WPFda Application sinfi va boshqaruv elementlari shablonini yaratish

Информация о документе

Цена	35000UZS
Размер	385.5KB
Покупки	0
Дата загрузки	04 Июнь 2025
Расширение	doc
Раздел	Курсовые работы
Предмет	Информатика и ИТ

Продавец

G'ayrat Ziyayev

Дата регистрации 14 Февраль 2025

82 Продаж

WPFda Application sinfi va boshqaruv elementlari shablonini yaratish

Купить

O‘ZBEKISTON RESPUBLIKASI
OLIY TA’LIM, FAN VA INNOVATSIYALAR
VAZIRLIGI
FARG‘ONA DAVLAT UNIVERSITETI
« AMALIY MATEMATIKA VA INFORMATIKA »
KAFEDRASI
« Algoritmik tillar va dasturlash » fanidan
KURS ISHI
Mavzu: WPFda Application sinfi va boshqaruv elementlari
shablonini yaratish

Mundarija
Kirish…………………………………………………………………………….3
I. NAZARIY QISM ………………………………………………...
……….5
1.1. C# dasturlash tili va XAML tili ……………..……………...….… 5
1.2. WPF ……………… ………………………………………………. 8
1.3. Application sinfi ………………………………………….…….… 11
1.4. Ilovani ishga tushurish jarayoni(StartUp, ShutDown, Resources)
……………………………………………………………… 13
1.5. Control va Template tushunchalari … ……...……………………… 17
1.6. Default Control Template tushunchalari … ……………………...… 19
II. AMALIY QISM ………………………………………………………...
… 22
2.1. Kunlik reja dasturi: masala tavsifi va algoritmi …………………… 22
2.2. Kod tahlili (C#) va dastur natijasi ………………………….……… 23
XULOSA ……………………………………………………………………...… 25
FOYDALANILGAN ADABIYOTLAR ………………………...………….… 27
ILOVALAR …………………………………………………………………….. 28
3

KIRISH
“Barchamizning maqsadimiz — zamon talablariga javob beradigan, yangi
bilimlarni o‘zlashtirgan, innovatsion fikrlashga ega bo‘lgan kadrlarni
tayyorlashdir.”
Shavkat Mirziyoyev
So nggi yillarda O zbekistonda axborot texnologiyalari sohasi bo yichaʻ ʻ ʻ
kadrlar tayyorlash masalasida juda katta ishlar qilinyapdi. Chunki bu kuchli
mutaxassislarga bog liq bo lgan kasb. Qo shimcha texnika yoki xizmatlar talab
ʻ ʻ ʻ
etilmaydi. Bu yo lda qo yilgan eng katta qadamlar deb – «Bir millionta dasturchi»
ʻ ʻ
loyihasining yo lga qo yilishi, Muhammad al-Xorazmiy nomidagi IT maktab va
ʻ ʻ
IT-Parkning ochilishi hamda boshqa hududlarda Raqamli texnologiyalar o quv
ʻ
markazlarining tashkil etilishini aytish mumkin.
Hozirda O zbekistonda eng daromadli soha IT sohasi hisoblanadi. Sabab shu
ʻ
sohaga bo lgan talabning yuqoriligi va shu soha mutaxasislarining yetishmasligi
ʻ
hisoblanadi.
Kurs ishining dolzarbligi: Zamonaviy dasturiy ta’minot ishlab chiqishda
foydalanuvchi interfeysining (UI) qulayligi va moslashuvchanligi katta ahamiyatga
ega. Microsoft tomonidan taqdim etilgan WPF (Windows Presentation
Foundation) texnologiyasi bu borada kuchli imkoniyatlarga ega bo‘lib, u
yordamida grafik interfeysli dasturlarni modulli, stilga asoslangan va interaktiv
shaklda yaratish mumkin. Ayniqsa, Application sinfi yordamida ilovaning ishga
tushish tartibini nazorat qilish, boshqaruv elementlari uchun esa shablonlar
(Control Templates) orqali vizual ko‘rinishni o‘zgartirish imkoniyati, zamonaviy
interfeyslar yaratishda muhim o‘rin tutadi. Shu sababli, mazkur mavzu dasturchilar
uchun ham nazariy, ham amaliy jihatdan dolzarbdir.
Kurs ishining maqsadi va vazifalari: Kurs ishining asosiy maqsadi WPF
texnologiyasida Application sinfi shablonlarini chuqur o‘rganishdir. Bu
yordamida, dasturlashning ushbu jihatlarini samarali qo‘llash, foydalanuvchi
interfeysini optimallashtirish va tizimli tarzda ilovalar yaratish ko‘nikmalarini
4

shakllantirishga qaratilgan. Va quyidagi vazifalarga ega: WPF platformasining
imkoniyatlarini va uning xususiyatlarini o‘rganish, shuningdek, XAML va C#
tillarini WPF bilan qanday ishlashini tushunish. Application sinfining asosiy
vazifalari va dastur jarayonidagi rolini batafsil o‘rganish. Amaliy misollar
yordamida Application sinfi va ControlTemplate shablonlarini ishlatib,
foydalanuvchi interfeysining dizaynini optimallashtirish va uning xatti-
harakatlarini boshqarish usullarini ko‘rsatish. Olingan bilimlarni amaliyotga tadbiq
etish maqsadida kichik bir loyiha yaratilib, bunda Application sinfi va
ControlTemplate shablonlari samarali qo‘llaniladi.
Kurs ishini tayyorlashda foydalanilgan adabiyotlar tahlili: Kurs ishini
tayyorlashda quyidagi manbalardan foydalanildi: Microsoft rasmiy hujjatlari 1
;
Adam Nathan muallifligidagi “WPF 4.5 Unleashed” kitobi; A. Troelsenning “Pro
WPF in C#” asari; WPF bo‘yicha onlayn darsliklar va video kurslar 2
; O‘zbekiston
Milliy kutubxonasi va oliy ta’lim muassasalarining o‘quv adabiyotlari. Ushbu
manbalar asosida mavzuning nazariy va amaliy asoslari chuqur o‘rganilib, misollar
bilan boyitildi.
Kurs ishining nazariy va amaliy ahamiyati: Nazariy jihatdan, kurs ishi
WPF asoslarini, Application sinfi va boshqaruv elementlari shablonlari bilan
bog‘liq bilimlarni tizimli tarzda o‘zlashtirishga xizmat qiladi. Amaliy jihatdan esa,
bu bilimlar asosida real ilovalar yaratish, interfeys elementlarini moslashtirish va
dizayn jihatdan sifatli mahsulotlar ishlab chiqish imkonini beradi.
Kurs ishi tuzilmasining tavsifi: Kurs ishi kirish, nazariy, amaliy qism
hamda xulosa va foydalanilgan adabiyotlar bo‘limlaridan iborat. Kirish bo‘limida
mavzuning dolzarbligi, maqsadi va vazifalari bayon etiladi. Nazariy qismda WPF
texnologiyasi, Application sinfi va boshqaruv elementlari haqidagi asosiy
tushunchalar tahlil qilinadi. Amaliy qismda esa WPF ilovasi yaratilib, misollar
ko‘rsatiladi. Xulosa bo‘limida o‘rganilgan bilimlar umumlashtirilib, taklif va
tavsiyalar beriladi. Foydalanilgan adabiyotlar bo‘limida esa kurs ishida
foydalanilgan asosiy manbalar keltiriladi.
1
(docs.microsoft.com)
2
(Pluralsight, Udemy)
5

Nazariy qism
1.1-§ C# dasturlash tili va XAML tili
C# dasturi 90-yillarning oxirida ishlab chiqilib Microsoft .NET ning bir
qismiga aylandi. Alfa versiya sifatida 2000 yildan boshlab ishlatila boshladi. C#
bosh arxitektori butun dunyo dasturchilari ichida birinchilar qatorida turgan va
butun dunyo tomonidan tan olingan dasturlash tilidir. Asoschisi Anders Heylsberg
bo ldi. Uning 1980 yillarda chiqarilgan Turbo Paskal dasturi orqali ham tanishimizʻ
mumkin. C# bevosita C, C++ va Java bilan bog’liq. Chunki bu uchta til dasturlash
olamida eng mashhur tillardir. Bundan tashqari professional dasturchilar C va C++
ni va juda ko pchilik Java tilida ish yuritadi. C# ning kelib chiqish geneologik
ʻ
daraxti quyidagicha bo ladi
ʻ :

1-rasm. C# ning kelib chiqishi.
6

Chizmada C va C++ tillari C# ning asosini tashkil qiladi. Lekin C# va Java
o zaro o zgacha ravishda bog’langan. Ularning kelib chiqishi C va C++ bo lsadaʻ ʻ ʻ
o zaro bir biridan farq qiladi. C# tili ham obyektga mo ljallangan tillar sirasiga
ʻ ʻ
kiradi. VS 2019 da C# tili yordamida 23 xil loyiha yaratish mumkin.
- C dasturlash tilining evolyutsiyasi:ALGO-BCPL-B-TraditionC-K&R C-
ANSI C-ANSI/ISO C99.
-C dasturlash tili Bell labaratoriyasida 1972-yilda Dennis Ritchie tomonidan
yaratilgan.
-C dasturlash tili kompyuter dasturlash tillari tarixida eng ko p vaqt
ʻ
foydalanilgan til hisoblanadi.
-C dasturlash tilida 45 ta operator bo lib ular 8 ta guruhga bo linadi.
ʻ ʻ
-C dasturlash tilida 2 xil konstanta bor. Bular: Primary va Secondary constant.
-C dasturlash tili obyektga yo naltirilgan dasturlash tili bo lmaganligi uchun
ʻ ʻ
Vorislik va Polimforfizm tushunchalari yo ʻ q.
-C dasturlash tili ko plab boshqa dasturlash tillarining asosi hisoblanadi.
ʻ
Misol uchun C++, Java, Java Script, Go, Rust, Limbo, LPC, C#, PHP, Python,
Perl, Verilog va C-shell shular jumlasidan.
C# leksik jihatdan kengaytirilgan, imperative, deklarativ, funksional,
umumiy, obyektga yo naltirilgan (sinfga asoslangan) va komponentlarga
ʻ
yo naltirilgan dasturlash fanlarini o z ichiga olgan umumiy maqsadli, ko p
ʻ ʻ ʻ
paradigmali dasturlash tili. U 1998-2001-yilda Microsoft kompaniyasi dasturchilari
Anderson Xeylsberg va Skot.V lar tomonidan . NET tashabbusi doirasida ishlab
chiqilgan va keyinchalik Ecma (ECMA-334) va ISO (ISO/IES23270:2018)
tomonidan xalqaro standart sifatida tasdiqlangan. Hozirgi kunda C# dasturlash tili
yuqori bosqichli dasturlash tillari ichida eng samarali dasturlash tillaridan
hisoblanadi. C# dasturlash tilida dastur tuzish uchun Visual Studio .NET
muhitidan foydalanamiz. C# dasturlash tili obyektga yo naltirilgan
ʻ dasturlash tili
hisoblanadi. Visual Studio .NET sistemasida dasturni kompilyatsiya qilish va
bajarishning bir necha usuli bor. Ko p hollarda dasturchilar dasturni alohida
ʻ
7

kompilyatsiya qilib bir nechta klavishlar kombinatsiyalari orqali ishlatishga
o rganishgan.ʻ
XAML tili
XAML (eXtensible Application Markup Language) — bu XML (eXtensible
Markup Language) asosidagi belgilash (markup) tili bo‘lib, asosan foydalanuvchi
interfeysi (UI) yaratishda ishlatiladi. U Microsoft tomonidan ishlab chiqilgan va
WPF (Windows Presentation Foundation), UWP (Universal Windows Platform),
Xamarin.Forms kabi texnologiyalarda qo‘llaniladi. XAML asosida foydalanuvchi
interfeyslarini yaratish deklarativ (ya’ni kod yozmasdan) shaklda amalga
oshiriladi. Bu yondashuv dastur dizayni va funksionalligini bir-biridan ajratib
turadi, bu esa texnik va dizayner jamoalarning alohida ishlashini osonlashtiradi.
XAML ning asosiy xususiyatlari :
1. Deklarativ yondashuv: Interfeys komponentlarini yozma kodsiz, belgilash
orqali yaratish.
2. O‘qish va tahrirlash oson: XML sintaksisiga asoslanganligi tufayli oddiy
tuzilishga ega.
3. C# kodi bilan integratsiya: XAML fayllari odatda .xaml.cs fayllari bilan
birga ishlaydi, bunda funksionallik C# tilida yoziladi.
4. Style va Template larni qo‘llab-quvvatlaydi: UI dizaynini modul va qayta
foydalaniladigan shaklda yozish mumkin.
5. Data Binding imkoniyati: Interfeys elementlarini ma’lumotlar manbaiga
ulash oson.
XAML faylining tuzilishi:
XAML fayli odatda quyidagi tarkibiy qismlardan iborat:
< Window x:Class = "MyApp.MainWindow"
xmlns = "http://schemas.microsoft.com/winfx/2006/xaml/presentation"
xmlns:x = "http://schemas.microsoft.com/winfx/2006/xaml"
Title = "Asosiy oyna" Height = "300" Width = "400" >
< Grid >
< Button Content = "Bos!" Width = "100" Height = "30" />
8

$</ Grid > </ Window > Bu yerda: <Window> — asosiy konteyner (oyna); xmlns — kerakli namespacelarni bildiradi; <Grid> — layout konteyner; <Button> — foydalanuvchi interfeysi elementi. Har bir .xaml faylga code-behind deb ataluvchi .xaml.cs fayl mos keladi. Ushbu faylda foydalanuvchi tomonidan bajarilgan harakatlarga javob beruvchi C# kod yoziladi. Masalan: MainWindow.xaml.cs : private void Button_Click ( object sender, RoutedEventArgs e) { MessageBox.Show( "Button tugmasi bosildi!" ); } MainWindow.xaml : < Button Content = "Button tugmasi" Click = "Button_Click" /> XAML quyidagi sohalarda qo'llanilishi mumkin: 1. WPF (Windows Presentation Foundation) – desktop ilovalar uchun. 2. UWP (Universal Windows Platform) – universal Windows ilovalar uchun. 3. Xamarin.Forms – mobil ilovalar uchun (Android, iOS). 4. MAUI (Multi-platform App UI) – bir necha platformalarda ishlaydigan .NET ilovalar uchun yangi yechim. XAML: DataBinding, Triggers, Converters, Resource, Animations va Storyboards kabi murakkab imkonyatlarga ega. Bu imkonyatlar quyidagicha imkonyatlarni taqdim etadi:  DataBinding: Ma’lumotlar manbaiga (Model yoki ViewModel) elementlarni bog‘lash.  Triggers: Hodisalar asosida stil yoki xatti-harakatlarni o‘zgartirish.  Converters: Ma’lumotlar formatini moslashtirish uchun ishlatiladi.  Resources: Stil va shablonlarni markazlashgan holda boshqarish.  Animations va Storyboards: Interfeysga harakat kiritish imkoniyati. 9$

1.2-§ WPF
WPF (Windows Presentation Foundation) — bu Microsoft tomonidan
yaratilgan va .NET platformasiga asoslangan foydalanuvchi interfeysi (UI) yaratish
texnologiyasi . U 2006-yildan beri Windows ilovalarini ishlab chiqishda
qo‘llaniladi va zamonaviy, grafik jihatdan boy interfeyslar yaratish imkonini
beradi. WPF — declarative-XAML va imperative-C# yondashuvlar birlashmasiga
tayanadi. Bu yondashuv uni kuchli, modul va qulay platformaga aylantiradi. WPF
arxitekturasi bir necha asosiy qatlamlardan (layer) iborat bo‘lib, har biri o‘zining
alohida vazifasiga ega. Quyida asosiy komponentlar va ularning funksiyalari
keltirilgan:
1. Presentation Framework
Bu qatlam asosiy UI elementlari va xatti-harakatlarini o‘z ichiga oladi:
 Button , TextBox , ComboBox kabi tayyor boshqaruv elementlari.
 Window , Page , UserControl — asosiy konteynerlar.
 DataBinding , Styles , Templates , Animation funksiyalari.
Bu qatlam dasturchilar bilan eng ko‘p aloqada bo‘ladigan qatlamdir.
2. PresentationCore
Bu qatlam — grafik obyektlar (Visual, UIElement) bilan ishlash imkonini
beradi. U Shapes , Drawing , Geometry , Brush , Transform kabi komponentlarni o‘z
ichiga oladi. Bu qatlam interfeysning vizual qismini chizish va boshqarishni
ta'minlaydi.
3. WindowsBase
Infrastructure (infratuzilma) qatlami . Bu qatlam butun WPF ilovasi uchun
umumiy sinflarni o‘z ichiga oladi:
 DependencyObject , DispatcherObject , Application , ResourceDictionary .
 Xotirani boshqarish, eventlar bilan ishlash, va threading.
WPFning eng asosiy sinflari aynan mana shu qatlamda joylashgan.
4. MilCore (Media Integration Layer)
10

Bu past darajali, native qatlam bo‘lib, PresentationCore bilan DirectX
orasidagi bog‘lovchi interfeys hisoblanadi. U foydalanuvchiga to‘g‘ridan-to‘g‘ri
ochilmaydi, lekin butun rendering jarayonini boshqaradi. WPF vizual elementlarini
GPU yordamida chizish uchun aynan MilCore javobgar.
5. DirectX
WPF interfeyslarining grafik qismlarini chizishda Microsoftning DirectX
texnologiyasidan foydalanadi. Bu yordamida hardware acceleration (qattiq disk,
video karta kuchi) amalga oshiriladi. Bu esa WPF ilovalarini tez, silliq va resursni
tejaydigan qiladi.
WPF arxitekturasi quyidagi xususiyatlarga ega:
✅ Vector-based rendering — har qanday o‘lchamdagi ekranlar uchun sifatli
tasvir.
✅ Resolution independence — interfeys aniqligi ekran zichligidan mustaqil.
✅ Hardware acceleration — grafik chizish GPU orqali amalga oshiriladi.
✅ Separation of concerns — dizayn va logika ajratilgan (XAML vs. C#).
✅ Style, Template, Theme — qo‘llab-quvvatlanadi.
✅ Data Binding, Command, Resource — model mavjud.
WPF ning boshqa arxitektura yondashuvlari bilan farqi:
Platforma UI yaratish
usuli Grafik
texnologiya Ma’lumot bilan
bog‘lash (Data
Binding) Shablonlash
WinForms Imperative
(kod) GDI+ Minimal Yo‘q
WPF Declarative
(XAML) DirectX Keng qamrovli Bor
UWP Declarative
(XAML) Direct2D Keng qamrovli Bor
11

WPF arxitekturasi yuqori darajadagi modullikka ega bo‘lib, foydalanuvchi
interfeyslarini yaratishda kuchli vositalarni taqdim etadi. U yuqori unumdorlik,
moslashuvchanlik, grafik sifat va zamonaviy yondashuvlar bilan ajralib turadi.
Aynan shu jihatlar WPFni korporativ va grafik jihatdan boy ilovalar yaratishda eng
zo‘r tanlovlardan biriga aylantiradi.
1.3-§ Application sinfi
WPF ilovalarida barcha dasturlar Application sinfi asosida ishga tushadi. Bu
sinf ilovaning resurslar, navigatsiya, oynalarni boshqarish kabi asosiy funksiyalarni
boshqaradigan markaziy obyekt hisoblanadi. System.Windows.Application — bu
WPFda mavjud bo‘lgan asosiy sinf bo‘lib, u: Ilovaning ishlashini boshlaydi va
yakunlaydi. Oynalarni boshqaradi ( MainWindow , boshqa Window lar). Global
darajadagi resurslar ni taqdim etadi. Foydalanuvchi sessiyasi va xatoliklarini
kuzatadi. App.xaml bilan birgalikda ishlaydi. Application sinfi odatda App.xaml.cs
faylida kengaytiriladi.
Application sinfining asosiy vazifalari:
Funksiya Tavsif
Ilovani ishga tushirish Application.Run() orqali asosiy oyna
(MainWindow) ishga tushadi.
Resurslarni boshqarish Application.Resources — global Style , Brush ,
Template .
Bir nechta oynani qo‘llab-
quvvatlash Application.Windows orqali barcha ochiq
oynalarni boshqaradi.
Hodisalarni ushlash
Startup , Exit , DispatcherUnhandledException .
Sessiya holatini boshqarish
SessionEnding , Deactivated , Activated .
Buyruqlarni markazlashgan
boshqarish CommandBinding , InputBinding .
Application hodisalari:
Hodisa Tavsifi
Startup Ilova ishga tushayotganda chaqiriladi .
12

Hodisa Tavsifi
Exit Ilova yopilayotganda chaqiriladi .
DispatcherUnhandledException Xatoliklar tutib olinmasa, bu yerda ushlanadi.
SessionEnding Kompyuter o‘chirilayotgan yoki foydalanuvchi
chiqayotgan holatlarda chaqiriladi.
Misol: Applicationdan foydalanish
public partial class App : Application
{
protected override void OnStartup ( StartupEventArgs e )
{
base .OnStartup(e);
MainWindow main = new MainWindow();
main.Show();
}
}
App.xaml va App.xaml.cs fayllarining funksiyasi:
1. App.xaml fayli
Bu fayl — WPF ilovasining kirish nuqtasi bo‘lib, Application sinfi uchun
XAML konfiguratsiyasini taqdim etadi. Bu yerda ilovaning umumiy resurslari,
ishga tushirish sozlamalari va boshlang‘ich oyna ( StartupUri ) belgilanadi.
Strukturasi:
< Application x:Class = "MyApp.App"
StartupUri = "MainWindow.xaml"
xmlns = "http://schemas.microsoft.com/winfx/2006/xaml/presentation"
xmlns:x = "http://schemas.microsoft.com/winfx/2006/xaml" >
< Application.Resources >
<!-- Global resurslar, Style, DataTemplate -->
</ Application.Resources >
</ Application >
13

$StartupUri — Bu atribut dastur ishga tushganda birinchi ochiladigan oyna (Window)ni belgilaydi. Application.Resources — Bu qismda butun ilova bo‘yicha ishlatiladigan Style , Brush , Template kabi resurslar joylashtiriladi. 2. App.xaml.cs fayli Bu fayl — App.xaml bilan bog‘langan code-behind (C# kod) faylidir. U Application sinfidan meros olib, ilovaning ishga tushishi, yopilishi, va global eventlar ni boshqaradi. Misol: public partial class App : Application { private void Application_Startup ( object sender, StartupEventArgs e) { MainWindow window = new MainWindow(); window.Show(); } private void Application_Exit ( object sender, ExitEventArgs e) {} } Application sinfi va unga bog‘liq App.xaml hamda App.xaml.cs fayllari — WPF ilovasining yuragi hisoblanadi. Ular yordamida ilovaning hayot aylanishi, resurslari, boshlanish tartibi va xatoliklar ustidan to‘liq nazorat amalga oshiriladi. Bu tizimli yondashuv WPF ilovalarining barqaror va kengaytiriladigan bo‘lishini ta’minlaydi. 1.4-§ Ilovani ishga tushurish jarayoni: Startup, Shutdown, Resources WPF (Windows Presentation Foundation) ilovalarida ilovani ishga tushirish (Startup) va yopish (Shutdown) jarayonlari muhim rol o‘ynaydi. Ushbu jarayonlar Application sinfi va unga bog‘liq App.xaml / App.xaml.cs orqali boshqariladi. Shuningdek, ilovada umumiy ishlatiladigan Resources (resurslar) tushunchasi 14$

muhim ahamiyatga ega bo‘lib, foydalanuvchi interfeysini modullashtirish va
yagona uslubni ta’minlashda qo‘llaniladi.
1. Ilovani ishga tushurish — Startup jarayoni
Ishlash ketma-ketligi:
1. App.xaml fayli yuklanadi
2. Application sinfi obyektga aylantiriladi
3. Startup hodisasi ishga tushadi
4. Ilovaning asosiy oynasi ( MainWindow ) ochiladi
StartupUri orqali avtomatik boshlanish
App.xaml faylida:
< Application x:Class = "MyApp.App"
StartupUri = "MainWindow.xaml" >
</ Application >
Bu yondashuvda MainWindow avtomatik ishga tushadi.
Kod orqali boshlanish (App.xaml.cs)
Agar boshlanishda foydalanuvchi avtorizatsiyadan o‘tishi yoki turli shartlar
tekshirilishi kerak bo‘lsa, kod orqali oynani ochish maqsadga muvofiq:
public partial class App : Application
{
protected override void OnStartup ( StartupEventArgs e )
{
base .OnStartup(e);

// Dinamik boshlanish
LoginWindow login = new LoginWindow();
if (login.ShowDialog() == true )
{
MainWindow main = new MainWindow();
main.Show();
}
15

$else { // Ilovani to‘xtatish Shutdown(); } } } Startup hodisasidan foydalanish: private void Application_Startup ( object sender, StartupEventArgs e) { // Custom ishga tushirish jarayoni } 2. Ilovani yopish — Shutdown jarayoni Ilova quyidagi holatlarda yopiladi:  Foydalanuvchi asosiy oynani yopadi  Application.Shutdown() chaqiriladi  Operatsion tizim tomonidan ilova majburan yopiladi ShutdownMode (yopilish rejimi) App.xaml.cs faylida ilovani qanday yopish kerakligini aniqlash mumkin: App.Current.ShutdownMode = ShutdownMode.OnMainWindowClose; Rejim Tavsif OnLastWindowClose So‘nggi oyna yopilganda ilova to‘xtaydi (default) OnMainWindowClose Faqat asosiy oyna yopilganda to‘xtaydi OnExplicitShutdown Faqat Application.Shutdown() chaqirilgandagina yopiladi Exit va SessionEnding hodisalari: private void Application_Exit ( object sender, ExitEventArgs e) { // Ilova yopilayotganda loglarni saqlash yoki tozalash } 16$ $private void Application_SessionEnding ( object sender, SessionEndingCancelEventArgs e) { // Kompyuter o‘chirilayotganda ogohlantirish } 3. Application Resources — umumiy resurslar boshqaruvi WPF ilovalarida ko‘p marotaba ishlatiladigan UI elementlari — ranglar, shriftlar, uslublar, DataTemplate , ControlTemplate va boshqa komponentlar Application.Resources qismida saqlanishi mumkin. Misol: App.xaml’da global Style yaratish < Application.Resources > < SolidColorBrush x:Key = "MainColor" Color = "CornflowerBlue" /> < Style TargetType = "Button" > < Setter Property = "Background" Value = "{StaticResource MainColor}" /> < Setter Property = "FontWeight" Value = "Bold" /> </ Style > </ Application.Resources > Bu resurslar butun ilova bo‘ylab ishlatilishi mumkin. Dy namic v a St at ic Resource farqi Turi Tavsif StaticResource Dastlab yuklanadi, ish vaqtida o‘zgarmaydi DynamicResource Ish vaqtida yuklanadi, o‘zgarishga moslashadi Resurslarga murojaat qilish (XAML va C# orqali) XAML: < TextBlock Foreground = "{StaticResource MainColor}" /> C# da: var color = (Brush)Application.Current.Resources[ "MainColor" ]; WPF ilovasining ishga tushish va yopilish jarayonlari — ilovaning barqaror ishlashi, foydalanuvchi tajribasi va xatoliklar boshqaruvida muhim rol o‘ynaydi. Startup , Shutdown va Resources kabi komponentlar yordamida: Ilovani 17$

moslashuvchan boshlash va yopish mumkin. Kod bilan yoki XAML orqali
oynalarni boshqarish osonlashadi. Umumiy resurslar orqali interfeysni
markazlashtirib boshqarish qulaylashadi. Shu tarzda WPF ilovasi mustahkam,
modular va professional dasturiy yechimga aylanishi mumkin.
1.5-§ Control va Template tushunchasi
WPF dasturlashda foydalanuvchi interfeysi komponentlarini yaratish va
sozlash uchun Control (boshqaruv elementlari) va Template (shablonlar)
tushunchalari muhim o‘rin tutadi. WPFning kuchli tomonlaridan biri bu —
foydalanuvchining estetik, zamonaviy va individual interfeys yarata olish
imkoniyatidir. Bu imkoniyat aynan Control va Template tizimi orqali ta'minlanadi.
Control — boshqaruv elementlari
Control — foydalanuvchi interfeysida ko‘rinadigan, interaktiv elementlar
bo‘lib, ular orqali foydalanuvchi va dastur o‘zaro aloqada bo‘ladi.
Misollar:
 Button
 TextBox
 ComboBox
 CheckBox
 ListView
 Slider
 DatePicker va boshqalar
Controllar System.Windows.Controls.Control sinfidan meros oladi va o‘ziga xos
vizual ko‘rinishga ega bo‘ladi.
Controllarning xossalari:
Xossa Tavsif
Content Boshqaruv elementining ichidagi kontent
Style Tashqi ko‘rinishni sozlovchi xossalar to‘plami
18

Xossa Tavsif
Template Controlning to‘liq vizual shabloni (ControlTemplate)
DataContext Ma’lumot modeli bilan bog‘lanish
Template — bu boshqaruv elementining vizual strukturasi va ko‘rinishini
belgilovchi XAML asosidagi shablondir.
WPFda ikki turdagi shablon mavjud:
1. ControlTemplate — Controlning to‘liq ko‘rinishini qayta belgilash
2. DataTemplate — Ma’lumotlarni qanday ko‘rsatishni belgilovchi shablon
ControlTemplate
Misol: Button uchun ControlTemplate:
<Button Content="OK" Width="100" Height="40">
<Button.Template>
<ControlTemplate TargetType="Button">
<Border Background="DarkCyan" CornerRadius="8">
<ContentPresenter HorizontalAlignment="Center"
VerticalAlignment="Center"/>
</Border>
</ControlTemplate>
</Button.Template>
</Button>
Bu yerda odatdagi tugma o‘rniga, burchaklari yumaloqlangan va fon rangi
o‘zgartirilgan o‘ziga xos ko‘rinish yaratilmoqda.
DataTemplate
DataTemplate — ListBox, ListView va boshqa ma’lumot chiqaruvchi
kontrollerlarda qo‘llaniladi. U orqali elementlar qanday ko‘rinishda bo‘lishi
belgilab beriladi.
Misol :
<ListBox ItemsSource="{Binding Students}">
<ListBox.ItemTemplate>
<DataTemplate>
19

<StackPanel Orientation="Horizontal">
<TextBlock Text="{Binding Name}" FontWeight="Bold"/>
<TextBlock Text=" - " />
<TextBlock Text="{Binding Grade}" Foreground="DarkGreen"/>
</StackPanel>
</DataTemplate>
</ListBox.ItemTemplate>
</ListBox>
Control va Template o‘zaro aloqasi
WPFda har bir boshqaruv elementi (Control) o‘zining Default ControlTemplate
ga ega. Agar bu sizni qoniqtirmasa, siz uni yangi ControlTemplate bilan
almashtirishingiz mumkin. Bu orqali siz: Maxsus dizayn yaratishingiz,
brendingizga moslashtirishingiz, animatsiya va holatlarni qo‘shishingiz (Visual
States orqali) mumkin bo‘ladi.
Control va Template WPF dasturlashning UI sohasidagi eng kuchli
vositalaridan biridir. Ular yordamida siz:
 Tayyor boshqaruv elementlardan foydalanasiz (Control)
 Ularning ko‘rinishini to‘liq o‘zgartira olasiz (ControlTemplate)
 Ma’lumotlarni vizual jihatdan boy tarzda taqdim etasiz (DataTemplate)
Bu moduliy yondashuv dastur interfeysining moslashuvchanligi va estetik
jihatdan mukammalligini ta’minlaydi.
1.6-§ Default Control Template tushunchalari
WPFning asosiy kuchli jihatlaridan biri bu — foydalanuvchi interfeysini
to‘liq sozlash imkoniyatidir. Har bir Control (boshqaruv elementi) standart
(default) ko‘rinishga ega bo‘lib, bu ko‘rinish ControlTemplate orqali belgilangan
bo‘ladi. Default Control Template bu — WPF elementlarining Visual Studio yoki
Framework tomonidan berilgan standart shablonlari hisoblanadi.
20

Default Control Template — bu har bir WPF boshqaruv elementi ( Button ,
TextBox , ComboBox , CheckBox va h.k.) uchun standart holatda taqdim etiladigan
ko‘rinish va interaktivlikni belgilovchi XAML asosidagi shablon hisoblanadi.
Har bir ControlTemplate odatda quyidagilarni o‘z ichiga oladi:
Element Tavsifi
Visual Tree Control ichidagi vizual elementlar ierarxiyasi
ContentPresenter Control’ning kontent qismini chiqarish uchun joy
Triggers Holatlarga (Hover, Pressed, Disabled) bog‘liq vizual javoblar
TemplateBinding Control xossalarini Template ichiga uzatish mexanizmi
( Background , BorderBrush )
Misol: Buttonning Default Template (soddalashtirilgan)
<ControlTemplate TargetType="Button">
<Border Name="border"
Background="{TemplateBinding Background}"
BorderBrush="{TemplateBinding BorderBrush}"
BorderThickness="{TemplateBinding BorderThickness}">
<ContentPresenter
HorizontalAlignment="Center"
VerticalAlignment="Center"/>
</Border>
<ControlTemplate.Triggers>
<Trigger Property="IsPressed" Value="True">
<Setter TargetName="border" Property="Background" Value="Gray"/>
</Trigger>
</ControlTemplate.Triggers>
</ControlTemplate>
Bu yerda tugma bosilganda fon rangi kulrangga (Gray) o‘zgaradi.
ContentPresenter esa tugmaning matnini ko‘rsatadi.
Default Template va Custom Template:
21

Xususiyat Default Control Template Custom Control
Template
Beriladi WPF tomonidan avtomatik
taqdim etiladi Dasturchi tomonidan
yaratiladi
Ko‘rinishi Klassik va universal To‘liq moslashtirilgan
Qayta ishlash
kerakmi Yo‘q (faqat o‘zgartirish kerak
bo‘lsa) Ha (o‘zingiz yozasiz)
Moslashuvchanlik Cheklangan To‘liq nazorat
22

AMALIY QISM
2.1-§ Kunlik reja dasturi: masala tavsifi va algoritmi
Masala tavsifi
Zamonaviy hayotda vazifalarni samarali boshqarish, vaqtni rejalashtirish va
ularni nazorat qilish har bir shaxs uchun muhim ahamiyat kasb etadi. Kunlik reja
dasturlari bu borada foydalanuvchiga vazifalarini belgilash, ularni bajarilgan yoki
bajarilmagan holatlarda ajratish, vaqti bilan nazorat qilish hamda statistik tahlil
qilish imkonini beradi.
Taqdim etilayotgan "MyToDo" nomli WPF (Windows Presentation
Foundation) ilovasi foydalanuvchiga quyidagi funksionalliklarni taqdim etadi:
 Yangi vazifani kiritish va uni muddat (deadline) bilan birga saqlash.
 Har bir vazifa uchun bajarilgan yoki bajarilmagan holatni belgilang.
 Foydalanuvchi interfeysida vazifaning holatiga qarab vizual rang o‘zgarishi.
 Vazifalarni JSON formatida faylga saqlash va qayta yuklash imkoniyati.
 Kunlik statistikani (jami, bajarilgan, bajarilmagan vazifalar soni) ko‘rsatish.
 Dark Mode rejimini yoqish/o‘chirish imkoniyati.
Algoritm tavsifi
Ilova quyidagi asosiy algoritmlarga asoslanadi:
1. Foydalanuvchi tomonidan vazifa kiritilishi:
o Matn maydoniga vazifa yoziladi va istalgan holatda sana tanlanadi.
o “Qo‘shish” tugmasi bosilgach, vazifa TaskItem obyektiga o‘tkaziladi.
2. Vazifani interfeysga chiqarish (vizual panel):
o Har bir vazifa uchun StackPanel hosil qilinadi.
o Vazifa matni, deadline va o‘chirish tugmasi bu panelga joylashtiriladi.
o Deadlinega qarab rang belgilanadi:
 O‘tgan sana: qizil (LightCoral) ;
 Bugungi sana: sariq (Khaki) ;
 Kelgusi sana: yashil (LightGreen) .
23

$3. Vazifalarni saqlash va yuklash: o Saqlashda barcha paneldagi ma’lumotlar List<TaskItem> ko‘rinishiga o‘tkaziladi va todo.json fayliga yoziladi. o Dastur ishga tushganda fayldan vazifalar o‘qilib, interfeysga qayta yuklanadi. 4. Statistikani hisoblash: o Har bir vazifa tekshirib chiqiladi va holatiga qarab bajarilgan/bajarilmagan hisoblanadi. o Natijalar Label orqali foydalanuvchiga chiqariladi. 5. Dark Mode funksiyasi: o Tugma bosilganda interfeysning fon va matn ranglari almashtiriladi. 2.2. Kod tahlili (C#) va dastur natijasi Kodning asosiy qismlari tahlili Model sinf: TaskItem public class TaskItem { string Text { get; set; } public bool IsDone { get; set; } public string Deadline { get; set; } } Bu sinf vazifa uchun zarur bo‘lgan asosiy atributlarni (matn, holat, deadline) saqlaydi va JSON formatida serialize 3 qilinadi. 1. Vazifa qo‘shish: BtnQoshish_Click o Yangi TaskItem yaratilib, PanelYaratish funksiyasi orqali interfeysga chiqariladi. o Har safar yangi vazifa qo‘shilgach, faylga saqlanadi va statistika yangilanadi. 2. Panel yaratish: PanelYaratish() 3 Serialize (serializatsiya) — bu dasturdagi obyektni (ma’lumotlar tuzilmasini) ketma-ket baytlarga aylantirish jarayonidir. 24$

o Har bir vazifa uchun vizual elementlar dinamik tarzda yaratiladi.
o Deadline sanasiga qarab fon rangi belgilanadi.
o CheckBox holatining o‘zgarishi avtomatik tarzda ma’lumotlarni
saqlash va statistika yangilanishiga olib keladi.
3. Ma’lumotni saqlash va yuklash: Saqlash() , Yuklash()
o JsonConvert.SerializeObject() yordamida faylga yoziladi.
o Ilova ishga tushganda fayldan JsonConvert.DeserializeObject() orqali
yuklanadi.
4. Statistika hisoblash: YangilashStatistika()
o ListBox ichidagi har bir vazifa tekshiriladi.
o Jami, bajarilgan va bajarilmagan sonlar ajratilib, Label da ko‘rsatiladi.
5. Dark Mode: BtnDarkMode_Click()
o Foydalanuvchi interfeysining fon va matn ranglari almashtiriladi.
o darkModeOn flag yordamida holat nazorat qilinadi.
Xulosa va dastur natijasi
Dastur o‘zining soddaligi va funksionalligi bilan ajralib turadi. Uning
yordamida foydalanuvchi:
 Yangi vazifalar qo‘shadi va ularni muddatga bog‘laydi;
 Bajarilgan holatni belgilaydi va statistikani ko‘radi;
 Vazifalarni avtomatik saqlab, ilova qayta ishga tushganda yuklaydi;
 Estetik jihatdan farqlanadigan interfeysga ega (masalan, Tungi rejim).
Dastur muvaffaqiyatli tarzda ishlaydi va real hayotdagi vazifalarni boshqarish
ehtiyojlarini qondira oladi. Kod tuzilmasi modulyar va kengaytiriladigan bo‘lib,
kelajakda sinxronizatsiya (masalan, cloud saqlash) yoki mobil ilovalar bilan
integratsiyalash kabi imkoniyatlar qo‘shilishi mumkin.
25

XULOSA
Ushbu kurs ishida WPF (Windows Presentation Foundation)
texnologiyasining asosiy — Application sinfi va boshqaruv elementlari (Control)
shablonlari bilan ishlash jarayoni batafsil o‘rganildi. WPF ilovalarini yaratishda C#
dasturlash tili va XAML tilining o‘zaro uyg‘unligi, ularning birgalikda ishlashi
natijasida qulay, samarali va chiroyli interfeyslar yaratish imkoniyati ta’kidlandi.
Application sinfi — WPF ilovasining yuragi hisoblanadi. Bu sinf ilovaning
ishga tushirilishi (StartUp), resurslar bilan ishlash, hamda yopilish (ShutDown)
jarayonlarini boshqaradi. Application sinfi yordamida ilovaning umumiy resurslari
— stil, ranglar, shablonlar kabi elementlarni markaziy joyda saqlash mumkin. Bu
esa ilova tarkibidagi barcha komponentlarda yagona dizayn va funktsional birlikni
ta’minlash imkonini beradi. Shu tariqa, Application sinfi ilovaning boshqaruv
jarayonlarini markazlashgan holda samarali tashkil etishda muhim ahamiyatga ega.
WPF texnologiyasida Control tushunchasi foydalanuvchi interfeysining eng
muhim qismi hisoblanadi. Tugma, matn kiritish maydoni, ro‘yxatlar kabi ko‘plab
elementlar Control sinfidan vorislik olgan. Har bir Controlning ko‘rinishi va xatti-
harakatlari Template orqali aniqlanadi. Template kontent va tashqi ko‘rinishni
butunlay ajratishga, boshqaruv elementlarini to‘liq moslashtirishga imkon beradi.
Bu esa dasturchilarga va dizaynerlarga foydalanuvchi interfeysining ko‘rinishini
o‘zgartirishda cheksiz imkoniyatlar yaratadi.
Default Control Template — bu WPF tomonidan har bir boshqaruv
elementiga avtomatik ravishda beriladigan standart shablon. U orqali elementning
asosiy ko‘rinishi va funktsiyasi aniqlanadi. Lekin foydalanuvchi ehtiyojiga qarab,
bu shablon o‘zgartirilishi, yangidan yaratilishi yoki butunlay almashtirilishi
mumkin. Bu jihat WPFning eng kuchli tomonlaridan biri bo‘lib, ilovalarni yanada
noyob va o‘ziga xos ko‘rinishda yaratishga yordam beradi.
Shuningdek, kurs ishida ilovani ishga tushirish va yopish jarayonlari
(StartUp va ShutDown) ham muhim bosqichlar sifatida ko‘rib chiqildi. Bu
jarayonlar Application sinfi tomonidan boshqariladi va ilovaning resurslarini
26

samarali yuklash hamda tozalashni ta’minlaydi. Resurslar tizimi (Resources) esa
ilova bo‘ylab umumiy elementlarni takroran ishlatishni osonlashtiradi, shu bilan
kodni optimallashtiradi va texnik xizmat ko‘rsatishni soddalashtiradi.
Umuman olganda, WPF texnologiyasi va uning Application sinfi, Control va
Template tushunchalari zamonaviy dasturiy ta'minot ishlab chiqishda yuqori
darajadagi qulaylik va moslashuvchanlikni taqdim etadi. Bu esa dasturchilarga
yanada interaktiv, chiroyli va samarali ilovalar yaratishda katta imkoniyatlar
ochadi. Xulosa sifatida aytish mumkinki, WPFning ushbu komponentlari o‘zaro
uyg‘un ishlashi natijasida dastur yaratish jarayoni nafaqat texnik jihatdan
mustahkam, balki dizayn va foydalanuvchi tajribasi nuqtai nazaridan ham
mukammal bo‘lishiga xizmat qiladi.
27

FOYDALANILGAN ADABIYOTLAR
FOYDALANILGAN KITOBLAR
1. MacDonald, M. (2010). Pro WPF in C# 2010: Windows Presentation
Foundation in .NET 4 . Apress.
2. Anderson, C. (2007). Programming WPF . Microsoft Press.
3. Albahari, J. (2017). C# 7.0 in a Nutshell . O'Reilly Media.
4. Nathan, A. (2013). WPF 4.5 Unleashed . Sams Publishing.
5. Michaelis, M. (2006). Essential Windows Presentation Foundation (WPF) .
Addison-Wesley.
6. Prosise, J. (2003). Programming Windows with C# . Microsoft Press.
7. Adam Nathan muallifligidagi “ WPF 4.5 Unleashed ” kitobi ;
8. A . Troelsenning “ Pro WPF in C #” asari ;
9. WPF bo‘yicha onlayn darsliklar va video kurslar 4
;
10. O‘zbekiston Milliy kutubxonasi va oliy ta’lim muassasalarining o‘quv
adabiyotlari.
FOYDALANILGAN INTERNET MANBALARI
1. Microsoft. (n.d.). WPF Application Model . Microsoft Docs.
https :// learn . microsoft . com / en - us / dotnet / desktop / wpf / app - development / wpf -
application - model
2. Microsoft. (n.d.). Control Templating Overview . Microsoft Docs.
https :// learn . microsoft . com / en - us / dotnet / desktop / wpf / controls / control -
templating - overview
3. Metanit sayti : METANIT.COM - Сайт о программировании
4
(Pluralsight, Udemy)
28

$ILOVALAR using Newtonsoft.Json; using System; using System.Collections.Generic; using System.IO; using System.Windows; using System.Windows.Controls; namespace MyToDo { public partial class MainWindow : Window { private const string fileName = "todo.json"; private bool darkModeOn = false; public MainWindow() { InitializeComponent(); Yuklash(); YangilashStatistika(); } private void BtnQoshish_Click(object sender, RoutedEventArgs e) { if (!string.IsNullOrWhiteSpace(txtVazifa.Text)) { TaskItem task = new TaskItem { Text = txtVazifa.Text, IsDone = false, 29$

Deadline = dpDeadline.SelectedDate?.ToString("yyyy-MM-dd") ?? ""
};
PanelYaratish(task);
txtVazifa.Clear();
Saqlash();
YangilashStatistika();
}
}
private void PanelYaratish(TaskItem task)
{
StackPanel panel = new StackPanel { Orientation =
Orientation.Horizontal };
CheckBox chk = new CheckBox
{
Content = task.Text,
Margin = new Thickness(5),
FontSize = 14,
IsChecked = task.IsDone
};
chk.Checked += (s, e) => { Saqlash(); YangilashStatistika(); };
chk.Unchecked += (s, e) => { Saqlash(); YangilashStatistika(); };
TextBlock lblDeadline = new TextBlock
{
Text = task.Deadline,
Margin = new Thickness(10, 0, 0, 0),
VerticalAlignment = VerticalAlignment.Center,
FontSize = 12
30

};
if (DateTime.TryParse(task.Deadline, out DateTime deadlineDate))
{
if (deadlineDate.Date < DateTime.Today)
panel.Background = System.Windows.Media.Brushes.LightCoral;
else if (deadlineDate.Date == DateTime.Today)
panel.Background = System.Windows.Media.Brushes.Khaki;
else
panel.Background = System.Windows.Media.Brushes.LightGreen;
}
Button btnDelete = new Button
{
Content = " ??????️ ",
Margin = new Thickness(5),
Width = 30,
Background = System.Windows.Media.Brushes.LightCoral
};
btnDelete.Click += (s, ev) =>
{
listVazifalar.Items.Remove(panel);
Saqlash();
YangilashStatistika();
};
panel.Children.Add(chk);
panel.Children.Add(lblDeadline);
panel.Children.Add(btnDelete);
31

listVazifalar.Items.Add(panel);
}
private void Saqlash()
{
List<TaskItem> tasks = new List<TaskItem>();
foreach (StackPanel panel in listVazifalar.Items)
{
CheckBox chk = panel.Children[0] as CheckBox;
TextBlock lbl = panel.Children[1] as TextBlock;
tasks.Add(new TaskItem
{
Text = chk.Content.ToString(),
IsDone = chk.IsChecked == true,
Deadline = lbl.Text
});
}
string json = JsonConvert.SerializeObject(tasks, Formatting.Indented);
File.WriteAllText(fileName, json);
}
private void Yuklash()
{
if (File.Exists(fileName))
{
string json = File.ReadAllText(fileName);
var tasks = JsonConvert.DeserializeObject<List<TaskItem>>(json);
foreach (var task in tasks)
32

${ PanelYaratish(task); } } } private void YangilashStatistika() { int jami = listVazifalar.Items.Count; int bajarilgan = 0; foreach (StackPanel panel in listVazifalar.Items) { if (panel.Children[0] is CheckBox chk && chk.IsChecked == true) bajarilgan++; } int bajarilmagan = jami - bajarilgan; lblStatistika.Content = $" ?????? Vazifalar: {jami} | ✅ Bajarilgan: {bajarilgan} | ❌ Qolgan: {bajarilmagan}"; } private void BtnDarkMode_Click(object sender, RoutedEventArgs e) { if (!darkModeOn) { this.Background = System.Windows.Media.Brushes.Black; txtVazifa.Background = System.Windows.Media.Brushes.DimGray; txtVazifa.Foreground = System.Windows.Media.Brushes.White; 33$

listVazifalar.Background = System.Windows.Media.Brushes.DimGray;
listVazifalar.Foreground = System.Windows.Media.Brushes.White;
lblStatistika.Foreground = System.Windows.Media.Brushes.White;
darkModeOn = true;
}
else
{
this.Background = System.Windows.Media.Brushes.White;
txtVazifa.Background = System.Windows.Media.Brushes.White;
txtVazifa.Foreground = System.Windows.Media.Brushes.Black;
listVazifalar.Background = System.Windows.Media.Brushes.White;
listVazifalar.Foreground = System.Windows.Media.Brushes.Black;
lblStatistika.Foreground = System.Windows.Media.Brushes.DarkBlue;
darkModeOn = false;
}
}
}
}
Xaml kodi:
<Window x:Class="MyToDo.MainWindow"
xmlns="http://schemas.microsoft.com/winfx/2006/xaml/presentation"
xmlns:x="http://schemas.microsoft.com/winfx/2006/xaml"
xmlns:sys="clr-namespace:System;assembly=mscorlib"
Title="MyToDo - Vazifalar ro'yxati" Height="440" Width="600"
WindowStartupLocation="CenterScreen">
<DockPanel Margin="10">
<!-- Yuqori panel: Matn + Sana + Qo‘shish + Dark Mode -->
34

$<StackPanel DockPanel.Dock="Top" Orientation="Horizontal" Margin="0,0,0,10"> <TextBox x:Name="txtVazifa" Width="180" Height="30" FontSize="14" Margin="0,0,10,0"/> <DatePicker x:Name="dpDeadline" Width="120" Margin="0,0,10,0" SelectedDate="{x:Static sys:DateTime.Now}"/> <Button Content="Qo‘shish" Width="80" Click="BtnQoshish_Click" Margin="0,0,10,0"/> <Button Content=" ?????? Dark Mode" Width="120" Click="BtnDarkMode_Click"/> </StackPanel>  <ListBox x:Name="listVazifalar" Margin="0,0,0,10"/>  <Label x:Name="lblStatistika" DockPanel.Dock="Bottom" FontSize="14" FontWeight="Bold" Foreground="DarkBlue" HorizontalContentAlignment="Center"/> </DockPanel> </Window> Application xaml kodi: <Application x:Class="todo.App" xmlns="http://schemas.microsoft.com/winfx/2006/xaml/presentation" xmlns:x="http://schemas.microsoft.com/winfx/2006/xaml" StartupUri="MainWindow.xaml"> 35$

<!-- Bu yerda endi resurs yo‘q -->
<Application.Resources>
<!-- Bo‘sh qoldiriladi yoki boshqa resurslar yoziladi -->
</Application.Resources>
</Application>
Natijasi:
36

Algoritmik tillar va dasturlash

Купить

Похожие документы
Konus kesimlari va ularning fokal xossalari
Algoritmik tillar va dasturlash
UWP(Win Ui) da grafika va multimedialar bilan ishlash
Axborot resurs markazi uchun avtomatlashtirilgan tizim kurs ishi
Talabalar bilimini baholovchi dastur yaratish

Информация о документе

Продавец

WPFda Application sinfi va boshqaruv elementlari shablonini yaratish

Похожие документы