Информация о документе

Цена 3000UZS
Размер 1.4MB
Покупки 0
Дата загрузки 07 Ноябрь 2026
Расширение ppt
Раздел Презентации
Предмет Педагогика

Продавец

Bohodir Jalolov

Fuqarolarning o‘zini – o‘zi boshqarish organlarini xususiy tadbirkorlik, oilaviy tadbirkorlikni rivojlantirish markaziga aylantirish

Купить
Mavzu: Fuqarolarning o`zini – o`zi boshqarish organlarini xususiy tadbirkorlik, oilaviy tadbirkorlikni rivojlantirish markaziga aylantirish Obod turmush tushunchasi azaldan, avvalambor, tinchlik- osoyishtalik, farovonlik, qut- baraka degan ma’noni anglatadi. Istiqlol yillarida bu tushunchalar yanada chuqur ma’no-mazmun bilan boyib, Vatan ravnaqi, yurt tinchligi, biz uchun eng aziz hamda muqaddas bo‘lgan qadriyatlarni asrab-avaylashni ham o‘zida mujassam etmoqda. 2013-yil 14-fevralda O‘zbekiston Respublikasi Prezidentining “Obod turmush yili” Davlat dasturini tasdiqlash to‘g‘risida”gi qarori qabul qilindi. Davlat dasturining birinchi bo‘limida mamlakatimizda barqarorlik va osoyishtalik, xavfsizlik, fuqarolar va millatlararo totuvlikni yanada mustahkamlash, inson huquqlari, erkinliklari va manfaatlarini himoya qilish, jamiyat farovonligini izchil yuksaltirish ustuvor vazifalar sifatida belgilangan. Ularni amalga oshirish uchun milliy qonunchiligimizni yanada takomillashtirish bo‘yicha aniq chora-tadbirlar belgilangan. Bu borada fuqarolarning o‘zini o‘zi boshqarish organlari rolini oshirish, fuqarolik institutlarini yanada rivojlantirish, davlat va jamiyat ishlarini boshqarishda fuqarolarning ishtirokiga doir konstitutsiyaviy huquqini amalga oshirish, oila institutini mustahkamlash, mamlakatimizda butun jamiyat ishiga aylanishi lozim bo‘lgan ekologik ahvolni yanada yaxshilashga qaratilgan sakkizta qonun loyihasini ishlab chiqish va qabul qilish nazarda tutilgan. Yangi tahrirdagi “Fuqarolarning o‘zini o‘zi boshqarish organlari to‘g‘risida” va “Fuqarolar yig‘ini raisi (oqsoqoli) va uning maslahatchilari saylovi to‘g‘risida”, “O‘zbekiston Respublikasida jamoatchilik nazorati to‘g‘risida” hamda “Ijtimoiy sheriklik to‘g‘risida”gi qonun loyihalari shular jumlasidandir. Xalqimizga xos yashash tarzi – mahalla kabi fuqarolarning o‘zini o‘zi boshqarishning noyob tizimini mustahkamlash, rivojlantirish va qo‘llab- quvvatlashga mamlakatimizda istiqlol yillarida alohida e’tibor qaratilmoqda. Xalqimiz ma’naviyatini, uning milliy o‘zligini anglash tuyg‘usini yuksaltirish, yoshlarni Vatanga muhabbat, milliy istiqlol g‘oyalariga sadoqat ruhida tarbiyalash, jamiyatimiz oldida turgan ijtimoiy-iqtisodiy vazifalarni amalga oshirishda mahallaning roli hamda o‘rni beqiyosdir. Davlat dasturida ko‘zda tutilgan yangi tahrirdagi “Fuqarolarning o‘zini o‘zi boshqarish organlari to‘g‘risida”gi qonun loyihasi fuqarolarning o‘zini o‘zi boshqarish organlari faoliyatining tashkiliy asoslarini yanada takomillashtirish, mahallani aholini manzilli ijtimoiy qo‘llab- quvvatlash, xususiy tadbirkorlik va oilaviy biznesni rivojlantirish markaziga aylantirish, shuningdek, davlat boshqaruv organlari faoliyati ustidan jamoatchilik nazoratini amalga oshirish tizimida uning funksiyalarini yanada kengaytirishga qaratilgan. Shu maqsadda loyihada fuqarolar yig‘inlarining bandlikka ko‘maklashish va aholini ijtimoiy muhofaza qilish markazlari bilan hamkorlikda kam ta’minlangan oilalar, ijtimoiy yordamga muhtoj yolg‘iz qariyalar, pensioner hamda nogironlarni aniqlash, tadbirkorlik faoliyatini yo‘lga qo‘yishni istagan shaxslarni o‘qitish bo‘yicha maslahat markazlarini tashkil etishga doir vakolatlarini kengaytirish masalalari batafsil tartibga solingan. Bularning barchasi davlat va jamiyat o‘rtasidagi munosabatlarni mustahkamlash, fuqarolarning mamlakatni ijtimoiy-iqtisodiy rivojlantirish bo‘yicha qarorlar qabul qilishdagi ishtirokini, davlat organlari faoliyatining oshkoraligini ta’minlash, belgilangan vazifalar ijrosi bo‘yicha ularning mas’uliyatini oshirishga xizmat qiladi. Tadbirkorlik – obodlik va farovonlik omili Davlat iste’molchilarning huquqi ustunligini hisobga olib, iqtisodiy faoliyat, tadbirkorlik va mehnat qilish erkinligini, barcha mulk shakllarining teng huquqliligini va huquqiy jihatdan bab- baravar muhofaza etilishini kafolatlaydi. (O‘zbekiston Respublikasining Konstitutsiyasi, 53-moddasidan). Prezidentimiz Islom Karimov rahnamoligida amalga oshirilayotgan keng ko‘lamli islohotlar jarayonida kichik biznes va xususiy tadbirkorlik, oilaviy biznesni rivojlantirishga alohida e’tibor qaratilayotgani o‘zining yuksak samaralarini bermoqda. Jumladan, yangi ish o‘rinlari yaratish, oilalarning barqaror daromad manbalarini shakllantirish va farovonligini oshirishda mazkur tarmoqlar muhim omilga aylanmoqda. Tadbirkorlik, ishbilarmonlik va mehnatsevarlik xalqimizning eng go‘zal fazilatlaridandir. Buni mahallalar hayoti misolida ham ko‘rish mumkin. Yurtimizda Zargarlik, Misgarlik, Ko‘nchilik, Degrezlik, O‘qchi, Parchabof kabi turli kasb-kor bilan bog‘liq mahallalar nomlarining ko‘plab uchrashi buning tasdig‘idir. Qo‘l mehnati va qalb qo‘ri orqali ro‘zg‘or tebratgan ajdodlarimiz o‘z kasbu korini kelgusi avlodlarga meros qoldirgan, farzandlariga bolaligidan hunar o‘rgatishni esa inson kamoloti va millat ravnaqining muhim sharti, deb bilgan. Ayni vaqtda mamlakatimizda xalqimizga xos o‘zini o‘zi boshqarishning bu noyob tuzilmasini yanada rivojlantirish maqsadida mavjud huquqiy asoslar yanada takomillashtirilmoqda. Joriy yil 22-aprelda yangi tahrirda qabul qilingan "Fuqarolarning o‘zini o‘zi boshqarish organlari to‘g‘risida"gi qonun hamda O‘zbekiston Respublikasi Vazirlar Mahkamasining 2013-yil 7-oktabrdagi “Fuqarolarning o‘zini o‘zi boshqarish organlari faoliyatini yanada takomillashtirish chora-tadbirlari to‘g‘risida”gi qarori mazkur yo‘nalishdagi ishlar samaralaridandir. Ushbu hujjatlar asosida mahallaning aholini ijtimoiy qo‘llab- quvvatlash, hududda kichik biznes va xususiy tadbirkorlik, ayniqsa, oilaviy tadbirkorlik va hunarmandchilikni rivojlantirishga ko‘maklashish, davlat boshqaruvi organlari faoliyati ustidan jamoatchilik nazorati olib borishga oid vakolat va vazifalari yanada kengaytirildi. Shu bilan birga, fuqarolar yig‘ini faoliyatining asosiy yo‘nalishlari bo‘yicha sakkizta komissiya faoliyatiga oid namunaviy nizomlar tasdiqlanib, amaliyotga joriy etilgani mahallalar ishini yanada rivojlantirishda dasturilamal bo‘lmoqda. «Mahalla» xayriya jamoat fondi Toshkent shahar bo‘limidan ma’lum qilishlaricha, poytaxtimizdagi mavjud 475 mahallada tadbirkorlik faoliyati va oilaviy biznesni rivojlantirish masalalari bo‘yicha komissiyalar faoliyati yo‘lga qo‘yilgan. Bu aholini ijtimoiy qo‘llab-quvvatlash, kichik biznes va xususiy tadbirkorlik, ayniqsa, oilaviy tadbirkorlik, hunarmandchilikni rivojlantirish hamda sohaga aholini keng jalb qilishga qaratilgan chora- tadbirlarni amalga oshirish imkonini bermoqda. Ushbu komissiyalar tomonidan kichik biznes va xususiy tadbirkorlik, oilaviy tadbirkorlik, hunarmandchilik va kasanachilikni rivojlantirish hisobiga joriy yilning o‘tgan davrida 25 ming 175 nafar mehnatga layoqatli, band bo‘lmagan aholi ish bilan ta’minlandi. Kichik biznes sub’ektlariga berilayotgan qator qulaylik va soliq imtiyozlari bu borada alohida ahamiyat kasb etmoqda. Mahalla – tadbirkorlik maskani Prezidentimiz Islom Karimov O‘zbekiston Respublikasi Konstitutsiyasi qabul qilinganining 18 yilligiga bag‘ishlangan tantanali marosimda 2011 yilni yurtimizda Kichik biznes va xususiy tadbirkorlik yili, deb e’lon qilib, tadbirkorlik xalqimizning qon- qoniga, suyak-suyagiga singib ketgan noyob va ezgu fazilat ekanini alohida ta’kidladi. Ota-bobolarimiz qadimdan o‘z yeri, mulki, kasbu hunariga ega bo‘lish, omilkorlik bilan ish yuritishni qadrlagan. Tadbirkorlik va ishbilarmonlik fazilatlari yurtdoshlarimizning hayot tarziga chuqur singib, an’ana va qadriyatlarimizga uyg‘unlashib ketgan. Buni milliy qadriyatlarimiz beshigi – mahalla hayotida ham ko‘rish mumkin. Toshkent shahridagi Pichoqchilik, Charxchilik, Ko‘nchilik, Degrezlik, Taqachi, Egarchi, O‘qchi, Zargarlik, Parchabof singari mahallalar nomlari ham tadbirkorlik va hunarmandlik rivoji tufayli kelib chiqqan. Shu soha orqali ro‘zg‘or tebratib, oilasini va el-yurt manfaatini ta’minlab kelgan ajdodlarimiz o‘z kasbu kori va hunarini avloddan-avlodga meros qoldirgan, farzandlariga bolaligidan kasb- hunar o‘rgatishni inson kamoloti va millat ravnaqining muhim sharti, deb bilgan. Prezidentimiz Islom Karimov rahnamoligida mahallalarni xususiy tadbirkorlik va oilaviy biznesni rivojlantirish maskaniga aylantirish borasida amalga oshirilayotgan ishlar milliy qadriyatlarimizni zamon talablari asosida taraqqiy ettirishga xizmat qilmoqda. Bu, o‘z navbatida, yangi ish o‘rinlari yaratish, oilalarning barqaror daromad manbalarini shakllantirishning muhim omiliga aylanayotir. Poytaxtimizdagi mahallalarda xususiy tadbirkorlik, hunarmandchilik va kasanachilikni rivojlantirish hisobiga joriy yilda 104 mingta yangi ish o‘rni yaratilgani buning dalilidir. Davlatimiz rahbarining 2009 yil 15 mayda qabul qilingan “Tadbirkorlik faoliyatini yanada qo‘llab-quvvatlash va rivojlantirish chora-tadbirlari to‘g‘risida”gi qaroriga binoan tadbirkorlik subyektlari uchun yana bir qancha qo‘shimcha imtiyoz va kafolatlar berildi. Tadbirkorlarning o‘z ishini tashkil etish bilan bog‘liq sarf- xarajatlar sezilarli darajada kamaydi. Mahallalarda xizmat ko‘rsatish va servis sohasi ham izchil taraqqiy etayotir. Sartaroshxona, suratxona, kosibchilik, tikuvchilik shoxobchalari mahalla ahliga sifatli xizmat ko‘rsatayotir. Bu boradagi ishlar ko‘lami kirib kelayotgan Kichik biznes va xususiy tadbirkorlik yilida yanada kengayishi, shubhasiz.

Fuqarolarning o‘zini – o‘zi boshqarish organlarini xususiy tadbirkorlik, oilaviy tadbirkorlikni rivojlantirish markaziga aylantirish

Купить