Huquqni muhofaza qiluvchi davlat organlari 8-sinf - Юриспруденция - Презентации

Информация о документе

Цена	4000UZS
Размер	2.2MB
Покупки	0
Дата загрузки	11 Январь 2020
Расширение	pptx
Раздел	Презентации
Предмет	Юриспруденция

Huquqni muhofaza qiluvchi davlat organlari 8-sinf

Купить

Huquqni muhofaza qiluvchi davlat organlari Автор: 8-sinf O’zbekiston davlati va huquqi asoslari fani 24- mavzu

Huquqni muhofaza qiluvchi davlat organi — bu qonun yo‘li bilan tashkil etiluvchi, o‘z tuzilishiga, ijtimoiy hayotda qonuniylik va huquqiy tartibotni ta’minlash bo‘yicha aniq belgilangan vakolatga ega bo‘lgan davlat organidir.

Qonunga binoan, O‘zbekiston Respublikasida huquqni muhofaza qiluvchi davlat organlari tizimini, asosan, quyidagilar tashkil qiladi: ♦ Prokratura va prokuratura organlari; ♦ Adliya vazirligi va adliya organlari; ♦ Ichki ishlar vazirligi va ichki ishlar organlari; ♦ Davlat xavfsizlik xizmati; ♦ Davlat soliq qo‘mitasi va soliq organlari; ♦ Davlat bojxona qo‘mitasi va bojxona organlari.

Prokuratura huquqni muhofaza qilish idoralari tizimida alohida o‘rinni egallaydi.

Prokuratura organlari va ularning xodimlari hisoblangan prokurorlarning vazifalari quyidagilardan iborat: – fuqarolarning huquqlari va manfaatlarini, Konstitutsiyaviy tizimni himoya qilish; - jamiyatda qonun ustuvorligini ta’minlash; - huquqbuzarliklarning oldini olish, aniqlash va qarshi kurashish; - xususiy mulk va tadbirkorlikni qo‘llab- quvvatlash;

“ Prokuror” fransuzcha so‘z bo‘lib, “qoralovchi” degan ma’noni anglatadi. Lekin lotinchada bu so‘z “g‘amxo‘rlik qilish” ma’nosini anglatadi.

Prokuraturaning bosh vazifasi - qonun ustuvorligini qaror toptirish, fuqarolarning huquq va erkinliklarini, davlat tuzumini, davlat va fuqarolarning mulklarini turli jinoyatchilar, huquqbuzarlardan himoya qilish.

Prokuror nazorati davlat nomidan, davlatning oliy organi bo‘lmish O‘zbekiston Respublikasi Oliy Majlisi nomidan amalga oshiriladi.

O‘z yo‘nalishlari bo‘yicha ish olib borayotgan prokuratura tizimining bugungi kundagi tarkibiga O‘zbekiston Respublikasi Bosh prokuraturasi, Qoraqalpog‘iston Respublikasi Bosh prokuraturasi, Toshkent shahri prokuraturasi, viloyat prokuraturalari, shaharlar va tumanlar prokuraturalari, boshqa ixtisoslashtirilgan prokuraturalar kiradi.

Prokuratura organlarini tashkil etish, ularning faoliyat yuritish tartibi va vakolatlari O‘zbekiston Respublikasining Konstitutsiyasi, “Prokuratura to‘g‘risida”gi qonuni asosida belgilanadi.

O‘zbekiston Respublikasi Davlat soliq qo‘mitasi davlat boshqaruvi organi bo‘lib, soliq sohasidagi qonun xujjatlariga rioya qilinishini, davlatning iqtisodiy manfaatlari va mulkiy huquqlari himoyasini ta’minlash bo‘yicha nazoratni yo‘lga qo‘yish uning asosiy faoliyat maqsadlaridandir.

Davlat soliq qo‘mitasining asosiy vazifalari quyidagilardir: - soliq solinadigan bazani kengaytirish, soliqlarning yig‘iluvchanligini oshirish, soliq sohasidagi huquqbuzarliklarga qarshi kurashish bo‘yicha chora- tadbirlarni amalga oshirish.-Soliq sohasida davlat siyosatini amalga oshirish; - soliqlarning to‘g‘ri va o‘z vaqtida hisoblanishi, to‘lanishi va davlat budjeti hamda davlat maqsadli jamg‘armalariga tushishini ta’minlash; - soliq solish obyektlari va subyektlarining to‘liq va aniq hisobini yuritish;

Bojxona organlari o‘z faoliyatini O‘zbekiston Respublikasining Konstitutsiyasi, “Davlat bojxona xizmati to‘g‘risida” gi qonuniga, boshqa qonun hujjatlariga va xalqaro shartnomalarga amal qilgan holda yuritadilar.

Bojxona organlarining asosiy vazifalari dan bojxona haqidagi qonun hujjatlariga rioya etilishini nazorat qilish, bojxona to‘lovlarini undirish, bojxona sohasidagi huquqbuzarliklarning oldini olish, aniqlash va ularga chek qo‘yish kabilarni ajratib ko‘rsatish mumkin.

Savol va topshiriqlar 1. Qanday organlarni biz huquqni muhofaza qiluvchi organlar deb ataymiz? 2. Huquqni muhofaza qiluvchi organlar tizimiga qaysi organlar kiradi? 3. Prokuraturaning bu tizimda qanday o‘rni bor? 4. Davlat tomonidan Prokuraturaga qanday vazifalar yuklatilgan? 5. Ichki ishlar organlari qanday vazifalarni bajaradi? 6. Ichki ishlar organlari qanday vakolatlarga ega? 7. Davlat xavfsizlik xizmati qanday organ? 8. Davlat xavfsizlik xizmati qanday vazifalarni bajaradi? 9. Davlat xavfsizlik xizmati tizimidagi islohotlar haqida nimalarni bilasiz? 10. Davlat soliq tizimidagi islohotlar to‘g‘risida nimalarni bilasiz? 11. Davlat bojxona organlari to‘g‘risida bilganlaringizni ayting.

Купить