Buyruq tartibida ish yuritish - Педагогика - Презентации

Информация о документе

Цена	3000UZS
Размер	2.2MB
Покупки	0
Дата загрузки	07 Ноябрь 2026
Расширение	pptx
Раздел	Презентации
Предмет	Педагогика

Buyruq tartibida ish yuritish

Купить


Mavzu: Buyruq tartibida ish yuritish

REJA
1 •
. Sud buyrug‘i asosida qarzni undirish .
2 •
Sud buyrug‘ini chiqarish to‘g‘risidagi
•
arizaning shakli va mazmuni.
3 •
Sud buyrug’ini chiqarish to‘g‘risidagi arizani
•
qabul qilishni rad etish.

Sud buyrug‘i asosida qarzni undirish.

Sud buyrug‘i undiruvchining pul mablag'larini undirish to‘g‘risidagi yoki
ko‘char mol-mulkni nizosiz talablar bo‘yicha qarzdordan talab qilib olish
to‘g‘risidagi arizasi yuzasidan sudyaning sudda ishni ko'rmasdan chiqargan
hujjatidir.

Sud buyrug‘ini chiqarish bo‘yicha talablar

O‘zbekiston Respublikasi Oliy sudi plenumining 2006-yil 3-fevraldagi
«Buyruq tartibida ish yuritishni tartibga soluvchi qonun normalarini
qo‘llashning ayrim masalalari to‘g‘risida»gi 4-qarorining 1-bandida sud
buyrug‘i birinchi instansiya sudi tomonidan qabul qilinadigan qarorlaming
alohida bir turi bo‘lib, FPKning 238.2-moddasida ko'rsatilgan talablar
yuzasidan sud muhokamasi talab qilinmaydigan ishlar bo'yicha chiqariladi va
u ijro hujjati kuchiga ega ekanligi haqida tushuntirish beriladi.

Extra informations:

Fuqarolik ishlari bo‘yicha sud buyruqlari qonunchilikda belgilangan qat'iy
qoidalar asosida, faqat mulkiy tusdagi talablar yuzasidangina chiqariladi.
Mulkiy tusda bo’lmagan yoki ko'chm as mol-mulklarni undirishga qaratilgan
talablar yuzasidan sud buyruqlari chiqarilishiga qonun yo‘l qo‘ymaydi

Mamlakatimizning fuqarolik protsessual qonunchiligida, sud
buyruqlarini chiqarishning quyidagi talablari o‘z ifodasini
topgan:

1) agar talab notarial tasdiqlangan bitimga asoslangan bo‘lsa;

2) agar talab yozma bitimga asoslangan va qarzdor tomonidan tan olingan
bo‘lsa, shu jumladan, agar kommunal xizmatlar to‘lovi bo‘yicha qarzni
undirish haqidagi talab arz qilingan bo’lsa;

3) agar voyaga yetmagan bolalar uchun alimentlar undirish haqidagi, otalikni
belgilash bilan yoki uchinchi shaxslarni jalh etish zarurati bilan bog’liq
bo’lmagan talab arz qilingan bo'lsa;

4) agar hisoblangan, lekin xodimga to’lanmagan ish haqini va unga
tenglashtirilgan to‘lovlami undirish haqidagi talab arz qilingan bo'lsa;

5) agar fuqarolardan soliqlar va boshqa majburiy to ‘lovlar bo'yicha qarzlarni
undirish haqidagi talab arz qilingan bo‘lsa (FPKning 238.2-moddasi).


Sud buyrug‘ini chiqarish to‘g‘risidagi
arizaning shakli va mazmuni.

Sud buyrug'ini chiqarish to‘g‘risidagi arizalar FPKning 145- moddasiga ko‘ra,
sudlovga taalluqlilikning umumiy qoidalari bo‘yicha beriladi. Unga ko‘ra, sud
buyrug'ini chiqarish to‘g‘risidagi arizalar javobgar doimiy yashab turgan yoki
doimiy mashg'ul bo‘lgan joydagi sudga beriladi. Tashkilotlarga nisbatan sud
buyrug'ini chiqarish to‘g‘risidagi arizalar esa ulaming organlari joylashgan
hududdagi sudga beriladi.

Extra informations:

Shuningdek, protsessual qonunchilik sud buyrug‘ini chiqarish to‘g‘risidagi
arizalar uchun da'vogarning tanlashi bo'yicha sudlovlik qoidalarini ham
belgilaydi. Xususan, aliment undirish haqidagi talab bilan arz qilinganda,
arizalar FPKning 241-moddasiga ko‘ra, arizachi yashab turgan joydagi sudga
ham taqdim etilishi mumkin.


Sud buyrug‘ini chiqarish to‘g‘risida sudga yozma shaklda ariza bilan murojaat
qilish talab etiladi. Ariza shakli, mazmuni va matniga qo‘yilgan talablar da'vo
arizasiga qo‘yilgan talablarga o‘xshash bo‘ladi. Shu bilan birga, buyruq
chiqarish jarayonining o'ziga xosligini hisobga olib, uning shaxs huquqlari va
qonuniy manfaatlarini soddalashtirilgan tartibda himoya qilishini ko‘zda
tutadi. Lekin da’vo arizasi bilan murojaat qilishdagi jarayondan farqli ravishda
buyruq tartibida ish yuritishda nizosiz va tegishli hujjatlar bilan tasdiqlangan
talablar ko'rib chiqiladi.


Sud buyrug‘ini chiqarish to‘g‘risida ariza berganlik uchun 0 ‘zbekiston
Respublikasi Vazirlar M ahkamasining 1994-yil 3-noyabrdagi «Davlat boji
stavkalari haqida»gi 533-sonli qarori asosida tasdiqlangan ilovaga ko‘ra, da’vo
ishlarini yuritish uchun belgilangan tartibda va miqdorda davlat boji
undiriladi. Arizani qabul qilish rad etilgan taqdirda undiruvchi tomonidan
to'langan davlat boji qaytarib beriladi. Sud buyrug‘i bekor qilingan taqdirda
tolangan davlat boji qaytarib berilmaydi, balki u undiruvchi qarzdorga
nisbatan da'vo ishi yuritish tartibida ariza bilan sudga murojaat etgan taqdirda
to’lanishi lozim bo‘lgan boj hisobiga o'tkaziladi.

Eslab qoling!

Agar ariza FPKning 238-moddasi talablariga javob bermasa yoki davlat boji
to‘lanmagan bo‘lsa, sudya sud buyrug‘ini chiqarish haqidagi arizani qabul
qilib, o‘z ajrimi bilan undiruvchiga kamchiliklarni bartaraf etish yoxud davlat
bojini to'lash uchun ko‘pi bilan uch kun muhlat berishi mumkin. Undiruvchi
belgilangan muddatda kamchiliklarni bartaraf etsa, davlat bojini to‘lasa, ariza
sudga dastlab taqdim etilgan kundan qabul qilingan hisoblanadi. Aks holda,
sudya qonun talabiga muvofiq arizani qabul qilishni rad etish to‘g‘risida ajrim
chiqaradi. Sud buyrug‘i chiqarish haqidagi arizani qabul qilishni rad etish
to‘g‘risidagi ajrim uch kundan kechiktirilmay chiqariladi va mazmuni
bo‘yicha FPKning 153-moddasi talabiga javob berishi lozim.

Sud buyrug’ini chiqarish to‘g‘risidagi arizani
qabul qilishni rad etish.

Sudya sud buyrug’ini chiqarish to‘g‘risidagi arizani qabul qilishni FPKning
152-moddasida nazarda tutilgan asoslar bo‘yicha rad etadi.

Bundan tashqari, sudya quyidagi hollarda
arizani qabul qilishni rad etishga haqli, agar:

1) arz qilingan talab FPKning 2382-moddasida nazarda tutilmagan boMsa;

2) qarzdor O‘zbekiston Respublikasi sudlari yurisdiksiyasi doirasidan chetda
bo’lsa;

3) arz qilingan talabni tasdiqlovchi hujjatlar taqdim etilmagan bolsa;

4) huquq to‘g‘risida nizo mavjud deb hisoblansa;

5) arizaning shakli va mazmuni FPKning 238-moddasi talablariga javob
bermasa;

Eslab qoling!

Fuqarolik protsessual qonunchilikda sud buyrug‘ini chiqarish uchun
protsessual muddat belgilangan bo‘lib, unga ko‘ra sud buyrug‘i ariza kelib
tushgan kundan e’tiboran, uch kun ichida sudya tomonidan chiqariladi. Sud
buyrug'ini berish to‘g‘risidagi masalani sudya undiruvchi va qarzdorni
chaqirmasdan hal etadi. Sud buyrug'i ishni mazmunan ko‘rmasdan, sudyaning
yakka o‘zi tomonidan chiqariladigan hujjat hisoblanadi. Ushbu o ‘rinda sudya
guvoh ko‘rsatmalarini va ekspert xulosalarini tekshirmaydi, undiruvchi va
qarzdorning tushuntirishlarini eshitmaydi, u mavjud hujjatlar asosida o‘z
buyrug‘ini chiqaradi.

Extra informations:

Fuqarolik protsessual qonunchilik sud buyrug‘i chiqarilganidan keyin sudyaga
uning ko'chirma nusxasini darhol qarzdorga yuborish majburiyatini yuklaydi.
Sud buyrug‘ining ko‘chirma nusxasini olgan kundan e'tiboran, o ‘n kunlik
muddat ichida qarzdor arz qilingan talabga qarshi o ‘z e'tirozlarini buyruqni
chiqargan sudga yuborishga haqli boMadi. Ta'kidlash joizki, FPKning 238.9-
moddasida nazarda tutilgan sud buyrug‘ining nusxasini qarzdorga darhol
yuborish tartibi, shuningdek, FPKning 238'°-moddasida ko‘rsatilgan sud
buyrug‘ini bekor qilish asoslari qarzdor huquqlarining kafolati hisoblanadi.

Eslab qoling!

Qonun talabiga ko'ra, qarzdorning davlat boji miqdori yuzasidan keltirgan
e'tirozlari sud buyrug'ini bekor qilish uchun asos bo‘la olmaydi, chunki davlat
foydasiga davlat boji undirish undiruvchi va qarzdor o'rtasidagi
munosahatlarga daxldor emas. Faqat asosiy talablar yuzasidan bildirilgan
e’tirozlargina sud buyrug‘ini bekor qilish uchun asos bo'ladi.

NAZORAT SAVOLLARI:

1. Buyruq tartibida ish yuritish tushunchasi, ahamiyati va o‘ziga xos
xususiyatlarini tushuntirib bering.

2. Sud buyrug‘ini chiqarish asoslarini bayon eting.

3. Xo‘jalik ishlari bo'yicha chiqarilgan sud buyruqlarining fuqarolik ishlari
yuzasidan chiqarilgan sud buyrug‘idan farqli jihatlari nimada?

4. Buyruq tartibida ish yuritishni qo‘zg‘atish tartibi qanday?

5. Sud buyrug'ini chiqarish to‘g‘risidagi arizaga qo'yilgan talablar va arizani
sud tomonidan qabul qilishni rad etish asoslarini bayon eting.

Foydalanilgan adabiyotlar ro’yxati:

O’zbekiston Respublikasi Konstitutsiyasi/Toshkent.2023.

O`zbekiston Respublikasi Fuqorolik kodeksi.

O'zbekiston Respublikasining Fuqarolik protsessual kodeksi. Rasmiy nashr.

M.M. Mamasiddiqov. Fuqarolik protsessual huquqi. Darslik. Umumiy qism.

Foydalanilgan elektron manbalar:
www.gov.uz
http://www.lex.uz
http://www.t sul .uz
http://www.norma. uz
http://www.legislature.ru
http://www.juristlib.ru
www.ziyonet.uz . htt ps :

E`tiboringiz uchun rahmat

Buyruq tartibida ish yuritish

Купить