SMM platformasi bilan tanishish (Fakebook, YouTube, Instagram, Telegram) - Педагогика - Рефераты

Информация о документе

Цена	2000UZS
Размер	356.0KB
Покупки	0
Дата загрузки	07 Ноябрь 2026
Расширение	doc
Раздел	Рефераты
Предмет	Педагогика

SMM platformasi bilan tanishish (Fakebook, YouTube, Instagram, Telegram)

Купить

MAVZU: SMM platformasi bilan tanishish
(Fakebook, YouTube, Instagram, Telegram)
Reja:
1. SMM platformasi bilan tanishish
2. Facebook va YouTube haqida ma’lumot
3. Instagram va telegram haqida ma’lumot
4. Xulosa
5. Foydalanilgan adabiyotlar

SMM (SOCIAL MEDIA MARKETING — IJTIMOIY MEDIA
MARKETING) HAQIDA
Internet tarmog‘ining rivojlanishi hamda uning jamiyat hayotida muhim
o‘rin egallashi bugungi kunda jahon miqyosida keng ommalashgan ijtimoiy
tarmoqlarning paydo bo‘lishiga zamin yaratdi. Dunyo aholisining aksariyat qismi,
shu jumladan, yoshlar o‘z media mahsulotlari hamda biznes loyihalarini ijtimoiy
media marketing orqali reklama qilib, daromad manbaiga ega bo‘lishmoqda.
Ijtimoiy media marketing ( SMM — social media marketing) — mahsulot
va xizmatlarni targ‘ib qilish, xaridorlarni jalb qilish hamda mahsulotlarni
to‘g‘ridan to‘g‘ri sotish faoliyatini ijtimoiy medialarda amalga oshirish.
Ijtimoiy media ko‘plab interfaol foydalanuvchilarga ega internet platforma
bo‘lib, u internet tarmog‘i ishtirokchilari tomonidan to‘ldirib boriladi. Bunday
platformalar umumiy qiziqishi bir xil bo‘lgan foydalanuvchilarning bitta guruh
ichida o‘zaro muloqot qilishiga imkon yaratadi. Ijtimoiy mediaga hamkorlikdagi
blog, ijtimoiy tarmoq va boshqalar kiradi.
Ijtimoiy media — ko‘plab faol foydalanuvchilarga ega internet platforma.
SMM (ijtimoiy media marketing) — marketing faoliyatining ijtimoiy
mediada amalga oshirilishi. Brend — bir mahsulotning boshqa mahsulotlardan
farqlanib turuvchi dizaynga ega belgisi.

Maqsadli auditoriya — mahsulotingizni sotib olish yoki xizmatingizdan
foydalanish ehtimoli yuqori bo‘lgan shaxslar.
Kontent — maqsadli loyiha uchun yaratilgan sahifa, videorolik yoki tasvir.
Platforma — o‘zining imkoniyati va funksiyalari orqali boshqa tizimlarni
yo‘lga qo‘yishga xizmat qiluvchi “o‘zak dastur”.
Ijtimoiy media marketingning asosiy vazifalari:
— mahsulot brendini yaratish va uni tanitish;
— brendni mashhur qilish va unga bo‘lgan qiziqishni oshirish;
— kompaniyalar saytiga tashrif buyuruvchilar sonini oshirish;
— yangi mijozlarni jalb qilish va mahsulot sotishni ko‘paytirish;
— doimiy mijozlar sonini oshirish;
— mijozlar ko‘magi va ochiqlik hisobiga kompaniya imijini oshirish;
— taniqli kompaniyalarning brendini tan olish;
— o‘z-o‘zini reklama qilish (PR);
— mijoz va foydalanuvchilarda mahsulot hamda xizmat yuzasidan paydo
bo‘lgan savollarga tezkorlik bilan javob berish .
FACEBOOK TARMOG‘I
SMMda asosiy e’tibor ijtimoiy tarmoqlar orqali ma’lumot tarqatuvchi
qiziqarli kontent yaratilishiga qaratiladi. Ijtimoiy tarmoqlarda ishlovchi SMM
mutaxassislarining ijtimoiy marketingni rivojlantirishdagi asosiy vazifalaridan biri
— ijtimoiy media platformalar bilan ishlash. O‘zbekistonda SMM mutaxassislari
brendni, asosan, Facebook, Telegram, Instagram, Youtube kabi ijtimoiy
tarmoqlarda keng targ‘ib qilish, reklama berish ishlari bilan shug‘ullanishadi.
Facebook dunyodagi eng yirik ijtimoiy tarmoqlardan biri bo‘lib, uning
yordamida yaqinlar bilan xabarlashish, mustaqil ta’lim olish hamda biznes
loyihalarni yuritish mumkin. Facebook — 2004-yilda Garvard universiteti talabasi
Mark Suckerberg hamda Eduardo Saverin, Dustin Moskovitz, Chris Hughes
tomonidan asos solingan ijtimoiy tarmoq
YOUTUBE SAYTI
YouTube katta hajmdagi video fayllar jamlangan sayt hisoblanadi.
Tizimdan professional videolavhalardan tortib, havaskorlar videolarini hamda
videoblogerlar materiallarini topish mumkin. YouTube sayti yordamida kanal
ochib, u orqali biznes loyihalarni yuritish mumkin. YouTube sayti Steve Chen,

Chad Hurley, Jawed Karim tomonidan amalga oshirilgan loyiha bo‘lib, 2005-yil
14-fevralda ro‘yxatdan o‘tgan.
YouTube , foydalanish oson va qulay bo‘lganligi sababli, tashrif
buyuruvchilar soni bo‘yicha dunyoda uchinchi o‘rinda turadi. 2006-yilda YouTube
tarmog‘ini Google kompaniyasi sotib olgan. YouTubeda ro‘yxatdan o‘tmagan
holda ham videoroliklar bilan tanishish va ularni ko‘rish mumkin.
YouTube dagi videofayl o‘chirilgani bilan, u batamom o‘chmagan bo‘ladi va
maxsus dasturlar yordamida uni ko‘rish mumkin.
Telegram tarmog’i
Telegram tezkorlik va xavfsizlikka asoslangan xabar almashish dasturi
bo‘lib, u orqali matn, tasvir, video, audio va boshqa turdagi fayllar (doc, zip, mp3
va h. k.)ni jo‘natish mumkin. Telegram loyihasi 2013-yilda aka-uka Nikolay va
Pavel Durovlar tomonidan ishlab chiqilgan.
Telegram sinxron tarzda bir necha qurilmada ishlay oladi, ya’ni telefon,
kompyuter va planshet qurilmalaridan birida yozilgan xabar ayni vaqtda
boshqalarining yozuv maydonida o‘z aksini topadi.
Telegram tarmog‘i yordamida chat, maxfiy chat, guruhli chatlarda
xabarlashish, kanal, jamoat kanali, xususiy kanal va botlar ochib, biznes
loyihalarni yuritish mumkin.
Chat — ikki tomon o‘rtasidagi yozishmalar.
Maxfiy chat — ikki nafar foydalanuvchining yozishmalari. Muloqot paytida
xabarlar maxsus, takomillashtirilgan xavfsizlik protokoli bilan shifrlangan holda
faqat ikkita mobil qurilma o‘rtasida aloqa o‘rnatiladi.
Guruhli chat — muloqot davomida uch yoki undan ortiq foydalanuvchilar
o‘rtasidagi yozishmalar.
Kanal — cheklanmagan miqdordagi abonentlarga xabar yuborish mumkin
bo‘lgan chat. Uning o‘ziga xos xususiyati — kanal a’zolari xabarlarga izoh
berolmaydi. Kanal yangiliklar tasmasi va tematik blogga o‘xshaydi.
Jamoat kanali — qidiruv orqali hamda a’zo bo‘lmagan holda ham
foydalanish mumkin bo‘lgan ochiq kanal. Bitta foydalanuvchi akkaunti orqali faqat
10 ta jamoat kanali yaratishi mumkin.
Botlar — foydalanuvchi xabarlariga zudlik bilan avtomatik ravishda javob
beradigan ilovalar. Ularning yordamida statistikalarni ko‘rish, so‘rovnomalarga
javob olish va boshqalarni amalga oshirish mumkin. Dastlab telegram ilovasi
telefon, kompyuter yoki planshet qurilmalaridan biriga o‘rnatib olinadi va keyin
ishga tushiriladi.
Instagram — foto va videolarni tasvirga olish yoki boshqa platformalar
orqali yuklash imkoniyatiga ega ijtimoiy tarmoq. Shuningdek, unda foto va

videolarni raqamli filtrlash (sifatini yaxshilash) imkoniyati ham mavjud. Instagram
Kevin Systrom va Mayk Krieger tomonidan yaratilgan bo‘lib, bepul mobil ilova
sifatida 2010-yilning oktabr oyida ishga tushirilgan.
Facebook kabi Instagramda profil ochgan foydalanuvchi o‘zining yangiliklar
tasmasiga ega bo‘ladi. Instagram orqali qo‘yilgan rasm va video foydalanuvchi
profilida namoyon bo‘ladi va do‘stlaringiz o‘z tasmasida Siz qoldirgan xabarlarni
ko‘rib, ularga izoh qoldirishlari mumkin. Shuningdek, Instagram tarmog‘ida
shaxsiy xabarlarni ham almashish mumkin.
Instagram tarmog‘idan iOS va Android mobil qurilmalarida bepul
foydalanish mumkin. Buning uchun AppStore (iOS uchun) va GooglePlay
(Android uchun)dan ilovani yuklab olish lozim. Instagram tarmog‘ini mobil
qurilmalardan tashqari internet orqali kompyuterlarda instagram.com rasmiy
manzili orqali ham ishlatish mumkin

Xulosa
Xulosa qilib aytadigan bo’lsam, men bu mavzuda ijtimoiy media marketing
haqida ma’limotlar oldim. Instagram, telegram, Fakebook va YouTube tarmoqlari
haqida tushunchalarga ega bo’ldim va ulardan foydalanishlarni ko’rib chiqdim
ishlatishni o’rgandim.
Foydalanilgan adabiyotlar
1. I.Karimov. O’zbekiston buyuk kelajak sari.-T.: O’zbekiston, 1998.-686 b.
2. I.Karimov Barkamol avlod orzusi //Nashr uchun mas’ul: T.Risqiev.
Tuzuvchilar: Sh. Qurbonov, H.Saidov, R.Ahliddinov.– T.: «Sharq»
nashriyot–matbaa konserni, 1999. – 184 b.
3. I.Karimov. Vatan sajdagoh kabi muqaddasdir. Asarlari, 3-jild.-T.:
O’zbekiston, 1996.-367 b.

SMM platformasi bilan tanishish (Fakebook, YouTube, Instagram, Telegram)

Купить

Похожие документы
2001-yil sentabr voqealri va uning xalqaro munosabatlarga
1945-1990-yillarda Buyuk Britaniya
1918-1923 yillarda xalqaro munosabatlar, Versal Vashington siyetemasining tuzilishi
Ahmad al-farg‘oniy
Almashlab ekishni loyihalashtirish va joriy etish