Broyler tovuqlarini parvarishlash va mahsuldorligini oshirishning fiziologik asoslari - Pedagogika - Slaydlar

Dokument ma'lumotlari

Narxi	3000UZS
Hajmi	13.0MB
Xaridlar	0
Yuklab olingan sana	07 Noyabr 2026
Kengaytma	ppt
Bo'lim	Slaydlar
Fan	Pedagogika

Broyler tovuqlarini parvarishlash va mahsuldorligini oshirishning fiziologik asoslari

Sotib olish

Reja

Kirish
1.Bob.Adabiyotlar sharhi;
2.Bob.Tadqiqot sharoiti,obyektlari va usullari;
3.Bob.Tadqiqot natijalari va uning tahlili;

Xulosalar;

Tavsiyalar;

Adabiyotlar ro’yhati.

Mavzuning dolzarbligi

Mavzuning dolzarbligi. Bugungi kunda mamlakatimizda aholini sifatli va tannarhi arzon bo`lgan go`sht mahsulotlari
bilan ta`minlash dolzarb masalalardan bo`lib turibdi. Qishloq xo`jaligi ahamiyatidagi hayvonlarning biologik
imkoniyatlarini saqlash, ularning mahsuldorligini oshirish, tabiiy chidamliligini ta`minlash eng avvalo ozuqa tarkibiga
kiruvchi protein, kletchatka, yog`, azotsiz ekstraktiv moddalar, vitaminlar, mineral moddalar hamda ularning biologik
qiymatiga bog`liqdir. Parrandachilik tarmoqlarining maqsadga muvofiq, samarali joylashtirilishi, rivojlantirilishi
respublikada mehnat taqsimotini ijobiy hal etilishiga bevosita ta’sir etadi. Hududlarning tabiiy, iqtisodiy sharoitlarini
hamda bozor talablarini e’tiborga olgan holda parrandachilik sohalarini joylashtirish va rivojlantirish zarur.


Tadqiqotning obyekti . Tadqiqot ishining obyekti
sifatida barcha ko’rsatkichlari bo’yicha bir xil
(analog)bo’lgan Ross 308 zotli broyler
tovuqlardan foydalanildi.

Tadqiqot predmeti bo’lib, ozuqalar tarkibidagi
to`yimli moddalar (protein, yog`, uglevodlar va
mineral moddalar) va tovuqlar qonining ayrim
morfologik va fizik-kimyoviy ko’rsatkichlari
kabilar xizmat qildi.

Tadqiqotning maqsadi
Ushbu magistrlik dissertatsiyasning asosiy
maqsadi mamlakatimizda parrandachilikda
qo`llaniladigan, mahalliy sharoitda mavjud bo`lgan
broyler tovuqlarini mahsuldorligini oshirish,
ozuqalarning biologik qiymatini, to`yimliligini
o`rganish ozuqa ratsionini lizin,metionin kabi
aminokislotalar kabi ozuqaviy qo’shimchalar bilan
boyitish orqali tovuqlar organizmidagi ayrim
fiziologik ko‘rsatkichlarini o‘rganishdan iborat.

Tadqiqotning vazifalari

Mavzuga taalluqli adabiyotlarni o‘rganish va tahlil qilish;

Parrandachilik xo’jaliklarida boqilayotgan broyler (Ross-308)
tovuqlari ozuqa ratsionining asosini tashkil qiladigan kombikormga
lizin,metionin kabi aminokislotalar,premikslar qo’shib shakllantirish;

Shakllantirilgan ozuqa ratsionini broyler tovuqlaridan iborat nazorat
va tajriba guruhi tovuqlarini oziqlantirish hamda ozuqalarning
tovuqlar tomonidan iste’mol qilinishini aniqlash;

To`la qimmatli ratsion bilan oziqlantirilgan tovuqlar qonining ayrim
morfo-biokimyoviy ko’rsatkichlarini aniqlash;

Olingan ma’lumotlarni muhokama qilish va qayta ishlashdan iborat.

Tadqiqotning ilmiy yangiligi

. Magistrlik dissertatsiyasida broyler tovuqlarni
oziqlantirishda tannarhi arzon va to`la qimmatli bo`lgan
ozuqa ratsioni bilan oziqlantirilgan broyler tovuqlarining
mahsuldorlik ko`rsatkichlarini oshirish va buning
natijasida ozuqalar tarkibidagi to‘yimli moddalarning
hazmlanishi va ularning o‘zlashtirish ko‘rsatkichlari
yaxshilanishi aniqlandi. Ross 308 zotli broyler jo’jalari ikki
xil sharoitda parvarish qilindi.Tajriba uchun olingan
broylerlari ratsioniga lizin,metionin kabi aminokislotalar
kiritilganligi sababli ularning tirik vazni nazorat uchun
olingan broylerlarnikidan yuqori bo’lishi aniqlandi;

Ratsionga qo`shimcha ozuqalarning kiritilishi,jo’jalarning
o`sishi va rivojlanishiga salmoqli ta’sir etdi;

Tadqiqot natijalarining nazariy
va amaliy ahamiyati

Tadqiqotning nazariy ahamiyati shundan iboratki, erishilgan
natijalar va keltirilgan ma’lumotlar, chop etilgan tezis yoki
ilmiy maqolalardan biologiya va qishloq xo‘jaligi sohasidagi
ta’lim oluvchi bakalavr bosqichi talabalarini, magistrlarni
o‘qitishda, malakaviy amaliyotlarning va falsafa doktori
dissertatsiyalarining bajarilishida nazariy bilim sifatida
qo`shimcha material bo‘lib foydalanish mumkin.

Tadqiqotning amaliy ahamiyati shundan iboratki, erishilgan
natijalarning parrandachilikka ixtisoslashgan fermer
xo‘jaliklarida joriy qilinishi tovuqlarning fiziologik holatini
yaxshilashi va ularning mahsuldorlik ko‘rsatkichlarini
oshiradi va aholini sifatli, parhezbop go`sht mahsulotlari
bilan ta`minlash yo`lga qo`yiladi.

Ishning aprobatsiyasi

Magistrant olib borgan tadqiqot natijalarini
fakultet ilmiy texnik komissiyasi rejasiga
muvofiq tegishli muddatlarda taqdim etib
borildi. Tadqiqot mavzusi bo’yicha xorijiy
jurnalda (INTERNAUKA, ROSSIYA) 1 ta
ilmiy maqola, xalqaro konferensiyada
(Qozog`iston) 1 ta tezis chop etildi.

Tadqiqotda qo‘llanilgan
metodikaning tavsifi

Muddatlar bo‘yicha jo‘jalarni oziqlantirish me’yorlari, omuxta yem tarkibiga
kiritilgan ozuqalar to‘yimliligi va tarkibi A.P.Kalashnikovning (1985) ma’lumotlari
asosida aniqlandi. Jami jo‘jalarni boqish muddati 5 hafta (35 kun) davom etdi.
Nazorat va tajriba guruhdagi jo‘jalar bir xil zoogigienik sharoitlarida boqilib
kelindi. Hayvonlarning ma’lum vaqt oralig‘ida tirik vaznining oshishi (gr) mutlaq
o‘sish deb ataladi.

Ozuqa konversiyasi, ya’ni parrandachilikda mahsulotning ozuqa bilan
qoplanishini aniqlash uchun o‘rtacha bir bosh jo‘ja uchun sarflangan ozuqa va
oxurchalarda qoldiq omuxta yem miqdorini hisobga olib A.P.Kesarovning (1998)
usubiyoti asosida o‘rganildi.

Jo‘jalarning go‘sht mahsuldorligi o‘rganish uchun, har bir guruhga tipik bo‘lgan 5
boshdan broyler jo‘jalar ajratib olindi va 6 soat ochlik davridan so‘ng nazorat
so‘yimi I.M.Maqsudov va boshq. (1977) usuli bo‘yicha o‘tkazildi.

Tajribaning iqtisodiy samaradorligi har bir bosh jo‘jaga sarflangan omuxta yem
va boshqa (transport, ish kuchi, elektro va issiqlik energiyasi, ish kuchi, ozuqaviy
va vitaminli qo‘shimcha ozuqalar) xarajatlari hamda olingan mahsulotni xarid
narxi o‘rtasidagi farqni aniqlash yo‘li bilan amalga oshirildi, bunda Ismoilov A. va
boshq. (2005) usulidan foydalanildi.

O’rganilayotgan muommoga qo’yilgan
tajriba uslubiyati orqali quyidagi
ko’rsatgichlar aniqlab borildi:

broyler jo’jalarini oziqlantirish retsepti;

jo’jalarning o’sish sur’ati;

o’sish uchun sarflangan ozuqa;

jo‘jalarining go‘sht mahsuldorligi;

tajribaning iqtisodiy samaradorligi.

Tajriba jarayonidan lavhalar

Tajribani o’tkazish joyi


X U L O S A L A R
1. Ozuqaviy va vitaminli qo`shimchar tarkibida ma’lum bir miqdorda to‘yimli
moddalarni saqlaydi va u orqali tovuqlarning ozuqalarini boyitish ratsionning
to‘yimliligini, ya’ni biologik qiymatini oshirishga erishish mumkin.
2. Olingan ma`lumotlar tahlili shuni ko'rsatdiki, tovuqlar ratsionini ozuqaviy
va vitaminli qo`shimchalar bilan boyitib ularning mahsuldorligini oshirish,buning
natijasida aholini arzon,tannarxi past bo’lgan go’sht mahsulotlari bilan ta’minlash
mumkin.
3. Tajriba uchun olingan tovuqlarni ozuqaviy va vitaminli qo`shimchalar
bilan oziqlantirish natijasida tajriba guruhidagi tovuqlar vazni nazorat
guruhidagilarga qaraganda 12.4% ga,o’rtacha kunlik o’sish esa 12,7%
oshganligini ko’rishimiz mumkin.
4. Jami ozuqaga sarflangan xarajat tajriba guruhida nazorat guruhiga
qaraganda 4,3%ga yuqoriroq bo’ldi,lekin olingan daromad esa 18%ga ko’p
bo’lganligini ko’rishimiz mumkin.
5. Demak,xulosa qilib aytadigan bo’lsak,ozuqa ratsionini ozuqaviy va vitaminli
qo’shimchalar bilan boyitib,rentabellik darajasi nazorat va tajriba guruhlarda
tegishli ravishda 8,6 va 22,6 % bo’ldi.


ISHLAB CHIQARISHGA TAVSIYALAR
Parrandachilikda tovuqlarlar organizmi oqsil, uglevod va boshqa
to‘yimli moddalarga jiddiy taqchillik sezganida, hazm jarayonlarini,
moddalar almashinuvini mutadillashtirish bilan bir qatorda
organizmning to‘yimli moddalarga bo‘lgan ehtiyojini qoplash,
broylerlarni kunlik o‘sishini yaxshilash hisobiga go‘sht, tuxum, par
kabi mahsulotlar bo‘yicha mahsuldorligini oshirish hamda
parrandachilik tarmog‘ining mos ravishdagi rentabellik darajasini
oshirish uchun, parrandachilik bilan shug‘ullanuvchi fermer
ho‘jaliklariga, kombikormli ozuqalardan iborat ozuqa ratsionlaridan
ozuqa sifatida foydalanganlarida, ularning tarkibidagi oson
hazmlanuvchi proteinlarining optimal nisbatlarini ta’minlagan holda
tovuqlarni vitaminli ozuqa qo`shimchalari bilan boyitilgan kombikormli
ozuqalar bilan oziqlantirishni tashkil etishni tavsiya qilamiz.

Broyler tovuqlarini parvarishlash va mahsuldorligini oshirishning fiziologik asoslari

Sotib olish