Nazorat borasidagi ijtimoiy sheriklikning nazoratga doir bilimga bog‘liqligi - Педагогика - Рефераты

Информация о документе

Цена	2000UZS
Размер	29.0KB
Покупки	0
Дата загрузки	07 Ноябрь 2026
Расширение	docx
Раздел	Рефераты
Предмет	Педагогика

Nazorat borasidagi ijtimoiy sheriklikning nazoratga doir bilimga bog‘liqligi

Купить

Nazorat borasidagi ijtimoiy sheriklikning nazoratga doir bilimga
bog‘liqligi
Reja
1.Jamiyat taraqqiyotining muhim sharti bo‘lgan ijtimoiy tartibning
o‘rnatilishi ijtimoiy sherkilikka bog‘liqligi.
2. Nazorat borasida ijtimoiy sheriklikni nazoratga doir bilimga bog‘liqligi.
3.Nazorat borasidagi ijtimoiy sherikilikning ma’naviyatga bog‘liqligi.

1.Jamiyat taraqqiyotining muhim sharti bo‘lgan ijtimoiy tartibning
o‘rnatilishi ijtimoiy sherkilikka bog‘liqligi.
Bugungi kunda insoniyat jamiyatidagi ijtimoiy muammolarni hal qilishning
eng samarali yo‘li ijtimoiy munosabatlarning madaniylashgan shakli bo‘lgan
ijtimoiy sheriklikdir. Ijtimoiy tartib muammosining yechimi ham ijtimoiy
sheriklikka bog‘liq bo‘lmoqda. “K uchli davlatdan – kuchli fuqaorlik jamiyati sari ”
tamoyili fuqarolik jamiyati shakllanishi jarayonida davlat va fuqarolik jamiyati
institutlari o‘rtasida ijtimoiy sheriklik va hamkorlikni taqozo etadi. Boshqacha
qilib aytganda, davlat ham, fuqarolik jamiyati institutlari ham kuchli davlatdan –
kuchli fuqarolik jamiyatiga o‘tish maqsadlariga xizmat qilishlari lozim. Fuqarolik
jamiyatining asosiy maqsadi va vazifasi mamlakatda ijtimoiy tartibni o‘rnatishga
xizmat qiladigan huquq va axloq normalariga rioya etishni nazorat qilishdan iborat.
Shuning uchun davlat va jamiyat o‘rtasidagi hamkorlik va sheriklik ham aynan ana
shu nazorat borasida bo‘lishi lozim. Chunki bugungi kunga qadar ijtimoiy tartibni
o‘rnatishga davlat nazorati mas’ul bo‘lib keldi. Lekin tarix shundan guvohlik
bermoqdaki, faqat yuqoridan amalga oshiriladigan davlat nazoratining o‘zi ijtimoiy
tartibning barqarorligini ta’minlash uchun yetarli emas. Buning uchun nazorat
borasida davlat bilan jamiyatning hamkorligi va sherikligi taqozo etilmoqda.
Ijtimoiy sheriklik va hamkorlik to‘g‘risida gapirishdan oldin uning
mazmun-mohiyatini anglab olish lozim. Ijtimoiy sheriklik va hamkorlik deganda
jamiyat hayotidagi muhim jarayonlarda ijtimoiy munosabatlarning
sivilizatsiyalashgan tizimini tushunish lozim. Aniqroq qilib aytganda, ijtimoiy
sheriklik va hamkorlik – jamiyat hayotini ijtimoiy - siyosiy va sotsial- iqtisodiy
sohalardagi dolzarb muammolari bo‘yicha xodimlar, ish beruvchilar, tadbirkorlar,
davlat hokimiyat organlari va mahalliy o‘zini-o‘zi boshqarish organlari
manfaatlarini kelishtirish, murosaga solish va himoya qilishga asoslangan ijtimoiy
mehnat sohasidagi munosabatlarning sivilizatsiyalashgan, ya’ni madaniylashgan
tizimidir. Sivilizatsiyalashgan munosabat deganda bir tomon ikkinchi tomonning
manfaatini o‘ylashi , e’tiborga olish i va o‘z ehtiyojlarini qondirishda ma’lum bir
me’yorlarni buzmasdan harakat qilish i yoki chegaradan chiqmasligi tushunilishi

lozim. Bundan tashqari, o‘zaro munosabatda bag‘rikenglik, o‘zaro tushunish,
etikaga rioya qilish va ularga asoslangan holda harakat qilish kerak hamda har bir
inson o‘z manfaatini to‘g‘ri ifodalashi lozim. Manfaatni to‘g‘ri ifodalash deganda
insonning jamiyatdagi ahamiyati bilan mavqei o‘rtasidagi munosiblik tushuniladi ,
ya’ni inson jamiyatda bajarayotgan funksiyalaridan kelib chiqib o‘zini ng
manfaatini ifodalashi lozim. Hozirgi kunda ijtimoiy sheriklik va hamkorlik nafaqat
ijtimoiy mehnat sohasidagi , balki ancha kengroq tushunilmoqda, ya’ni sotsial
davlatni shakllantirish jarayoni munosabatlaridagi ijtimoiy sheriklik va hamkorlik
sifatida tushunilmoqda.
Ijtimoiy sheri k lik va hamkorlikda asosiy e’tibor jamiyatda tartib
o‘rnatadigan huquq va ahloqqa rioya qilishni nazorat qilishga qaratilishi lozim.
Shuning uchun O‘zbekiston Respublikasi Birinchi Prezidenti I.A.Karimov 2010
yilning 2 7 yanvarida Parlamentning qo‘shma majlisida ma’ruza qilib, nazorat
masalasiga alohida e’tibor qaratdi va: “Boshqaruv idoralari faoliyati ustidan
jamoatchilik nazoratini o‘rnatishda mahallaning vazifalarini kengaytirib borish,
davlat ijtimoiy dasturlarining hayotga tatbiq etilishi bo‘yicha joylarda amalga
oshirilayotgan ishlardan jamoatchilikni keng xabardor qilish maqsadida davlat
organlarining fuqarolarning o‘zini-o‘zi boshqarish idoralari bilan mustahkam
hamkorligini ta’minlash bundan buyon ham doimiy e’tiborimiz markazida bo‘lishi
kerak”, deb ta’kidladilar. Nazorat to‘g‘risidagi fikrlarni davom ettirib , Birinchi
P rezidentimiz 2010 yil 12 noyabrda Parlamentning qo‘shma majlisidagi
ma’ruzalarida nazorat borasida hamkorlik to‘g‘risidagi g‘oyalarini davom ettirib ,
davlat va jamiyat o‘rtasida ijtimoiy sheriklikni o‘rnatish kerakligi to‘g‘risidagi
fikr larni ilgari surdilar. Ushbu maqsadda “ O‘zbekistonda jamoatchilik nazorati
to‘g‘risida ” va “Ijtimoiy sheriklik to‘g‘risida”gi qonunlarni qabul qilish to‘g‘risida
takliflar berildi. Bu gungi kunda bu qonunlar qabul qilingan bo‘lib, ular davlat va
jamiyat o‘rtasid a nazorat borasidagi ijtimoiy sheriklikning huquqiy asosi bo‘lib
xizmat qil moqda .
Davlat va fuqarolik jamiyati inst it utlari o‘rtasida hamkorlik o‘rnatilishi
uchun har ikkala tomon ham hamkorlikdan manfaatdor bo‘lishlari lozim. Buning

uchun har ikkala tomonning umumiy maqsadi bo‘lishi va shu maqsadga erishish
yo‘lida hamkorlikka ehtiyoj sezishi lozim. Umumiy maqsadimiz bo‘lgan ozod,
obod va farovon jamiyat qurishning asosiy sharti bu jamiyatda ijtimoiy tartib
o‘rnatilishidir. Jamiyatdagi tartib, yuqorida ta’kidlaganimizdek, har bir oiladagi
tartibdan tashkil topadi. Jamiyatda tartib o‘rnatilishi uchun esa , ijtimoiy tartibni
o‘rnatishga xizmat qiladigan huquq va axloqqa rioya qilishni ta’minlaydigan
nazorat tizimi shakllangan bo‘lishi lozim. Davlat va fuqarolik jamiyati
institutlarining nazorati u shbu nazorat tizimining asosiy elementlari hisoblanadi.
Ana shu nazorat tizimining samarali ishlashi ularning elementlari o‘rtasida , ya’ni
davlat va fuqarolik jamiyati o‘rtasida ijtimoiy sheriklik va hamkorlikni taqozo
etadi.
Mahalliy hokimiyat organlarining nodavlat notijorat tashkilotlar va
fuqarolik jamiyatining boshqa institutlari bilan hamkorligi bo‘yicha taklif-tavsiya
ishlab chiqish maqsadida Samarqand viloyatida fuqarolik jamiyati shakllanishi
monitoringi mustaqil instituti (FJ ShMMI )da 2010 yilning 9 aprelida “ Siyosiy
partiya va deputatlar korpusining nazorat tizimidagi o‘rni ”, 2010 yil 13 mayda
“K uchli fuqarolik jamiyatini shakllantirishda ommaviy axborot vositalarining
o‘rni ” , 2010 yil 1 iyunda “ Vakillik hokimiyati mahalliy organlari tomonidan
amaldagi qonunchilik ijrosini ta’minlanishi ” , 2010 yil 19 iyulda “ Barcha
darajadagi deputatlarning fuqarolik pozitsiyasi hamda shaxsiy javobgarligini
oshirish ” , 2010 yil 8 sentyabrda “ Mahalliy va boshlang‘ich partiya
tashkilotlarining samarali ish i ni shakllantirish va tashkil etish masalalari ”
mavzu s ida seminarlar va suxbatlar, shu yil 24 sentyabrdan STVda “ Nazorat
tizimini takomillashtirishda nazoratga doir bilimni ng o‘rni ” mavzu s ida tok - shou
dav r a suhbati o‘tkazildi. Ushbu tadbirlar muntazam ravishda FJShMMI
Samarqand hududiy bo‘linmasi tomonidan o‘tkazib kelinmoqda. 2013 yil 11
yanvarda saylov jarayonida nazoratni kuchaytirishga qaratilgan “O‘zbekistonda
fuqarolarning saylov huquqi erkinligini ta’minlash masalalari” mavzu s ida seminar
o‘tkazildi.O‘tkazilgan tadbirlardan shu narsa ma’lum bo‘ldiki, davlat va fuqarolik

jamiyati o‘rtasidagi xamkorlik hali yetarli darajada yo‘lga qo‘yilmagan, u endigina
shakllanmoqda.
2. Nazorat borasida ijtimoiy sheriklikni nazoratga doir bilimga
bog‘liqligi.
Ijtimoiy sheriklik va hamkorlikning samarali bo‘lishi uchun har ikkala
tomon teng bo‘lishi lozim. Aks holda tomonlardan biri ikkinchi tomonga tobe
bo‘lib qolishi mumkin. Huquqiy jihatdan har ikkala tomon teng bo‘lsa ham,
amalda davlat institutlaring mavqei ancha yuqori va kuchlidir. U lar o‘rtasida teng
huquqli hamkorlikni shakllantirish fuqarolik jamiyati institutlarining kuchli
bo‘lishini talab etadi. Shuning uchun Birinchi Prezidentimiz I.A.Karimov
Parlamentning 2010 yil 12 noyabrdagi qo‘shma majlisida asosiy e’tiborni
parlament rolini oshirishga qaratgan edilar. Lekin bugungi kunda ham ushbu
muammo o‘z dolzarbligini saqlab qolmoqda. Shuning uchun ham O‘zbekiston
Respublikasi Prezidenti Sh.M.Mirziyoev 2017 yilning 22 dekabrida va 2018
yilning 28 dekabrida parlamentga qilgan murojaatnomalarida asosiy e’tiborni
fuqarolik jamiyatini kuchli qilishga qaratdilar. Chunki hozirgi kunda qonun va ijro
hokimiyati o‘rtasidagi munosabatda ijroiya hokimiyatining mavqei ancha yuqori.
Fuqarolik jamiyati institutlarining kuchliligi esa kuchli fuqaro bo‘lishiga bog‘liq.
Kuchli fuqaroning shakllanishi jamiyat siyosiy madaniyati o‘sishi orqali
evolyusion yo‘l bilan ta’minlanishi mumkin. Shuning uchun jamiyat
rivojlan i shining hozirgi bosqich ida ijtimoiy sheriklik va hamkorlikni fuqarolik
jamiyati institutlari o‘rtas ida mustahkamlash, ya’ni siyosiy partiyalar bilan
nodavlat- notijorat tashkilotlar o‘rtasida yoki fuqarolik jamiyati institutlari bilan
ommaviy axborot vositalari o‘rtasidagi hamkorlikni rivojlantirish lozim.
Ijtimoiy sheriklik va hamkorlik teng huquqli sub’ektlarning munosabat
tizimi sifatida qabul qilingan majburiyatlarga rioya qilishda huquqiy va ahloqiy
tamoyillarga asoslanadi. Ijtimoiy sheriklik va hamkorlik munosabatining mazmuni
ijtimoiy adolat va ijtimoiy birdamlik muammolariga bo‘lgan munosabatdir.
Boshqacha qilib aytganda, jamiyatda ijtimoiy adolat va ijtimoiy birdamlikni

shakllantirish borasida hamkorlik qilish ushbu jarayonning mazmunidir. Ijtimoiy
sheriklik va hamkorlik huquq va axloqqa rioya etishni nazorat qilishga qaratilgan
bo‘lib, har ikkala tomon ham huquq va axloqning ishlab turishidan
manfaatdorligiga asoslanadi. Chunki har ikkala tomon uchun ijtimoiy tartib bir xil
zaruratdir.
Nazorat borasida ijtimoiy sheriklik va hamkorlikni amalga oshirish uchun
jamiyatda nazoratga doir bilim yuqori bo‘lishi lozim. Nazoratga doir bilim yuqori
bo‘lishi uchun esa ta’lim tizimida nazoratga doir bilim kengroq o‘rganilishi va
yoritilishi lozim. Buning uchun, yana takror aytamizki, oliy ta’lim tizimi o‘quv
dasturiga “Ijtimoiy nazorat” o‘quv kursini kiritish maqsadga muvofiqdir. Ushbu
maqsad talablaridan kelib chiqib 2012 yilidan SamDUning ijtimoiy ish
yo‘nalishida ushbu o‘quv kursi joriy qilindi. Endigi maqsad ushbu kursni faqat bir
yo‘nalishda va faqat SamDUda emas, balki mamlakatimizning oliy ta’lim tizimiga
joriy qilish va barcha oliy o‘quv yurtlarida “Ijtimoiy nazorat” kafedrasini va uning
faoliyatni tashkil etishdan iborat.
Jamiyatda nazoratga doir bilim qanchalik yuqori bo‘lsa, nazorat tizimi
shunchalik kuchli bo‘ladi. Kuchli nazorat tizimi esa jamiyat taraqqiyotining muhim
sharti bo‘lgan ijtimoiy tartibni o‘r n a t adi. Nazorat tizimining samarali bo‘lishiga
asosiy to‘siq nafaqat nazoratga doir bilimning yetarli emasligi, balki odamlardagi
befarqli k kayfiyati ham dir. Befarqlik bo‘lgan joyda nazorat tizimi samarali
ishlamaydi. Odamlar ni befarqlikdan xalos qilib, ularda daxldorlik hissini
shakllantirish uchun ma’naviyat yuksalishi lozim. Chunki ma’naviyat irodani
kuchli qilib , mas’ u liyatni oshiradi. Mas’uliyat esa insonning nazorat faoliyatini va,
umuman, insoniy faoliyatni samarali qiluvchi muhim omildir. Ma’n a viyatni
yuksaltirish uchun Birinchi Prezidentimizning “ Yuksak ma’naviya t – yengilmas
kuch ” asaridagi g‘oyalarni odamlar ongu qalbiga chuqur singdirish lozim. Buning
uchun oliy ta’lim mazmunida ma’naviyatning rolini oshirish borasida kompleks
chora-tadbirlar ishlab chiqish kerak. Ma’naviyat nafaqat ta’lim tizimida , balki
ommaviy axborot vositalarida va, eng avvalo, markaziy televedeni e da turli
ko‘rsatuvlarni joriy qilish asosida rivojlantirilishi lozim.

3.Nazorat borasidagi ijtimoiy sherikilikning ma’naviyatga bog‘liqligi.
Ijtimoiy sheriklik va hamkorlik jamiyatda tartib o‘rnatadigan nazorat
tizimini takomillashtirishga xizmat qiladi. Ijtimoiy tartib qonunga rioya qilish
orqali o‘rnatili shi ni va bu, eng avvalo, sud hokimiyatiga bog‘liqligini inobatga
olib, sud hokimiyati hukmining adolatlili gini ta’minlaydigan nazorat jarayonida
ijtimoiy sheriklik va hamkorlikni mustahkamlash maqsadga muvofiqdir. Sud
hokimiyat i ning adolatli hukmi kafolatlaridan biri advakatura tizimidir. A dvakatura
bilan ommaviy axborot vositalari o‘rtasida ijtimoiy sheriklik va hamkorlik
o‘rnatilishi muhim ahamiyatga ega . Bunday hamkorlik sud hokimiyati
adolatliligining kafolatini mustahkamlaydi. Sud hokimiyat i adolat li ligini ng
kaf o latlaridan yana biri – bu sud hokimiyatining ma’naviyati orqali shakllanadigan
vijdon, iymon kabi tushunchalar bilan ta’minlanadigan ichki nazorat bo‘lsa;
ikkinchisi, jamiyat ma’naviyati orqali shakllanadigan jamoatchilik nazoratidir.
Shuning uchun Birinchi Prezidentimiz o‘zlarining chiqishlaridan birida sud ya
hukm chiqarayotganda, qonunga va vijdoniga asoslanishi lozim deb
ta’kidlagandilar. Bu boradagi muammolardan yana biri sudya mustaqilligi bilan
bog‘liq, chunki sudya mustaqil degani nazoratsiz degan tushunchani keltirib
chiqarmoqda. Lekin sud hokimiyati bir shaxsning, bir tashkilotning nazoratidan
mustaqil, lekin jamiyat nazoratidan mustaqil emas.
Ijtimoiy sheriklik to‘g‘risidagi qonun mamlakatni modernizatsiyalash
konsepsiyasidan kelib chiqadi. Konsepsiyaning mohiyati ijtimoiy tartibni
o‘rnatishga xizmat qiladigan nazorat tizimining samarali ishlab turishini
ta’minlaydigan mexanizmni shakllantirishdan iborat. Konsepsiyaning mohiyati
nazorat mexanizmini shakllantirishdan iborat ekan, taklif qilinayotgan qonunlar
ham aynan ana shu nazorat mexanizmini kuchaytirishga xizmat qilishi lozim. Shu
mulohazalardan kelib chiqib, qonunning birinchi, ya’ni qonunning maqsadiga
bag‘ishlangan moddasiga qo‘yidagi qo‘shimchani kiritishni taklif qilamiz:
“ijtimoiy sherikchilik orqali ijtimoiy tartibni o‘rnatadigan nazorat mexanizmini
shakllantirish va mustahkamlash”.

Ijtimo i y sheriklik to‘g‘risidagi qonunning asosiy vazifalarini belgilab
bergan 4-moddasiga quyidagi qo‘shimcha va o‘zgartirishlarni taklif qi l i sh mumkin :
- Jamiyat taraqqiyotining muhim sharti bo‘lgan ijtimoiy tartibni o‘rnatishda
davlat hokimiyati organalariga ko‘mak berish;
- Sud hokimiyati qarorlarining adolatliligi kafolatlarini shakllantirish va
kuchaytirish.
Shu moddaning 6-bandini quyidagicha o‘zgartirishni taklif qilish mumkin:
Davlat hokimiyati va boshqaruvi organlari hamda sud-huquq tizimida qonunga
rioya qilishning jamoatchilik nazorati tizimini rivojlantirish.
Qonunning 14-moddasiga quyidagi qo‘shimchani kiritish maqsadga
muvofiq bo‘lar edi: Ommaviy axborot vositalari orqali sud-huquq tizimi
faoliyatining ochiqligi va oshkoralagini ta’minlash.
16-moddasidagi “Davlat hokimiyati va boshqaruvi organlari ustidan
jamoatchilik nazoratini ta’minlash” degan qismga quyidagi qo‘shimchani kiritish
lozim: jumladan, sud-huquq tizimida .
Qonunning 16-moddasidagi “Sotsial-iqtisodiy rivojlanishning kompleks
dasturlarini amalga oshirishni nazorat qilish” degan jumladan so‘ng quyidagi
qo‘shimchani kiritish kerak: va sud-huquq tizimida qonunchilik talablariga rioya
qilinishini.
21-moddasiga quyidagi qo‘shimcha kiritilishi to‘g‘ri bo‘ladi deb
o‘ylaymiz: fuqarolik jamiyati institutlari o‘rtasida.
Fuqarolik jamiyatini shakllantirish jarayonida ma’naviyatga, ayniqsa
oilaga yetarli darajada e’tibor qilmaslik natijasida oilaning global inqirozi kelib
chiqdi. Bu inqiroz, ayniqsa, G‘arb mamlakatlarida yaqqolroq namoyon bo‘lmoqda.
Bunday holat bizlarda ham ro‘y bermasligi uchun oilaga bo‘lgan e’tiborni
kuchaytirib borish lozim. Buning uchun oilani ijtimoiy sheriklik va hamkorlik
asosida mustahkamlash kerak. Mamlakat boyligi, tartibi oiladagi boylik va
tartibdan tashkil topishini hamma anglab yetishi kerak. Shuning uchun ijtimoiy
hamkorlik asosiy e’tiborni oilaga qaratishi lozim, ya’ni ijtimoiy hamkorlikning
ob’ekti oila bo‘lishi kerak. Davlat ham, jamiyat ham oilani mustahkamlashdan bir

xil manfaatdordir. Shunday ekan, oilani sog‘lomlashtirish va mustahkamlash
umumiy maqsad bo‘lib, oilani mustahkamlash jamiyatni mustahkamlash ekanligini
nazardan qochirmaslik kerak .
Xulosa qilib shuni aytish mumkinki, jamiyat taraqqiyoti tartibga, tartib esa
nazoratga bog‘liq, ijtimoiy sheriklik va hamkorlik aynan ana shu nazorat borasida
bo‘lishi va nazorat tizimini takomillashtirishga qaratilishi lozim. Nazorat borasida
ijtimoiy sheriklik va hamkorlik jamiyat ma’naviyati bilan belgilanishini inobatga
olsak, asosiy e’tibor jamiyat ma’naviyatini yuksaltirishga qaratilib, bu borada
yuqorida ta’kidlaganimizdek, Birinchi Prezidentimizning “Yuksak ma’naviyat –
yengilmas kuch” asaridagi g‘oyalarini odamlarning ongu shuuriga, qalbiga
singdirishga qaratilishi lozim. Ma’naviyatning yuksalishi odamlarda ichki
nazoratni ko‘chaytirib, nazorat tizimining samarali ishlab turishini ta’minlaydigan
mex a nizmning asosiy elementini tashkil etadi. Ma’naviyat orqali shakllanadigan
ichki nazorat oilani global inqirozdan olib chiqishda ham muhim rol o‘ynaydi.
Mamlakatning boyligi va tartibi oiladagi boylik va tartibdan tashkil topishini bir
soniya ham un u tmasligimiz kerak.
Nazorat borasidagi ijtimoiy sheriklik “Kuchli davlatdan – kuchli fuqarolik
jamiyati sari” tamoyili mohiyatidan kelib chiqadi. Bizda kuchli davlat va nisbatan
kuchsiz jamiyat shakllangan . Ular o‘rtasida hamkorlik va sheriklik bo‘lishi uchun
jamiyat ham kuchli bo‘lishi lozim. Jamiyatning asosiy vazifasi nazorat ekanligidan
kelib chiqib, nazoratni kuchaytiruvchi muhim shart bo‘lgan nazoratga doir bilimni
keng targ‘ib qilish borasida kompleks chora-tadbirlar ishlab chiqish va uni amalga
tatbiq etish maqsadga muvofiqdir. Nazorat faoliyatiga doir bilimni ishlab chiqish
va talabalarga o‘qitish maqsadida ushbu yo‘nalishda ilmiy pedogogik faoliyatni
amalga oshiradigan kafedrani ochish zamon talabi hisoblanadi.

Foydalanilgan manba va adabiyotlar:
.Mirziyoev Sh.M. Tanqidiy tahlil, kat’iy tartib intizom va shaxsiy javobgarlik
barcha darajadagi rahbarlarning kundalik hayot qoidasi bo‘lishi kerak. Toshkent.
O‘zbekiston. 2017 yil.
2. Mirziyoev Sh.M. 2017-2021 yillvarda O‘zbekiston Respublikasini
rivojlantirishning besh ustuvor yo‘nalishi bo‘ycha Harkatlar strategiyasi. Toshkent.
O‘zbekiston. 2017 yil.
3.Mirziyoev Sh.M. Yangi O‘zbekiston strategiyasi. Toshkent, 2021 yil.- 464 b.
4.Karimov I. A. Mamlakatimizda demokratik islohotlarni yanada chuqurlashtirish
va fuqarolik jamiyatini rivojlantirish konsepsiyasi. T. O‘zbekiston. 2010 y.
5.Bafoev Sh. Jamoatchilik nazorati demokratik huquqiy davlat va fuqarolik
jamiyati qurishning muhim omili sifatida // Ijtimoiy fikr. Inson huquqlari. – 2007
№ 1.
6.Mustafoev M. Jamoatchilik nazorati – jamiyat muvozanati // Muloqot 2004 y. №
4
7.Muxtorov N. Amnistiya aktlarini qo‘llanilishida jamoatchilik nazorati: davlat
boshqaruv organlari va fuqarolik jamiyati institutlarining hamkorligi // Fuqarolik
jamiyati – Grajdanskoe obщestvo – Civil Society. 2010 y. № 3
8.Nabiev T., Soleev A. O‘zini o‘zi boshqarish organlari jamoatchilik nazoratining
sub’ekti sifatida // Fuqarolik jamiyati – Grajdanskoe obщestvo – Civil Society.
2008 y. № 4
9.Nabiev F. X. Obespechenie i sovershenstvovanie obщestvennogo kontrolya v
programmnыx dokumentax politicheskix partiy Uzbekistana // Fuqarolik jamiyati
– Grajdanskoe obщestvo – Civil Society. 2010 № 3
10.Nabiev F. X. Ijtimoiy nazorat. Samarqand. 2016 yil.

Nazorat borasidagi ijtimoiy sheriklikning nazoratga doir bilimga bog‘liqligi

Купить

Похожие документы
2001-yil sentabr voqealri va uning xalqaro munosabatlarga
1945-1990-yillarda Buyuk Britaniya
1918-1923 yillarda xalqaro munosabatlar, Versal Vashington siyetemasining tuzilishi
Ahmad al-farg‘oniy
Almashlab ekishni loyihalashtirish va joriy etish