Информация о документе

Цена 2000UZS
Размер 30.4KB
Покупки 0
Дата загрузки 07 Ноябрь 2026
Расширение docx
Раздел Рефераты
Предмет Философия

Продавец

Bohodir Jalolov

Informatsion texnologiyalar –texnika falsafasining tadqiqot ob’ekti

Купить
INFORMATSION TEXNOLOGIYALAR –TEXNIKA FALSAFASINING TADQIQOT OB’EKTI Reja: 1.Axborotlashgan jamiyat tushunchasi va uning mazmun-mohiyati. 2.Axborot tushunchasi,uning tur va shakllari. 3.Axborot-kommunikatsiya texnologiyalari va ularning rivojlanish tendensiyalari.. 1-§. Axborotlashgan jamiyat tushunchasi va uning mazmun-mohiyati. XX asrning oxiri va XX1 asrning boshlarida dunyo xalqlarining ijtimoiy, iqtisodiy, siyosiy hayotda, shuningdek,tabiatda yuz berayotgan global o‘zgarishlar bugungi jamiyatni “Axborotlashgan jamiyat” 1 deb atashga asos bo‘lmokda. «Axborolashgan jamiyat» atamasi dastlab Yaponiyada vujudga kelgan. Yapon faylasuf olimi Yu.Xayashi 1969 yilda Yaponiya hukumatiga “Yaponiya axborotlashgan jamyat bardamligi siyosatiga chizgilar”, 1971 yili “ Axborotlashgan jamiyat rejasi” kabi tadqiqotlarni taqdim etdi. 1971 yildan boshlab mazkur tushuncha ilmiy jamoatchilik tomonidan keng qo‘llanila boshladi. Demak, axborotlashgan jamiyat tushunchasini birinchi bo‘lib fanga Tokio texnologik universititning prof. Yu.Xayashi kiritgan. Uning fikricha, moddiy mahsulot emas, axborotlashuv mahsuloti jamiyatning shakllantiruvchi va rivojlantiruvchi kuchiga aylanadi. To‘g‘ri, axborotlashgan jamiyatning mohiyat-mazmuni haqida olimlar tomonidan turli xil qarashlar, g‘oyalar, nazariyalar ilgari surilgan. Shular ichida M.Kastelsning fikri diqqatga sazovordir. Uningcha, Axborolashgan jamiyat mohiyatini bir-biriga bog‘liq quyidagi jarayonlar belgilaydi: axborot va bilimlar ijtimoiy-iqtisodiy, texnologik va madaniy rivojlanishning haqiqiy o‘zak qudratiga, uning qimmatli manbaiga aylanadi; ishlab chiqarish omili bo‘lmish xom ashyo, mehnat, mablag‘ resurslariga tenglashtirilgan axborot va bilim bozorlari shakllana boshlaydi; axborot yetkazib berish va undan foydalanishni ta’minlovchi sohalar ahamiyati shiddatli tarzda osha boradi. Jamiyatni axborotlashtirish jarayoni bir-biri bilan bog‘liq bo‘lgan uch qismdan tarkib topadi: mediatizatsiya (lot.mediatus - vositachi) — axborot to‘plash, saqlash va tarqatish vositalarini takomillashtirish jarayoni; kompyuterlashtirish — axborot izlash va unga ishlov berish vositalarini takomillashtirish jarayoni; intellektualizatsiya — axborot yaratish va uni idrok etish qobiliyatini rivojlantirish, 1 Ахборотлашган жамиятни ижтимоий феномен тарзда тушунтириб бериш масалалари Д.Белл, А.Тоффлер, М. Кастельс, У.Ростоу, П.Дракер, Ж.Гелбрейт, Ф.Уэбстер,И.Масуда каби олимларнинг асарларида муфассал баён қилинган. ya’ni jamiyatning intellektual salohiyatini oshirish, shu jumladan sun’iy intellektdan foydalanish jarayoni. Umuman olganda, jamiyatni axborotlashtirishni zamonaviy axborot-texnika vositalari yordamida ijtimoiy tuzilma va jarayonlarni takomil- lashtirish deb talqin qilish lozim. Axborotlashtirish ijtimoiy intel- lektualizatsiya jarayonlari bilan uyg‘un holda bo‘lishi kerak. Zotan, bu shaxs va u yashayotgan axborot muhitining ijodiy salohiyatini oshirish imkonini beradi 2 . Axborotlashgan jamiyat oldingi jamiyatlardan moddiy omillar bilan emas, balki ma’naviy omillar – bilim va axborot birinchi o‘rinda turishi bilan tubdan farq qiladi. Axborot va bilim olish, ularga ishlov berish hamda ularni saqlash va yetkazish jarayonida jamiyat a’zolarining aksariyati band bo‘ladi. Axborotlashgan jamiyatda axborot tayyorlash moddiy ishlab chiqarishni siqib chiqarmaydi, balki uning negizida shakllanib, bu soha rivojiga turtki bo‘ladi 3 . 2006 yilning BMT Bosh Assambleyasi Butun jahon axborot jamiyati yili deb e’lon qilinishi ham hozirgi kunda jamiyat axborotlashuvining ahamiyati ortib borayotganligadan dalolat beradi. Hozirgi davrda dunyodagi barcha dav- latlarning axborotlashgan jamiyat tomon intilishi kuzatilmoqda. Axborotlashgan jamiyatda nafaqat turmush tarzi, ma’naviy qadriyatlar tizimi o‘zgaradi, modsiy boyliklarga faqat jamg‘arma sifatida qarashlar o‘rniga madaniy hordiq chiqarish, intellektual boylik ortirish vositasi sifatida yondashuvning ahamiyati ortadi. Rossiyalik faylasuf olim A.A.Chernov global informatsion jamiyat tushunchasini axborot texnologiyalarini o‘sib borishi va jamiyat hayotiga kirib borishidir deb izohlaydi: “globallashuv ko‘p hollarda axborot va axborot texnologiyalarining yangi sifat ko‘rsatkichlariga ega bo‘lishidir, “elektron hokimyat”ning takomillashuvi, paydo bo‘lishi, “kibersiyosat”ning kengayib borishi, “kiberdemokratiya”ning kuchayishi, “siyosiy kommunikatsiyalarni kompyuterlashtirishining rivojlanishi globallashuvni yuzaga keltirmoqda” 4 . 2 Қаранг: Кастельс М. Информационная эпоха:Экономика,общества,культура. – М.: Изд-во «ВШЭ»,2000.–С.502-503. 3 Қаранг: Фалсафа:энциклопедик луғат. – Т.:“Ўзбекистон миллий энциклопедияси” Давлат илмий нашриёти, 2010. –Б.33-34. 4 Қаранг: Чернов А. А. Становление глобального инфор мационногообшества. Проблемы и перспективы -М.: Дашнков и.К: 2003. – С.5-6. Yuqoridagi ta’rif va tasnifda axborotlashgan jamiyatning texnik va texnologik jihatlariga asosiy urg‘u berilgan, globallashuv faqat axborotlashuv bilangina bog‘liq degan xulosa ilgari surilgan. Bu jarayon global o‘zgarishlarga xos bo‘lib, axborot madaniyati o‘sishining rivojlangan bosqichini anglatib, uning jamiyat hayotida tobora salmoqli o‘rin egallayotganligini bildiradi. Insoniyat globallashuv va axborotlashtirish deb atalgan yangicha aloqa va hamkorlik tizimlari yo‘lga ko‘yilgan va tobora jadal sur’atlarda kengayib borayotgan taraqqiyot bosqichiga chiqdi. Natijada “globallashuv” va “axborotlashuv” tushunchalari faqat iqtisodiy hayotni emas, balki ijtimoiy-siyosiy, ma’naviy-ma’rifiy, madaniy va boshqa deyarli barcha sohalardagi umuminsoniy jarayonlarni qamrab oluvchi tushunchaga aylandi. Globallashuv insoniyat tarixi va taraqqiyotidagi ob’ektiv zaruriyat bo‘lib, uni chetlab o‘tish mumkin emas, u xalqlarning, davlatlarning, milliy madani- yat va iqtisodiyotlarining yakinlashuvini tezlashtiradi,ularning rivojlanishi uchun yangi imkoniyatlar yaratadi, shuning uchun ham fuqarolik jamiyati davrida axborot komunikatsiyalar tizimidagi globallashuv tobora ilgarilab borayotgan ijtimoiy voqelikdir. Globallashuv tufayli odamlar bir lahzada o‘zini qiziqtiradigan axborotni darhol olish, unga egalik qilish imkoniyatiga ega. Ushbu jarayon mazmuni to‘g‘risida I.A.Karimov: “Bugungi kunda zamonaviy axborot maydonidagi harakatlar shu qadar tig‘iz, shu qadar tezkorki, endi ilgaridek, ha, bu voqea bizdan juda olisda yuz beribdi, uning bizga aloqasi yo‘q,deb beparvo qarab bo‘lmaydi. Ana shunday kayfiyatga berilgan xalq yoki millat taraqqiyotdan yuz yillar orqada qolib ketishi hech gap emas” 5 ,– degan edi. Shunday qilib, axborotlashgan jamiyat – bu tabiat va jamiyatda sodir bo‘layotgan narsa, hodisa, voqea, jarayonlar haqida axborotlarni yig‘ish, yaratish, saqlash, qayta ishlash,tizimlashtirish, uzatish va qabul qilish, iste’mol, ayirboshlash,taqsimlashga asoslangan moddiy va ma’naviy ishlab chiqarish jarayonlarini uyg‘un holda tezkor harakatga keltiruvchi intelektual munosabatlar zaminiga qurilayotgan kishilar jamiyatidir. 5 Каримов И.А. Юксак маънавият–енгилмас куч.– Т.: Маънавият,2008.– Б.112. 2-§.Axborot tushunchasi,uning tur va shakllari. Xo‘sh, axborot o‘zi nima? Bu savolga olimlar quyidagicha javob berishganlar. Masalan, N.Viner:“Axborot - tashqi olamga ko‘nikish jarayonida undan olingan mazmunni ifodalashdir” 6 , (Bu yerda axborot tashqi olamni aks ettirish (gnoseologik jihat) va adaptatsiya (unga ko‘nikish) deb ifodalanadi), L.Popov: “Axborot kommunikatsiya va aloqa jarayonidagi noaniqlikning bartaraf qilinishi” 7 ,– deb hisoblaydi. (Bu ta’rifda asosan axborotning falsafiy-psixo- logik (kommunikatsiya, aloqa) tomoniga e’tibor qaratiladi.) R.Eshbi: “Axborot - strukturalarning me’yori, yangilik, originallik” 8 , S.Mol: “Axborot - tanlash ehtimolligi” 9 , L.G.Svitich: “Axborot tushunchasi ko‘p ma’noga ega, lekin umumiy falsafiy, metolingvistik ma’noda potensial, keng yoritilgan real mohiyatlarning majmui” 10 ,– degan ta’riflarni berishgan. Bular ichida axborotning eng sodda klassik ta’rifi bu - ma’lumot berishdir. Yuqoridagilardan ham ko‘rinib turibdiki, axborot mazmuni va tushunchasiga berilgan ta’riflar xilma-xilligi bilan ajarilib turadi. Umuman olganda bugungi kunda axborot tushunchasini kundalik hayotda qo‘llayotgan kishilar: – axborot - unga moslashish jarayonida tashqi dunyodan olingan mundarijani anglashdir; – axborot - jarayon davomida noma’lumlikni bartaraf etadigan komunikatsiyadir; – axborot — xilma-xilligini yetkazishdir; – axborot - orginallik, yangilikdir; –axborot - tizimning murakkabligi chorasidir; –axborot - tanlash ehtimolidir; 6 Винер Н. Кибернетика и обшество. -М.: Наука, 1991. -С.620. 7 Қаранг: Попов Л. Информациология и информационная политика. -М.:Луч, 1999. -С.27. 8 Қаранг: Эшби Р. Массовая информация: стратегия и тактика потребления.-М.: Дело, 1993. - С.469. 9 Қаранг : Моль С. Информационное воздействие в современном мире. -М.:Крымский мост, 2004. -С. 484. 10 Қаранг : Свитич Л .П. Социальная информациология. -М.: Алгоритм, 2000. -С.250 – axborot - xilma-xillikni aks etirishdir degan ma’nolarni anglatish uchun ishlatadilar. Ko‘rinib turibdiki, axborot tushunchasi bugungi kunda global ma’no kasb etmoqda. U inson tafakkuriga ta’sir o‘tkazuvchi, insoniyat hayoti va taqdirini u yoki bu tomonga burib yuboruvchi, goh salbiy, goh ijobiy mohiyat kasb etuvchi vositaga aylandi 11 . Xulosa tarzida shuni aytish mumkinki, axborot arabcha “xabar” so‘zidan olingan bo‘lib, “darak”, “ma’lumot”, “ovoza” degan ma’nolarni anglatadi 12 . Shu tariqa bugungi kunda axborot deganda biror kimsa, narsa yoki hodisa haqida darak, ma’lumot berish, bildirish, uni muayyan vositalar orqali yetkazish yoki ovoza qilish tushuniladi. Falsafiy jihatdan axborotlarni o‘zining aks ettirish ob’ektiga ko‘ra: birinchidan, tabiat (koinot, yer-suv, tuproq, o‘simlik, hayvonot va boshqalar); ikkinchidan, jamiyat (odamlar, jamoat birlashmalari, davlatlar, ularning tuzilishlari, iqtisodiy, siyosiy, ma’naviy-ma’rifiy faoliyatlari); uchinchidan , inson faoliyati (jismoiniy va aqliy salohiyati, salomatligi, ongi va tafakkuri, mentaliteti, moyilligi va boshqalar) haqida batafsil ma’lumotlarni yetkazib beruvchi guruhlarga ajratish mumkin. Bu bilan ularni tasniflash muammosi tugamaydi. Darvoqe, mavjud olamda yuz berayotgan hodisa, voqea, jarayonlar qanchalik tez va izchil kechsa, ular haqidagi informatsiyalar oqimi ham shunchalik ko‘p va xilma-xil bo‘ladi. Bugungi kundagi axborotlarni o‘zining sub’ektiga ko‘ra uchta katta guruhga ajratish mumkin. Bunda: birinchi guruhga axborotlarni o‘zida miqdoriy va sifatiy jihatdan aks ettirgan holda saqlovchi, qayta ishlovchi va uzatuvchi texnologiyalarga asoslangan vositalar – oddiy aloqa tarmoqlaridan tortib bugungi kundagi murakkab texnologiya asosiga qurilgan ixcham va qulay har xil turdagi katta va kichik qurilmalargacha bo‘lgan vositalarni o‘z ichiga oluvchi; ikkinchi guruhga ularning ijodkori bo‘lgan intelektual aql sohiblarini; 11 Қаранг: Муҳаммад Амин Яҳё. Интернетдаги таҳдидлардан ҳимоя. –Т.:«Моуагоиппаhг», 2016. -Б.206. 12 Ўзбек тилининг изоҳли луғати. 4.Ж. –Т.: “Ўзбекистон миллий энциклопедияси” Давлат илмий нашриёти, 2008. –Б.370. uchinchi guruhga ulardan foydalanuvchi shaxs, jamoa va boshqa turli xildagi birlashmalarni kiritish mumkin. Bulardan tashqari axborotlarni quyidagi tur va shakllarga ajratish mumkin: “idrok qilish usuliga ko‘ra quyidagi ko‘rinishlarga ajratiladi: – vizual - ko‘rish organlari orqali qabul kilinadigan axborotlar; – audial - eshitish organlari orqali qabul qilinadigan axborotlar; – hidlash orqali qabul qilinadigan axborotlar; – teri sezgisi orkali qabul qilinadigan axborotlar. Takdim etish ko‘rinishiga ko‘ra axborotlarning quyidagi shakllari mavjud: – matnli axborot - turli ramzlar orqali ifodalanadi; – sonli axborot - raqamlar va belgilar yordamida ifodalanadi; – grafik axborot - predmetlar, tasvirlar, grafiklar yordamida ifodalanadi; – tovushli axborot - og‘zaki yoki tovush uzatadigan yozuv shaklida ifodalaniladi. Axborot vazifasiga ko‘ra quyidagi turlarga ajratiladi: – ommaviy jamiyatning ko‘pchilik qismi uchun tushunarli bo‘lgan axborotlar; – maxsus tor ijtimoiy guruh doirasi uchun mo‘ljallangan axborotlar; – shaxsiy kaysidir shaxs to‘g‘risidagi ma’lumotlar majmuidan iborat axborotlar» 13 . Tabiat va jamiyat ichida va ular o‘rtasida qanchalik narsa,voqea,hodisa va jarayonlar ko‘p bo‘lsa,ularning in’ikosi va tashuvchisi bo‘lgan axborotlar ham shunchalik ko‘p va serqirra mazmunga ega bo‘ladi. Taraqqiyotning kelgusidagi ta’qdiri ana shu axborotlardan tez va samarali foydalanishga ko‘p jihatdan bog‘liqdir. 3-§. Axborot - kommunikatsiya texnologiyalari va ularning rivojlanish tendensiyalari. 13 Қаранг: Алиев Б.,Мелиқулов А.Ахборот хуружларидан хабардормисиз? Т.:«Маънавият», 2015. – Б. 7-8. E ndilikda, XXI asrga kelib insoniyat o‘zining yangi sifatiy bosqichiga o‘tishi hech kimda shubha uyg‘otmaydi,desak mubolag‘a qilmagan bo‘lamiz. Chunki ko‘z oldimizda texnika va texnologiyalarning yangidan yangi avlodlari yaratilib, bir tomondan, inson aql-sakovatining cheksiz ekanligini ko‘rsatsa,ikkinchi tomondan esa uni barcha kishilar o‘zlashtirib olishlari,o‘z maqsadlari yo‘lida foydalanish borasida bir qator qulayliklarni yaratib bermoqda. Ularning negizida axborot- kommunikatsiya texnoldogiyalari (AKT) sohasida yuz berayotgan inqillobiy o‘zgarishlar turadi. Shunday ekan axborot - kommunikatsiya texnologiyalari deb nimalarga aytiladi? Bunda axborot 14 – ma’lumotlarni yig‘ish,saqlash va uzatish bo‘lsa, kommunikatsiya 15 – transport, aloqa yo‘llari, inshootlardan iborat bo‘lgan aloqa vositalari turkumi, texnologiya 16 – xomashyo va meteriallarga tegishli ishlab chiqarish qurollari yordamida ishlov berish yoki qayta ishlash,ularning holati,xossalari va shaklini o‘zgartirishda qo‘llanadigan usullar(metodlar) majmui hisoblanadi. Ushbu atamalarning mazmun mohiyatidan kelib chiqqan holda axborot kommunikatsiya texnologiyalari tushunchasiga quyidagicha ta’rif va tavsif berish mumkin. Axborot - kommunikatsiya texnologiyalari deb axborotlarni olish,to‘plash,saqlash,qayta ishlash,o‘zgartirish va uzatish jarayonida qo‘llaniladigan vositalarning holati,xossa va shakllarini o‘zgartirish usullari orqali yangilarini yaratish va ulardan tezkor sur’atlar bilan foydalanish amaliyotiga aytiladi. Bular jumlasiga internet,televedenie,radio,matbuot va boshqalar kiradi. 14 “Ахборот” – арабча хабар сўзидан олинган бўлиб,иш,воқеа-ҳодисалар ҳақида тушунча берувчи хабар,маълумот деган маъноларни англатади.// Ўзбек тилининг изоҳли луғати.Ж.1.– Т.: “Ўзбекистон миллий энциклопедияси” Давлат илмий нашриёти, 2006. – Б.119. 15 “Коммуникация” – лотинча communication < communicare – «умумий қилмоқ, боғламоқ фикр алмашув, алоқа», деган маъноларни англатади.//Ўзбек тилининг изоҳли луғати.Ж.2.– Т.: “Ўзбекистон миллий энциклопедияси” Давлат илмий нашриёти, 2006. –Б.395. 16 “ Технология” – юнонча techne – маҳорат,санъат + logos – таълимот,яъни «бирон бир нарсани яратишда қўлланиладиган маҳорот ҳақидаги таълимот» ,деган маънони англатади//Ўзбек тилининг изоҳли луғати.Ж.4.–Т.: “Ўзбекистон миллий энциклопедияси” Давлат илмий нашриёти, 200. – Б.81. Axborot - kommunikatsiya texnologiyalarining rivojlanish tendansiya 17 lari quyidagilardan iborat. 1-tendensiya. Axborot-kommunikatsiya texnologiyalarining ichida yuz berayotgan o‘zgarishlar,natijasida ularning yangi avlodini yaratish borasidagi izlanishlar.Masalan,transport vositalaridan foydalanishda benzin, gaz, elektr energiyasidan foydalanish oxir-oqibatda kutilmagan holatlarni keltirib chiqarishi mumkin, shuning uchun ham hozirgi kunda bu masalani yechish ustida ish olib borilmoqda. 2-tendensiya. Axborot-kommunikatsiya texnologiyalaridan qanday maqsadlarda foydalanishlariga qarab jamiyatning ijtimoiy-iqtisodiy, siyosiy- huquqiy, ma’naviy-madaniy hayotida sodir bo‘ladigan o‘zgarishlarning falsafiy mantig‘i tashkil qiladi.Masalan, davlatlararo axborot-kommunikatsiya texnologiyalari yordamida “elektron huqumat” doirasidagi olib boriladigan shartnomalar va ularning bajarilishi bunga misol bo‘la oladi. AKT ni rivojlantirish va uning natijalaridan mamlakat hayotining barcha sohalarida unumli foydalanish uchun O‘zbekiston Respublikasi Prezidentining 2017 yil 30 iyun kuni «Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari to‘g‘risida» Farmoni e’lon qilindi. Bundan ko‘zlangan maqsad –mamlakatimizda AKT uchun xalqaro standartlarga muvofiq dasturiy mahsulotlar ishlab chiqarishni rivojlantirish,mahalliy ishlab chiqaruvchilar tomonidan sifatli va raqobatdosh dasturiy mahsulotlar ishlab chiqarishni kengaytirishni rag‘batlantirishni kuchaytirish,AKT mahsulotlapri eksportini kengaytirish,mahalliy va xorijiy investitsiyalarni jalb etishni rag‘batlantirishni tashkil etishdan iborat 18 . 3-tendensiya. Axborot-kommunikatsiya texnologiyalaridan mafkuraviy maqsadlarda foydalanish borasidagi xatti-harakatlar. Buning yoqqol ifodasini 17 “Тенденция” – немисчаTendens <лотинча tendere – йўналмоқ,интилмоқ сўзларидан олинган бўлиб тараққиёт йўналиши;бирор нарсага қизиқиш,мойиллик,интилиш деган маъноларни англатади.//Ўзбек тилининг изоҳли луғати.Ж.4.–Т.: “Ўзбекистон миллий энциклопедияси” Давлат илмий нашриёти, 200. – Б.65. 18 Ўзбекистон Республикаси Президентининг «Республикада ахборот технологиялари соҳасини ривожлантириш учун шарт-шароитларни тубдан яхшилаш чора-тадбирлари тўғрисида» Фармони. 2017 йил 30 июнь// «Халқ сўзи» газетаси,2017 йил 1 июль. axborot kommunikatsiya texnologiyalaridan tinchlik, hamkorlik, bunyodkorlik yo‘lida ish olib borayotgan ezgulik tarafdorlari ham, shuningdek,urush olib borish, gegemonlik qilish, sotqinlik, xunrezlik, vahshiylik kabi g‘ayriinsoniy hatti- harakatlar bilan shug‘ullanuvchi buzg‘unchi to‘dalar ham foydalanishga urunayotganligida ko‘rish mumkin. Bularning ichida internet alohida ajralib turadi Foydalanilgan adabiyotlar Asosiy adabiyotlar A1. J.Ya.Yaxshilikov , N.E.Muhammadiyev.Falsafa:Darslik.- Samarqand.2021. – 712. A2. Yaxshilikov J.Ya.,Muhammadiyev N.E. Texnika va inovatsion texnologiyalar falsafasi. darslik – Samarqand 2019. A3. Falsafa asoslari . (mas. muh: Q.Nazarov ). - Т : O‘zbekiston, 2005. - 384 б . A4. Dinshunoslik. O‘quv qollanma / - Toshkent: ТИҚХММИ , 2019. - 338 b. A5 Emirova Ye., Strelsova A. Vvedeniye v filosofiyu. – T.: Universitet, 2008. A6 Xaitov Sh. O ‘zbekiston falsafa tarixi. –T.: Noshir, 2011. – 560 bet. A7 Turayev B. Borliq (falsafiy tahlil). – Samarqand.: Imom Buxoriy xalqaro ilmiy tadqiqot markazi, 2021. – 130 bet. A8 Shermuxamedova N.A. Falsafa. O‘quv qollanma / - Toshkent. 2010. - 574 b. Tavsiya qilinadigan qo shimcha adabiyotlarʻ Q1. 1. Mirziyoyev Sh.M. Milliy taraqqiyot yo‘limizni qat’iyat bilan davom ettirib, yangi bosqichga ko‘taramiz.1-jild, Toshkent, O‘zbekiston, 2017 yil. Q2. Mirziyoyev Sh.M. Xalqimizning roziligi bizning faoliyatimizga berilgan eng oliy bahodir.2-jild, Toshkent, O‘zbekiston, 2018 yil.

Informatsion texnologiyalar –texnika falsafasining tadqiqot ob’ekti

Купить