Photoshopda mashtablar bilan ishlash hamda photoshop imkonyatlari - Педагогика - Рефераты

Информация о документе

Цена	2000UZS
Размер	35.0KB
Покупки	0
Дата загрузки	07 Ноябрь 2026
Расширение	docx
Раздел	Рефераты
Предмет	Педагогика

Photoshopda mashtablar bilan ishlash hamda photoshop imkonyatlari

Купить

Photoshopda mashtablar bilan ishlash hamda photoshop imkonyatlari
Reja:
1.Photoshop imkonyatlari
2.Photoshop versiyalari
3.Mashtablar bilan ishlash

Kompyuter grafikasi tasvirlarni yaratish va qayta ishlashda vosita sifatida
kompyuter qo‘llaniladigan faoliyat sohasi hisoblanadi. Kompyuter grafikasini
qo‘llash sohasiga qarab ilmiy grafika, biznes grafika, konstruktorlik grafika,
tasviriy grafika, badiiy grafika, kompyuter animatsiyasi, multimediya va
boshqalarga ajratadi. Kompyuter grafikasining turiga qarab rastrli, vektorli va
fraktal kompyuter grafikalarini ajratish mumkin. Adobe Photoshop dasturi rastrli
grafik muharriri xisoblanib Adobe Inc. kompaniyasi tomonidan Windows va
MacOS operatsion tizimlari uchun ishlab chiqilgan. Photoshop dasturi ko‘p qavatli
rastrli tasvirlarni yaratish va tahrirlash, maska va ko‘p rang modellarini qo‘llash
imkoniyatini beradi. Ushbu xususiyatlarni qo‘llash uchun dastur o‘zining PSD va
PSB fayl formatlarini ishlatadi. Rastrli grafikadan tashqari dastur vektorli grafika
va 3D grafikalar bilan ishlash uchun cheklangan imkoniyatlari mavjud. Photoshop
dasturi tasvirlarni piksellar to‘plami sifatida yaratadi. Photoshop dasturining
mo‘yqalam, aerograf, pero va qalam kabi uskunalari yordamida tasvirni rassom
kabi xolstda yaratib olish mumkin. Dasturdagi barcha uskunalarning
xususiyatlarini foydalanuvchi talabiga mos ravishda o‘zgartirib olish mumkin.
Photoshop dasturining ustunlik tomonlaridan biri bu qavatlarning qo‘llanilishi. Har
bir qavatni tasvirning qolgan qismiga ta’sir qilmagan holda mustaqil ravishda
o‘zgartirish va xususiyatlarini belgilab olish mumkin. Photoshop dasturining
asosiy qo‘llanilish sohasiga tasvirlarni retushlash, matn bo‘laklarini o‘z ichiga
oluvchi kompozitsiyalarni yaratish, boshqa grafik muharrirlarda yaratilgan
tasvirlarni tahrirlash, dasturning uskunalari va vositalaridan foydalanib chizish
texnikasini taqlid qilgan holda tasvir yaratish kiradi. Photoshop dasturining asosiy
imkoniyatlariga raqamli tasvirlarni qayta ishlash, ranglarni sozlash, tasvir
nuqsonlarini yo‘qotish, ko‘p qavatli tasvirlarni yaratish, fotomontaj, fotokollajlarni
yaratish, retushlash va eski rasmlarni tiklash, eskizlar yaratish, matnlar bilan
ishlash, teksturalar yaratish, tasvirlarni chop etishga tayyorlash, tasvirlarning turli
standartlari va formatlarini qo‘llash kiradi. 4 PHOTOSHOP DASTURI BILAN
TANISHISH Yangi hujjat yaratish Photoshop dasturida hujjat yaratishda bo‘sh
xolst o‘rniga Adobe Stock ning keng ko‘lamdagi andozalaridan foydalanish

mumkin. Andozalar loyiha uchun tayyor tasvir va boshqa elementlardan tashkil
topadi. Photoshop dasturida andozalar bilan ishlash odatiy hujjatlar bilan
ishlagandek amalga oshiriladi. Bundan tashqari yangi hujjat yaratishda tayyor
hujjat o‘lcham andozalaridan ham foydalanish yoki hujjat o‘lchamini mustaqil
berish ham mumkin. Keyin foydalanish uchun foydalanuvchi hujjat o‘lchamini
saqlab olish imkoniyati mavjud. Andozalar va o‘lcham andozalari Andozalar hujjat
uchun andoza va qayta ishlanadigan elementlarni taqdim etadi. Sifatli tasvirlar va
grafiklardan tashkil topgan andozalarni Photoshop dasturi ichidan Adobe Stock
dan yuklab olish mumkin. Ushbu andozalar asosida belgilangan xususiyat va
dizayn elementlariga ega hujjat yaratib olish mumkin. Andozalar .psd
kengaytmasiga ega. Bo‘sh hujjat o‘lcham andozalari - oldindan belgilangan
o‘lcham va xususiyatga ega bo‘sh hujjat. O‘lcham andozalari ma’lum qurilmalar
uchun hujjat yaratishni osonlashtiradi. Bo‘sh hujjat o‘lcham andozasi oldindan
belgilangan o‘lcham, rang rejimi, o‘lchov birligi, yo‘nalishi, joylashishi va
nuqtalar zichligi kabi xususiyatlariga ega. Andozalar va o‘lcham andozalarni
quyidagi guruhlarga bo‘lish mumkin: - tasvir; - chop etiluvchi; - grafik; - veb; -
mobil; - video. Yangi hujjat yaratish dialog oynasi Yangi hujjat yaratish dialog
oynasini ochish uchun Photoshop dasturini ishga tushirib quyidagilardan birini
amalga oshirish kerak: 5 - Ctrl+N tugmalar kombinatsiyasini bosish; - File
menyusidan New qatorini tanlash; - Start ishchi sohasida New yoki Start New
tugmalarini bosish; - Ochiq hujjatning sarlavha qismi ustiga sichqon ko‘rsatkichini
joylab o‘ng tugmasini bosish va ochilgan kontekst menyusidan New Document
qatorini tanlash: O‘lcham andozasidan foydalanib hujjat yaratish O‘lcham
andozasidan foydalanib hujjat yaratish uchun quyidagilarni bajarish kerak: 1.
Yangi hujjat yaratish dialog oynasida kerakli kategoriya bo‘limi tanlanadi; 2.
O‘lcham andozasi tanlanadi; 3. Zarur hollarda o‘lcham andozasi qiymatlariga
o‘zgartirishlar kiritiladi; 4. Dialog oynasining Create tugmasi bosiladi va dastur
o‘lcham andozasi asosida yangi hujjat yaratadi. O‘lcham andozasi qiymatlarini
o‘zgartirish O‘lcham andozasi asosida yangi hijjat yaratishdan oldin yangi hujjat
yaratish dialog oynasining o‘ng qismida joylashgan O‘lcham andozasi

xususiyatlari panelidan andozaning quyidagi qiymatlarini o‘zgartirib olish
mumkin: 1. Yangi hujjatning nomini belgilash; 2. Width va Height: hujjatning
o‘lchamlarini belgilash; ochiluvchi menyudan o‘lchov birligini belgilash; 3.
Orientation: hujjat varog‘ining yo‘nalishini belgilash; 4. Artboards: hujjatga
artboard elementlarini qo‘shish; 5. Resolution: hujjatning nuqtalar zichligini
belgilash; 6. Color Mode: hujjatning ranglar rejimini belgilash; 7. Background
Contents: hujjatning orqa fon rangini belgilash mumkin. Foydalanuvchi o‘lcham
andozasini saqlash Mavjud o‘lcham andozasini yangi qiymatlar bilan saqlash yoki
yangi o‘lcham andozasi sifatida saqlash mumkin. Yangi o‘lcham andozasini
yaratish uchun quyidagilarni bajarish kerak: 1. O‘lcham andozasining qiymatlarini
belgilagandan keying o‘lcham andozasi xususiyatlari panelida tugmasi bosiladi; 2.
Yangi o‘lcham andozasi uchun nom beriladi; 3. Saqlash tugmasi bosiladi.
Yaratilgan o‘lcham andozasiga Yangi hujjat yaratish dialog oynasining Saved
bo‘limidan murojaat qilish mumkin. Stock andozalari yordamida yangi hujjat
yaratish Photoshop dasturida Adobe Stockdan turli hujjat andozalari mavjud.
Andoza yordamida hujjat yaratish uchun quyidagilarni bajarish kerak: 1. Yangi
hujjat yaratish dialog oynasida tasvir, chop etiluvchi, grafik, veb, mobil, video
bo‘limi tanlanadi; 2. Bo‘limdan kerakli andoza tanlanadi; 3. Hujjat andozasini
ko‘rib olish uchun dialog oynasining o‘ng qismidan See Preview tugmasi bosiladi;
4. Andoza Download tugmasi yordamida yuklab olinadi; 5. Hujjat andozasi yuklab
olinganidan so‘ng Open tugmasi bosiladi. 8 Adobe Stockdan hujjat andozalarini
izlash Adobe Stockdan oldindan tanlangan hujjat andozalaridan tashqari Yangi
hujjat yaratish dialog oynasidan boshqa hujjat andozalarini izlash va yuklab olish
mumkin. Yangi hujjat yaratish dialog oynasida Adobe Stockdan hujjat andozalarini
qidirish uchun matn kiritib Go tugmasi bosiladi. Photoshop dasturi Adobe Stock
vebsahifasini brauzer yordamida ochib beradi. Kiritilgan matn asosida topilgan
hujjat andozalarini ko‘rib kerakligini yuklab olish mumkin. Muxtahkamlash uchun
savol va topshiriqlar: 1. Andozalar nimalardan iborat? 2. Andozalar qanday
fayllarda saqlanadi? 3. O‘lcham andozalari deganda nimalar tushiniladi? 4.
Andozalar qanday guruhlarga bo‘lingan? 5. Photoshop dasturida yangi hujjat

qanday yaratilishi mumkin? 6. Yangi o‘lcham andozalari qanday yaratiladi? 7.
Mavjud andoza yordamida yangu hujjat qanday yaratiladi? 8. Adobe Stock
yordamida yangi hujjat yarating. ISH SOHASI Ish sohasi asoslari Hujjatlar va
fayllarning yaratilishi va ular bilan ishlashda oyna, panel, uskunalar kabi
elementlrdan foydalaniladi. Ushbu elementlarning ixtiyoriy majmuasiga ish sohasi
deyiladi. Foydalanuvchi Photoshop dasturini o‘z ehtiyojlarida kelib chiqqan holda
oldindan belgilangan ish soha andozalaridan foydalanib yoki yangi ish soha
andozasini yaratib sozlab olishi mumkin. Boshlang‘ich ish sohasi Photoshop
dasturining boshlang‘ich ish sohasi foydalanuvchining oxirgi ishlatgan fayllari,
bibliotekalari va o‘lcham andozalariga tezda murojaat qilish imkonini beradi.
Photoshop dasturia boshlang‘ich ish sohasi dastur ishga 9 tushirilganda yoki xech
qanday hujjat ochiq bo‘lmaganda aks ettiriladi. Boshlang‘ich ish sohasidan chiqib
ketish uchun klaviaturaning Esc tugmasini bosish kerak. Boshlang‘ich ish sohasini
aks ettirishni boshqarish dasturning Edit menyusining Preferences bo‘limidan
General qatori tanlanadi. Natijada ochilgan dialog oynasida Disable the Home
Screen elementini belgilash kerak. Photoshop dasturining ish maydoni Photoshop
dasturining ish maydoni quyidagi ko‘rinishga ega: Dasturning ish maydoni
quyidagilardan tashkil topadi: 1. Dastur oynasining yuqori qismida dasturning
menyusi joylashgan; 2. Dastur oynasining chap qismida rasm va hujjat
elementlarini yaratish va tahrirlash uchun mo‘ljallangan uskunalar paneli
joylashgan. Bog‘liq uskunalar guruhlangan; 10 3. Dastur menyusining ostida joriy
tanlangan uskunaning xususiyatlarni boshqarish paneli joylashgan; 4. Dastur
oynasining markaziy qismida joriy ishlanib turilgan faylni aks ettiruvchi hujjat
oynasi joylashgan; 5. Dastur oynasining o‘ng qismida ish bajarilishini kuzatish va
o‘zgartirish imkonini beruvchi panellar joylashgan. Photoshop dasturida barcha
panellarni yashirish yoki aks ettirish uchun klaviaturaning Tab tugmasini bosish
kerak. Uskunalar paneli va uskuna xususiyatlarini boshqarish panelidan tashqari
barcha panellarni yashirish yoki aks ettirish uchun klaviaturadan Shift+Tab
tugmalar kombinatsiyasini bosish kerak. Panel xususiyatlarini aks ettirish uchun
panelning yuqori-o‘ng qismida joylashgan tugmasini bosish kearak. Oynalar va

panellarni boshqarish Foydalanuvchi hujjat oynasi va panellar joylashishini
o‘zgartirib o‘zi istagan ko‘rinishdagi ish maydonini hosil qilib olishi mumkin.
Hosil qilib olingan ish maydonini saqlab olish va bir nechta ish maydonlar
o‘rtasida o‘tish mumkin. Ish sohalarni saqlash va almashtirish Photoshop dasturi
joriy ochilgan panellar, ularning o‘lchamlari va joylashishini saqlab olish
imkoniyatini beradi. Saqlab olingan ish sohasini istalgan vaqtda qayta 11 tiklab
olish mumkin. Saqlangan ish sohalar nomlari dasturing Windows menyusi
Workspace bo‘limida aks ettiriladi. Foydalanuvchi ish sohasini saqlash uchun
quyidagilarni bajarish kerak: 1. Dastur Windows menyusining Workspace
bo‘limidan New Workspace qatorini tanlash; 2. Ochilgan New Workspace dialog
oynasida ish soha nomi kiritiladi: 3. Qo‘shimcha sifatida joriy klavishlar
kombinatsiyalari, menyular va uskunalar panellari to‘plamlarini dialog oynasidagi
tegishli Keyboard Shortcuts, Menus, Toolbar elementlarini belgilab saqlab olish
mumkin. Joriy ish sohasini almashtirish uchun dastur Windows menyusining
Workspace bo‘limidan kearkli ish soha nomi tanlanadi. Biror bir saqlangan ish
sohasini o‘chirish uchun dastur Windows menusining Workspace bo‘limidan
Delete Workspace qatorini tanlash kerak. Ochilgan dialog oynasidan o‘chirish
kerak bo‘lgan ish soha nomi tanlanadi: Dastur bilan ishlash vaqtida foydalanish
uchun turli panellar ochiladi. Photoshop dasturi ish sohasida bajarilgan oxirgi
o‘zgarishlarni saqlab qoladi va navbatdagi ishga tushirilganda ish sohasini ushbu
o‘zgarishlar bilan aks ettiradi. Joriy ish sohasida panellar joylashishining dastlabki
holatiga qaytarish uchun dastur 12 Windows menyusining Workspace bo‘limidan
Reset [ish soha nomi] qatorini tanlash kerak. Uskuna yo‘riqnomasi Photoshop
dasturida muayyan bir uskuna qanday vazifa bajarishini bilib olish uchun
uskunalar panelida joylashgan uskuna ustiga sichqon ko‘rsatkichi joylashtirib
turilsa dastur ushbu uskuna bajaradigan amallar to‘g‘risidagi qisqa animatsion
videoni namoyish etadi. Ushbu yo‘riqnoma animatsiyalarini aks ettirmaslik uchun
dasturning Edit menyusi Preferences bo‘limidan Tools qatori tanlanadi va ochilgan
xususiyatlar dialog oynasidan Enable Rich Tooltips elementidan belgilashni olib
tashlash kerak bo‘ladi. 13 Photoshop dasturida izlash Photoshop dasturi yagona

izlash dialogi orqali foydalanuvchi interfeysi elementlari, hujjatlar, yordamchi
materiallar, Stock elementlarini izlash imkoniyatini beradi. Izlashni dastur ishga
tushirilganidan so‘ng yoki biror bir hujjat ochilgandan so‘ng boshlash mumkin.
Izlashni boshlash uchun quyidagilardan birini bajarish kerak: - dasturning Edit
menyusidan Search qatorini tanlash; - klaviaturadan Ctrl+F tugmalar
kombinatsiyasini bosish; - dastur oynasining hususiyatlar panelining o‘ng qismida
joylashgan tugmani bosish kerak bo‘ladi. Photoshop dasturining izlash funksiyasi
yordamida quyidagilarni topish mumkin: - Foydalanuvchi interfeysi elementlari: -
uskunalar; - panellar; - menyu elementlari; - yangi hujjat andozalari; - ochilgan
hujjatlar; - so‘nggi fayllar; - qavatlar; - smart obyektlar; - Yordamchi materiallar; -
Stock elementlari. Photoshop dasturining izlash funksiyasi faollashtirilganda
quyidagi dialog oynasi aks ettiriladi: Dialog oynasida izlash natijalari quyidagicha
tartiblanadi: 14 - All: izlash natijalarini barchasini Foydalanuvchi interfeysi
elementlari, Yordamchi materiallar, Adobe Stock elementlari ketma-ketligida
tartiblaydi: - Photoshop: izlash natijalarida dasturning foydalanuvchi interfeysi
elementlarini aks ettiradi: - Learn: izlash natijalarida yordamchi materiallarni aks
ettiradi; 15 - Stock: kiritilgan so‘zga mos Adobe Stock tasvirlarini aks ettiradi; -
Lr(Lightroom)Photos: kiritilgan so‘zga mos keluvchi Lightroom tasvirlarini izlash,
filtrlash, tartiblash va import qilish imkonini beradi; Izlash natijalari tanlanganda
Photoshop dasturi tanlangan element turiga qarab quyidagi amallarni bajaradi: -
Qavat: qavatni tanlaydi va qavatlar panelida uni aks ettiradi; - Uskuna: uskunani
faollashtiradi va foydalanuvchi interfeysida uning elementini ajratadi; - Panel:
panelni aks ettiradi va faollashtiradi, uni ajratadi va ochadi; - Menyu buyruqlari:
buyruqni bajaradi; - Yaqin orada ishlangan fayl: faylni ochadi; - Ochiq hujjat:
hujjatni joriy qiladi; - Yordamchi materiallar: brauzerda yordamchi materialni
ochadi; - Stock elementi: tasvir elementini yuklab oladi va faol Creative Cloud
bibliotekasiga qo‘shadi. Uskunalar paneli Photoshop dasturi ishga tushirilganda
dastur oynasining chap qismida uskunalar paneli joylashadi. Uskuna tugmasining
ustida sichqon ko‘rsatkichi joylashtirib turilsa ushbu uskuna to‘g‘risida ma’lumot
aks ettiriladi: 17 Uskuna tugmasining pastki o‘ng burchagida uchburchak bo‘lsa

ushbu tugmasining ostida yashirilgan uskunalar tugmalari joylashganligini
bildiradi. Pastki o‘ng burchagida uchburchak mavjud uskuna tugmasi sichqon
tugmasi bilan bosib turilganda uning ostida yashirilgan uskunalar tugmalarini aks
ettiriladi: Uskunalar panelida joylashgan uskunalarni shartli ravishda yettita
guruhga bo‘lish mumkin: 1. Tanlash uskunalari; 2. Kesish uskunalari; 3. O‘lchash
uskunalari; 4. Retush uskunalari; 5. Bo‘yash uskunalari; 6. Chizish va yozish
uskunalari; 7. Navigatsiya uskunalari. 18 1. Tanlash uskunalar guruhiga
quyidagilar kiradi: - siljitish uskunasi; - belgilash uskunalari; - ixtiyoriy belgilash
uskunalari; 1 2 3 4 5 6 7 19 - tez belgilash uskunalari; 2. Kesish uskunalar
guruhiga quyidagilar kiradi: - kesish va qirqish uskunalari; 3. O‘lchash uskunalar
guruhiga quyidagilar kiradi: - o‘lchash uskunalari; 4. Retush uskunalar guruhiga
quyidagilar kiradi: - tiklash uskunalari; - klonlash uskunalari; - o‘chirg‘ich
uskunalari; - bulash uskunalari; Uskunalar panelidagi uskuna to‘g‘risida ma’lumot
beruvchi yordamchi oynani aks ettirilishini bekor qilish uchun dasturning Edit
menyusi Preferences bo‘limidan Tools qatori tanlanadi. Ochilgan dialog oynasidan
Use Rich Tooltips elementidan belgilanishni olib tashlash kerak: Ushbu dialog
oynasida quyidagilarni bajarish mumkin: - uskuna va uskunalar guruhlarini
sichqon ko‘rsatkichi bilan ushlab uskunalar panelidagi joyini o‘zgartirish; -
ortiqcha, ishlatilmaydigan va kam ishlatiladigan uskunalarni Extra Tools
qo‘shimcha uskunalar bo‘limiga o‘tkazish; - qo‘shimcha uskunalar bo‘limidagi
uskunalarni ishlatish uchun uskunalar panelining pastki qismida joylashgan
tugmani bosib turish kerak; 23 - o‘zgartirilgan uskunalar panelini saqlab olish
uchun dialog oynasining Save Preset tugmasi bosiladi; - oldin o‘zgartirilgan
uskunalar panelini ochish uchun dialog oynasining Load Preset tugmasi bosiladi; -
uskunalar panelining birlamchi ko‘rinishini qayta tiklash uchun dialog oynasining
Restore Defaults tugmasi bosiladi; - uskunalar panelidagi barcha uskunalar
tugmalarini qo‘shimcha uskunalar bo‘limiga ko‘chirish uchun dialog oynasining
Clear Tools tugmasini bosish kerak; - uskunalar panelining pastki qismida
joylashgan maxsus tugmalarni aks ettirish uchun dialog oynasining ushbu
tugmalarini bosish kerak: Uskunalar bajaradigan amallar 1. Tanlash uskunalari The

Marquee tools – to‘rtburchak, ellips, bir qator, bir ustun ko‘rinishida belgilanishlar
bajaradi The Move tool – belgilanishlarni, qavatlarni, yo‘nalish elementlarini
siljitadi The Lasso tools – ixtiyoriy, poligonal va yopishuvchi belgilanishlar
bajaradi The Quick Selection tool – belgilanishlarni o‘zgartiriladigan mo‘yqalam
yordamida tez bajaradi 24 The Magic Wand tool – o‘xshash rangdagi sohalarni
belgilaydi 2. Kesish uskunalari The Crop tool – tasvirlarni kesib oladi The Slice
tool – tasvirni bo‘laklaydi The Slice Select tool – tasvir bo‘lagini belgilaydi 3.
Retush uskunalari The Spot Healing Brush tool – nuqson va obyektlarni o‘chiradi
The Healing Brush tool – tasvirdagi kamchiliklarni tuzatish uchun namuna yoki
andoza asosida chizadi The Patch tool – tasvirning belgilangan maydonidagi
kamchiliklarni namuna yoki andoza yordamida tuzatadi 25 The Red Eye tool –
qizil ko‘z effektini o‘chiradi The Clone Stamp tool – tasvirning namunasi bilan
chizadi The Pattern Stamp tool – tasvirning qismini andoza sifatida ishlatib chizadi
The Eraser tool – piksellarni o‘chiradi va tasvirning qismini avvalgi saqlangan
ko‘rinishiga qaytaradi The Background Eraser tool – tasvir sohalarini shaffof
ko‘rinishga keltirib o‘chiradi The Magic Eraser tool – bir xil rangga ega sohalarni
yagona klik yordamida shaffof ko‘rinishga keltirib o‘chiradi The Blur tool –
tasvirning o‘tkir burchaklarni xiralashtiradi 26 The Sharpen tool – tasvirning xira
burchaklarni o‘tkirlashtiradi The Smudge tool – tasvirni bulaydi The Dodge tool –
tasvir sohalarini oqartiradi The Burn tool – tasvir sohalarini qoraytiradi The
Sponge tool – tasvir sohalarining rang zichligini o‘zgartiradi 4. Bo‘yash uskunalari
The Brush tool – mo‘yqalam bilan chizadi The Pencil tool – o‘tkir chegarali
chiziqlarni chizadi 27 The Color Replacement tool – belgilangan rangni yangi
rangga o‘zgartiradi The Mixer Brush tool – ranglarni aralashishi va bo‘yoq
namligini kabi real bo‘yash texnikasini takrorlaydi The History Brush tool –
belgilangan tasvir holatini joriy tasvir oynasiga chizadi The Art History Brush tool
– belgilangan tasvir holatidan foydalanib tasvirni turli bo‘yash stillarini
takrorlaydigan ko‘rinishida bo‘yaydi The Gradient tools – to‘g‘ri chiziqli, radial,
burchakli, akslangan va brilliant ko‘rinishida ranglar aralashmalarini yaratadi The
Paint Bucket tool – o‘xshash rangdagi sohalarni old fon rangi bilan to‘ldiradi 5.

Chizish va yozish uskunalari The Path Selection tools – langar nuqtalari, yo‘nalish
chiziqlari va yo‘nalish nuqtalarini ko‘rsatuvchi shakl yoki segment belgilashlarni
yaratadi 28 The Type tools – tasvirda yozuvlarni hosil qiladi The Type Mask tools
– matn ko‘rinishdagi belgilanishlarni yaratadi The Pen tools – silliq chegarali
yo‘llarni yaratish imkonini beradi The Shape tools, Line tool – oddiy qavat yoki
figura qavatga geometrik figuralarni va chiziqlarni chizadi The Custom Shape tool
– belgilangan figuralar ro‘yxatidan tanlangan figurani chizadi 6. Navigatsiya, izoh
va o‘lchash uskunalari The Hand tool – tasvirni o‘z oynasi ichida siljitish imkonini
beradi The Rotate View tool – xolstni aylantirib ko‘rish imkonini beradi 29 The
Zoom tool – tasvirni ko‘rinish masshtabini o‘zgartiradi The Note tool – tasvirga
biriktiriladigan izohlarni yaratadi The Eyedropper tool – tasvirdan rang tanlaydi
The Color Sampler tool – to‘rtagacha bo‘lgan nuqtalarning rang qiymatini aks
ettirish imkonini beradi The Ruler tool – masofa, joylashish va burchakni o‘lchash
imkonini beradi The Count tool – tasvirdagi obyektlar sonini sanaydi 7. 3D
uskunalari The 3D Object Rotate tool – obyektni x o‘qi atrofida aylantiradi 30 The
3D Object Roll tool – obyektni z o‘qi atrofida aylantiradi The 3D Object Pan tool –
obyektni x va y o‘qlari yo‘nalishida siljitadi The 3D Object Slide tool – obyektni x
va z o‘qlari yo‘nalishida siljitadi The 3D Object Scale tool – obyektni
kattalashtiradi yoki kichiklashtiradi The 3D Rotate Camera tool – kamerani x va y
o‘qlari yo‘nalishida aylantiradi The 3D Roll Camera tool – kamerani z o‘qi
atrofida aylantiradi The 3D Pan Camera tool – kamerani x va y o‘qlari bo‘ylab
siljitadi Uskunalardan foydalanish Photoshop dasturi ishga tushirilganidan so‘ng
dastur oynasining chap qismida uskunalar paneli aks ettiriladi. Uskunalar
panelidagi ba’zi uskunalarning xususiyatlari o‘zgaruvchan xususiyatlar panelida
aks ettiriladi. Ba’zi uskunalarni kengaytirib ostida berkitilgan boshqa uskunalarni
aks ettirish mumkin. Uskuna tugmasining pastki o‘ng qismida joylashgan
uchburchak ushbu tugma ostida berkitilgan uskunalar mavjudligidan dalolat
beradi: Uskuna tugmasi ustiga sichqon ko‘rsatkichini joylashtirib bir oz bosib
turilsa uning ostida berkitilgan uskunalar aks ettirilad Uskunani tanlash uchun
quyidagilarning birini bajarish kerak: - uskunalar panelidan uskuna tugmasini

bosish. Agar uskuna tugmasining pastki o‘ng qismida uchburchak mavjud bo‘lsa
tugma ustiga sichqon ko‘rsatkichini joylashtirib bir oz bosib turiladi va uskuna
tugmasining ostida berkitilgan uskunalar aks ettiriladi. Aks ettirilgan uskunalar
ro‘yxatidan kerakli uskuna tugmasi bosiladi; - uskunaga biriktirilgan klaviatura
tugmalar kombinatsiyasi bosish. Uskunaga biriktirilgan tugmalar kombinatsiyasi
uskuna to‘g‘risida qisqacha ma’lumot beruvchi izohda ko‘rsatiladi: 32 Berkitilgan
uskunalar to‘plami o‘rtasida o‘tishlarni amalga oshirish uchun klaviaturaning Shift
tugmasini bosib turgan holda uskunaga biriktirilgan tugmani bosish kerak bo‘ladi.
Uskuna ko‘rsatkichini o‘zgartirish Turli uskunalar turlicha ta’sir doirasi, ya’ni
effekt yoki amal tasvirga ta’sir qilish nuqtasiga ega. Aksariyat hollarda uskunaning
kursori uskuna tugmasidagi yorliq bilan bir xil ko‘rinishga ega bo‘ladi. Masalan,
marquee uskunasi uchun kursor + ko‘rinishiga, matn uskunasi uchun I ko‘rinishga,
mo‘yqalam uskunasi uchun moyqalam uchi ko‘rinishiga ega. Uskunalar bilan
ishlashda aniqlilikni oshirish maqsadida uning kursorini + ko‘rinishga ega aniq
kursorga o‘zgartirib olish mumkin. Uskunalar kursorining ko‘rinishini o‘zgartirish
uchun quyidagilarni bajarish kerak: 1. Dasturning Edit menyusi Preferences
bo‘linmasidan Cursors qatori tanlanadi va kursor xususiyatlarini o‘zgartirish dialog
oynasi ochiladi

FOYDALANILGAN ADABIYOTLAR RO‘YXATI
1. Adobe Photoshop CC Help, http://help.adobe.com, 2018
2. Rafael Concepcion, Adobe Photoshop CC and Lightroom CC for Photographers,
Second Edition, Classroom in a Book, 2019
3. Andrew Faulkner, Conrad Chaves, Adobe Photoshop CC, Classroom in a Book,
2019
4. Роберт Шаффлботэм, Photoshop CC для начинающих, Эксмо, 2017
5. Mark Myers, Adobe Photoshop CC Advanced and basics of photo editing
techniques, Independently published, 2018
6. Katherine A. Hughes, Graphic Design: Learn It, Do It, CRC Press, 2019
7. Jeff Carlson, Adobe Photoshop Elements 2019 Classroom in a Book, Adobe
Press, 2019
8. Martin Evening, Adobe Photoshop CC for Photographers, Routledge, 2018
9. Scott Kelby, The Adobe Photoshop CC, book for digital photographers, 2014
10. Scott Kelby, The Photoshop Elements 2020 Book for Digital Photographers,
New Riders, 2019

Photoshopda mashtablar bilan ishlash hamda photoshop imkonyatlari

Купить

Похожие документы
2001-yil sentabr voqealri va uning xalqaro munosabatlarga
1945-1990-yillarda Buyuk Britaniya
1918-1923 yillarda xalqaro munosabatlar, Versal Vashington siyetemasining tuzilishi
Ahmad al-farg‘oniy
Almashlab ekishni loyihalashtirish va joriy etish