Mehnat shartnomasini ro‘yxatdan o‘tkazish - Педагогика - Рефераты

Информация о документе

Цена	2000UZS
Размер	27.6KB
Покупки	0
Дата загрузки	07 Ноябрь 2026
Расширение	docx
Раздел	Рефераты
Предмет	Педагогика

Mehnat shartnomasini ro‘yxatdan o‘tkazish

Купить

Mavzu Mehnat shartnomasini ro’yxatdan o’tkazish .
Reja
1/Mexnat shartnomasini royxatdan otqazish tushunchasi.
2/Mexnat shartnomasini royxatdan otqazish tartibi.
3/Pirizdent Qarori 31.10.2019 yildagi
Mexnat shartnomasini royxatdan otqazish xaqidagi.
Mehnat shartnomalari endi qanday ro‘yxatdan o‘tkaziladi?
O‘zbekiston “Yagona milliy mehnat tizimi” idoralararo dasturiy-apparat kompleksi
(YaMMT) bilan ishlash mexanizmi Vazirlar Mahkamasining 5.12.2019 yildagi
971-son qarorida taqdim etilgan
Norma’ning yozishicha, prezidentning 31.10.2019 yildagi PQ-4502-son qaroriga
asosan 2020 yil 1 yanvardan boshlab yangi mehnat shartnomalarini, shuningdek
amaldagilariga o‘zgartirish kiritish va tugatishni YaMMTda majburiy ro‘yxatdan
o‘tkazish joriy etiladi. Ishlayotgan xodimlarning mehnat shartnomalarini 2020 yil
1 sentyabrga qadar YaMMTda ro‘yxatdan o‘tkazish lozim. Bundan tashqari,
1.01.2020 yildan boshlab elektron mehnat daftarchasi joriy etiladi. U mehnat
shartnomalarini ro‘yxatdan o‘tkazish va ularga ma'lumotlar kiritishda YaMMTda
avtomatik tarzda shakllanadi.
Mehnat munosabatlarini YaMMTda ro‘yxatdan o‘tkazish mulkchilik shakli va
idoraviy mansubligidan qat'i nazar barcha ish beruvchilar, shu jumladan alohida
tarkibiy tuzilmalar, xususiy korxonalar va yakka tartibdagi tadbirkorlar uchun
majburiydir.
YaMMTni boshqarish direksiyasi tizimning operatori hisoblanadi. U tizimning
ishlashini, undan foydalanishni ta'minlaydi, shuningdek tashkiliy-texnik jihatlarini
tartibga soladi.
Tizimda ishni nimadan boshlash kerak? Quyida qabul qilingan hujjatga asosan
harakatlarning bosqichma-bosqich algoritmi taqdim etilgan. Toshkent shahar
Bandlik bosh boshqarmasi vakillari bilan uchrashuv chog‘ida alohida
tushuntirishlar olndi.

I bosqich. YaMMTda avtorizatsiya
Buning uchun my.mehnat.uz elektron manzili bo‘yicha o‘tish va «Elektron
hukumat» tizimi yuridik shaxslar ma'lumotlar bazasida STIR bo‘yicha
identifikatsiyadan o‘tish lozim. Xatolar bo‘lmagan taqdirda ish beruvchi
avtorizatsiya qilinadi. Agar unda YaMMTda mustaqil ravishda avtorizatsiya qilish
imkoniyati bo‘lmasa, buni mehnat organlarida bepul amalga oshirish mumkin.
Biroq har qanday holatda ham ma'lumotlar ish beruvchining ERI bilan
tasdiqlanadi.
II bosqich. Ish beruvchining shaxsiy kabinetini shakllantiris
Avtorizatsiyadan so‘ng ish beruvchining shaxsiy kabineti avtomatik tarzda
shakllanadi. Unga kirish - faqat yuridik shaxsning ERI kaliti orqali. YaMMT bilan
ishlash uchun ish beruvchi (YaTTdan tashqari) o‘zining yozma qarori bilan
tizimga kiradigan bitta yoki bir nechta javobgar shaxslarni belgilaydi va ularga
ERIning ochiq kalitlarini topshiradi.
III bosqich. Tashkilot tuzilmasini shakllantirish
Shaxsiy kabinetga kirgandan keyin tashkilot tuzilmasini shakllantirish lozim.
Buning uchun maxsus shakllar to‘ldiriladi. Ularga barcha:bo‘linmalar
(departamentlar, bo‘limlar va hokazo), alohida STIRga ega bo‘lganlari bundan
mustasno;shtat jadvaliga muvofiq ish o‘rinlari (agar mavjud bo‘lsa), shu jumladan
bo‘sh ish o‘rinlari, jumladan ma'muriy, ishlab chiqarish va texnik xodimlar
to‘g‘risidagi barcha axborot kiritiladi.
Har bir ish o‘rni alohida tashkil etiladi. Lavozimlar nomi Klassifikator (MMSK
bo‘yicha kod, xodimlar toifasi, ta'limning eng past darajasiga talablar ko‘rsatiladi)
bo‘yicha kiritiladi. Agar ro‘yxatga olinayotgan lavozim Klassifikatorda bo‘lmasa,
undan ahamiyati bo‘yicha eng yaqin lavozimni tanlash, pastda esa mehnat
shartnomasi bo‘yicha to‘liq nomini ko‘rsatish zarur. Shuningdek, maosh, stavka
miqdori, lavozim vazifalari, ish sharoitlari (ish grafigi) ham ko‘rsatiladi.
Ish o‘rni mehnat shartnomasi ro‘yxatdan o‘tkazilgunga qadar, u dastlabki holatda
bo‘sh ish o‘rni sifatida belgilanadi.
Agar ish beruvchi mehnat munosabatlarini rasmiylashtirish bo‘yicha vakolatlarini
o‘zining tarkibiy tuzilmalariga bersa, ularning xodimlari, ish o‘rinlari va bo‘sh ish
o‘rinlari to‘g‘risidagi axborotni kiritish, shuningdek mehnat shartnomalarini
ro‘yxatdan o‘tkazish uchun shtat tuzilmasi (jadvali)ning alohida bazasini
shakllantirishga yo‘l qo‘yiladi. Buning uchun YaMMT operatoriga tegishli so‘rov
berish kerak.

IV bosqich. Mehnat shartnomasini ro‘yxatdan o‘tkazish
Ish o‘rni to‘g‘risidagi sahifa to‘ldirilgandan keyin mehnat shartnomasini
ro‘yxatdan o‘tkazish imkoniyati ochiladi. Bu yerda xodi
m va mehnat shartnomasi to‘g‘risidagi ma'lumotlar kiritiladi. Xodimning F.I.O.ni
kiritishda xatoning oldini olish uchun tashkilotning javobgar shaxsi pasportning
seriyasi, raqami va JShShIRni kiritadi. Agar hammasi to‘g‘ri ko‘rsatilgan bo‘lsa –
F.I.O. avtomatik tarzda chiqadi. Yashash joyi manzili propiska bo‘yicha qo‘lda
kiritiladi.
Shundan keyin mehnat shartnomasi raqami, u tuzilgan sana, xodimning ish vaqti
rejimi, sinov muddati, bandlik turlari, ta'tillar, ustamalarni qo‘shgan holda
(ularning miqdori ko‘rsatilmagan holda) mehnatga haq to‘lash to‘g‘risidagi
ma'lumotlar ko‘rsatiladi.
Kiritilgan ma'lumotlar yuridik shaxsning ERI bilan tasdiqlanadi. Har bir
ro‘yxatdan o‘tkazilgan shartnomaga keyinchalik xizmatda foydalanish uchun
noyob raqam beriladi. Agar ish beruvchi ma'lumotlarni noto‘g‘ri kiritgan bo‘lsa,
buni 5 ish kuni mobaynida tahrir qilish mumkin. Bu muddat tugagandan keyin endi
ERI identifikatsiyasi bilan YaMMT aloqa kanallari orqali operatorga murojaat
qilish lozim. Operator barcha murojaatlarni navbat tartibida 5 ish kuni
mobaynidako‘rib chiqadi
Mehnat shartnomasiga o‘zgartirishlar kiritish uchun qo‘shimcha kelishuv xuddi
shunday tartibda ro‘yxatdan o‘tkaziladi. YaMMTga ma'lumotlarni kiritish uchun
ish beruvchilar shartnoma asosida xususiy tashkilotlar xizmatidan foydalanishlari
mumkin.
Ta'tillar va ishdan bo‘shatishni ro‘yxatdan o‘tkazish
Barcha ta'til turlarini taqdim etish ham YaMMTda ro‘yxatdan o‘tkaziladi. Maxsus
oynada ta'til turini (mehnat, ish haqi saqlanmagan, tug‘ishgacha, bolani
parvarishlash va hokazo) tanlash va uning boshlanish sanasini ko‘rsatish lozim.
Mehnat shartnomasi tugatilganda ishdan bo‘shatish to‘g‘risidagi buyruqning
raqami va sanasi, shuningdek xodim u asosda ishdan bo‘shatilgan Mehnat kodeksi
moddasi kiritiladi.
Yana bir bora eslatib o‘tamiz, kiritilayotgan ma'lumotlar ERI bilan tasdiqlanadi,
to‘ldirish chog‘idagi xatolarni esa 5 ish kuni mobaynida tuzatish mumkin. Bu
muddatdan keyin tizim operatoriga murojaat qilish lozim.

Ishdan bo‘shatish ro‘yxatdan o‘tkazilgandan keyin mehnat shartnomasi
to‘g‘risidagi barcha yozuvlar tashkilotning elektron arxiviga tushadi. U tashkilot
faoliyatining butun davrida xodimlar bilan mehnat shartnomalarini tuzish, ularga
o‘zgartirishlar va qo‘shimchalar kiritish, tugatish to‘g‘risidagi axborotni saqlaydi
va ish beruvchining shaxsiy kabineti orqali kirish mumkin.
Jismoniy shaxsning shaxsiy kabineti
YaMTda o‘z ma'lumotlariga kirish uchun xodim my.mehnat.uz orqali avtorizatsiya
qilishi va «Elektron hukumat» tizimida JShShIR bo‘yicha identifikatsiya qilishi
zarur. Buning uchun jismoniy shaxsning ERI yoki tashkilotning vakolatli xodimi
yoki mehnat organi tomonidan verifikatsiya qilingan mobil telefon raqamiga SMS-
xabarnomadan olingan kirish kodi zarur.Agar xodim o‘zining kontakt
ma'lumotlariga qandaydir o‘zgartirishlar kiritishni xohlasa, u bu haqda kadrlar
bo‘yicha xodimga yozma ariza berishi kerak. Jismoniy shaxs mamlakatdan
DYaJga chiqib ketgan yoki vafot etgan holda shaxsiy kabinet ma'lumotlarini
YaMMTda saqlash davom etadi va ishonchli vakillar yoki huquqiy vorislarga
taqdim etilishi mumkin.
Elektron mehnat daftarchasi
U o‘zini YaMMTda quyidagi asoslarga ko‘ra shakllantiriladigan, jismoniy
shaxsning mehnat faoliyati to‘g‘risidagi ma'lumotlardan iborat elektron hujjat
sifatida namoyon qiladi:ish beruvchi bilan tuzilgan mehnat shartnomasini
ro‘yxatdan o‘tkazish ma'lumotlari;yakka tartibdagi tadbirkor sifatida ro‘yxatdan
o‘tkazish;o‘zini o‘zi band qilish vaqtinchalik mehnat guvohnomasini
olish;vaqtinchalik mehnat faoliyati uchun xorijga chiqayotganlar tomonidan
Pensiya jamg‘armasiga to‘langan sug‘urta badallari.
Mehnat daftarchasi xodim (F.I.O., tug‘ilgan sanasi, ma'lumoti, kasbi,
mutaxassisligi), ishga joylashish davrlari (ishga qabul qilish, boshqa ishga
o‘tkazish), hisoblangan ish haqi, to‘langan jismoniy shaxslar daromadidan
olinadigan soliqlar to‘g‘risidagi axborotni o‘z ichiga oladi. Ish beruvchi mehnat
shartnomasini ro‘yxatdan o‘tkazgandan keyin mehnat daftarchasiga kirish
imkoniyati bo‘ladi. Xodimning kirishi uchun ERI
yoki SMS-xabarnoma ko‘rinishidagi kirish kodi zarur bo‘ladi.
Jismoniy shaxslar tizimga o‘zining ishga joylashishining o‘tgan davrlari
to‘g‘risidagi axborotni mustaqil ravishda kiritishlari mumkin. U yozuv
kiritilgandan keyin 15 kun ichida Pensiya jamg‘armasi organlari tomonidan
verifikatsiya qilinishi (tasdiqlanishi) kerak.

Ish beruvchi xodim to‘g‘risidagi ma'lumotlardan u bilan mehnat shartnomasi
tugatilgunga qadar foydalanishi mumkin. Ishdan bo‘shatilgandan keyin keyingi
mehnat tarixini ish beruvchi endi ko‘rmaydi.
Agar tashkilot tugatilsa yoki qayta tashkil etilsa...
Ish beruvchini tugatishda, uning shaxsiy kabinetiga kiritilgan ma'lumotlar YaMMT
ma'lumotlari arxiviga yuboriladi, ular u yerda muddatsiz saqlanadi. Unga YaMMT
operatori pensiya tayinlash bilan bog‘liq manfaatdor shaxslar buyurtmalarini ko‘rib
chiqish uchun kirishi mumkin.
O‘ZBEKISTON RESPUBLIKASI PREZIDENTINING
QARORI
“YAGONA MILLIY MEHNAT TIZIMI” IDORALARARO DASTURIY-
APPARAT KOMPLEKSINI JORIY QILISH CHORA-TADBIRLARI
TO‘G‘RISIDA
Ta’kidlash joizki, mamlakatimizda elektron hukumatni rivojlantirish va
modernizatsiya qilish, shu jumladan ma’muriy tartib-taomillarni takomillashtirish,
aholi murojaatlarini ko‘rib chiqish jarayonlarining shaffofligi va optimallashuvini
ta’minlash, faol tadbirkorlikni rag‘batlantirish, shuningdek, investitsion iqlim va
ishbilarmonlik muhitini yaxshilashga qaratilgan davlat xizmatlari ko‘rsatishni
kengaytirish bo‘yicha izchil chora-tadbirlar ko‘rilmoqda.
Shu bilan birga, raqamli iqtisodiyot yutuqlarining imkoniyatlari to‘la ro‘yobga
chiqarilmayotgan qator sohalar saqlanib qolmoqda. Xususan, ijtimoiy-mehnat
sohasida zamonaviy axborot texnologiyalari yetarli darajada faol qo‘llanilmayapti.
Hozirga qadar tashkilotlarda kadrlar bo‘yicha ish yuritish asosan qog‘oz shaklida
amalga oshirilmoqda, bu esa xodimning, ayniqsa, pensiya ta’minoti huquqlarini
rasmiylashtirishda mehnat staji aniq hisoblanishini murakkablashtiradi,
shuningdek, aholi bandligi haqidagi ma’lumotlarning noto‘g‘ri ko‘rsatilishiga
sharoit yaratadi va ma’muriy boshqaruv xarajatlarini ko‘paytiradi.
O‘zbekiston Respublikasi Prezidentining 2019-yil 17-yanvardagi PF-5635-son
Farmoni bilan tasdiqlangan 2017 ― 2021-yillarda O‘zbekiston Respublikasini
rivojlantirishning beshta ustuvor yo‘nalishi bo‘yicha Harakatlar strategiyasini

“Faol investitsiyalar va ijtimoiy rivojlanish yili”da amalga oshirishga oid Davlat
dasturiga muvofiq, shuningdek, xodimlarning mehnat huquqlarini himoya qilishni
yanada kuchaytirish va ularning mehnat stajini hisoblash mexanizmini
takomillashtirish, ijtimoiy-mehnat sohasiga zamonaviy axborot-kommunikatsiya
texnologiyalarini joriy etish maqsadida:
1. O‘zbekiston Respublikasi Bandlik va mehnat munosabatlari vazirligi hamda
Axborot texnologiyalari va kommunikatsiyalarini rivojlantirish vazirligining 2020-
yil 1-yanvardan quyidagilarni ta’minlovchi “Yagona milliy mehnat tizimi”
idoralararo dasturiy-apparat kompleksini (keyingi o‘rinlarda — “YaMMT” IDAK)
joriy qilish to‘g‘risidagi taklifi ma’qullansin:
ish beruvchilar va xodimlar o‘rtasidagi mehnat munosabatlarini, shu jumladan
mehnat shartnomalarini tuzish, mehnat shartnomalariga o‘zgartirish va
qo‘shimchalar kiritish, shuningdek, ularni tugatish tartib-taomillarini elektron
ro‘yxatdan o‘tkazishni amalga oshirish;
ish beruvchilarning tuzilmasi (shtatlar jadvali), shu jumladan mavjud va
yaratiladigan ish o‘rinlari, mehnat sharoitlari, mehnatga haq to‘lash shartlari
to‘g‘risidagi elektron ma’lumotlar bazasini shakllantirish;
xodimning mehnat stajini hisoblash to‘g‘risidagi ma’lumotlar, hisoblangan ish haqi
va jismoniy shaxslarning mehnatga haq to‘lash ko‘rinishidagi daromadlariga
hisoblangan soliqlar, fuqarolarning shaxsiy jamg‘arib boriladigan pensiya
jamg‘armasi hisobiga to‘lovlar haqidagi axborotga asoslangan elektron mehnat
daftarchasida jismoniy shaxslarning mehnat faoliyati to‘g‘risidagi ma’lumotlarni
shakllantirish va yuritish;
aholi bandligini ta’minlash sohasida davlat siyosatini amalga oshirishni
muvofiqlashtirish darajasini va uning samaradorligini oshirish uchun mehnat
bozori ko‘rsatkichlari holati va dinamikasi to‘g‘risidagi axborotlardan iborat
ma’lumotlarni idoralararo tizimlashtirilgan tarzda va muntazam ravishda elektron
almashishni joriy etish;
xodimlar hamda ishchilarning son va sifat tarkibi, vakansiyalar, shuningdek, ishga
joylashish uchun nomzodlarga ish beruvchilar tomonidan qo‘yiladigan malakaviy
va boshqa talablar to‘g‘risida avtomatik tarzda to‘planadigan xolis, shaffof va
dolzarb ma’lumotlarni shakllantirish;
manfaatdor tashkilotlarga ular o‘z zimmasiga yuklatilgan vazifa va funksiyalarni
bajarishi uchun “YaMMT” IDAKdan zaruriy ma’lumotlarni qonun hujjatlarida
belgilangan tartibda taqdim etish;

mehnat resurslarining, xususan, mehnat resurslari toifalari, ishga layoqatli,
iqtisodiy faol va nofaol aholi qatlamlari, shu jumladan O‘zbekiston Respublikasi
Davlat statistika qo‘mitasi, Moliya vazirligi huzuridagi Budjetdan tashqari pensiya
jamg‘armasi va Sog‘liqni saqlash vazirligi ma’lumotlari asosida pensiya yoshidagi
ishlayotgan shaxslar va nogironligi bo‘lgan shaxslar to‘g‘risida har kuni
yangilanadigan balansini shakllantirish;
mehnat munosabatlari va mehnat muhofazasi, ishga joylashtirish dasturlari
bo‘yicha o‘tkaziladigan tekshiruvlar, shuningdek, ish o‘rinlarining attestatsiyasi,
Mehnat muhofazasi sohasidagi xizmatlar bozorining professional ishtirokchilari
yagona reyestriga tegishli ma’lumotlarning (axborotlarning) to‘liq kiritilishini
ekspertizadan o‘tkazish natijalarini monitoring qilish;
xorijga vaqtinchalik mehnat faoliyatini amalga oshirish uchun ketadigan
fuqarolarni onlayn ro‘yxatdan o‘tkazish, tashkiliy tartibdagi mehnat migratsiyasi
to‘g‘risidagi kelishuvga asosan O‘zbekiston Respublikasi Bandlik va mehnat
munosabatlari vazirligi huzuridagi Tashqi mehnat migratsiyasi agentligi
vakolatxonalari hamda O‘zbekiston Respublikasining chet eldagi diplomatik
vakolatxonalari va konsullik muassasalarida mehnat migratsiyasi masalalari
bo‘yicha attashe tomonidan xorijda ishga joylashtirilgan fuqarolar haqida
ma’lumotlar bazasini yaratish, shuningdek, ishga joylashtirilayotgan mamlakatda
bo‘lish qoidalari, mehnat sharoitlari, ijtimoiy va yashash-turmush ta’minoti, chet
ellik ish beruvchilar bilan tuziladigan mehnat shartnomalarining huquqiy jihatlari,
qonunchilikda nazarda tutilgan moliyaviy qo‘llab-quvvatlash choralari to‘g‘risida
onlayn tartibda ma’lumotlar taqdim etish imkoniyati;
mehnat bozorining, hududlar, jins va yosh omillari, sohalar va mutaxassisliklar
kesimida ishchi kuchiga bo‘lgan talab va taklifning rivojlanish tendensiyalari
prognozini shakllantirish;
O‘zbekiston Respublikasi Bandlik va mehnat munosabatlari vazirligining amalga
oshirilgan va amalga oshirilishi rejalashtirilayotgan axborot resurslari bilan
integratsiyalash;
O‘zbekiston Respublikasi Bandlik va mehnat munosabatlari vazirligiga mehnat va
aholi bandligi sohalarida davlat boshqaruvi bo‘yicha yuklatilgan funksiyalarni to‘la
hajmda va tezkorlik bilan amalga oshirish.
2. “YaMMT” IDAK uchun real vaqt rejimida ma’lumotlar bazasiga kirish
imkoniyati taqdim etiladigan davlat organlari va tashkilotlarining hamda “Elektron
hukumat” tizimining idoralararo integratsiyalashuv platformasi orqali idoralararo

elektron aloqa vositasida amalga oshiriladigan almashuv ma’lumotlari ro‘yxati 1-
ilovaga muvofiq tasdiqlansin.
3. Belgilab qo‘yilsinki:
a) 2020-yil 1-yanvardan boshlab yangi mehnat shartnomalarini tuzish, amaldagi
mehnat shartnomalariga o‘zgartirish kiritish, shuningdek, ularni tugatish holatlarini
“YaMMT” IDAKda majburiy ro‘yxatdan o‘tkazish tartibi joriy etiladi. Bunda
2020-yil 1-yanvarga qadar tuzilgan amaldagi mehnat shartnomalari 2020-yil 1-
sentabrdan kechiktirmasdan “YaMMT” IDAKda ro‘yxatdan o‘tkazilishi shart.
Mehnat shartnomalarini “YaMMT” IDAKda ro‘yxatdan o‘tkazish belgilangan
tartibda ish beruvchi tomonidan amalga oshiriladi;
b) 2020-yil 1-yanvardan boshlab, ro‘yxatdan o‘tkaziladigan mehnat
shartnomalaridagi ma’lumotlar asosida “YaMMT” IDAKda avtomatik tarzda
shakllantiriladigan xodimning mehnat faoliyati to‘g‘risidagi ma’lumotlarni o‘z
ichiga oluvchi elektron mehnat daftari joriy etiladi;
v) O‘zbekiston Respublikasi Bandlik va mehnat munosabatlari vazirligi “YaMMT”
IDAKning balansda saqlovchisi hisoblanadi;
g) “YaMMT” IDAKdan foydalanish barcha yuridik va jismoniy shaxslar uchun
bepul hisoblanadi. “YaMMT” IDAKni ishlab chiqish, kuzatib borish, ta’minlash
va takomillashtirish O‘zbekiston Respublikasi Bandlik va mehnat munosabatlari
vazirligi huzuridagi Bandlikka ko‘maklashish davlat jamg‘armasi (keyingi
o‘rinlarda — Bandlikka ko‘maklashish jamg‘armasi) hisobidan amalga oshiriladi.
4. Xodimning mehnat staji, shu jumladan O‘zbekiston Respublikasining
“Fuqarolarning davlat pensiya ta’minoti to‘g‘risida”gi Qonuniga muvofiq pensiya
tayinlashda xodim tomonidan amalga oshiriladigan mehnat faoliyati davriga
asosan:
2020-yil 1-yanvardan so‘ng — “YaMMT” IDAKda mavjud ma’lumotlar asosida
(qonun hujjatlarida belgilangan alohida hollardan tashqari);
2020-yil 1-yanvarga qa dar — “YaMMT” IDAK joriy qilingungacha o‘rnatilgan
tartibda belgilansin.
5. “Yagona milliy mehnat tizimi” idoralararo dasturiy-apparat kompleksini
(“YaMMT” IDAK) joriy qilish va undan foydalanish jarayonlarini
muvofiqlashtirish bo‘yicha idoralararo ishchi guruhi (keyingi o‘rinlarda —
Idoralararo ishchi guruhi) 2-ilovaga muvofiq tasdiqlansin.
6. Quyidagilar Idoralararo ishchi guruhining asosiy vazifalari etib belgilansin:

“YaMMT” IDAKni ishlab chiqish, joriy qilish, foydalanish va rivojlantirish
bo‘yicha vazirlik va idoralar faoliyatini hamda uning “Elektron hukumat” tizimiga
integratsiyalashuvini muvofiqlashtirish;
“YaMMT” IDAKni rivojlantirish va takomillashtirish, mehnat munosabatlari
subyektlarining axborot ehtiyojlarini qondirish maqsadida “YaMMT” IDAK orqali
ko‘rsatiladigan elektron davlat xizmatlari ro‘yxatini kengaytirish va sifatini
oshirish bo‘yicha takliflar ishlab chiqish va O‘zbekiston Respublikasi Vazirlar
Mahkamasiga kiritish;
mehnat munosabatlarini rasmiylashtirishni elektron shaklga yanada kengroq
o‘tkazish bo‘yicha tashkiliy tadbirlarni, shu jumladan “yo‘l xaritalari”ni ishlab
chiqish va tasdiqlash.
7. O‘zbekiston Respublikasi Bandlik va mehnat munosabatlari vazirligi huzurida
“YaMMT” IDAKni boshqarish direksiyasi (keyingi o‘rinlarda — Direksiya)
tashkil etilsin.
8. Direksiya zimmasiga quyidagi asosiy vazifalar yuklatilsin:
ish beruvchilar tomonidan mehnat shartnomalarining o‘rnatilgan tartibda
ro‘yxatdan o‘tkazilishini monitoring qilish, mehnat shartnomalarini ro‘yxatdan
o‘tkazishda ish beruvchilar va xodimlarga texnik yordam ko‘rsatish, shu jumladan
tegishli ma’lumotlarni kiritish va olish uchun zarur apparat vositalarini taqdim
etish;
“YaMMT” IDAKni qo‘llash, elektron mehnat daftarchasini shakllantirish va joriy
qilish, xodimning mehnat staji to‘g‘ri hisoblanishini ta’minlash jarayonida yuzaga
keladigan barcha masalalar bo‘yicha ish beruvchilarga texnik va axborot ko‘magini
taqdim qilish, shuningdek, “YaMMT” IDAK foydalanuvchisi hisoblangan
fuqarolarga axborot ko‘magini ko‘rsatish;
“Elektron hukumat” tizimiga kiruvchi axborot tizimlari bilan “YaMMT” IDAK
ma’lumotlarini almashish masalalari bo‘yicha idoralararo hamkorlikni
tashkillashtirish;
“YaMMT” IDAKdan samarali va ishonchli foydalanish, ish beruvchilar va
xodimlar shaxsiy ma’lumotlarining axborot xavfsizligi va maxfiyligini ta’minlash;
joriy etilayotgan mehnat shartnomalarini ro‘yxatdan o‘tkazish va elektron mehnat
daftarchalarini yuritish tartibini tushuntirib beruvchi, “YaMMT” IDAKni
rivojlantirish va takomillashtirish istiqbollari haqida materiallar tayyorlash va

ommaviy axborot vositalarida chop etish, teleradiokanallarda maxsus
teleko‘rsatuvlar va radioeshittirishlar tashkil qilish.
9. O‘zbekiston Respublikasi Bandlik va mehnat munosabatlari vazirligi:
har yili Bandlikka ko‘maklashish jamg‘armasining xarajatlar smetasida “YaMMT”
IDAKni ta’minlash, rivojlantirish, takomillashtirish, samarali ishlab turishi va
axborot xavfsizligini ta’minlash uchun mablag‘larni nazarda tutsin;
O‘zbekiston Respublikasi Prezidenti huzuridagi Davlat xizmatini rivojlantirish
agentligi bilan birgalikda “YaMMT” IDAKning ishlab chiqilayotgan Davlat
fuqarolik xizmatining yagona elektron axborot-tahlil tizimi bilan
integratsiyalashtirishni nazarda tutsin;
O‘zbekiston Respublikasi Davlat soliq qo‘mitasi bilan birgalikda “YaMMT”
IDAKni soliq xizmati organlarining axborot tizimlari bilan integratsiyalashtirish
orqali xodimlarning mehnat faoliyati to‘g‘risida “YaMMT” IDAKda aks etuvchi
ma’lumotlarning hisoblangan ish haqini shaxsiy hisobga olish markazlashtirilgan
elektron reyestri ma’lumotlari bilan to‘g‘ri kelishini talabnoma asosida tekshirishni
(verifikatsiyalashni) doimiy asosda ta’minlasin.
10. O‘zbekiston Respublikasi Oliy va o‘rta maxsus ta’lim vazirligi Vazirlar
Mahkamasi huzuridagi Ta’lim sifatini nazorat qilish davlat inspeksiyasi, Oliy
attestatsiya komissiyasi va respublikadagi oliy ta’lim muassasalari bilan birgalikda
ikki oy muddatda oliy ma’lumot to‘g‘risidagi diplomlar, ilmiy daraja to‘g‘risidagi
hujjatlar, shuningdek, xorijiy oliy ta’lim muassasasidan oling an oliy ma’lumot
yoki ilmiy daraja to‘g‘risidagi hujjatni tan olish haqida guvohnomalar berilgan
jismoniy shaxslarning elektron ma’lumotlar bazasini shakllantirsin va uni
“YaMMT” IDAK bilan integratsiyalashtirishni ta’minlasin.
11. Belgilansinki, O‘zbekiston Respublikasi Oliy va o‘rta maxsus ta’lim vazirligi,
Vazirlar Mahkamasi huzuridagi Ta’lim sifatini nazorat qilish davlat inspeksiyasi,
Oliy attestatsiya komissiyasi tayyorlangan, taqsimlangan, buzilgan va berilgan oliy
ma’lumot to‘g‘risidagi diplomlar, ilmiy daraja to‘g‘risidagi hujjatlar, shuningdek,
xorijiy oliy ta’lim muassasasidan olingan oliy ma’lumot yoki ilmiy daraja
to‘g‘risidagi hujjatni tan olish haqida guvohnomalar blanklari to‘g‘risidagi batafsil
ma’lumotni O‘zbekiston Respublikasi Prezidenti huzuridagi Davlat xizmatini
rivojlantirish agentligiga muntazam ravishda kiritib boradi, diplom olgan jismoniy
shaxsga berilgan blank uning shaxsiy identifikatsiya raqamiga biriktirib qo‘yiladi.
12. Belgilab qo‘yilsinki, mehnat shartnomalarini, amaldagi mehnat
shartnomalariga o‘zgartirishlarni, ularning tugatilishini “YaMMT” IDAKda o‘z

vaqtida ro‘yxatdan o‘tkazish, shuningdek, elektron mehnat daftarchasini
shakllantirish uchun mas’uliyat ish beruvchi zimmasiga yuklatiladi.
13. O‘zbekiston Respublikasi Bandlik va mehnat munosabatlari vazirligining
jismoniy shaxslarga ixtiyoriy ravishda o‘tgan davrdagi ishga joylashganlik
to‘g‘risidagi ma’lumotlarni mustaqil tarzda “YaMMT” IDAKga kiritish huquqini
berish, bunda jismoniy shaxslar ixtiyoriy ravishda kiritgan ma’lumotlar
O‘zbekiston Respublikasi Moliya vazirligi huzuridagi Budjetdan tashqari pensiya
jamg‘armasi organlari tomonidan majburiy verifikatsiyalanishini (tasdiqlanishini)
nazarda tutish to‘g‘risidagi taklifi qo‘llab-quvvatlansin.
14. Ish beruvchilar va jismoniy shaxslarni to‘liq qamrab olgan holda “YaMMT”
IDAKni joriy etishni samarali muvofiqlashtirish maqsadida:
Bandlik va mehnat munosabatlari vazirligi markaziy apparati Mehnat standartlari
va mehnatga haq to‘lash boshqarmasi boshqaruv xodimlarining shtatlari soni 16
nafarga oshirilsin;
Qoraqalpog‘iston Respublikasi Bandlik va mehnat munosabatlari vazirligi,
viloyatlar va Toshkent shahar bandlik bosh boshqarmalarida boshqaruv
xodimlarining umumiy soni 84 nafardan iborat bo‘lgan mehnat standartlari va
mehnatga haq to‘lash bo‘limlari tashkil etilsin.
Belgilansinki, yuqorida ko‘rsatilgan umumiy soni 100 nafardan iborat boshqaruv
xodimlari shtatlari tuman (shahar) aholi bandligiga ko‘maklashish markazlaridagi
kasbiy qayta o‘qitishni tashkil etish shu’basi mutaxassislari lavozimini 0,5
stavkaga qisqartirish hisobiga kiritiladi.
15. O‘zbekiston Respublikasi Bandlik va mehnat munosabatlari vazirligi:
O‘zbekiston Respublikasi Mehnat kodeksining ishlab chiqilayotgan yangi tahriri
loyihasida mazkur qarorda keltirilgan me’yorlarni nazarda tutsin;
bir oy muddatda Direksiyaning ta’sis hujjatlari va tuzilmasini ishlab chiqsin hamda
tasdiqlasin;
uch oy muddatda Direksiyani, shu jumladan, yuqori malakali xorijiy mutaxassislar
va chet eldagi yetakchi ta’lim muassasalarini tamomlagan respublikamiz fuqarolari
orasidan bilim va ko‘nikmaga ega professional mutaxassislar bilan to‘ldirishni
ta’minlasin.
16. O‘zbekiston Respublikasi bandlik va mehnat munosabatlari vaziriga quyidagi
huquqlar berilsin:

O‘zbekiston Respublikasi Prezidenti huzuridagi Davlat xizmatini rivojlantirish
agentligi bilan kelishilgan holda, Direksiya tuzilmasiga o‘zgartirishlar kiritish va
xodimlarning cheklangan umumiy sonini belgilash, shu jumladan zarur hollarda
Bandlikka ko‘maklashish jamg‘armasi mablag‘lari hisobidan qo‘shimcha shtat
birliklarini kiritish;
mehnat bozoridagi haqiqiy holatni hisobga olgan holda Mehnat organlari xodimlari
mehnatini rag‘batlantirish va moddiy-texnik bazasini mustahkamlash
jamg‘armasining budjetdan tashqari mablag‘lari hisobiga shartnoma asosida tor
doiradagi mutaxassislarni Direksiyada ishlash uchun jalb etish.

Mehnat shartnomasini ro‘yxatdan o‘tkazish

Купить

Похожие документы
2001-yil sentabr voqealri va uning xalqaro munosabatlarga
1945-1990-yillarda Buyuk Britaniya
1918-1923 yillarda xalqaro munosabatlar, Versal Vashington siyetemasining tuzilishi
Ahmad al-farg‘oniy
Almashlab ekishni loyihalashtirish va joriy etish