Сейсмик қидирув усули ва қидириш ишларини ўтказиш услубияти - Геология - Презентации

Информация о документе

Цена	3000UZS
Размер	5.0MB
Покупки	0
Дата загрузки	07 Октябрь 2025
Расширение	pptx
Раздел	Презентации
Предмет	Геология

Сейсмик қидирув усули ва қидириш ишларини ўтказиш услубияти

Купить

Сейсмик қидирув усули ва қидириш ишларини ўтказиш услубияти

Сейсмик қидирув услуби геологик муҳитнинг тузилишини ўрганишда, нефт ва газ конларини ва бошқа қазилма бойликларни излашда ва разведка ишларида ҳамда турли муҳандислик- геологик масалаларни ечишда сейсморазведка кенг қўлланишни ўрганиш имкониятини беради.

Сейсморазведка усулларини қўллаш натижасида ўрганилган геологик чегаралар бошқа геофизик усуллари натижаларига кўра анча аниқ маълумот беради. Шунинг учун уларнинг аҳамияти жуда катта, айниқса нефт ва газ қопқонларини излашда ва разведка ишларида.

Сейсморазведкада иккита асосий усул мавжуд: қайтган тўлқин усули (ҚТУ- МОВ) ва синган тўлқин усули (СТУ- МПВ). Бошқа тўлқинларни ўрганиш усуллари амалиётда кам қўлланади. Турли вазифаларни ҳал қилиш бўйича сейсморазведка: чуқурлик, структурали, нефтгазли, маъданли ва муҳандислик турларига бўлинади.

Геологик вазифаларни оқилона ҳал қилишда ҳамма сейсморазведка та қиқот турларида қуйидаги тавсияларга эътибор бериш лозим: 1) ишни тадқиқ қилинаётган майдондаги профиллар тизими ёки алоҳида профилларда ўтказиш; 2) профиллар йўналишини мумкин қадар бурмалар йўналишига нисбатан перпендикуляр ҳолатда олиш;

3) тадқиқот олиб борилаётган жойлар сейсмик станцияларни қўлда ёки автоуловда олиб юришга қулай бўлиши лозим; 4) қайтарилувчи ёки синувчи чегаралар кузатилиши доимий бўлиши шарт; 5) тадқиқот майдонида сейсмик чегараларни геологик чегаралар билан боғловчи таянч-парма қудуқлар бўлиши зарур.

1. Минтақавий сейсморазведка ишлари майда масштабли ва рекогносцировкали бўлади. Кўпчилик сейсмозондлаш профилнинг оралиқларидаги қулай чегараларда олиб борилади. Минтақавий сейсмик кузатишлар натижасида сейсмик кесимлар тузилиб, кейинчалик мукаммал ўрганиш учун истиқболли майдонлар белгиланади.

2. Қидирув сейсморазведка ишлар, асосан, рекогносцировкали бўлиб, баъзан маршрутли ва майдон бўйича бўлиши мумкин. Улар айрим фойдали қазилма конларини қидиришда, бурмаларни текширишда хизмат қилади. Бундай ишлар бир-биридан 3-10 км оралиқда бўлган профилларда олиб борилади. Профиллар оралиғи, структуралар узунлигидан 2-3 марта кичик бўлиши мумкин.

3. Мукаммал майдонли сейсморазведка усули айрим бурмалардаги нефт ва газларни қазиб олишда аниқ тадқиқот ишлари олиб боришга мўлжалланган. Профиллар бурма йўналишига кўндаланг ва бўйлама бўлиши мумкин. Чўзиқроқ бурмаларда профиллар ораси бир неча марта бурма ўлчамидан кичик бўлади. Изометрик бурмалар квадратли профиллар тизими ёки майдон бўйича суратга олиш асосида ўрганилади.

Сейсморазведка ишлари натижасида бир ёки бир қанча сейсмик чегаралар бўйича структуралар хариталари ва сейсмик кесимлар тузилади.

Купить