CHunki u ijtimoiy-iqtisodiy jihatdan katta kuch-qud-ratga ega
bo‘lgan mamlakatdir. Bularning barchasi O‘zbekistonning jahon iqtisodiyotiga
integratsiyalashuvi, chet el investitsiyalarini jalb qilinishi, yurtimizni davlatlar
o‘rtasida o‘zaro foydali hamkorlikning, tovar va ka-pital tranzitining o‘ziga xos
mintaqaviy markaziga aylantirdi. Buning natijasida transport, sayyohlik va
moliyaviy xizmatlarning rivojlanishi uchun keng imkoniyatlar ochilmoqda.
O‘zbekistonning noyob va boy tabiiy xomashyo zaxiralariga ega ekani, qulay
iqlim sharoiti va qishloq xo‘jaligi taraqqiyotidagi ulkan salohiyati uni dunyoning
eng rivojlangan mamlakatlari qatoridan o‘rin olishi uchun sharoit yaratadi.
Bularning barchasi O‘zbekistonning geostrategik jihatdan buyuk mamlakatlar
qatoridan joy olishi uchun hamma imkoniyatlar mavjudligidan dalolat beradi.
Ularning har ikkalasi ham davlat tomonidan yurgiziladigan geosiyosat vositasida
amalga oshiriladi. Geosiyosatning qalbini mafkuraviy siyosat tashkil edadi.
Mafkuraviy siyosat va uning turlari . Mafkuraviy siyosat bu muayyan
g‘oyaviy qarashlar tizimini odamlar ongiga singdirish, zararli ma’naviy –
mafkuraviy ta’sirlar, turli ko‘rinishdagi tazyiqlarning oldini olishga qaratilgan
uslub va vositalar hamda ularni ishlab chiqish, tartibga solish va boshqarish bilan
bog‘liq faoliyat majmuidir.
Mafkuraviy siyosatni mafkuraviy vazifalarni amalga oshirish uchun bo‘lgan
harakat tarzida ham tushunish mumkin. Bu vazifalar muayyan mamlakat yoki
xalqning dunyo hamjamiyatida tutgan o‘rni, nufuzi, xalqaro iqtisodiy, siyosiy,
diplomatik aloqalardagi mavqei, taraqqiyot darajasi kabi bir qator ko‘rsatkichlardan

kelib chiqadi. Masalan, mustaqil O‘zbekiston sharoitida milliy istiqlol mafkurasini
yaratish orqali milliy xavfsizlikni ta’minlash va mustahkamlash masalasi dolzarb
ahamiyatga ega.
Odatda, ichki hamda tashqi mafkuraviy siyosat bir-biridan farqlanadi.
Ichki mafkuraviy siyosat mamlakat, xalqning o‘z oldiga qo‘ygan strategik
maqsadlaridan kelib chiqib, taraqqiyotning yangi bir bosqichga ko‘tarilishi uchun
fuqarolarni safarbar qilish vazifasini o‘taydi. Tashqi mafkuraviy siyosat, o‘z xalqi va
mamlakatining xalqaro maydondagi nufuzini mustahkam-lash, mustaqil
taraqqiyotning xalqaro munosabatlar bilan bog‘liq jihatlarini ta’minlash hamda
begona mafkuralarning ta’si-ridan himoya qilishga qaratilgan bo‘ladi.
Mafkuraviy siyosatning samaradorligi uning qanday vositalar, usullar va
shakllarda yuritilishiga bog‘liq. Bu o‘rinda ijtimoiy taraqqiyotdagi turli guruhlar,
sinflar va qatlamlar manfaatlarining hisobga olinishi muhim ahamiyatga egadir.
Mafkuraviy ta’sir o‘tkazish yo‘llari omma uchun qanchalik yaqin, tushunarli va
tabiiy bo‘lsa, ijtimoiy-gumanitar fanlar yutuqlariga tayangan holda tashkil etilsa,
mafkuraviy siyosat shunchalik samarali bo‘ladi. “ Poligon” so‘zi yunoncha “ poly -
ko‘p” “ gonia -burchak”, ya’ni “ko‘p bo‘rchak” so‘zidan olingan bo‘lib, 1)
mamematika ilmida ko‘p burchak; tekislikdagi siniq chiziq; 2) harbiy sohada
quruqlik yoki dengizning maxsus inshootlar, qurilmalar bilan jihozlangan va har xil
qurollar va jangovoar texnikani sinab ko‘rish, shuningdek, harbiy mashqlar
o‘tkazish uchun mo‘ljallangan qismi; 3) ko‘chma ijtimoiy ma’noda esa muayyan
ish-harakat, faoliyat bilan shug‘ullanish maydoni, sohasini anglatish uchun
ishlatiladi 5
. SHularga asoslangan holda mafkuraviy poligon tushunchasini
quyidagicha ta’riflash mumkin.
Mafkuraviy poligon bu – katta ijtimoiy-iqtisodiy, siyosiy-huquqiy, ma’naviy-
madaniy imkoniyatlarga ega bo‘lgan ayrim shaxs, elat, millatlarning o‘zga odamlar
va xalqlarning qalbi va ongini egallashga qaratilgan turli g‘oyalarni janggohga
tashlash oldidan sinab ko‘radigan maxsus mafkuraviy maydondir.
5 Қаранг: Ўзбек тилининг изоҳли луғати. Ж.3.Н-Т. –Т.: “Ўзбекистон миллий энциклопедияси” Давлат илмий
нашриёти, 2006. –Б.291.

Mafkuraviy poligonlarning yadro poligonlaridan ustunligi nimada? Bu ustunlik
birinchidan , katta moddiy va maliyaviy resurslarni tejab qolish imkoniyatini beradi.
Masalan, bitta yadro qurolini ishlab chiqish, uni ko‘zlangan joyga eltib tashlash
uchun necha-necha millionlab, milliardlab pul mablag‘lari sarflanadi.
Ikkinchidan , yadro qurollari ishlatilguday bo‘lsa, egallamoqchi bo‘layotgan
barcha moddiy boyliklar vayron bo‘lib, yaroqsiz holga kelib qoladi, vaholanki,
yadro qurolini ishlatish orqali zabt etilgan joyda “g‘olib-yadrochi”ning o‘zi ham
yashash imkoniyatlaridan mahrum bo‘ladi.
Uchinchidan, millionlab odamlarning halok bo‘lishi yoki mayib-majruh bo‘lishi
oqibatida “g‘olib-yadrochi” tayyor ishchi kuchidan ajraladi .
To‘rtinchidan , butun ekosistemaning izdan chiqishi oqibatida “g‘olib-
yadrochi”ning o‘zi ham katta falokat yoqasiga kelib qoladi. Buni aqli raso har bir
odam yaxshi biladi. SHuning uchun ham tabiiy zaxiralarga boy bo‘lgan hududlarni
egallash urinayotgan har xil kuchlar, qandaydir g‘oya va mafkuralar bayrog‘i ostida
birlashib, o‘zlarining mafkuraviy qurollarini ishga solgan holda o‘sha joylarni
egallash uchun mafkuraviy kurashni avj oldirishga kirishmoqdalar. Bu kurash
o‘zining g‘irromi uyinlar tarzida pinhona kechayotganligi bilan o‘zbek xalqining
mustaqilligiga, uning rivojlanishiga tahdid solmoqda.

Foydalaniladigan asosiy darsliklar va o‘quv qo‘llanmalar ro‘yxati
1. Mirziyoyev SH.M. Milliy taraqqiyot yo’limizni qat’iyat bilan davom ettirib,
yangi bosqichga ko’taramiz. 1-jild, Toshkent,”O’zbekiston”, 2017 yil.
2. Mirziyoyev SH.M. Erkin va farovon demokratik O’zbekiston davlatini
birgalikda barpo etamiz. Toshkent, “O’zbekiston”, 2017 yil.
3. Mirziyoyev SH.M. O’zbekiston Respublikasi Prezidenti SHavkat
Mirziyoyevning Oliy Majlisga murojaatnomasi. “Xalq so’zi” gazetasi, 2017 yil,
23-dekabr, 2-bet.
4. Mirziyoyev SH.M. Konstitutsiya – erkin va farovon hayotimiz, mamlakatimizni
yanada taraqqiy ettirishning mustahkam poydevoridir. “Xalq so’zi” gazetasi, 2017
yil, 8-dekabr, 1-3 betlar.
5. Mirziyoyev SH.M. O’zbekiston Respublikasi Prezidentining “O’zbekiston
Respublikasini yanada rivojlantirish bo’yicha harakatlar strategiyasi to’g’risida”gi
farmoni. Toshkent, “Adolat”, 2018 yil.
6. Mirziyoyev SH.M. Buyuk kelajagimizni mard va oliyjanob xalqimiz bilan
birga quramiz. T., O’zbekiston, 2017 yil.
7. Mirziyoyev SH.M. Qonun ustuvorligi va inson manfaatlarini ta’minlash yurt
taraqqiyoti va xalq farovonligining garovi. T., O’zbekiston, 2017 yil.
8. Karimov I.A. Asarlar to’plami. 1-23 jildlar. -T.:“O’zbekiston”, 1996-2015 y.y.
9. Karimov I.A. Yuksak ma’naviyat – yengilmas kuch. –T.:“Ma’naviyat”, 2008.
10. Karimov I.A. Mamlakatimizda demokratik islohotlarni yanada chuqurlashtirish
va fuqarolik jamiyatini rivojlantirish konsepsiyasi. –T.:“O’zbekiston”, 2010.
11.Karimov I.A. O’zbekiston mustaqillikka erishish ostonasida. -T.:“O’zbekiston”,
2011.

Bugungi dunyoning mafkuraviy manzarasi

Купить

Похожие документы
2001-yil sentabr voqealri va uning xalqaro munosabatlarga
1945-1990-yillarda Buyuk Britaniya
1918-1923 yillarda xalqaro munosabatlar, Versal Vashington siyetemasining tuzilishi
Ahmad al-farg‘oniy
Almashlab ekishni loyihalashtirish va joriy etish