Bola shirin – odobi undan shirin” mavzusi asosida PIRLS topshiriqlari tayyorlash dars ishlanma - Pedagogika - Referatlar

Dokument ma'lumotlari

Narxi	2000UZS
Hajmi	3.2MB
Xaridlar	0
Yuklab olingan sana	07 Noyabr 2026
Kengaytma	docx
Bo'lim	Referatlar
Fan	Pedagogika

Bola shirin – odobi undan shirin” mavzusi asosida PIRLS topshiriqlari tayyorlash dars ishlanma

Sotib olish

O‘ZBEKISTON RESPUBLIKASI
MAKTA B GACHA VA MAKTA B TA’LIMI VAZIRLIGI
SAMARQAND VILOYATI PEDAGOGIK MAHORAT
MARKAZI
“Bola shirin – odobi undan shirin ” mavzusi asosida PIRLS
topshiriqlari tayyorlash ” mavzusidagi (3-sinf)
MIKRODARS ISHLANMASI

Samarqand – 2025
Darsning texnologik xaritasi
Darsning
mavzusi: “Bola shirin – odobi undan shirin ” mavzusi
asosida PIRLS topshiriqlari tayyorlash ”

mavzusidagi (3-sinf)
Darsning
maqsadlari: Odobning ahamiyatini anglash –
O‘quvchilarga odob insonning eng katta boyligi
ekanligini tushuntirish.
Yaxshi xulq-atvorni shakllantirish –
Hurmat, kamtarlik, odobli muomala kabi
fazilatlarni rivojlantirish.
Misollar orqali tushuntirish – Hayotiy
voqealar va maqollar orqali odobning inson
hayotidagi o‘rnini tushuntirish.
Fikr yuritish va muhokama qilish –
O‘quvchilarning mavzu bo‘yicha fikrlash
qobiliyatini rivojlantirish.
Dasrning
bosqichlari O‘qituvchining O‘quvchining
1.Tashkiliy
qism
( 3-daqiqa) Salomlashish, davomatni
aniqlash, sinf tozaligiga
e’tibor berish,
o‘quvchilarning
tayyorgarligini kuzatish
Tartib-intizomini yo‘lga
qo‘yish Darsga tayyor
bo‘lish,
o‘quv qurollarni
chiqarish
2.O‘tgan
mavzuni
so‘rash,
( 6-daqiqa) O‘tgan mavzuni
o‘quvchilardan so‘rash,
ularni qanchalik
tushunganligini
aniqlash. topshiriqlarni
bajaradi
3.o’tilgan
mavzuni
mustahkamlash Savol-javoblar
o‘tkazish, o‘tilgan mavzu
yuzasidan PIRLS Savollarga javob
beradi,

( 6-daqiqa) topshiriqlariga javob berish.
4.Yangi
mavzu
bayoni
( 20-daqiqa) Matnni tushunish va unga
PIRLS topshiriqlarini tuzish. Tushunish,
tezkor javob
berish , kreativ
fikrlash
5.Yangi
mavzuni
mustahkamlash
( 6-daqiqa) Tushuntirish, nazorat. Matn
bo‘yicha tuzilgan PIRLS
topshiriqlar guruhlarga
”Topgan topaloq”, ”Shaxmat
taxtasi” metodi.
“O‘simliklarni top”metodi. Savollarni
tushunib
javob berish
6. Darsning
yakuni
( 4-daqiqa) Baholash, rag‘batlantirish,
dars bo‘yicha topshiriqlarni
bajarish.Uyga vazifa berish
va undagi topshiriqlar
haqida qisqacha
tushuntirib o‘tish. Rag‘batlantiriladi,
xulosa qilishni
o‘rganadi.

DARS ISHLANMASI
Mavzu: “Bola shirin – odobi undan shirin ” mavzusi asosida
PIRLS topshiriqlari tayyorlash ” mavzusidagi (3-sinf , 4-31-bet )
Darsning maqsadi: O‘quvchilarni fikrlashga, kreativ va kritik,
mantiqiy fikrlashga o‘rgatish. Matnni o‘qib, tushunishni, shu matnga
mos PIRLS topshiriqlarini tuzishni o‘rgatish va ularga o‘ylab,
fikrlab, erkin fikrini bildirishi lozim.
Ta’limiy: O‘quvchilarga odob va yaxshi xulq-atvor haqida bilim
berish. Odobning inson hayotidagi o‘rni va ahamiyatini tushuntirish.
Maqollar, hikoyalar va hayotiy misollar orqali odobli bo‘lishga
undash. O‘quvchilarning nutq madaniyatini va mantiqiy fikrlash
qobiliyatini rivojlantirish.
Tarbiyaviy: O‘quvchilarda odob, hurmat va kamtarlik
fazilatlarini shakllantirish.
Yaxshi xulq-atvor, kattalarga hurmat va kichiklarga mehr
ko‘rsatish odatini mustahkamlash.
Jamiyatda odobli va madaniyatli inson bo‘lishga undash.
O‘quvchilarning o‘zini tutish madaniyatini oshirish va ularga
ibratli xulq-atvorni singdirish.
Rivojlantiruvchi: Rivojlantiruvchi jihatlari:
Mantiqiy va tanqidiy fikrlashni rivojlantirish – O‘quvchilar odob
va xulq-atvorning hayotdagi ahamiyatini tushunib, mustaqil tahlil
qilishga o‘rganadilar. Ular yaxshi xulq bilan yomon xulq o‘rtasidagi
farqni anglaydilar.
Nutq madaniyatini shakllantirish – Dars davomida
o‘quvchilarning fikrlarini ravon va mantiqiy bayon qilish
ko‘nikmalari rivojlanadi. Ular odob va axloqiy qadriyatlar haqida
o‘z fikrlarini aniq ifodalashga o‘rganadilar.

O‘zini tutish madaniyatini rivojlantirish – O‘quvchilar turli
vaziyatlarda qanday odobli va madaniyatli muomala qilishni
o‘rganadilar. Bu esa ularning kundalik hayotida odobli bo‘lishlariga
yordam beradi.
Ijodiy fikrlashni rivojlantirish – Dars davomida o‘quvchilar
odob va axloqiy qadriyatlar bilan bog‘liq hikoyalar tuzish,
maqollarni izohlash va hayotiy misollar keltirish orqali ijodiy
tafakkurlarini rivojlantiradilar.
Mustaqil fikrlash va to‘g‘ri xulosa chiqarish – O‘quvchilar
odobli bo‘lishning hayotdagi o‘rnini tushunib, mustaqil qaror qabul
qilishga o‘rganadilar. Ular axloqiy qadriyatlarni hayotda qo‘llash
bo‘yicha o‘zlarining shaxsiy xulosalarini shakllantiradilar.
Jamoa bilan ishlash ko‘nikmalarini rivojlantirish – Guruhli
muhokamalar va bahs-munozaralar orqali o‘quvchilar jamoadagi
muloqot madaniyatini shakllantiradilar, boshqalarning fikrlarini
hurmat qilishni o‘rganadilar.
Hayotiy tajribani oshirish – Dars davomida o‘quvchilar odob va
axloqiy qadriyatlar asosida turli vaziyatlarni muhokama qilib,
kelajakda odob bilan bog‘liq muammolarni hal qilish bo‘yicha
tajriba orttiradilar.
Axloqiy qadriyatlarni chuqur anglash – O‘quvchilar odob,
hurmat, kamtarlik, insoniylik kabi tushunchalarni o‘zlashtirib,
ularning kundalik hayotdagi ahamiyatini chuqur anglab yetadilar.

O‘quv jarayonini amalga oshirish texnologiyasi:
Metod: Suhbat, savol-javob, mustaqil ish, ko‘rgazmalilik,
“Aqliy hujum”
Shakl: Noan’anaviy, kichik guruhlarda ishlash.
Jihoz : Darslik, rasmlar, boshqotirma, audio, didaktik o‘yinlar.
Darsning borishi:
I- bosqich . Tashkiliy qism
O‘qituvchi: O‘quvchilar bilan salomlashiladi.
Salom aziz bolalarim,
Gulu rayhon bolalarim.
Qani tinglang so‘zlarim,
Jajji o‘g‘il-qizlarim.
Ona yurt egasisiz,
Istiqlol ertasiz
Bo‘ling aqlu rasolar,
Ham bilimdon donolar.
O‘quvchilar:
Darsimiz:
O ‘qish fani jonu dilim,
Senla olay chuqur bilim.
O‘qituvchi:
Qani, ayting bolalar,

Kim navbatchi bo‘ladi?
Ushbu kunning hisobin,
Menga aytib beradi.
Ob-havo haqida ma‘lumot va butun dunyoda ro‘y berayotgan
yangiliklar haqida ma’lumot.
O‘quvchilar:
- Bugun hafta kunining naq jumasi bo‘libdi,
Barcha yaxshi yumushlar, ezgu niyat orzular,
Ushbu kunning o‘zida ijobat ham bo‘libdi.
Dars shiori:
Yaxshi xulq – eng go‘zal husn,
O‘quvchilar:
Xush kelibsiz, aziz ustoz, sizga tahsin-u ta`zim, qalblar sizga
poyandoz.
O‘qituvchi:
Hamma sog‘mi, omonmi?
Darsga barcha tayyormi?
O‘quvchilar:
Rahmat ustoz omonmiz.
Bizlar darsga tayyormiz.
Darsning turi: Yangi bilim beruvchi
Dars uslubi: Noan’anaviy
Darsning jihozi: Darslik, tarqatma materiallar, itreaktiv doska,
har xil shakllar, rag‘bat kartochkasi.

Ma’naviyat daqiqasi.
O‘qituvchi: Bolajonlar bugun biz ma’naviyat daqiqasida
daraxtlar haqida qiziqarli faktlar bilan tanishamiz.
O‘quvchilar bir kun oldin yangi mavzu bo‘yicha tayyorlanib
kelishadi.
Hikoya:
"Odobning Qadrini Bil"
Doniyor juda aqlli va tirishqoq
bola edi. Lekin u do‘stlari bilan
gaplashganda ba’zan odobsiz
so‘zlar ishlatar, kattalarni hurmat
qilishga unchalik e’tibor bermasdi.
Kunlardan bir kun u maktabda katta
tanlovga tayyorlanayotgan edi.
Doniyorning ilmi kuchli bo‘lgani
uchun unga asosiy ishonch
bildirishdi.Tanlov kuni yetib keldi.
Ammo hakamlar faqat bilimga emas, balki ishtirokchilarning
odobiga ham baho berishlarini aytishdi. Doniyor javoblarni to‘g‘ri
aytsa ham, gapirish madaniyati va muomalasi yetarli emasligi
sababli g‘olib bo‘la olmadi. U uyga qaytib, onasiga bo‘lgan
voqeani aytib berdi. Onasi unga shunday dedi:
— O‘g‘lim, ilm odamni yuksaltiradi, lekin odob unga hurmat
keltiradi. Agar sen odobli bo‘lsang, biliming ham o‘zingga obro‘
olib keladi. Shundan keyin Doniyor odobning ahamiyatini tushunib
yetdi va har doim odob bilan muomala qilishni o‘ziga odat qildi.

II bosqich. O‘tilgan mavzuni takrorlash
O’tilganlarni mustahkamlash (takrorlash)
Berilgan matini O’qing

III. Yangi mavzu bayoni.
O‘qituvchi: Aziz bolajonlar , bugungi sizning sevimli o‘qish
darsingiz yanad a qiziqarli bo‘lishi uchun savol-javoblar hamda
bellashuvlar asosida bo‘ladi. Shu sababli sinf o‘quvchilarini
guruhlarga ajratamiz. Guruhlarimiz bilan tanishing. Guruh
sardorlari guruh a`zolari bilan tanishtiradi.
Guruhlarga bo‘linadi.
1- guruh: ”Bilimdon”
2- guruh: ”Donolar”
3- guruh : ”Zukkolar”
Hozir fikrimizni jamlash, bilimimizni charxlash uchun o‘tilgan
mavzu bo‘yicha savol-javoblar o‘tkazamiz . Sizga tayyorlanib kelgan
PIRLS topshiriqlari taqdim etiladi.
Hikoya: "Odobning Mukofoti"
Ahmad juda aqlli va tirishqoq bola edi, lekin ba’zan muomala
madaniyatiga e’tibor bermas, kattalarga hurmat ko‘rsatishni unutib
qo‘yardi. U maktabda eng yaxshi o‘quvchilardan biri bo‘lsa ham,
uning do‘stlari kam edi, chunki Ahmad ba’zan keskin gapirib
qo‘yar, o‘zining bilimdonligidan faxrlanib, boshqalarni kamsitardi.
Bir kuni maktabda “Eng odobli o‘quvchi” tanlovi e’lon qilindi.
G‘olibga qimmatbaho sovg‘a va faxriy yorliq berilardi. Ahmad ham
tanlovda qatnashishga qaror qildi. U o‘zining yaxshi baholari va
yutuqlari bilan g‘olib bo‘lishiga ishonar edi.Tanlov jarayoni
boshlangach, o‘qituvchilar va hakamlar nafaqat bilimga, balki

o‘quvchilarning muomalasiga, kattalarga hurmatiga va odobiga ham
e’tibor berishlarini aytishdi.
Ahmad birinchi bosqichdan osongina o‘tdi, lekin keyingi
bosqichda uning raqibi – kamtar, odobli, hammaga
do‘stona muomalada bo‘ladigan Jamshid bilan bahslashishiga
to‘g‘ri keldi. Oxirgi bosqichda hakamlar Ahmad va Jamshidni
sinovdan o‘tkazish uchun ularga bir topshiriq berishdi: “Siz
maktabdan uyga qaytayotganingizda ko‘chada bir keksani og‘ir yuk
bilan ko‘ryapsiz. Nima qilgan bo‘lardingiz?”Ahmad shoshilmay
javob berdi:
— Agar vaqtim bo‘lsa, unga yordam beraman. Agar ishim ko‘p
bo‘lsa, uzr so‘rab ketaveraman.
Jamshid esa hech ikkilanmay shunday dedi:
— Keksalar hurmatga loyiq. Har qanday holatda ham ularga
yordam berish lozim. Ularning duo qilgani o‘zimizga yaxshilik
keltiradi.
Hakamlar bu javoblarni eshitib, hayratda qoldi. G‘olib sifatida
Jamshid e’lon qilindi. Ahmad esa shu kuni bir narsani tushundi:
bilim odamni yuksaltiradi, lekin odob unga hurmat va e’tibor olib
keladi. Shundan so‘ng, Ahmad ham o‘z xulqini o‘zgartirib, odobli
bo‘lishga intildi.

Matn yuzasidan topshiriqlar
1 . Ahmad qanday fazilatlarga ega edi va uning kamchiliklari
nimada edi?
_____________________________________________
_______________________________________________________
_______________________________________________________
___________________________________________
2.Ahmad nima uchun do‘stlari kam edi?
_____________________________________________
_______________________________________________________
_______________________________________________________
___________________________________________
3.“Eng odobli o‘quvchi” tanlovining shartlari nimalardan iborat
edi?
______________________________________________
_______________________________________________________

_______________________________________________________
__________________________________________
4.Siz Ahmadning o‘rnida bo‘lsangiz, qanday javob bergan
bo‘lardingiz?
______________________________________________
_______________________________________________________
_______________________________________________________
__________________________________________

5.Sizningcha, odobning inson hayotidagi o‘rni qanday?
_____________________________________________
_______________________________________________________
______________________________________________________
IZZA
Muhabbat Hamidova
Shahlo - Komilaning dugonasi. Komilaning oyisi uni juda
sarishta, chaqqon, oyisining dastyori, deb maqtagani-maqtagan.

Komilaning ham dugonasiga havasi keladi. Doim birga o'ynaydi.
Komila, odatdagidek, darslarini tayyorlab bo'lgach, dugonasining
yoniga chiqdi. Shahlo hovliga suv sepayotgan ekan.
Komila, birpas kutib tur, hovlini supurib olay, keyin o'ynaymiz,
- dedi Shahlo qo'liga supurgisini olib.
Mayli, unda men ko'chaga suv sepib turaman, -dedi Komila va
bo'sh chelakchani qo'liga oldi.
Shahlo hovlini supurib bo'lgach, to'plangan axlatini xokandozga
soldi-da, olib borib ko'cha chetidagi suv to'lib oqayotgan ariqchaga
tashladi.
Nega bunday qilding? - Komila xafa bo'lib
so'radi. Axir, o'zing hozir shu ariqchadan suv olib hovliga sepib
changini bostirding, hovli salqin bo'ldi. Men gullaringni shu suvdan
sug'ordim. Suvdan yaxshilik ko'rib, endi unga yomonlik qilasanmi?
Qara, tip-tiniq suvning yuzini loyqalatding. Bu suv qo'shnining
hovlisidan ifloslanib oqadimi endi?
- Nega jahling chiqadi? Hozir tinib qoladi. Men xazonlarni ham
doim suvga supurib tashlayman. Hech narsa qilmaydi, buvim
aytgan: "Suv yetti marta dumalasa, toza bo'larkan", - deya beparvo
tirjaydi Shahlo.
- Mening buvim esa boshqacha o'rgatgan: suvga tupurish, axlat
tashlash gunoh. Suv ko'pchilikning rizqi. U ham nonday aziz. Suvsiz

hayot bo'lmaydi, nafaqat odamlar, balki jonivorlar, dov-daraxtlar
ham suv bilan tirik. Suvni xor qilgan xor bo'ladi, deyishadi.
1 Shaxlo odobli qizmi Komilami ?
___________________________________________________
2 Shaxloni buvisining aytgani nima edi?
3 Komilaning buvisi nima degan?
___________________________________________________
_________________________________________________

Shoir hayoti ijodi

Bir butun oy, o'n ikki yulduz
Jo'ra Rahim
Juda qadim zamonda
Chol-u kampir bor edi.
O g il va qiz ko'rmagan, ʻ ʻ
Dastyorga-chi, zor edi.
Ikkalasi ham ahil,
Aqlda edi dono.
Shuning uchun qo'shnilar,
Hurmatlardi doimo.
Kampir uyda o'tirar,
Qilib uyning yumushin.
Chol omoch-la yer haydab,
Tamomlar dala ishin.
Bug'doy o'rish ko'yida,
Chol qirga ketdi bir kun.
Kampir qoldi uyida,
Ovqat tayyorlash uchun.
Mana, ovqat ham tayyor, Kim olib borar qirga?
Kampir yalinib ko'rdi,
Qo'shni o'g'li Tohirga:
O'rgilay, o'g'lim,
shuni Eltib bergin bobongga.
"Bir butun oy, o'n ikki
Yulduz", degin bobongga.
Ha, xo'p, - deya Tohirjon
Jo'nabdi qir tomonga.
Yo'l yurish va charchoqlik
Oxir tegibdi jonga.
So'ng madori quribdi,
Qorni ocha boshlabdi.
Tugunni yerga qo'yib,
Asta yecha boshlabdi.
Tugunda so'lqillama
Bir qatlama bor ekan.

Idishda chuchvaralar
Terilgan qator ekan.
Chuchvara, qatlamadan
Keragicha yebdi u.
"Qolganini eltarman
Bobomlarga", — debdi u.
Yetib borib boboga
Topshirarkan tugunni,
Debdi: - Buvim-chi, menga
Tayinladilar shuni:
Bu tugunni bobongga
Eltib bergin, - dedilar.
"Bir butun oy, o'n ikki
Yulduz, degin", - dedilar.
Tohirni alqab-yulqab
Bobo ovqatni yebdi.
Idishni bera turib,
Tohirga shunday debdi:
Kech qolding, o'g'lim, yugur,
Adashib qolma qirda.
"Yarimta oy, oltita
Yulduz", - deb qo'y kampirga.
Ha, xo'p, - deya Tohirjon
O'qday uchib ketibdi.
Kechga qolmay kampirning
Huzuriga yetibdi.
Siz yuborgan ovqatni Bobom maqtab yedilar.
"Yarimta oy, oltita
Yulduz", - degin dedilar.
Tugunni yechibsan-a?
Deb so'rab qoldi kampir.
Yechganim yo'q, buvijon,
Tohir bermay turdi sir.
Shoshma,shoshma, yulduzim,
Quloq ber, menga qara.
Oltita yulduz o zi, ʻ
Olti dona chuchvara.
Yarim oy degani
Yarimta qatlamadir.
Gapimga quloq solib,
Gap qaytarmay tura tur.
Bir butun qatlamadan
Yarmini o'zing yebsan,
Nega hech tan olmaysan,
Sira yemadim deysan?
O'n ikki chuchvaradan
Olti dona qolsa ham,
Yeganim yo'q, deya san
Bo'yin bermaysan, erkam.
Yebsan, mayli, jon bolam,
Yeganlaring osh bo'lsin!
Ammo to'g'ri gapirgin,
Buviginang o'rgilsin.
V . Darsni yakunlash.

Guruhlarning jamlagan rag‘batlari va hosil qilgan
illyustratsiyalarini ko‘rsatib, taqdimot qiladilar .
Dars mavzusi yuzasidan xulosa qilinadi.
Guruhlarning darsdagi ishtiroklari rag‘batlantiriladi.
VI . Uyga vazifa : Hikoyani o‘qib, qayta so‘zlab berishga
tayyorlanish.
Xulosa:
"Bola shirin odobi, undan shirin" mavzusi 3-sinf o‘quvchilari
uchun juda muhim va o‘rgatishning yaxshi yo‘lini ochib beradi. Bu
maqol bolaning odob-axloqi, uning tarbiyasi va boshqa odamlarga
bo‘lgan munosabati haqida gapiradi. Bola odobi, uning ichki
dunyosining o‘ziga xos tomonlaridan biridir. Shuning uchun bola
qanday tarbiya olishi, uning keyingi hayoti uchun katta ahamiyatga
ega. Tarbiya faqatgina bilim berish emas, balki uning odob-axloqini
shakllantirishni ham o‘z ichiga oladi.
Piza Pirlis ochiq darsida bola tarbiyasining qanday amalga
oshirilishi va uning ahamiyati haqida gapiriladi. Bu dars orqali
o‘quvchilar nafaqat to‘g‘ri xulqni o‘rganadilar, balki jamiyatda
hurmatli va yaxshi inson bo‘lishni, o‘zaro yordam va mehr-oqibatni
ko‘rgan holda yashashni o‘rganadilar. Bola o‘z atrofidagi odamlar
bilan yaxshi munosabatda bo‘lishni, do‘stlariga mehribon va
samimiy bo‘lishni o‘rganadi.
Bola tarbiyasining boshida ota-onalar va o‘qituvchilarning roli
juda katta. Ular o‘z bolalariga qanday xulq-atvorni ko‘rsatishsa, bola
ham o‘zida shunday odobni rivojlantiradi. Har bir bola o‘z ota-onasi
va o‘qituvchilarining xulqiga qarab shakllanadi. Agar ota-ona va
o‘qituvchining odobi, sabri, mehribonligi va to‘g‘ri munosabati
bo‘lsa, bola ham o‘zida bu fazilatlarni o‘rganadi.
Bola tarbiyasida shuningdek, do‘stlar bilan o‘ynash, ular bilan
birga vaqt o‘tkazish ham muhim o‘ringa ega. Do‘stlar bilan
o‘ynashda bola bir-birini tushunishni, o‘z fikrini erkin ifodalashni va
birgalikda ish qilishni o‘rganadi. Bu jarayonlar uning jamiyatda

yaxshi munosabatda bo‘lishiga, boshqalarga hurmat ko‘rsatishga va
o‘zini boshqarishga yordam beradi.
"Bola shirin odobi, undan shirin" degan maqolni amalda
qo‘llash, bolaning o‘rganishi va tarbiyasi jarayonini yanada
yaxshilaydi. O‘qituvchilar va ota-onalar bola bilan doimo samimiy
va yaxshi munosabatda bo‘lishlari, uning ichki dunyosini
shakllantirishga yordam beradi. Bu o‘zaro hurmat va mehrni
kuchaytiradi. Bola o‘zidan shirin va yaxshi odobni ko‘rsatishga
o‘rganadi, bu esa uning kelajakdagi hayotida muvaffaqiyatga
erishishiga yordam beradi.
Shu bilan birga, bola tarbiyasi faqatgina oilada yoki maktabda
emas, balki uning atrofidagi jamiyatda ham amalga oshiriladi. Bola
ko‘rganini o‘rganadi, shuning uchun jamiyatda yaxshi odob
ko‘rsatish, boshqalarga yordam berish, o‘zini tarbiyalash muhimdir.
Jamiyatdagi har bir inson o‘zini to‘g‘ri tutish, boshqalar bilan
hurmatli bo‘lish orqali bola tarbiyasiga hissa qo‘shadi.
Ochiq darsda o‘qituvchi bola bilan to‘g‘ri munosabatda bo‘lish,
uning ruhiyatini tushunish va unga ko‘proq yordam berishning
ahamiyatini tushuntiradi. Shuningdek, bola va o‘qituvchi o‘rtasidagi
ishonchni rivojlantirish, ular o‘rtasidagi yaxshi muloqotni o‘rnatish
ham darsning asosiy maqsadlaridan biridir. Bola o‘qituvchisini
hurmat qilishi, uning maslahatlariga amal qilishi kerak, chunki bu
uning kelajakda to‘g‘ri yo‘lni tanlashiga yordam beradi.
Bola tarbiyasi, uning odob-axloqi, kelajagi uchun juda muhim.
“Bola shirin odobi, undan shirin” degan maqol nafaqat tarbiyaning
muhimligini, balki bolaning ichki dunyosini shakllantirishda ota-
onalar va o‘qituvchilarning mas'uliyatini ham ifodalaydi. Har bir
bola o‘ziga xos, shaxsiy xarakterga ega, shuning uchun uning
tarbiyasi bilan shug‘ullanishda yondashuvlar individual bo‘lishi
kerak.
O‘quvchilar uchun bunday darslar bola tarbiyasining qanchalik
muhimligini, yaxshi odobning hayotdagi o‘rni va uning jamiyatga
qo‘shadigan hissasini anglashga yordam beradi. Bola yaxshi tarbiya

olib, jamiyatga foydali, shirin odobli, hurmatli shaxs sifatida
yetishadi.
FOYDALANILGAN ADABIYOTLAR
. Rabbonayeva D. PIRLS tadqiqoti uchun topshiriqlar tayyorlash
va ular ustida ishlash texnologiyasi. .
3- sinf O’qish savodxonligi darsligi –
U.B.Aydarova ,N.K.Azizova
ELEKTRON TA’LIM RESURSLARI
1. http://www.edu.uz - O‘zbekiston Respublikasi Oliy va o‘rta
maxsus ta’lim vazirligi portali.
2. http://www.uzedu.uz - O‘zbekiston Respublikasi Xalq ta’limi
vazirligi portali.
3. http://www.multimedia.uz (http:// www.eduportal.uz) -
O‘zbekiston Respublikasi Xalq ta’limi vazirligi huzuridagi
Multimedia umumta’lim dasturlarini rivojlantirish markazi sayti.
4. http:// www.rtm.uz – Respublika ta’lim markazi sayti

Bola shirin – odobi undan shirin” mavzusi asosida PIRLS topshiriqlari tayyorlash dars ishlanma

Sotib olish