O’zimizdan boshlaylik. O’qituvchilarga tavsiyalar - Педагогика - Презентации

Информация о документе

Цена	3000UZS
Размер	1.5MB
Покупки	0
Дата загрузки	23 Апрель 2024
Расширение	pptx
Раздел	Презентации
Предмет	Педагогика

O’zimizdan boshlaylik. O’qituvchilarga tavsiyalar

Купить

O’zimizdan boshlaylik. O’qituvchilarga tavsiyalar

Respublikamizda shu vaqtgacha ko‘zi ojiz va zaif ko‘ruvchi maxsus maktab-internatlar mavjud bo‘lsada ushbu maktablarda yetarli darajada tiflopedagog o‘qituvchilar va o‘quv dasrturlarining yetishmasligi kuzatilayotgan edi. O‘zbekiston Respublikasi Prezidentining 2020- yil 13-oktyabrdagi “Alohida ta’limga ehtiyojlari bo‘lgan bolalarga ta’lim-tarbiya berish tizimini yanada takomillashtirish chora-tadbirlari to‘g‘risida”gi PQ- 4860 sonli qarorida belgilangan vazifalarning ijrosini ta’minlash,

O‘zbekistonda alohida ta’limga ehtiyojlari bo‘lgan bolalarga ta’lim-tarbiya berish tizimini takomillashtirish, ularga ko‘rsatiladigan ta’lim xizmatlari sifatini yaxshilash borasidagi muammolarni aniqlash hamda ularni bartaraf etish yuzasidan tavsiyalarni ishlab chiqish maqsadida O‘quvchilarni kasb-hunarga yo‘naltirish va pedagogik psixologik respublika tashxis markazi tomonidan tiflopedagog o‘qituvchilarni qayta tayyorlash kurslari va “Inkyuziv ta’lim laboratoriyasi” tashkil etilib, inklyuziv ta’lim maktablari va ommaviy maktablarda tashkil etilgan korreksion sinflar uchun moslashtirilgan adaptiv dasturlar tuzish ishlari yo‘lga qo‘yi ld

Ko‘zi ojiz o‘quvchilar ta’limi Ko‘zi ojiz o‘quvchilarning kelajakdagi hayotga moslashuvi va o‘z o‘rnini topib, to‘liq ish bilan ta’minlanishidagi muammolar doimiy ravishda barchamizni birdek tashvishga solib keladi. Bu muammo faqat birgina bizda emas butun dunyo mamlakatlarida kuzatiladi. Ushbu muammoli holatning yechimi maktabgacha ta’limdan boshlab korreksion rivojlantiruvchi va moslashib harakatlanish, o‘zo‘ziga xizmat qilish ko‘nikmalarini shakllantirish, qo‘l motorikasini rivojlantirish atrof muhitda o‘zini idora qilish va boshqa hayotiy ko‘nikmalarini shakllantirishga erishishdan boshlanishi zarur.

Maktab ta’limi jarayonida barcha fanlarni o‘qitish bilan bir qatorda, boshlang‘ich sinflardan boshlab kasbga yo‘naltirish, imkoniyati va iqtidoridan kelib chiqqan holda kasb tanlashishiga erishish zarur.Yuqori sinflarda “Kasb-hunar ta'limi” jarayonida o‘quvchilar kasblar bo‘yicha umumiy ma’lumot olish bilan bir qatorda qiziqqan va o‘zi uchun tanlagan kasbi haqida chuqurroq ma’lumot olishi uchun sharoit yaratilgan bo‘lmog‘i zarur. Bolalarni maktabgacha va kichik maktab yoshidan boshlab kasb–hunarga yo‘naltirish ishlarini boshlash talab qilinadi. Bu ishlar ko‘rishida muammosi bo‘lgan o‘quvchilarni kelajakdagi hayotlarida ish bilan ta'minlanishi uchun juda muhim hisoblanadi.

Har bir o‘quvchi o‘z oldiga maqsad qilib olib turli xil kasblardan birini tanlashi kerak yoki o‘qituvchi hamda jamoa vakillari ma’lum bir kasb tanlashiga ko‘maklashishi talab qilinadi. Shuningdek, har bir o‘quvchi o‘zi haqida, o‘zining qobiliyatlari va potensiallari to‘g‘risida aniq tushunchalarni bilishi, zarur hollarda chetdan rivojlantirilishi kerak.

Sog‘lom va nogironligi mavjud bo‘lgan bolalarni birgalikda o‘qitish uchun o‘quv jarayonini psixologik, pedagogik, didaktik loyihalash usullarini bilishi; ta'lim muhitining barcha sub'ektlari (har bir bolalar bilan individual va guruhda ishlash, ota-onalar, hamkasblar, mutaxassislar, menejment vakillari bilan) o‘rtasida turli xil pedagogik hamkorlik usullarini amalga oshirish qobiliyatini mavjud bo‘lishi;

Inklyuziv ta’lim o‘qituvchisining kasbiy faoliyat yo‘nalishlari; - Oldini olish; - Tashxis qo‘yish va maslahat berish; - Pedagogik ta'lim berish; - Psixologik va psixoterapevtik yordamda ishtirok etish; - Ta’lim va ijtimoiy- pedagogik faoliyatda faol ishtirok etish; - Ta’limni tashkil etish va boshqarish; - O‘qitish faoliyati;

Inklyuziv ta’limda zamonaviy bilim va texnologiya bilan qurollangan tiflopedagog faoliyati. Biz rivojlanishida muammosi bo‘lgan bolalar bilan ishlaydigan insonparvar o‘qituvchining eng muhim kasbiy ahamiyatli xususiyatlari qanday bo‘lishi kerak degan savolga quyidagicha javob beramiz

Rahmdil, insoniy munosabatlar, bolalar uchun foydali bo‘lish istagi, o‘zini o‘zi qadrlash, hamdardlik, kuchli mas’uliyat, sabr- toqat, bag‘rikenglik, stressli vaziyatlarga nisbatan bag‘rikenglik, rivojlanishida muammosi bo‘lgan bolaning shaxsiga hurmat hissini o‘zida jamlash kabilardir

Asosiy vazifa - Ko‘rish qobiliyati past bo‘lgan bolalarning ko‘p qirrali rivojlanishi uchun sharoit yaratish va ikkilamchi (ya’ni, asosiy zaiflik tufayli) rivojlanish nuqsonlarini yengib o‘tishi uchun ko‘maklashishdir.

Yordam guruhi quyidagilarni o‘z ichiga olishi mumkin: • o‘quvchi ; • ota-onalar; • sinf o‘qituvchilari; • maxsus ta’lim resurs o‘qituvchisi; • maktab direktori; • o‘qituvchi yordamchisi (lar); • ko‘rish qobiliyati cheklangan o‘quvchilar uchun o‘quv maslahatchisi;

• ko‘z mutaxassisi; • yo‘nalish va harakatchanlik bo‘yicha mutaxassis; • texnologiya mutaxassisi; • maktab maslahatchisi; • alohida ehtiyojli o‘quvchilar uchun maktab bo‘linmasi koordinatori; • o‘rinbosar o‘qituvchisi; • tegishli xizmat ko‘rsatuvchi provayderlar (o‘qitish psixologi, kasbiy va fizik terapevt, logoped va defektolog va boshqalar )

Maktab jamoasining oila bilan ishlashning asosiy funksiyalari: “Xavfsizlik va himoya” sida bu bolalar hayoti xavfsizligini, tashqi tahdidlardan himoyalanishni ta'minlash, bolaning qonuniy huquq va manfaatlarini qonuniy himoya qilish hamda unga shoshilinch yordam ko‘rsatishga qaratilgan. Profilaktika funksiyasi boshqa muassasalar va tashkilotlar bilan hamkorlikda o‘qituvchilar yordamga muhtoj oilalarni erta aniqlash bo‘yicha ish olib boradilar, oila ichidagi nizolarni hal qilishda o‘z vaqtida yordam ko‘rsatadilar va oilaviy ta'lim sharoitlarini yaxshilash bo‘yicha tavsiyalar beradilar, malakali huquqiy va psixologik yordam ko‘rsatadilar.

Mutaxassislarning oilalari bilan faoliyati uchta yo‘nalishda amalga oshiriladi. Ta'lim yo‘nalishida ota -onalarga ta'lim - tarbiyada yordam berishni o‘z ichiga oladi. O‘qitishga yordam ota -onalarning pedagogik madaniyatini shakllantirishga va ularni tarbiyalashga qaratilgan. Tarbiyada yordam berish oilaning tarbiyaviy salohiyatini mustahkamlash maqsadida maxsus tarbiyaviy vaziyatlarni yaratish orqali amalga oshiriladi.

EʼTIBORINGIZ uchun rahmat !

Купить