Сулфаниламид препаратлари - Медицина - Презентации

Информация о документе

Цена	3000UZS
Размер	979.8KB
Покупки	0
Дата загрузки	27 Февраль 2024
Расширение	pptx
Раздел	Презентации
Предмет	Медицина

Сулфаниламид препаратлари

Купить

СУЛФАНИЛАМИД ПРЕПАРАТЛАРИ

Сульфаниламидлар тиббиёт амалиётида қўлланила бошлаган, таъсир спектри кенг бўлган биринчи антибактериал химиотерапевтик воситалар ҳисобланади. Кимёвий тузилиши бўйича улар сульфаниламидларнинг (сульфанил кислотасининг амиди) хосилалари ҳисобланади. Энг самарадор, давомли таъсир этувчи ва кам заҳарли сульфаниламидларни яратиш, амид гуруҳидаги (N 1 ) водород атоми ўрнини алмаштиришга асосланган. Антимикроб таъсирнинг юзага чиқиши учун пара ҳолатда жойлашган эркин амино гуруҳ (- N 4 H 2 ) бўлиши шарт.

Сульфаниламидларнинг таъснифи. I Резорбтив таъсир учун қўлланиладиган препаратлар (меъда-ичак трактидан яхши сўриладиганлар А. Таъсир давомлиги ўртача бўлганлар (4-6 соат) Сульфадимизин, этазол, сульфазин, уросульфан Б. Таъсири давомли бўлганлари (12-24 соат) Сульфапиридазин, сульфадиметоксин В. Таъсири жуда давомли бўлганлари (2 кундан кўпроқ) Сульфален II Таъсири фақат ичак ичида намоён бўладиган препаратлар (меъда-ичак трактидан ёмон сўриладиганлар) Фталазол III Маҳаллий қўлланиладиган препаратлар. Сульфацил-натрий, сульфазинни кумушли тузи

Сульфанилмидларни таъсир спектри катта ва қуйидаги юқумли касалликлар қўзғатувчиларига таъсир кўрсатади: Бактериялар – патоген кокклар (граммусбат ва грамманфий), ичак таёқчаси, ичбуруғ қўзғатувчиси (шигеллалар), вабо вибриони, газли гангрена (клостридийлар), куйдирги, бўғма, катарал зотилжам, инфлюэнцлар қўзғатувчиси хламидиялар – трахомалар, орнитоз, чов лимфогрануломасининг қўзғатувчилари; актиномицетлар содда жониворлар - токсоплазмоз, безгак қўзғатувчилари

Сульфаниламидларни антимикроб таъсир механизми: парааминобензой кислотаси билан рақаботдош. 1. Кўпгина микроорганизмлар таркибида парааминобензой кислотаси бўлган дигидрофолат кислотасини синтезлайди. Сулфаниламидлар кимёвий тузилиши жихатидан парааминобензой кислотага ўхшайди ва уни дигидрофолат кислотаси таркибига киришига тўсқинлик қилади. 2. Бундан ташқари улар дигидроптероат синтетаза ферменти фаоллигини сусайтирадилар. Дигидрофолат кислотасини синтезланишни бузилишини ундан пурин ва пиримидин асослари ни яратишида зарур бўлган тетрагидрофолат кислотаси ни хосил бўлишини камайтиради. Нуклеин кислоталарнинг синтези бузилади, бактериостатик таъсир этади. Изоҳ: Инсон тўқималарида бундай жараён бўлмайди чунки улар тайёр дигидрофолат кислотасини ишлатадилар).

Давомли қўлланганда микроорганизмларни сульфаниламидларга чидамлилиги аста-секин ривожланади. Бунинг сабаби микроорганизмларда дигидрофолат кислотасини синтезини жадаллашади.

РЕЗОРБТИВ ТАЪСИР УЧУН ҚЎЛЛАНИЛАДИГАН СУЛЬФАНИЛАМИДЛАР  меъда-ичак трактидан тез ва тўлиқ сўрилади.  Қон таркибидаги альбуминлар билан  қисман боғланади,  барча тўқималарда тақсимланади  гематоэнцефалитик ва йўлдош тўсиғидан яхши ўтади. Организмда сульфаниламидларни асосий ўзгариш йўли бу ацетиланиш (N 4 ) бўлиб, у жигарда кечади.  Баъзи ацетилланган ҳосилалар сульфаниламидларга нисбатан ёмонроқ эрийдилар ва пешобда кристаллар ҳосил бўлишига сабаб бўладилар (кристаллурия).  асосан буйрак орқали ажратилади  Таъсир давомийлиги ўртача препаратлар яхши сўриладилар ва нисбатан тез чиқиб кетади.  Энтерал киритилгандан кейин қон зардобида уларнинг максимал концентрациялари 2-3 соатдан кейин ҳосил бўлади. Бактериостатик концентрацияси сақланиб туриши учун уларни ҳар 4-6 соатда берилади. Из

Таъсир давомлиги ўртача бўлган сульфаниламидлар сульфадимезин (сульфаметазин), этазол (сульфаэтилтиодиазол), сульфазин (сульфадиазин), уросульфан (сульфокарбамид)- кўп қўлланилади. стрептоцид (оқ стрептоцид, сульфаниламид), аммо у кучсиз ва бошқа сульфаниламидларга нисбатан кўпроқ ноҳуш таъсирлар чақиради. Давомли таъсирга эга бўлган препаратларга сульфапиридазин (сульфометоксипиридазин, спофадазин) ва сульфадиметоксин (мадрибон, мадроксин)препаратлари киради.

Улар: меъда ичак трактидан яхши сўриладилар ва секин ажралади. Қон таркибида уларнинг максимал концентрацияси 3-6 соатдан кейин аниқланади. Организмда препаратларнинг бактериостатик концентрацияси узоқ вақт сақланади. Қон зардоби оқсилари билан юқори даражада боғланади. (масалан, сульфапиридазиннинг 85% боғланади). Давомли таъсир этувчи препаратлар қўлланганда организмда модданинг турғун концентрацияси ҳосил бўлади. Аммо ноҳуш таъсирлари ривожланиши мумкин. Изоҳ: Чунки препаратни қабул қилиш тўхтатилгандан кейин ҳам унинг таъсирини тўхтатиш учун бир неча кун керак бўлади.

Сульфапиридазин ва сульфадиметоксин нинг концентрацияси орқа мия суюқлигида юқори бўлмайди (қондаги концентрациясининг 5-10%). кунига 1-2 марта берилади. Сульфален таъсири жуда давомли бўлган препарат ҳисобланади. Унинг (келфизин, сульфаметоксипиридазин) бактериостатик концентрацияси организмда 1 ҳафтагача сақланади. Уларни асосан антибиотикларни кўтаролмаслик ёки уларга кўникиш ривожланганда қўлланилади. Сульфаниламидларни баъзи антибиотиклар билан биргаликда қўлланилади (комбинация).

Резорбтив таъсирга эга бўлган сульфаниламидларнинг қўлланилиши:  кокклар қўзғатган инфекцияларда айниқса менингококкли менингитда,  нафас аъзолари ҳасталикларида  пешоб ва сафро ажратиш йўлининг инфекцияларида Пешоб йўллари инфекцияларини даволашда (пиелонефрит, пиелит, цистит) айниқса буйрак орқали асосан ўзгармаган ҳолда тез ажралувчи уросульфан қўллаш мумкин ва у буйрак функциясига салбий таъсир этмайди. Давомли таъсир этувчи препаратларни:  сурункали инфекциялар ва инфекцияларни олдини олишда Сульфаниламидлар резорбтив таъсирида кўп нохуш таъсиротларни юзага келтиради.

Ножўя таъсирлари: диспепсия, бош оғриқ, ҳолсизлик, МНС томонидан ўзгаришлар, қон системаси шикастланиши (гемолитиканемия, тромбоцитопения, метгемоглобин ҳосил бўлиши). Кристаллурия ривожланиши мумкин. Аллергик реакциялар нисбатан жуда кам бўлади, терида тошмалар, иситмалаш, баъзан гепатит, агранулоцитоз, апластик анемия кузатилади. Анамнезда сульфаниламидларга аллергик реакциялар бўлганлиги уларни қайта қўллаш мумкин эмаслигига асос бўлади.

ИЧАК БЎШЛИҒИГА ТАЪСИР КЎРСАТУВЧИ СУЛЬФАНИЛАМИДЛАР Улар меъда-ичак трактидан ёмон сўрилади ва ичакда юқори концентрация ҳосил қилади. Фталазол энг кўп қўлланилади. Пешобда киритилган модданинг ўзгармаган ҳолда фақат 5% ажралади, Бунинг натижасида фталазолдан ажралиб чиққан норсульфазол таъсир кўрсатади. Фталазолни ичак инфекциялари - бацилляр дизентерия, энтероколит, колит, операциядан кейинги даврда ичак инфекциясини олдини олиш учун қўлланилади. Изоҳ: фталазолнинг антимикроб таъсири ундан фтол кислотасини (N 4 дан) ажралиб чиқиши ва эркин аминогуруҳни ҳосил бўлиши билан ривожланади.

Ушбу касалликларда микроорганизмлар ичак ичидан ташқари ичак деворида хам жойлашади, шу сабабли фталазолни ичакдан яхши сўриладиган сульфаниламидлар – сульфадимезин, этазол ва бошқалар билан бирга қўллаш мақсадга мувофиқ бўлади. Фталазолни тез-тез антибиотиклар билан (масалан, тетрациклин билан) бирга қўлланилади. Уни ҳар 4-6 соатда ичилади. Фталазолни беморлар яхши қабул қиладилар. Заҳарлилиги паст. Ичак инфекцияларини даволашда ёмон сўриладиган сулгин (сульфагуанизин), фтазин каби бир қатор бошқа препаратлар ҳам қўлланилади. Изоҳ: Фталазолни В гуруҳи витаминлар билан биргаликда қўллаш маъқул. Чунки фталазол ана шу витаминлар синтезида қатнашувчи ичак таёқчасини ривожланиши ва кўпайишини тўхтатади.

МАҲАЛЛИЙ ҚЎЛЛАНИЛАДИГАН СУЛЬФАНИЛАМИДЛАР Кўз инфекцияларини даволаш ва олдини олишда сульфаниламидлар маҳаллий қўлланилади. Ушбу мақсадда кўпроқ сувда эрувчи сульфацил-натрий қўлланилади. У кераклича самарадор ва маҳаллий таъсирлаш хоссасига эга эмас. Уни чақалоқлар ва катта ёшдагилар кўзини сўзак билан жароҳатланишини даволаш ва олдини олиш учун, конъюнктивит, блефарит 1 ; шоҳ парда яралари ва бошқаларда қўлланилади.

Сульфаниламидларни яра инфекцияларида ҳам қўллаш мумкин (одатда яра устига сепилади). Бунда йиринг, яра ажратмаларини некротик массалар, таркибида кўп миқдорда парааминобензой кислотаси мавжудлиги туфайли сульфаниламидлар кам ёки умуман самарасиз бўлишини эътиборга олиш лозим. Уларни яраларга бирламчи ишлов бергач ёки “тоза” яраларда ишлатиш керак. Молекуласида кумуш атоми бўлган сульфазинннинг кумушли тузи синтезланган. Препарат фақат куйган яраларга маҳаллий қўлланилади. Препаратдан ажралган кумуш сульфазинни антимикроб таъсирини кучайтиради ҳамда ярани битишига имкон яратади. “Сульфаргин” суртмаси таркибига киради.

ТРИМЕТОПРИН БИЛАН КОМБИНАЦИЯЛАНГАН СУЛЬФАНИЛАМИД ПРЕПАРАТЛАРИ Сульфаниламидларни дегидрофолат редуктаза фаоллиги сусайтириши ҳисобига дегидрофолат кислотасини тетрагидрофолат кислотасига ўтишини блокловчи препаратлар билан бирга қўллаш мақсадга муофиқ хисобланади. Триметоприн ана шундай моддаларга мансуб. Комбинацияланган препаратлар нуклеин кислоталарининг биосинтезини икки яъни хар- хил босқичда сусайтирувчи таъсирини юзага чиқаради. Препаратларни антимикроб фаоллигини салмоқли даражада оширади ва бактериоцид таъсир кўрсатади.

Комбинацияланган препаратлар триметоприн ва суьфометоксазол тутган препарат бактрим (бисептол, котримоксазол, септрин) препарати ишлаб чиқарилган. У юқори антибактериал фаолликка эга. Бактериоцид таъсир кўрсатади. МИТ дан яхши сўрилади. Қон зардобида максимал концентрацияси 3 соатдан кейин аниқланади. Таъсири 6-8 соат давом этади. Бактрим буйрак орқали ажралади. Бактримни қўллаганда турли хил нохуш таъсирот ривожланади. Кўпроқ диспепсия (кўнгил айниши, қайт қилиш, анорексия, диарея) ва аллергик реакциялар (терида эритематоз тошма, эшак еми, қичишиш) кузатилади. Қон ҳосил бўлишини сусайиши (лейкопения, агронулацитоз, тромбоцитопения, метабластик анемия ва бошқалар) ривожланиши мумкин. Баъзан жигар, буйрак функциясини бузилиши мумкин.

Суперинфекция (оғиз бўшлиғи кандидомикози) ҳолатлари кузатиллади. Жигар, буйрак функцияларини ва қон ҳосил бўлишини кучли даражада бузилиш ҳолатларида бактримни қўллаш таъқиқланади. Ҳомиладорлар ва 6 ёшгача бўлган болаларда уни қўллаш мумкин эмас. Лидаприм (сульфаметрол+триметоприм), сульфатон ( сульфамонометоксин + триметоприм) ҳамда потесептил (сульфадимезин+триметоприм) бактримга ўхшаш препаратлар ҳисобланади. Уларни қўллашдаги кўрсатмалар, нохуш таъсиротлари ва қўллаш мумкин бўлмаган ҳолатлар бактримникидек.

ХИНОЛОН УНУМЛАРИ Налидиксин кислотаси (невиграмон, неграм) амалиётда қўлланила бошлаган хинолон унумларининг биринчиси ҳисобланади. Таъсир спектри асосини грамманфий бактериялар ташкил этади (“неграм” деб аталиши шундан келиб чиқади). У ичак таёқчаси, протей, капсулали бактериялар (клебсиеллалар), шигеллалар, сальмонеллаларга қарши самарадор. Кўк йиринг таёқчаси налидиксив кислота таъсирига чидамли. Унинг антимикроб механизмини ДНК синтезини кескин сусайиши билан боғлиқ. Бактерияларнинг препаратга чидамлилиги анчагина тез ривожланади (баъзан даволаш бошланганидан бир неча кундан кейин). МИТдан препарат яхши сўрилади.

Налидиксин кислота ва унинг метаболитлари асосан буйрак орқали ажралгани учун пешобда модданинг анчагина катта концентрацияси ҳосил бўлади. Қўллашга асосий кўрсатмалар – пешоб йўлларининг инфекцияси, ичак таёқчаси, протей ва бошқа налидиксив кислотасига сезгир бўлган микроорганизмлар билан чақирилган инфекциялари. Препарат антибиотиклар ва сульфаниламид препаратларига чидамлилик орттирган микроорганизм штаммларига қарши юқори фаолликга эга. Нохуш таъсиротлар сифатида диспепсия, аллергик реакциялар, фотодерматозлар, тез ўтиб кетувчи (қисқа вақтли) кўришнинг бузилишлари (қўриш кучининг камайиши, ёруғликдан қўрқиш), бош оғриқ бўлиши мумкин.

Препаратни жигар ва буйрак функцияларининг кучли даражада бузилиши билан кечадиган хасталикларда қўллаш ман этилади. Препаратни ҳомиладор аёлларда (ҳомиладорликнинг бошланғич 3 ойида) ва 2 ёшга етмаган болаларга бериш мумкин эмас. Кейинги йилларда таркибида фтор атоми тутган хинолоннинг ҳосилалари – фторхинолонлар кенг қўлланилмоқда. Буларга ципрофлоксацин (ципробай), норфлоксацин, пефлоксацин, ломефлоксацин, офлоксацин (таривид) ва бошқалар. Улар юқори фаолликка эга бўлган, таъсир спектри кенг антибактериал воситалардир.

Грамманфий бактерияларга, шу жумладан, гонококклар, ичак таёқчаси, шигеллалар, салмонеллалар, Klebsiella pneumoniae, Enterobacter, Haemophilus influenzae , кўк йиринг таёқчаси 1 , микоплазмалар, хламидийлар ва бошқаларга бактерицид таъсир кўрсатади. Граммусбат бактерияларга нисбатан камроқ фаолдирлар. Фторхинолонларнинг антибактериал таъсир механизми бактерияларнинг ферментлари бўлмиш топоизомераза II ва IV (шу жумладан топоизомераза II нинг ДНК-гиразаси) фаоллигини сусайтиришдан иборат. Шу туфайли ДНК репликацияси ва мос равишда РНК ҳосил бўлиши бузилади. Буларни барчаси бактерияларни кўпайиши ва ривожланишига тўсқинлик қилади.

Овқат ҳазм қилиш трактидан фторхинолонлар яхши сўриладилар. Гематоэнцефалик баръердан керакли концентрацияларда фақат маълум препаратлар ўтади (офлаксацин, пефлоксацин, ципрофлоксацин) у ҳам бўлса мия қобиғи яллиғланганда. Зардоб оқсиллари билан ўртамиёна даражада боғланадилар. Асосан буйрак орқали (фильтрация ва фаол секреция билан) ажраладилар.

Синтетик антимикроб воситаларнинг таъсир принципи

Препарат Киритиш йўли Зардоб оқсиллари билан боғланиш % t ½ соат ГЭБдан ўтиши Ажратили ш йўли Бир кунда қабул қилиш сони Ципрофлоксацин Энтерал, томирга 50-80 20-40 3-4,5 + Буйраклар 2 Норфлоксацин Энтерал 30-40 10-35 4-5 Буйраклар 2 Офлоксацин Энтерал > 90 8-32 5-7 + Буйраклар 2 Пефлексацин Энтерал, томирга 100 20-30 9 + Буйраклар 2 Фторхинолонларнинг қиёсий фармококинетикаси. Улар фторхинолонларга сезгир бўлган микроорганизмлар чақирган пешоб, нафас йўллари, МИТ инфекцияларида қўлланилади.

Ломефлоксацин Энтерал 95 10 8 Буйраклар 1-2 Эноксацин Энтерал 80-90 40 3-6 Буйраклар 2 Руфлоксацин Энтерал 60 60 33 1 Гатифлоксацин Энтерал 96 20 8 Буйраклар 1 Гемифлоксацин Энтерал 70 60 8 1 Левофлоксацин Энтерал 99 31 6.9 Буйраклар 1 Моксифлоксацин Энтерал 86 48 12.1 Буйраклар, ичак 1

Фторхинолонларга микроорганизмларнинг чидамлилиги нисбатан секин ривожланади. Нохуш таъсиротлар сифатида диспепсия, терида тошмалар ва бошқа аллергик реакциялар, бош оғриғи, бош айланиши, уйқусизлик, фотосенсибилизация кузатилади. Суперинфекция бўлиши мумкин. Инсонлар фторхинолонларни жуда яхши қабул қиладилар. Ҳомиладор ва эмизувчи аёллар ҳамда 18 ёшга кирмаган беморларда қўллаш мумкин эмас.

Ана шундай препаратларга стрептококклар, стафилакокклар, листерий, коринобактерий ва камроқ даражада – энтерококкларга қарши юқори бактериоцид фаолликка эга бўлган моксифлоксацин (авелокс) мансубдир. Масалан пневмококкларга (ва бактериоидларга) in vitro шароитида таъсири жиҳатдан моксифлоксацин ципрофлоксацин ва офлоксацинга нисбатан 4-16 марта фаолроқ. Таъкидлаш жоизки, моксифлоксацин кўпгина антибактериал воситаларга чидамлилик орттирган граммусбат бактериялар билан чақирилган инфекцияларда ҳам самарадордир. Бундан ташқари, моксифлоксацин хламидий, микоплазмалар, уреаплазма ва анаэробларга ҳам антибактериал таъсир бўйича юқори фаолликга эга. Моксифлоксациннинг анаэробларга қарши фаоллиги метронидазол, клиндамицин ва имипенам даражасидадир.

Ичакдан препарат яхши сўрилади. Биологик ўзлаштириш даражаси тахминан 90 %. Зардоб оқсиллари билан 48% часи боғланади. Модданинг 50 % часи жигарда метаболизмга учрайди. Моксифлоксацин ва унинг метаболитлари пешоб ва сафро таркибида ажралади. Препарат кунига 1 марта берилади. Моксифлоксацинни беморлар яхши қабул қиладилар. Бошқа фторхинолонларга ўхшаш нохуш таъсиротларга эга (фотосенсибилизациялаш таъсири йўқ, кўпроқ кўнгил айнаши, бош айланиши кузатилади)

Янги фторхинолонларга гатифлоксацин, гемифлоксацин, левофлоксацинлар ҳам мансубдир. Уларнинг барчаси энтерал қўлланганда ҳам самарадор, юқори даражада биологик ўзлаштирилишга эга, грамманфий бактерияларга бактериоцид таъсири сақланган ҳолда, граммусбат бактерияларга қарши юқори самарадорликка эгадирлар. Streptococcus pneumoniae ва нафас йўлларининг бошқа инфекциялари – Наеmophilus influenzae, Moraxella catarrhalis қарши жуда ҳам юқори самарадорликка эгадирлар. Бунинг асосий сабаби улар нафас аъзолари ва тўқималарида (қон зардобига нисбатан кўпроқ) катта концентрацияларда тўпланадилар. Уларни моксифлоксацин каби кунига 1 марта киритилади. Моксифлоксацин ва гатифлоксацин М.tuberculosis га қарши кучли фаолликка эга эканликлари аниқланган.

ТУРЛИ КИМЁВИЙ ТУЗИЛИШГА ЭГА БЎЛГАН СИНТЕТИК АНТИБАКТЕРИАЛ ВОСИТАЛАР 8-ОКСИХИНОЛИН УНУМЛАРИ Ушбу қатор препаратлари антибактериал ва антипротозой таъсирга эгадирлар. 5-нитро-8-оксихинолин - нитроксолин (5-НОК) ушбу гуруҳнинг антимикроб препаратларидан ҳисобланади. Преперат кенг антибактериал таъсир спектрга эга. Бундан ташқари, у баъзи замбуруғлар (ачитқисимон ва бошқалар)га ҳам таъсир кўрсатади.

Нитроксолин ичакдан тез сўрилади. Ўзгармаган ҳолда пешоб таркибида ажралади, пешобда бактериостатик концентрацияда тўпланади. Турли хил микроорганизмлар билан чақирилган пешоб йўллари инфекцияларида қўлланилади. Энтерал киритилади. Нохуш таъсири диспепсия каби ҳолатлар бўлиши мумкин. Нитроксолинни қабул қилинганда пешоб ёрқин-сариқ рангга эга бўлиши назарда тутмоқ лозим.

НИТРОФУРАН УНУМЛАРИ Бу гуруҳ бирикмаларга кўп препаратлар мансуб. Баъзилари асосан антисептик сифатида сиртга ишлатилади (масалан, фурацилин), баъзилари – асосан ичак ва пешоб йўлларининг инфекцияларини даволашда қўлланилади (фуразолидон, фурадонин, фурагин). Нитрофуранлар антибиотик ва сульфаниламидларга чидамлилик орттирган микроорганизмларни бартараф этишда ҳам самарадор. Фуразолидонни ичак инфекцияларида, ҳамда бациляр дизентерия, трихомонадалар қўзғатган кольпит 1 да ва лямблиозларда қўлланади. Уни энтерал, интравагинал, ректал киритилади.

Диспепсияга ўхшаш холатлар, аллергик реакциялар ривожлантириши мумкин. Пешоб йўллари инфекциясини даволашда фурадонин (нитрофурантоин) самарадор препаратдир. Уни энтерал киритиш учун берилади. У тез сўрилади ва жуда катта миқдорда буйрак орқали ажралади ва пешобда бактериостатик ва бактериоцид концентрация ҳосил бўлади. Фуразолидон каби у иштахани бузиши, кўнгил айнаш, қайт қилишга олиб келиши мумкин. Баъзи беморларда у аллергик реакциялар ривожлантиради. Фурагинни пешоб йўлларининг инфекцияларида маҳаллий қўллашади. Нохуш таъсиротларни камайтириш мақсадида нитрофуранларни қабул қилиш даврида кўп суюклик ичиш, Н 1 -гистамин рецепторлари блокаторлари, В гуруҳи витаминларини бериш тавсия этилади.

ХИНОКСАЛИН УНУМЛАРИ Синтетик антибактериал воситаларнинг бу гуруҳига хиноксидин ва диоксидин киради. Улар кўк йиринг таёқчаси, патоген анаэробларга кенг антимикроб таъсир спектрига эга. Бошқа антимикроб воситалар таъсирига турғун бўлган бактерияларга фаол таъсир этади. Оғир йирингли-яллиғланиш жараёнларида қўлланади. Катта ёшдаги беморларгагина фақат стационар шароитида шифокор назорати остида қўлланади. Ножўя таъсирлари: диспепсия, бош оғриғи, бош айланиши, истмалаш, мушакларни тиришиши ва бошқалар.

ОКСАЗОЛИДИНОНЛАР Оксазолидинонлар фаол антимикроб воситаларнинг янги синфи ҳисобланади. Бу гуруҳнинг биринчи препарати линезолид (зивокс) хасталик қўзғотувчиларнинг кенг спектрига – граммусбат анаэроблар, баъзи грамманфий бактериялар ва кўпгина анаэробларга қарши самарадор. Линезолид бошқа препаратларга чидамлилик орттирган инфекцияларда қўлланилади. Антимикроб таъсир механизми оқсил синтезини бошланғич босқичларини бузади.. Энтерал ва парентарал йўл билан қўлланилади. Асосан граммусбат бактериялар қўзғатган оғир инфекцияларни даволаш учун тавсия этилади.

Купить

Похожие документы
Sog‘liqni saqlash tizimi va uning xususiyatlari
Rentgenologik tekshirishning umumiy, xususiy va maxsus usullari
Jigarda gormonlarning zararsizlantirilishi
Qon ivishi, qon guruhlari va rezus omili
Sust boruvchi neyrovirusli infeksion kasalliklar